Morgunblaðið - 13.01.1981, Blaðsíða 21

MORGUNBLAÐIÐ, ÞRIÐJUDAGUR 13. JANÚAR 1981
21
im
v
Góður endaspfettur færði
Tý sigur gegn Armenningum
TÝR frá Vestmannaeyjum gerði góða ferð til Reykjavikur um helgina,
léku tvo leiki i 2. deild og sigruðu i báðum og náðu sér i 4 stig i hinni
hörðu baráttu i 2. deild. Lögðu HK að velli á laugardag, og sigruðu
síðan Ármann i Laugardalshöllinni á sunnudag i lengst af nokkuð
jöfnum leik. Það var ekki fyrr en siðustu minútur leiksins sem
leikmenn Týs hristu Ármenninga af sér og sigruðu þá með fjórum
mörkum, 21 — 17.
Þegar 15 mínútur voru liðnar af
leik Ármanns og Týs hafði Ár-
mann eins marks forystu, 6—5.
Þeir bættu svo um betur og
komust í 8—5. Leikmenn Týs léku
ekki vel og allt virtist stefna í að
Ármann myndi sigra í leiknum.
En Týrarar gáfust ekki upp. Leik-
menn fóru að berjast af krafti og
náðu að jafna metin rétt fyrir
hálfleik og þá var staðan 9—9.
Ármenningar áttu góða mögu-
leika á að ná forystunni á nýjan
leik í byrjun síðari hálfleiksins.
En þeim voru mislagðar hendur og
Jens Einarsson markvörður og
þjálfari Týs varði bæði. Sigurlás
kom svo Tý yfir, 10—9. Ármann
hafði þó lengst af forystuna í
síðari hálfleik og þegar 10 mínút-
ur voru til leiksloka var staðan
14—12 fyrir Ármann. En með
góðum leik náðu Týrarar að jafna
metin og komust marki yfir,
16—15, þegar fimm mínútur voru
eftir af leiknum. Þá riðlaðist
leikur Ármenninga algjörlega og
ekki var heil brú í honum í lokin.
Leikmenn Týs gengu á lagið og
skoruðu hvert markið af öðru og
sigruðu örugglega 21—17.
Bestu menn hjá Tý voru Jens
Einarsson markvörður sem varði
mjög vel þar á meðal þrjú vítaköst
á mikilvægum augnablikum. Sig-
urlás og Ólafur léku mjög vel svo
og Magnús. Það er greinilegt að lið
Týs blandar sér í toppbaráttuna í
Ármann — Týr
17—21
2. deild í vetur og á góða mögu-
leika á að sigra í 2. deild.
Lið Ármanns lék sæmilega vel
en missti leikinn illa út úr hönd-
um sér í lokin.
Lið Ármanns var nokkuð jafnt í
leiknum. Friðrik og Björn léku
ágætlega svo og Óskar og Einar.
Mörk Týs: Sigurlás Þorleifsson
5 2v, Ólafur Lárusson 4, Magnús
Þorsteinsson 4, Kári Þorleifsson 4,
Þorvarður Þorvaldsson 2 og Hall-
dór Sigurðsson 2.
Mörk Ármanns: Björn Jóhann-
esson 5, Friðrik Jóhannsson 5,
Einar Eiríksson 2, Jón Ástvalds-
son 2, Haukur Haraldsson 1 og
Óskar Ásmundsson 1. — þr.
Úr leik Þórs og Aftureldingar. Árni Stefánsson svífur inn í teiginn með tilþrifum og
skorar glæsilega. Ljósm. SOR
Auðveldur sigur KA
UM helgina bættu KA-menn tveim stigum i sarpinn sem kom sér vel i
toppbaráttunni i 2. deild er þeir unnu mjög ákveðinn sigur á
Aftureldingu 30—19, eftir að staðan i hálfleik hafði verið 14—9 KA í
vil.
KA-menn hófu leikinn af krafti
og gerðu þeir fyrstu 4 mörkin. Þá
vöknuðu Aftureldingarmenn af
dvalanum og fóru að vera með, en
KA-menn voru ekkert á því að
gefa og um miðjan hálfleikinn
Staðan í
2. deild
karla
Breiðablik 8 5 1 2 169- -175 11
KA 6 5 0 1 141- -109 10
Týr, Vm. 8 5 0 3 150- -143 10
HK 7 3 2 2 140- -122 8
ÍR 8 2 4 2 163- -155 8
Aftureld. 9 4 0 5 184- -190 8
Ármann 8 2 2 4 151- -158 6
Þór, Ak. 8 0 1 7 156- -202 1
höfðu þeir aukið forystu sína í 4
mörk og var staðan þá 10—4 fyrir
KA. Þá tóku Aftureldingarmenn
til þess bragðs að taka þá Gunnar
Gíslason og Friðjón Jónsson úr
umferð, en þeir höfðu til þessa
verið aðaldriffjaðrirnar í leik KA.
Við þetta datt allur botn úr spili
KA, en það nýttu Aftureldingar-
menn mjög illa og var staðan eins
og áður sagði 14—9 í hálfleik.
í upphafi síðari hálfleiks var
jafnt á með liðunum og skiptust
þau á um að skora allt fram yfir
miðjan hálfleikinn. En þá var
einsog slökkt væri á Aftureldingu
og KA gerði næstu 7 mörk án þess
að Afturelding svaraði fyrir sig og
breyttu stöðunni úr 23—18 í 30—
18. Á þessu tímabili minnti leikur-
inn einna helst á leik kattarins að
músinni og var alveg sama hvað
Aftureldingarmenn reyndu, allt
fór í vaskinn. Síðasta mark leiks-
ins gerði svo Afturelding og lykt-
aði leiknum með harla auðveldum
sigri KA-manna, sem standa nú
mjög vel að vígi í toppbaráttunni í
2. deild.
KA — UMFA
30—19
Í þessum leik lék KA-liðið með
miklum ágætum og stóðu allir
leikmenn sig með prýði, að venju
varði Gauti markvörður mjög vel
og varði hann hvorki meira né
minna en 21 skot í leiknum.
Lið Aftureldingar var ekki beis-
ið í þessum leik og voru þeim mjög
mislagðar hendur í þessum leik.
Þeirra bestur var Sigurjón Ei-
ríksson sem var prímus mótor í
leik liðsins í þessum leik.
Mörk KA: Gunnar Gíslason 7
(lv), Erlingur Kristjánsson 5,
Friðjón Jónsson 5, Þorleifur An-
aníasson 5, Guðmundur Guð-
mundsson 3, Magnús Birgisson 2,
Magnús Guðmundsson 1, Jakob
Jónsson og Björn Friðþjófsson 1.
Mörk Aftureldingar: Sigurjón
Eiríksson 8 (5v), Steinar Tómas-
son 3, Brynjar Jónsson 2, Lárus
Halldórsson 2, Þorvaldur Hreins-
son 2, Björn Bjarnason 1 og Ingvar
Hreinsson 1.
— sor
\\
rmmwi
Sigurlás borleifsson er ekki siður glúrinn við að skora mörk í
handknattleik en knattspyrnu. Hér svífur kappinn inn í teiginn og
skorar. Sigurlás lék vel með liði sínu Tý um helgina er liðið lagði HK
og Ármann að velli. Ljósmynd. Sittumeir J.
Týr vann öruggan
sigur gegn HK
Týr frá Vestmannaeyjum gerði
sér lítið fyrir og sigraði HK í 2.
deiid er liðin léku i íþróttahúsinu
að Varmá í Mosfellssveit á laug-
ardag. Sigur Týrara var sann-
gjarn, þeir sigruðu i leiknum
með fjórum mörkum 18—14.
Staðan i hálfleik var 8—6 þeim í
hag. Ætla má að HK hafi verið
nokkuð sigurvissir fyrir þennan
leik og því fór sem fór. Annars
eru liðin i 2. deild mjög áþekk að
getu og virðast úrslit leikja oft
geta orðið óvænt. Enda staðan í
deildinni nú mjög jöfn og tvísýn.
HK byrjaði leikinn vel að
Varmá og komust í 3—1. Týr
jafnaði 4—4, en HK átti frum-
kvæðið framanaf og komst í 6—4,
þá voru búnar rúmar 10 mínútur
af leiknum. Þá kom mjög slæmur
leikkafli hjá HK og liðið skoraði
ekki mark í tuttugu mínútur.
Týr var lengst af þremur mörk-
um yfir í síðari hálfleiknum.
Komst í 13—10. En HK náði að
minnka muninn niður í eitt mark,
14—15. Var þá komin mikil
spenna í leikinn. Týr átti góðan
sprett í lok leiksins og skoraði þá
þrjú mörk á síðustu tveimur
HK — Týr
14—18
mínútunum og innsiglaði sigur-
inn, og fékk tvö dýrmæt stig.
Besti maður Týs í leiknum var
Ólafur Lárusson og Jens Einars-
son markvörður sem varði 19 skot
í leiknum. Þá áttu þeir bræður
Kári og Sigurlás Þorleifsson góð-
an leik.
Lið HK var nokkuð jafnt í
leiknum. Ragnar Ólafsson var
markahæstur með fimm mörk og
Kristinn átti ágætan leik.
Mörk Týs: Ölafur Lárusson 7,
Kári Þorleifsson 4, Sigurlás Þor-
leifsson 2, Þorvarður Þorvaldsson
2, Valþór Sigþórsson 2 og Magnús
Þorsteinsson 1.
Mörk HK: Ragnar Ólafsson 5,
Kristinn Ólafsson 4, Hilmar Sig-
urgíslason 2, Sigurður Sveinsson
1, Bergsveinn Þórarinsson 1 og
Jón Einarsson 1.
- þr.
Islanflsmftllö 2. flellfl |
B-námskeið
í alpagreinum
DAGANA 2.-9. janúar gekkst
SKÍ fyrir B-námskeiði fyrir leið-
beinendur í alpagreinum á skið-
um, í Hliðarfjalli við Akureyri.
Kennarar á námskeiðinu voru
Sven Bey og Royal Mattiesen en
þeir eru frá Noregi. Þeir hafa
góða reynslu af námskeiðahaldi
af þessu tagi og þeir hafa haldið
nokkur í Noregi.
Námskeiðið sóttu 20 þátttak-
endur og voru þeir að frá morgni
til kvölds alla dagana bæði við
verklegt og skriflegt nám. Að
þessu sinni tóku þátttakendurnir
verklegt próf en að vori munu
þeir svo gangast undir bæði
skriflegt og verklegt próf og er
þvi reiknað með að þeir hafi
aðlögunartima þangað til. Þetta
námskeið gefur rétt til þátttöku
á C-námskeiði bæði hér á landi og
í Noregi.