Morgunblaðið - 23.09.1980, Qupperneq 42
22
MORGUNBLAÐIÐ, ÞRIÐJUDAGUR 23. SEPTEMBER 1980
• Besti körfuboltamaður heims undir körfunni. Þegar Kareem
Abdul-Jahhar tekur sin til ok fer i fráköstin eiga aörir leikmenn litla
möguleika. Enda er maðurinn 2,26 metrar á hæð.
Hann ber höfuð
og herðar yfir
alla aðra leikmenn
Ilann er hæsti körfuholtamað-
ur heims og jafnframt sá hæst
launaði, þvi að hann er bestur.
Nafn hans er Kareem Abdul
Jabbar. Hann er 33 ára gamall og
hefur leikið undanfarin ár fyrir
körfuknattleikslið „I.os Angeles
Lakers“. Jabbar, sem er 2,26
metrar á hæð. hefur sex sinnum á
síðustu 10 árum verið kosinn
besti körfuboltaleikmaður NBA-
keppninnar i Bandaríkjunum.
En sú keppni þykir vera hvað
hörðust og þar leika allar helstu
körfuboltastjörnurnar. Jabbar
skorar að meðaltali 33 stig í
hverjum leik og hirðir fjöidann
allan af fráköstum.
Jabbar er sonur lögreglumanns
í New York og þar ólst hann upp í
fátækrahverfunum. Hann lærði
fljótt að slást á götunni, og varð
illilega var við fátæktina sem ríkti
í hverfi því sem hann bjó í.
Snemma fór hann að leika sér með
bolta og þótti strax hafa mikla
hæfileika með körfubolta. Sjálfur
segir hann að boltaleikurinn hafi
bjargað honum frá því að lenda í
slæmum félagsskap á götunni.
Þegar í barnaskóla sýndi hann
mikla hæfileika í körfubolta og
var uppgötvaður og allar götur
síðan þá hefur hann verið stjarna.
Þegar hann hafði lokið námi í
háskóla gerðist hann atvinnumað-
ur í körfuknattleik og gerði ein-
hvern hæsta samning sem sögur
fara af. I dag nema laun hans
aðeins fyrir að leika körfubolta
800 milljónum króna íslenskra. Þá
er ótalið allir þeir peningar sem í
kassann koma fyrir auglýsingar.
Atvinnuknattspyrnumenn í Evr-
ópu verða grænir í framan þegar
þeir heyra þessar tölur og jafn-
framt hvað góðum íþróttamönn-
um í Bandaríkjunum er borgað í
laun í atvinnumennsku í körfu-
knattleik og amerískum fótbolta.
I dag er öll fátækt langt að baki
hjá Jabbar, hann býr í mikilli villu
í fínu hverfi í Los Angeles sem
heitir „Bel Air“. Þar er útisund-
laug, körfuboltavöllur og sex
bílskúrar. Aðaláhugamál Jabbars
fyrir utan boltann eru bílar. Hann
hefur líka efni á því að eiga 10 bíla
sem allir eru sérstaklega smíðaðir
fyrir hann, og það eru stórir og
miklir drekar. Enda komast hinir
löngu fætur hans ekki fyrir í öðru.
Jabbar þykir góður sundmaður og
tennisleikari, og stundar hvort
tveggja af miklum krafti. Jabbar
hefur ekki gleymt æsku sinni í
fátækrahverfi New York og hefur
hann gefið gagnfræðaskóla þeim
er hann stundaði nám í ýmis
íþróttatæki og styrkt unga menn
til náms og íþróttaiðkana.
Lið Jabbars, Los Angeles Lak-
ers, varð meistari síðasta keppnis-
tímabil, og öllum til mikillar
ánægju ætlar Jabbar að halda
áfram að stunda körfuboltann,
þrátt fyrir að hann sé orðinn 33
ára gamall.
Þýtt og endursagt — ÞR.
Opið mót í
badminton
OPIÐ mót í badminton verð-
ur haldið í Vestmannaeyjum
á vegum badmintonfélags
Vestmannaeyja dagana
27.-28. september. Fyrri
daginn hefst keppni klukk-
an 13.00. Keppt verður i A-
og B-flokki og þarf að skila
þátttökutilkynningum til
TBV fyrir 22. september.
Aukatekjurnar
• Það er hart barist í vestur-þýsku knattspyrnunni, enda eru miklar tekjur í húfi fyrir leikmenn. Það er
algengt í 1. deildinni i Þýskalandi að leikmenn fái greitt allt að 90.000 krónur fyrir sigur i leik i deildinni
og oft á tíðum meira ef sigur vinnst hjá liðum sem eru í Evrópukeppni. Á þessu má sjá enn einn mun á
aðstöðu íslenskra og erlendra leikmanna i knattspyrnu.
i vestur-þýsku
knattspyrnunni
æði miklar...
Atvinnuknattspyrnumenn eru
margir hverjir góðu vanir, eink-
um þeir sem leika með liðum i
efri deildum þar sem knatt-
spyrna er í hávegum höfð, til
dæmis í Vestur-Þýskalandi.
Knattspyrnumenn þar í landi eru
vel launaðir, betur cn víða ann-
ars staðar, enda er knattspyrna
feikilega vinsæl þar i landi og því
tekjur af aðsókn miklar. Það eru
ekki einungis venjulegar mán-
aðagreiðslur sem knattspyrnu-
menn þiggja, heldur einnig
glaðningar, eða „bónusar“, fyrir
unnin afrek. Þannig fá leikmenn
sigurliða oft og iðulega f járhæðir
fyrir unna sigra, jafnvel fyrir
jafntefli. En auðvitað ekkert
fyrir að tapa.
Glaðningar þessir þykja afar
háir í Vestur-Þýskalandi og
knattspyrnumönnum til óbland-
innar ánægju hækka fjárupphæð-
ir þessar mun hraðar en verðbólg-
an. Merkilegt nokk, þá fara
knattspyrnufélögin ekki í felur
með upphæðirnar og er fróðlegt að
bera saman upphæðirnar sem
knattspyrnumenn fá í glaðning á
þessu keppnistímabili við þær
upphæðir sem þeir þáðu á síðasta
keppnistímabili. Ekkert félag vill
vera þekkt fyrir að lækka „bónus-
inn“, en nokkur félög hafa engu að
síður ákveðið að hækka ekki
fjárupphæðina. Enn önnur hafa
hækkað upphæðina mismunandi
mikið, sum mjög mikið, eins og
MSV Duisburg. Liðið barðist í
bökkum á síðasta keppnistímabili
og slapp naumlega frá falli. Þá
fengu leikmenn 40.000 krónur í
glaðning fyrir hvern sigur. Fyrir
hvern sigur á þessu keppnistíma-
bili, munu leikmenn liðsins hins
vegar þiggja um 90.000 krónur.
Leikmenn Bayer Uerdingen þiggja
hæsta glaðninginn, 120.000 krónur
fyrir hvern unninn sigur. Er það
sama upphæð og leikmenn liðsins
hrepptu á síðasta keppnistímabili.
Leikmenn sex félaga fá um
90.000 krónur fyrir hvern sigur.
Tvö þeirra félaga greiddu sömu
upphæð á síðasta vetri einnig,
1860 Múnchen og Borussia Dort-
mund. Hin félögin eru, auk Duis-
burg, Borussia Mönchengladbach,
Bayer Leverkusen og Bayern
Múnchen. Öll þrjú greiddu um
60.000 krónur fyrir hvern sigur á
síðasta keppnistímabili.
1. FC Köln, Hamburger SV og 1.
FC Núrnberg greiða leikmönnum
sínum 75.000 krónur fyrir hvern
sigur í vetur. Hamborgararnir
fengu sömu upphæð á síðasta
keppnistímabili, en hin félögin tvö
hafa hækkað glaðninginn veru-
lega. Kaiserslautern, Stuttgart,
Bochum og Schalke 04 greiða
leikmönnum sínum í vetur 60.000
krónur fyrir hvern sigur og er þar
um hundrað prósent hækkun að
ræða hjá Bochum, en hins vegar
staðið í stað hjá hinum tveimur.
Leikmenn efsta liðsins, Fortuna
Dússeldorf, fá 57.000 krónur fyrir
hvern sigur, sömu upphæð og í
fyrra, og leikmenn Karlsruhe SC
og Armenia Bielefeldt þiggja
48.000 krónur í glaðning fyrir
afrek sín á leikvellinum ...