Morgunblaðið - 19.08.1980, Side 43

MORGUNBLAÐIÐ, ÞRIÐJUDAGUR 19. ÁGÚST 1980
23
r
„Leikurinn gegn
Val sá erfiðasti"
ÁRNI bór Hallgrimsson. fyrir-
liði ÍA í 5. flokki er stór og
stæðilegur piltur eftir aldri, og
hann sýndi það í úrslitaleiknum
að þar fer efnilegur knattspyrnu-
maður. Mbl. náði tali af Árna
strax og úrslitaleiknum lauk og
innti hann eftir þvi hvort hann
hefði átt von á sigri.
— Já, alveg eins, við vorum
búnir að standa okkur vel fram að
leiknum og skora 14 mörk gegn 5.
En það verð ég að segja að
leikurinn gegn Val var sá erfiðasti
fyrir okkur. Við áttum meira í
fyrri hálfleiknum en þeir áttu
meira í síðari hálfleik og áttu þá
tækifæri til að skora en brást
bogalistin.
Árni sagðist hafa byrjað að æfa
knattspyrnu 5 ára gamall og
ætlaði að halda áfram af fullum
krafti. Uppáhaldsknattspyrnu-
maður hans er Pétur Pétursson.
Árni stundar badminton með
knattspyrnunni og þar hefur hann
hlotið mörg verðlaun en þetta var
fyrsti verðlaunapeningur hans
fyrir knattspyrnu. —þr
„Átti frekar von
á sigri í mótinu"
FYRIRLIÐI Vals í fjórða flokki
er Snævar Ilreinsson 13 ára
gamall. Mbl. spurði Snævar hvort
hann hefði átt von á sigri i
mótinu.
— Já, ég átti frekar von á
sigri í mótinu. við erum með
allgott lið og okkur hefur gengið
vel. Þrátt fyrir stóran sigur i
úrslitaleiknum þótti mér hann
erfiðastur, sagði Snævar.
Snævar er nú að verða ís-
landsmeistari í þriðja sinn með
yngri flokkum Vals. Einu sinni
varð hann meistari í 5. flokki og
tvivegis meistari með 4. flokki.
Snævar þakkaði góðum þjálfara,
Jóhanni Larsen svo og ströngum
æfingum þennan góða árangur
sem liðið hefur náð.
— þr
„Erum búnir að
æfa mjög vel“
FRAMARAR urðu íslandsmeist-
arar i 3. aldursflokki er þeir
sigruðu Valsara í mjög jöfnum
úrslitaleik, 1—0. 1 heildina var
leikurinn ekkert sérstaklega
skemmtilegur og var mjög mikið
um miðjuþóf, en þó brá fyrir
ágætum leikköflum hjá báðum
liðum.
í fyrri hálfleik höfðu Framarar
undirtökin og lá þá meira á
Völsurum. Heldur lítið fór fyrir
færum en Framarar áttu þó einn
mjög hættulegan skalla sem fór
rétt framhjá. í seinni hálfleik
komu Valsarar meira inn í mynd-
ina og höfðu þeir undirtökin
framan af hálfleiknum. Þeir fengu
nokkur gullin tækifæri til að gera
mörk en inn vildi boltinn ekki
þrátt fyrir að oft skylli hurð nærri
hælum við mark Fram. Mark
Fram kom svo 3 mínútum fyrir
leikslok og var þar að verki Steinn
Guðjónsson. Gefinn var bolti fyrir
frá hægri og þar kom Steinn
aðvífandi og skoraði af stuttu færi
og færði liði sínu þar með hinn
eftirsótta bikar. Ef á heildina er
litið gat leikurinn farið á hvorn
veginn sem var og höfðu Framar-
ar heppnina með sér að þessu
sinni.
Að leikslokum hitti blm. Þor-
stein Þorsteinsson að máli og var
hann að vonum mjög ánægður
með úrslitin. Hann sagði að leik-
urinn hefði verið mjög jafn og
hefðu sanngjörnustu úrslitin vafa-
laust verið jafntefli. Hann sagði
einnig að hann og félagar hans
væru búnir að æfa mjög vel og
stíft síðan í vetur undir stjórn
Jóhannesar Atlasonar og ætti
hann sinn þátt í því að bikarinn
væri nú í höfn. Hann sagði einnig
að þeir hefðu farið í keppnisferð
til Danmerkur í sumar og hefðu
þeir þar keppt í móti og farið þar
með sigur af hólmi. Að lókum
sagði hann að hann og félagar
sínir stefndu ótrauðir að því að
verða Islandsmeistarar í meist-
araflokki eftir nokkur ár.
SOR
Mikill heppnisstimpill
yfir mörkum Valsmanna
VALSMENN stigu stóru skrefi
nær sigri i 1. deildinni þegar þeir
sigruðu núverandi handhafa ís-
landshikarsins ÍBV í Eyjum á
laugardaginn. Eftir jafnan og
tvisýnan fyrri háifleik náðu
Valsmenn yfirtökunum í leiknum
á laugardaginn og sigruðu mjög
svo verðskuldað. 2—0. Þrátt
fyrir það var mikill heppnis-
stimpill á báðum þessum mörk-
um. annað sjálfsmark Eyjam-
anna og hið síðara eitt hrika-
legasta rangstöðumark sem lengi
hefur sést í Eyjum.
Þó Vikingar, Framarar og
Skagamenn neiti eflaust að taka
undir það þá held ég megi segja
með nokkurri vissu að á laugar-
daginn i Eyjum hafi farið fram
nokkurskonar óíormleg skipti á
íslandsbikarnum, Eyjamenn hafi
látið hann af hendi og Valsmenn
veitt honum viðtöku. Keppnin á
toppnum í 1. deildinni er enn
mikil og lítill stigamunur á
liðunum. en málið er einfaldlega
það að Valur er nú með lang
besta liðið i deildinni og ég get
ekki séð að þeir muni klúðra
mótinu úr þessu.
En aftur til leiksins á laugar-
daginn. Fyrri hálfleikurinn var
mjög jafn og tvísýnn allan tímann
en ef nokkuð var þá voru Eyja-
menn hættulegri upp við markið.
Strax á 3. mín. átti Sigurlás
firnafast skot úr aukaspyrnu sem
Sigurður Haraldsson gerði vel í að
verja. Á 12. mín. fengu svo Eyja-
menn sín tvö bestu færi í leiknum
og þau á sömu mínútunni. Eftir
vel framkvæmda hornspyrnu Óm-
ars fékk Jóhann Georgsson bolt-
ann í góðu færi en fast skot hans
small í þverslánni og þeyttist
þaðan út í teiginn beint fyrir
fæturna á Sveini Sveinssyni.
Nokkur snúningur var á boltanum
og skot Sveins fór rétt framhjá
stönginni. Valsmenn áttu ekki
mörg færi í hálfleiknum. Matthías
Hallgrímsson átti ágætan skalla
yfir úr fyrirgjöf Guðmundar Þor-
björnssonar og á 35. mín. fór
Matthías hrapallega að ráði sínu
er hann kingsaði fyrir miðju
marki í hinu ákjósaniegasta færi.
Það var því til alls að vinna fyrir
bæði liðin í seinni hálfleik, staðan
0-0.
Valsmenn komu mjög ákveðnir
til leiks í seinni hálfleik en að
sama skapi var nú mjög svo dregið
niður baráttuþrek Eyjamanná.
Albert Guðmundsson gaf for-
smekkinn af því sem koma skyldi
er hann strax á 48. mín. sendi
geysilegt þrumuskot að marki ÍBV
en Páll Pálmason var vel á verði
og varði meistaralega. Og svo kom
fyrsta mark leiksins á 54. mín.
Valsmenn fá þá hornspyrnu og
Dýri Guðmundsson á skalla að
marki ÍBV. Páll Pálmason missti
af boltanum yfir sig og á marklín-
unni ætlaði Sveinn Sveinsson að
skalla frá en heppnin var ekki með
Sveini að þessu sinni og boltinn
small upp í þaknetinu. Sjálfsmark
ÍBV var staðreynd.
íbv - n__________o
Valur
#
Dýri Guðmundsson, Val, var einn
besti maður vallarins í leiknum.
Eftir þetta áfall var sem allur
máttur væri úr Eyjamönnum og
það sem eftir lifði leiks einkennd-
ist leikur þeirra af tilviljana-
kenndum langspyrnum fram völl-
inn þar sem ætlast var til þess að
Sigurlás ynni úr þeim. Þetta var
vonlaust verk fyrir Lása, meira vit
hefði verið í því fyrir Eyjamenn að
leika upp kantana og gefa síðan
fyrir; meðan Eyjamenn léku sam-
an áttu þeir í fullu tré við
Valsmenn. Valsmenn gengu á lag-
ið þegar Eyjamenn gáfu eftir og
þeir urðu nú mjög ógnandi í
sókninni. Á 62. mín. áttu Vals-
menn að fá vítaspyrnu, Jón
Einarsson komst þá í gegn og
sendi boltann laglega framhjá
Páli sem kom út á móti Jóni, en
Snorri Rútsson kom aðvífandi á
fullri ferð og sópaði knettinum
aftur fyrir endamörk greinilega
með hendinni. Dómarinn sá ekk-
ert athugavert og þá ekki heldur
línuvörðurinn og var það ekki í
eina skiptið sem hann svaf á
verðinum í þessum leik.
Páll Pálmason varð tvívegis í
leiknum að taka á honum stóra
sínum er sóknarmenn Vals kom-
ust inn í gjörsamlega misheppnað-
ar sendingar bakvarðar ÍBV til
markmanns. Fyrst hirti Páll bolt-
an af tánum á Guðmundi Þor-
björnssyni og skömmu síðar
endurtók hann björgunarafrekið
þegar Jón Einarsson komst einn í
gegn. Já, Páll Pálmason stóð fyrir
sínu í þessum leik. Hann var þó
bjargarlaus á 84. mín. þegar Viðar
Eliasson bjargaði á línu en það
reyndist vera skammgóður vermir
þvi aðeins mín. síðar skoruðu
Valsmenn sitt annað mark. Mikil
þvaga myndaðist þá rétt utan við
vítateig ÍBV, tveir Valsmenn
reyndu skot í einu en boltinn
hrökk af þeim inn fyrir vörn ÍBV
og þar lónaði Matthías Ilall-
grimsson svo kolrangsta'ður sem
hugsast getur. Matti lék laglega
rétt til hliðar og renndi boltanum
í netið. Og viti menn, línuvörður
tók sprett að miðlínu og dómarinn
flautaði markið gilt. Hrikaleg
mistök.
Þó ekki væri glæsibragur yfir
mörkum Vals þá telja þau engu að
síður og ekki fór á milli mála að
Valur var betri aðilinn í þessum
leik og sigur þeirra verðskuldaður.
Oft brá fyrir góðum samleik og
barátta og leikgleði réði ríkjum í
herbúðum Vals. Valsmenn léku
yfirvegað og þá sérstaklega í
síðari hálfleiknum og verða að
teljast líklegir til sigurs í deild-
inni. Þeirra besti maður í leiknum
og jafnframt besti maður vallar-
ins var Dýri Guðmundsson sem
ríkti eins og kóngur í ríki sínu í
hjarta Valsvarnarinnar. Þá var
Guðmundur Þorbjörnsson mjög
góður og Sigurður Haraldsson var
mjög öruggur í markinu.
Eyjamenn voru engir eftirbátar
Valsmanna í fyrri hálfleiknum,
léku þá vel og baráttan var ágæt.
Eftir fyrra markið rann svo allur
móður af leikmönnum liðsins og
er það ekki í fyrsta skipti í sumar
sem þetta slen leggst yfir ÍBV
liðið. Eyjamenn eru nú komnir í
fallhættu og verða að taka sig
verulega á í næstu leikjum. Páll
Pálmason var langbesti maður
Eyjaliðsins og Snorri Rútsson
komst ágætlega frá hlutverki sínu.
í stuttu máli:
1. deild Vestmannaeyjavöllur 16.
ágúst 1980.
ÍBV - Valur 0—2 (0—0).
Mörk Vals: Sjálfsmark Sveins
Sveinssonar á 54. mín., Matthías
Hallgrímsson á 85. mín.
Áminningar: Sævar Jónsson gult
spjald.
Dómari: Vilhjálmur Þór Vil-
hjálmsson. Áhorfendur: 840.~ Dkj.
Elnkunnagjöfln
ÍBV
Páll Pálmason 7, Ómar Jóhannsson 6, Viðar Elíasson 6, Guðmundur
Erlingsson 6, Sighvatur Bjarnason 6, Snorri Rútsson 7, Jóhann
Georgsson 6, Óskar Valtýsson 6, Sigurlás Þorleifsson 6, Tómas Pálsson
6, Sveinn Sveinsson 6.
Valur:
Sigurður Haraldsson 7, Ottó Sveinsson 6, Grímur Sæmundssen 6,
Matthías Hallgrímsson 6, Dýri Guðmundsson 8, Sævar Jónsson 6, Magni
Pétursson 6, Magnús Bergs 6, Albert Guðmundsson 7, Guðmundur
Þorbjörnsson 7, Jón Einarsson 6, Hermann Gunnarsson (vm.) lék ekki
nógu lengi til þess að fá einkunn.
Dómari: Vilhjálmur Þór Vilhjálmsson 6.
Hart barist í 3.
UM HELGINA fóru fram á Akur-
eyri og í nágrenni úrslit í 3.
flokki i knattspyrnu og var leikið
I tveimur riðlum. í Á-riðli voru
Valur. Einherji, Leiknir og Þór
en i B-riðli voru Fram, Týr,
Þróttur og Stjarnan. Fyrsta dag-
inn iéku i A-riðli Valur og
Einherji og sigraði Valur, 5—0,
og hinn leikurinn var leikur Þórs
og Leiknis og þar sigruðu Þórs-
arar, 4 —1. í B-riðli léku Fram og
Týr og sigraði Fram, 4—2, þá
léku Þróttur og Stjarnan og
sigraði Þróttur, 2—1. Á föstu-
daginn léku í A-riðli Valur og
Þór og þar sigraði Valur, 3—0.
Þá léku Leiknir og Einherji og
sigraði Leiknir. 3—1. I B-riðli
léku Fram og Þróttur og sigraði
Fram, 2—0, hinn leikurinn í
riðlinum var leikur Stjörnunnar
og Týs. þar sigraði Stjarnan,
3—2. Á laugardeginum var svo
síðasta umferð í riðiinum. í
A-riðli léku Þór og Einherji og
þar sigraði Þór, 5—1, hinn leik-
urinn var leikur Vals og Leiknis
og lyktaði þeim leik með jafn-
tefli, 1 —1. í B-riðli léku Fram og
flokki
Stjarnan og sigraði Fram stórt,
8—0, þá léku Þróttur og Týr og
þar sigraði Týr, 4-0. A sunnu-
deginum var svo leikið um 1, — 7.
sæti. Um 7. sætið léku Þróttur og
Einherji og sigraði Þróttur, 4 —1.
Um 5. sætið léku Leiknir og Týr
og lyktaði þcim leik með jafn
tefli, 2—2. eftir framlengingu og
munu Iiðin leika að nýju síðar.
Um 3. sætið léku Þór og Stjarnan
og sigruðu Þórsarar í jöfnum
leik, 2—1. Um 1. sætið léku svo
Valur og F'ram og sigruðu Fram-
arar, 1—0. SOR