Morgunblaðið - 09.09.1980, Blaðsíða 46

26
MORGUNBLAÐIÐ, ÞRIÐJUDAGUR 9. SEPTEMBER 1980
• Schuster í landsliðspeysu Vestur-Þýzkalands gegn IIollendinKum,
þar sem Schuster sýndi snilldartakta.
Jafntefli á Selfossi
Lið Selfoss og Þróttar gerðu
jafntefli, 1—1, er liðin mættust í 2.
deild Islandsmótsins í knatt-
spyrnu á Selfossi á 'augardag.
Leikur liðanna var frekar tilþrifa-
lítill, og sárasjaldan brá fyrir
góðri knattspyrnu. Það var
Tryggvi Gunnarsson sem náði
forystunni fyrir Selfoss á 20.
mínútu leiksins er honum tókst að
skora eftir mikið þóf inni í
vítateig. í síðari hálfleik jafnaði
svo Sigurbergur Sigsteinsson met-
in er hann skoraði á 60. mínútu
með góðum skalla. Voru þetta
sanngjörn úrslit eftir gangi leiks-
ins. —KP.
Dýrmæt stig
Völsungar hrepptu sannarlega
dýrmæt stig er liðið sigraði Fylki
2—1 á Húsavík i 2. deild ís-
landsmótsins í knattspyrnu um
helgina. Þrátt fyrir sigurinn er
Völsungur ekki úr fallhættu.
Ómar Egilsson skoraði bæði
mörk Völsunga og það merkilega
er, að Ómar iék einmitt með
Fylki síðustu árin. Fylkir gæti
hugsanlega síast i fallsæti, en
liðinu hefur einmitt vantað i
til Völsunga
sumar mann eins og Ómar,
sterkan miðvörð til að binda
saman vörn liðsins.
Ómar skoraði fyrra markið úr
vítaspyrnu eftir að Olgeir Sigurðs-
son hafði gert usla í vörn Fylkis og
verið felldur í kjölfarið af því.
Seint í leiknum bætti Ómar við
öðru marki beint úr aukaspyrnu.
Undir lok leiksins tókst Hilmari
Sighvatssyni siðan að minnka
muninn fyrir Fylki.V
Austri kveður 2. deild
AUSTRI tapaði rétt einu sinni í
2. deildar keppninni, er efsta lið
deildarinnar, KA, kom í heim-
sókn og hafði á brott með sér
bæði stigin. Sigur KA var eftir
atvikum sanngjarn, en lokatölur
leiksins urðu 2—0. Staðan í
hálfleik var hins vegar jöfn,
0-0.
Mikil barátta var í leiknum
þrátt fyrir að úrslitin skiptu ekki
svo ýkja miklu máli, Austri svo
gott sem faliinn og KA þegar
meistari í 2. deild. Gunnar Blöndal
braut ísinn uppi við mörkin er
hann skoraði fyrir KA á 55.
mínútu. Átta mínútum síðar bætti
Gunnar Gíslason öðru marki við
og þar við sat.
Köln teflir fram gegn IA
einum besta knattspyrnu-
manni veraldar í dag!
SENN líður að því að Akranes
leiki fyrri leik sinn i 1. umferð
UEFA-keppninnar í knatt-
spyrnu. Mótherjarnir eru vestur-
þýska liðið 1. FC Köln. Kölnar-
arnir eru Skagamönnum ekki
framandi, fyrir tveimur árum
mættust liðin í Evrópukeppni
bikarhafa. Köln vann þá heima-
leik sinn 4 — 1, en Skaginn þótti
leika mun betur heldur en sú tala
gefur til kynna. Bættu Skaga-
menn tapið upp með því að gera
jafntefli 1 —1, við þýska stórliðið
á Laugardalsvellinum.
Er Köln leikur á Laugardals-
vellinum, gefst íslenskum knatt-
spyrnuáhugamönnum kostur á að
berja augum einn efnilegasta og
jafnframt snjallasta knattspyrnu-
mann í heiminum í dag. Það er
Bernd Schuster. Hann braust
fyrst fram í sviðsljósið í Evrópu-
keppninni á Italíu í sumar, lék
hann þar lykilhlutverk í þýska
liðinu og lagði m.a. upp öll mörk
Klaus Allofs í 3—2 sigrinum gegn
Hollandi. íslendingar hafa áður
séð til Schuster, hann lék með
vestur þýska landsliðinu gegn
íslandi á Laugardalsvellinum í
fyrra sumar. Þá var Schuster
efnilegur, nú þykir hann frábær.
Svo frábær, að knattspyrnugagn-
rýnendur um víða veröld keppast
við að hrósa honum í hástert,
segja Schuster vera sambland af
Franz Beckenbauer, Wolfgang
Overath og Karl Schnellinger.
Schuster þakkar enska lands-
liðsmanninum Tony Woodcock að
miklu leyti hversu vel hefur geng-
ið hjá honum að undanförnu, en
sem kunnugt er gekk Woodcock til
liðs við Köln nokkru fyrir lok
síðasta keppnistímabils. „Köln er
gerbreytt lið eftir að Woodcock
kom hingað, hann er svo duglegur
og ósérhlífinn leikmaður að hann
hlýtur að smita út frá sér. Þá hef
ég lært mikið af honum þó að
stöðurnar sem við leikum á vellin-
um séu gerólíkar," sagði Schuster
nýlega í viðtali við erlent knatt-
spyrnutímarit.
Annars þykir Schuster vera
yfirvegaður og vel gefinn ungur
maður, ekki einn af þeim sem
þætti líklegur til þess að láta
frægðina stíga sér til höfuðs.
Hann þakkar það unglingaþjálf-
ara nokkrum að nafni Ludwig
Paula. Paula þjálfaði Schuster
sem táning hjá Bavaríuliðinu
Hammerschmiede, en þar steig
Schuster fyrstu skrefin. „Paula
kenndi mér að reyna frekar að
finna eitthvað sem betur mætti
fara heldur en að halla sér aftur
eftir góðan leik og hugsa aðeins
um hve góður leikurinn var. Þetta
geri ég enn þann dag í dag, maður
verður aldrei of góður," segir
Schuster.
Frá Hammarschmiede lá leiðin
til Augsburg FC. Hann lék nokkra
leiki með úrvalsliði Schwabig í
Munchen og ætlaði síðan ekki að
trúa sínum eigin eyrum er hann
frétti að hann hefði verið valinn í
unglingalandslið Vestur-Þýska-
lands. Með því liði lék hann 10
leiki og landsliðsþjálfarinn Jupp
Derwall fylgdist með þeim öllum
og varð alltaf sannfærðari og
sannfærðari að hér væri upprenn-
andi stórstjarna á ferðinni.
Frá Augsburg lá leiðin til Köln-
ar. Ekki þó fyrr en eftir málaferli,
þar sem félag hans Augsburg seldi
hann til tveggja liða í einu og hitt
félagið, Borussia Mönchenglad-
bach var eðlilega ekki hrifið af
vinnubrögðunum og kærði allt
saman. Þetta átti sér allt stað um
sumarið 1978. Siðan hefur Schust-
er gengið í það heilaga, framleitt
erfingja og komið sér vel fyrir. Og
hann er, þrátt fyrir allt sem á
undan er gengið, aðeins 20 ára að
aldri ...
• Schuster sýnist ánægður með dráttinn í UEFA-keppninni, en þar dróst lið hans 1. FC Köln, gegn
Akranesi.
Námskeiö fyrir leiöbeinendur fatlaðra
íþróttasamband fatlaðra efnir
til A- og B-stigs leiðbeinendanám-
skeiðs i Reykjavik dagana 30.
sept. — 5 okt. nk. sbr. meðfylgj-
andi dagskrá.
Námskeiðið er einkum ætlað
iþróttakennurum en einnig öðr-
um, sem áhuga hafa á þvi að
kynnast iþróttastarfsemi fatl-
aðra og vilja siðan vinna að
eflingu þeirra og útbreiðslu.
Forstöðumaður námskeiðsins
verður Magnús H. Ólafsson,
íþróttakennari og sjúkraþjálfari,
sem auk hans kenna á námskeið-
inu hinir ýmsu einstaklingar sem
tilgreindir eru í meðfylgjandi
dagskrá.
Þess er vænst að þátttakendur
verði sem víðast að af landinu, því
alls staðar er meira og minna af
fötluðu fólki, sem vill og þarf á
íþróttum og útivist að halda, en
vantar leiðbeiningar og tilsögn
ásamt nauðsynlegri hvatningu.
Þátttökutilkynningar skal
senda bréflega eða simleiðis til
skrifstofu ÍSI í Laugardal fyrir 25.
þ.m. og skal þar greina nafn,
stöðu, heimilisfang og síma.
Námskeiðsgjald er ekkert en
þátttakendur verða sjálfir að
kosta uppihald svo og ferðir til og
frá Reykjavík þar sem um það er
að ræða.
Björgvin
brotnaði
Björgvin Björgvinsson, línu- Verður Björgvin í gifsi í a.m.k.
maðurinn knái hjá Fram, handar- þrjár vikur og frá keppni og
brotnaði í æfingarleik með Fram í undirbúningi þann tíma.
Vestmannaeyjum um helgina.
Bikarkeppni
í fjölþrautum
fer fram á Laugardalsvelli dag-
ana 20. og 21. september nk.
Keppni i tugþraut hefst kl. 14,
laugardaginn 20. sept. En i
fimmtarþraut kvenna kl. 14,
sunnudaginn 21. sept. Hverju
félagi er heimilt að senda þrjá
þátttakendur og verða tveir
reiknaðir til stiga í keppninni.
Þátttökutilkynningar skulu
berast til skrifstofu FRÍ íþrótta-
miðstöðinni Laugardal eða póst-
hólf 1099 í síðasta lagi 18. sept.
•mmmmmmmmmmm*
,<4