Morgunblaðið - 13.01.1981, Blaðsíða 5

MORGUNBLAÐIÐ, ÞRIÐJUDAGUR 13. JANÚAR 1981
5
ísjaðarinn 13 sjómílur
norðvestur af Straumnesi
„HANN hefur nálgast síðustu daga,“ sagði Sigurð-
ur Árnason, skipherra, er Mbl. spurði hann í gær
um ísinn, en flugvél Landhelgisgæzlunnar fór í
ískönnunarflug í gær. Sigurður sagði, að ísinn, sem
kannaður var í gær, hefði verið nýmyndaður ís að
undanskildum nokkrum jökum á Halamiðum.
ísjaðarinn var í gær 63 sjómílur undan Rauðanúp,
25 sjómílur undan Kolbeinsey, 70 sjómílur norður
af Horni, 13 sjómílur norðvestur af Straumnesi, 18
sjómílur norðvestur af Deild, 40 sjómílur undan
Kópanesi og 34 sjómílur norðvestur af Blakka. ( Sjá
meðfylgjandi kort).
Umsóknir um stöður fréttamanna
af greiddar i útvarpsráði i dag
Á FUNDI útvarpsráðs í dag verða
teknar til afgreiðslu umsóknir um
stöðu tveggja fréttamanna við
Ríkisútvarpið, einnig um stöðu
Óku á fólk
og stungu af
AÐFARANÓTT sunnudagsins
óku bifreiðir tvisvar á gangandi
vegfarendur i Reykjavík og í
bæði skiptin stungu ökumenn-
irnir af og er þeirra nú leitað.
Klukkan 1.23 var ekið á tvo
karlmenn á Suðurlandsbraut á
móts við skemmtistaðinn Sigtún.
Hvorugur mannanna meiddist
mikið. Bifreiðin fór af vettvangi
en talið er að þarna hafi ljósleit
Fiat bifreið verið á ferð. Klukkan
3.18 var svo ekið á mann og konu
á Túngötu fyrir framan hús
númer 22. Konan hlaut heila-
hristing en maðurinn meiddist
lítils háttar. í þessu tilfelli fór
bíllinn einnig af vettvangi án
þess að stoppa, en talið er að
þarna hafi dökkblá fólksbifreið
verið á ferð.
Það eru tilmæli lögreglunnar
að þeir, sem geta veitt upplýs-
ingar i þessum málum hafi strax
samband við lögregluna.
fréttamanns í afleysingum i 6
mánuði. Alls sóttu 15 manns um
stöðurnar tvær og 7 manns um
afleysingarstöðuna.
Eftirfarandi sóttu um stöðurnar
tvær: Ásdís J. Rafnar, Birna Þórð-
ardóttir, Einar Örn Stefánsson,
Erna Indriðadóttir, Jóhann Hauks-
son, Kristín Ástgeirsdóttir, Ellen
Nína Sveinsdóttir, Guðmundur
Reynir Guðmundsson, Gunnar Ein-
arsson Kvaran, Jón Guðni Krist-
jánsson, Sigurður Örn Ingólfsson,
Sólveig Georgsdóttir, Klara Braga-
dóttir og tveir sem óska nafnleynd-
ar. Um afleysingarstöðuna sóttu:
Björn Jónsson, Halldór Ingi Guð-
mundsson, Hörður Erlingsson, Ing-
ólfur V. Gíslason og Ólafur Gísla-
son. Um þessa stöðu sóttu einnig
tveir af þeim 15 sem sóttu um heilu
stöðurnar þ.e. Einar Örn Stefáns-
son og Jóhann Hauksson.
Þjóðviljinn:
Betri f járhagsstaða
eftir fækkun útkomudaga
SÚ BREYTING varð á útgáfu
bjóðviljans í fyrrasumar að laug-
ardags- og sunnudagsblað voru
sameinuð i eitt hclgarbiað og
útkomudögum þannig fækkað
um einn. Einar Karl Haraldsson
ritstjóri Þjóðviljans sagði á þeim
tima i samtali við Morgunblaðið
að það yrði skoðað i árslok hvort
fjölga ætti útkomudögum í sex i
viku á ný eða gefa blaðið út fimm
sinnum i viku eins og verið hefur
sl. hálft ár. Morgunblaðið spurði
Einar Karl að því i gær hvort
Samið um kaupin á
Ikarus í janúarlok
- segir talsmaður Ikarusumboðsins á íslandi
ÉG GERI ráð fyrir að endan
legir samningar um smíði, af-
hendingu og lánakjör vegna
kaupa Reykjavíkurborgar á
strætisvögnum frá Ikarusverk-
smiðjunum í Ungverjalandi verði
undirritaðir i Reykjavík síðar i
þessum mánuði, sagði Sigurður
Magnússon talsmaður Ikarusum
boðsins á íslandi. Innkaupastofn-
un Reykjavikur hefur nýlega
itrekað við Ungverja, að gengið
yrði frá þessu máli og veitt frest
til 1. febrúar og sagði Sigurður,
að sendinefnd frá Ikarus væri
væntanleg til landsins eftir miðj-
an mánuð og þá yrði samningum
lokið.
Sigurður Magnússon sagði að sl.
haust hefði sendinefnd Ungverja
verið í Reykjavík og gengið frá
samningsdrögum, sem síðan átti
að senda hingað eftir undirritun í
Ungverjalandi. Þau hefðu enn
ekki borist og taldi Sigurður það
m.a. geta stafað af því að Ungverj-
ar byðu % kaupverðsins lánaðan
til langs tíma og þyrftu þessi
lánamál frekari umræðu við og að
hér væri í fyrsta sinn samið um
sölu með þessum hætti til íslands
og tæki það því e.t.v. nokkuð
langan tíma. Sex vagnar hafa
verið pantaðir, 3 fyrir SVR og 3
fyrir SVK og sagði Sigurður að
afhending vagnanna væri ráðgerð
á þriðja ársfjórðungi.
þessi endurskoðun hefði farið
fram.
„Við höfum verið svo uppteknir
af pólitíkinni að undanförnu að
við höfum ekki getað rætt málið
ennþá," sagði Einar. „En miðað
við þær fréttir sem maður heyrir,
um að öll blöð séu nánast að gefa
upp andann finnst mér heldur
ólíklegt að útkomudögum verði
fjölgað. Sunnudagsblaðið okkar
hefur mælst vel fyrir og kaupend-
ur virðast vera ánægðir með þetta
fyrirkomulag. Fjárhagsafkoman í
fyrra var betri sl. ár en tvö árin
þar á undan og það mælir einnig
með því að hafa óbreytt fyrir-
komulag. Við Þjóðviljamenn höf-
um aldrei borið mikla virðingu
fyrir markaðslögmálunum og ef
þau ætla að drepa okkur komum
við bara aftan að þeim. Enda segir
Steinn Steinarr í einu ljóða sinna
að jörðin sé líkt og knöttur í
laginu og loksins komi maður
aftan að fjandanum sínum.“
Hafnarfjörður:
Vitni vantar
FÖSTUDAGINN 9. janúar sl. var
ekið á bifreið, sem stóð á bifreiða-
stæði bak við Bæjarbíó í Hafnar-
firði og vinstra frambrettið
skemmt. Gerðist þetta á tímabil-
inu klukkan 9 til 13. Bifreiðin er
rauður Volvo, G-272. Þeir, sem
geta veitt upplýsingar um þetta
mál eru beðnir að hafa samband
við lögregluna i Hafnarfirði.
Sértilboð
í janúar
Jasper
vattjakkar
áöur 489-
nú 415,60
ÚmKAfíNABÆR
rJI Laugavegi 66 — Glæsiti* — Ausiufstft>*. 2.
r Sícni frá sk.pt.boröi 85055