Morgunblaðið - 23.09.1980, Blaðsíða 45
MORGUNBLAÐIÐ, ÞRIÐJUDAGUR 23. SEPTEMBER 1980
25
r
ð sigrinum komið
|ur komu á óvart
athygli þegar litið er á lokastöð-
una í mótinu, er hin góða marka-
tala Vals. Liðið skorar 43 mörk en
fær aðeins á sig 16 mörk í 18
leikjum. Lið Vals var með góða
markverði og sterka vörn í sumar,
bestu miðvallarleikmennina og
marksæknustu framherjana. Þá
náðu leikmenn vel saman í flest-
um leikjum sínum og sárasjaldan
var miðjan yfirspiluð, heldur
byggðust flestar sóknir liðsins upp
á öllum leikmönnum. Lið Vals
varð fyrir mikilli blóðtöku er það
missti Atla Eðvaldsson og Hörð
Hilmarsson, en greinilega kemur
maður í manns stað. Valsliðið
tapaði aðeins þremur leikjum í
mótinu og gerði tvö jafntefli.
Sigur vannst í 13 leikjum. Stiga-
hæstu leikmenn liðsins í
einkunnagjöf Mbl. urðu þessir:
Sigurður Haraldsson 6,8 í með-
aleinkunn í 10 leikjum, Magnús
Bergs 6,7 í 17 leikjum, Guðmundur
Þorbjörnsson 6,5 í 16 leikjum,
Dýri Guðmundsson 6,4 í 13 leikj-
um, Sævar Jónsson 6,2 í 16
leikjum, Matthías Hallgrímsson
6,1 í 17 leikjum og Grímur Sæ-
mundssen 6,0 í 10 leikjum.
Fram
Lið Fram varð í öðru sæti í
mótinu. Fram sigraði í bikar-
keppninni og má því vei við una
eftir sumarið. Liði Fram gekk
mjög vel framan af íslandsmótinu
og lék sjö fyrstu leiki sína í
mótinu án þess að tapa. En síðan
fékk liðið mjög slæma útreið í
þremur leikjum í röð, tapaði öllum
og fékk á sig 11 mörk, en skoraði
aðeins tvö. Liðinu tókst hins vegar
að komast upp úr öldudalnum og
stóð sig vel í næstu leikjum sínum.
Sterkasta hlið Fram var góð
vörn, og voru sumir gárungar
farnir að kalla Fram „Varnarlið-
ið“. Hinir sterku í vörn Fram voru
Trausti Haraldsson, sem varð
stigahæstur í einkunnagjöf Mbl.,
átti ávallt mjög jafna og góða leiki
og brást aldrei. Þá er Trausti mjög
marksækinn og var oft á tíðum
fremstur manna í sókninni. Mar-
teinn Geirsson, fyrirliði liðsins
átti gott sumar og stjórnaði liði
sínu eins og herforingi. Þá munaði
mikið um fyrir Fram að fá hinn
harðskeytta og leikreynda varn-
armann Jón Pétursson aftur í
liðið. Leikur Fram var einna
veikastur fyrir á miðjunni og
framlínumennirnir urðu oft að
treysta á einstaklingsframtak sitt
þar sem þeir voru oft lítt studdir.
Hættulegustu framlínumenn
Fram voru Pétur Ormslev, sem er
leikmaður framtíðarinnar, og
Guðmundur Steinsson, sem þó á
að geta gert betur.
Fram vann sex leiki í sumar
með markatölunni 1—0, og það
vildi brenna við hjá liðinu eftir að
það var búið að skora að draga
leikmenn sína um of aftur í
vörnina í stað þess að sækja
áfram. Stigahæstu leikmenn í
einkunnagjöf Mbl. voru:
Trausti Haraldsson 6,5 í meðal-
einkunn í 15 leikjum, Marteinn
Geirsson 6,8 í 18 leikjum, Guð-
mundur Baldursson 6,5 í 16 leikj-
um, Pétur Ormslev 6,3 í 14 leikjum
og Gústaf Björnsson 5,8 í 11
leikjum.
Breiðablik
Það lið sem kom einna mest á
óvart á sumrinu var lið UBK.
Liðið var skipað skemmtilegri
blöndu af ungum og efnilegum
leikmönnum og reyndum og bar-
áttuglöðum jöxlum. Leikir UBK
voru ávallt skemmtilegir á að
horfa þar sem liðið reyndi alltaf
að leika knattspyrnu og tókst það
nær alltaf. Léttur og hraður sam-
leikur einkenndi liðið, og fram-
herjar liðsins, Sigurður Grétars-
son, Ingólfur Ingólfsson og Helgi
Bentsson, komu stórvel frá sumr-
inu og vöktu mikla athygli, sér í
lagi Sigurður Grétarsson, sem er
einn efnilegasti knattspyrnumað-
ur okkar í dag.
Einar Þórhallsson var lykilmað-
ur varnarinnar, vel studdur af
Helga Helgasyni, Valdimar Valdi-
marssyni og góðum markverði,
Guðmundi Ásgeirssyni. Með sama
áframhaldi á lið UBK eftir að ná
langt. Það hefur til þess alla burði.
Stigahæstu leikmenn í einkunna-
gjöf Mbl. voru:
Sigurður Grétarsson 6,8 í 16
leikjum, Guðmundur Ásgeirsson
6,5 í 18 leikjum, Helgi Bentsson 6,5
í 14 leikjum, Einar Þórhallsson 6,4
í 18 leikjum og Vignir Baldursson
6,1 í 17 leikjum.
Keflavík
Það kom í hlut ÍBK að falla
niður í 2. deild. Víst er að liðið
hefur ekki langa viðdvöl þar. Liðið
hefur marga mjög góða knatt-
spyrnumenn í sínum röðum og átti
að fá mun meira út úr leik sínum á
sumrinu en raun varð á. Oft á
tíðum var eins og meiri baráttu-
vilja vantaði í lið þeirra. Sá
leikmaður, sem vakti mesta at-
hygli í liði þeirra, er hinn bráð-
snjalli Ragnar Margeirsson, sem
býr yfir mikilli og góðri knattmeð-
ferð og kemur varnarmönnum
allra liða ávallt í vandræði. Verð-
ur þess varla langt að bíða að
Ragnar fái gott tilboð um atvinnu-
mennsku. Keflvíkingum gekk afar
illa að skora í sumar og í 18
leikjum urðu mörk þeirra aðeins
16 sem er frekar lítið. Vörn liðsins
var þokkaleg og liðinu varð mikill
styrkur er Þorsteinn Bjarnason
bættist í hópinn í lok mótsins.
Stigahæstu menn ÍBK í einkunna-
gjöf Mbl.:
Þorsteinn Bjarnason 7,0 í sjö
leikjum, Ragnar Margeirsson 6,4 í
17 leikjum, Ólafur Júliusson 6,1 í
17 leikjum, Guðjón Guðmundsson
6,1 í 18 leikjum og Óskar Færseth
6,0 í 17 leikjum.
FII
Lið FH átti erfitt uppdráttar
lengst af í 1. deild í sumar og út úr
níu fyrstu leikjum sínum fékk
liðið aðeins fjögur stig. En mót-
lætið virtist herða leikmenn liðs-
ins og síðari hluta mótsins stóð
liðið sig með prýði og bjargaði sér
frá falli. Og var það mál manna að
það hefði verið ósanngjarnt ef lið
FH hefði fallið, jafn lipra knatt-
spyrnu og liðið gat leikið. FH
virtist hafa gott tak á liði ÍA og
sigraði það í báðum leikjum lið-
anna. Þá vann FH Islandsmeist-
ara Vals á heimavelli sínum, 2—1,
mjög óvænt. Liðinu var mikill
styrkur að fá Valþór og Ásgeir til
liðs við sig, en jafn óheppnir að
Heimir Bergs frá Selfossi skyldi
meiðast í upphafi mótsins og ekki
geta leikið með. Magnús Teitsson
kom vel frá leikjum sínum í
framlínunni og skoraði falleg
mörk. Viðar Halldórsson var
burðarás varnarinnar ásamt Val-
þór. Það var einna helst slæm
markvarsla sem olli slæmu tapi í
fyrstu leikjunum, en Friðrik
Jónsson, markvörður liðsins, sem
reyndar lék ekki fyrstu leikina,
sótti í sig veðrið og varði vel síðari
hluta mótsins. Lið FH sigraði í
fimm leikjum, gerði fimm jafn-
tefli en tapaði átta leikjum í
mótinu. Stigahæstu leikmenn í
einkunnagjöf Mbl. urðu:
Viðar Halldórsson 6,1 í 18 leikj-
um, Valþór Sigþórsson 6,1 í 18
leikjum, Heimir Bergsson 6,1 í 6
leikjum, Magnús Teitsson 5,8 í 16
leikjum og Pálmi Jónsson 5,8 í 17
leikjum.
Víkingur
Víkingar sýndu á köflum í sumar
knattspyrnu sem jafnaðist fylli-
lega á við það besta sem önnur lið
sýndu. Það var einkum er líða tók
á mótið, en liðið var þó alltaf of
misjafnt til þess að ógna topplið-
unum að ráði og sást það best er
liðið mætti Fram í síðari umferð-
inni. Víkingar höfðu leikið mun
betur í næstu leikjum á undan, en
það skipti engu máli er á hólminn
var komið, Fram vann auðveldlega
3—0. En segja má að Víkingarnir
hafi hlotið umbun fyrir erfiði sitt
er þeir sigruðu Skagamenn 2—1 í
aukaleik um UEFA—sætið, en
liðin voru jöfn að stigum í 3.-4.
sæti í lok mótsins.
Það er dálítið erfitt að gera sér
grein fyrir sterkum og veikum
hlekkjum í liði Víkings, því þegar
liðið átti góðan dag, virtist ekki
vera einn einasti veikur hlekkur í
því. Þegar liðið átti slæman dag,
má segja að menn í öllum stöðum
hafi brugðist. Athyglisverðustu
leikmenn liðsins voru Lárus Guð-
mundsson sem fór gífurlega fram,
einnig kornungur framherji, Jó-
hann Þorvarðarson, sem greini-
lega er mikið efni. Þeir Víkinga,
sem hæstar hlutu meðaleinkunn-
irnar, voru þessir:
Gunnar Gunnarss. 12 1. 76 st. 6, 33.
Heimir Karlsson 16 1. 98 st. 6,12.
Lárus Guðmundss. 17 1.103 st. 6,05.
Diðrik Ólafsson 18 1. 108 st. 6,00.
ÍBV
Sem íslandsmeistarar frá 1979,
eru Eyjamenn varla ánægðir með
frammistöðuna í sumar. Eftir
atvikum geta þeir þó þolanlega við
unað, því að meiðsl hrjáðu marga
af lykilmönnum þeira oft í
sumar. Það var athyglisvert hve
oft Eyjamenn töpuðu einu eða
fleiri stigum á síðustu mínútum
leikja, beinlínis hvað eftir annað í
allt sumar. Geta þeir þannig
sjálfum sér um kennt á margan
hátt. En Eyjamenn léku vel þegar
sá gállinn var á þeim, sérstaklega
í Evrópuleiknum gegn Banik
Ostrava. Nokkrir leikmenn voru
mjög í sviðsljósinu hjá ÍBV, eng-
inn þó meira en markvörðurinn
Páll Pálmason, sem hiklaust var
einn besti sinnar tegundar í deild-
inni, þrátt fyrir „háan aldur".
Sighvatur Bjarnason kom vel frá
sumrinu og er þar athyglisverður
varnarmaður á ferðinni. Hæstu
menn voru þessir:
Páll Pálmason 16 1.107 st. 6,68.
Sigurlás Þorleifss. 16 1.101 st. 6,31.
Gústaf Baldvinss. 12 1. 72 st. 6,00.
Ómar Jóhannss. 17 1.102 st. 6,00.
Akranes
Sumir segja að Skaginn hafi náð
betri árangri heldur en margir
reiknuðu með, miðað við þann
mannskap sem félagið hafði í
sumar. Hitt er svo annað mál, að
• Þórður Hallgrimsson
tók á móti bikarnum fyrir
meistarakeppni KSÍ.
það er áfall fyrir lið eins og ÍA,
sem á sér langa hefð sem eitt af
fremstu liðum íslands, að ná ekki
Evrópusæti. ÍA hefur á að skipa
nokkrum góðum knattspyrnu-
mönnum, en í liðinu eru þó of
margir veikir hlekkir. Kæmi ekki
á óvart þó ÍA tefldi fram nokkuð
breyttu liði næsta sumar. Kristján
Olgeirsson var að öðrum Skaga-
mönnum ólöstuðum sá sem virðist
efnilegastur. Á góðum degi er
pilturinn óstöðvandi. Gamla
kempan Jón Gunnlaugsson stóð
vel fyrir sínu, einnig Bjarni
markvörður, sem var eini leikmað-
urinn sem fékk 9 í einkunnagjöf
Morgunblaðsins. Efstu menn voru
þessir:
Sigurður Lárusson 15 1. 96 st. 6,40
Kristján Olgeirss. 17 1.106 st. 6,23.
Jón Gunnlaugss. 17 1.105 st. 6,17.
Bjarni Sigurðss. 17 1. 106 st. 6,16.
Árni Sveinsson 16 1. 98 st. 6,12.
KR
Keppnistímabilið var í heild hálf
nöturlegt hjá KR, félagið var mest
í fréttunum er þjálfara liðsins,
Magnúsi Jónatanssyni, var vikið
úr starfi sínu vegna komu Skota
nokkurs, sem síðan staldraði að-
eins örstutt við. KR gekk bærilega
fram að þjálfaramálinu, en frekar
illa eftir það. Liðið lék yfirleitt
frekar stórkarlalega knattspyrnu,
einkum og sér í lagi er þeir
Sæbjörn og Elías léku ekki með.
Slik áhrif höfðu þeir á liðið að
erfitt var að þekkja það sem sama
lið og horft var á stuttu áður, er
þeir voru ekki með. Þeir áttu við
meiðsl að stríða langtímum saman
í sumar, en þegar báðir léku, sýndi
KR sínar bestu hliðar, t. d. er liðið
gersigraði Fram 4—1. Auk þeirra
kvað mest á ungum og efnilegum
markverði, Stefáni Jóhannssyni.
Hann er ungur að árum og var
nokkuð misjafn, en þar er þó
greinilega mjög efnilegur piltur á
ferðinni. KR skoraði ekki mikið og
fékk heldur ekki mikið á sig af
mörkum, þar kom Stefán við sögu
ásamt Ottó Guðmundssyni sem
hélt saman vörninni með harðri
hendi. Efstir voru þessir:
Ottó Guðmundss. 18 1.117 st. 6,50.
Elías Guðmundss. 14 1. 88 st. 6,28.
Sæbjörn Guðmundss. 12 1. 75 st. 6,25.
Hálfdán Örlygsson 14 1. 87 st. 6,21.
Stefán Jóhannsson 15 1. 90 st. 6,00.
Jón Oddsson 18 1. 108 st. 6, 00.
Þróttur
Um fall-lið Þróttar er svo sem
ekki mikið að segja, en merkilegt
er að liðið náði sér ekki á strik
þrátt fyrir að sigur hafi unnist í
fyrsta leiknum. Nokkrir 'snjallir
leikmenn eru í herbúðum Þróttar
og virðist sem helst hafi skort
heppni framan af og síðan sjálfs-
traust er á leið og ekkert gekk upp.
Ymislegt hjálpaðist því að við að
senda Þrótt niður. Hins vegar má
vel vera að liðið hafi verið slak-
asta lið deildarinnar, en óheppni,
sem ávallt loðir við falllið, sleppti
aldrei taki sínu af Þrótti. Skotinn
Harry Hill sýndi góða takta með-
an hann gekk heill til skógar.
Góða hluti gerðu einnig Páll
Ólafsson, Ólafur Magnússon, mið-
• Marteinn Geirsson
Fram tók á móti bikarnum
annað árið í röð í bikar-
keppni KSÍ.
• Guðmundur Þor-
björnsson, Val, hampar
eftirsóttasta bikarnum.
Valsmenn voru vel að sigri
sínum komnir í íslands-
mótinu.
verðirnir Sverrir og Jóhann auk
annarra. En mistökin og óheppnin
báru allt saman hins vegar ofur-
liði. Enginn í liði Þróttar náði
meðaleinkunninni 6 í einkunnagj-
öf Morgunblaðsins, að Páli Ólafs-
syni undanskildum. Hann fékk 93
stig úr 15 leikjum, eða 6, 20 í
meðaleinkunn. Sverrir, Jóhann,
Hill og Ágúst Hauksson voru með
rétt tæpa 6 í meðaleinkunn.
• Diðrik Ólafsson fyrir-
liði Víkinga tók á móti
bikar fyrir Reykjavíkur-
mótið í knattspyrnu.