Morgunblaðið - 13.01.1981, Blaðsíða 17

MORGUNBLAÐIÐ, ÞRIÐJUDAGUR 13. JANÚAR 1981 1 7
Það er greinilegt, að athuga-
semdir mínar við viðtal Jóns
Orms Halldórssonar í Helgar-
póstinum hafa komið mjög illa
við hann. Jón Ormur bregst hinn
versti við og svarar ópersónu-
legum athugasemdum með afar
einkennilegum hætti. Höfundur
þessarar greinar hefur aldrei
lagt það í vana sinn og mun ekki
gera nú, að vera með ómálefna-
legan útúrsnúning og reyna að
snúa umræðum upp í persónu-
legar þrætur. Slíkt er háttur
þrætumanna, sem vilja leiða
athygli fólks frá aðalatriðum að
aukaatriðum.
Sterkur
hljómgrunnur
Meginatriði þessa máls er, að
Sjálfstæðisflokkurinn þróist
ekki í það að verða þröngur
íhaldsflokkur eða sundraður
flokkur valdastreitumanna. A
þessu örlaði haustið 1979 með
þeim afleiðingum m.a., að vara-
formaður flokksins G.Th. sá sér
kleift að mynda núverandi ríkis-
stjórn með þeim hætti sem raun
ber vitni. Um það snerist um-
ræðan veturinn 1979/80. Ýmsir
sjálfstæðismenn og þ. á m. und-
irritaður létu í ljós áhyggjur
sínar um framvindu mála, ef svo
færi fram sem horfði. Hefi ég í
engu hvikað frá þeim skoðunum
mínum eins og þær voru settar
fram á þeim tíma. Ég tel, að þær
hljóti að hafa fengið sterkar
undirtektir í Sjálfstæðisfl'okkn-
um í Reykjavík, sem m.a. má
marka af einróma kjöri greinar-
höfundar, sem formanns Full-
trúaráðs Sjálfstæðisfélaganna í
Reykjavík, á einum fjölmenn-
asta aðalfundi, sem haldinn hef-
ur verið.
Þátttaka 5—600 manns. Á
sama fundi var kosið mikið af
nýju og mjög hæfu fólki í stjórn
og flokksráð.
Persónuleg völd
skipta ekki máli
Eigi ætla ég mér þá dul að
vega og meta, hversu mikil völd
og áhrif forystumenn Sj.fl. í
Rvk. hafa, með sama hætti og
Jón Ormur virðist gera í sínum
störfum og starfsvali. Fyrir
greinarhöfund og flesta aðra,
sem hann hefur átt samstarf við
í félags- og stjórnmálum, hafa
persónuleg völd aldrei skipt
neinu máli.
Aðalatriðið hefur
verið að berjast fyrir frelsi og
lýðræði á grundvelli sjálfseign-
arréttar og frelsis einstaklings-
ins, án tillits til eigin ávinnings
eða metorða.
Til þess að unnt verði að
tryggja framgang þess í bráð og
lengd þurfa menn að standa
saman í órofa fylkingu innan
Sjálfstæðisflokksins. Styrkur og
veikleiki vinstri aflanna byggist
m.a. á því, hversu samhentir
sjálfstæðismenn eru í að verjast
ásókn þeirra í eigur og réttindi
einstaklinganna. Um það geta
allir sjálfstæðismenn verið sam-
mála. Því miður hefur vinstri
öflunum orðið mikið ágengt á
síðustu árum og við myndun
núverandi ríkisstjórnar jukust
völd kommúnista (Alþýðubanda-
lagsins) mikið. Þetta er stað-
reynd.
Grundvöllur
lýðræðis
Við sjálfstæðismenn viljum
halda í heiðri grundvallaratriði
lýðræðisins og þingræðisskipu-
lagsins; tjáningarfrelsi og per-
sónubundnum atkvæðisrétti,
samfara vernd eignarréttar
o.s.frv. Þá er félagafrelsi mikil-
vægt atriði í tryggingu lýðrétt-
inda. Ef þessi atriði eru ekki virt
í framkvæmd, er lýðræðinu
hætt.
Hinu sama gegnir um flokka.
Ef flokksmenn virða ekki flokks-
samþykktir, ef minnihlutinn
virðir ekki samþykktir meiri-
hlutans, er vandi á höndum. Um
það getum við báðir sem aðilar
að forustu Sjálfstæðisflokksins,
Jón Ormur sem fyrsti varafor-
maður SUS og ég sem formaður
Fulltrúaráðs Sjálfstæðisfélag-
anna í Rvík, verið sammála.
Lýðræðið krefst þess, að stöðugt
eigi sér stað umræða og skoð-
anaskipti innan flokka sem utan.
Lýðræðið krefst þess einnig,
að menn geri sér grein fyrir
skyldum sínum en ekki aðeins
réttindum, ef þeir vilja viðhalda
lýðræðisskipulaginu og efla. Hið
sama gildir um þátttöku í starf-
semi lýðræðisflokka eins og
Sjálfstæðisflokksins.
Sjálfstæðisflokkurinn hefur,
einn flokka hérlendis, allar for-
sendur til að vera flokkur allra
stétta, öflugur flokkur, ef rétt
verður að málum staðfð og
landsfundastefnum framfylgt.
Lög og reglur
ber að virða
Allir sjálfstæðismenn hljóta
að virða lög flokksins og reglur,
ef þeir vilja veita honum styrk
og brautargengi, en það þýðir
ekki það, að flokksmenn geti
ekki haft ólíkar skoðanir á
mönnum og málefnum. Sjálf-
stæðisflokkurinn er breiður
flokkur ólíkra skoðana, en ekki
flokkur andstæðna. Um tíma
kann að hallast á um fram-
kvæmd eða áherzlur í einstökum
málum. Þá ber að leiðrétta slíkt,
efla flokkinn að nýju og afla
honum aukins fylgis. Það er
hlutverk þess fólks í Sjálfstæðis-
flokknum sem virðir stefnu hans
og starfsreglur.
Við höfnum persónulegum
væringum og vísum á bug þröng-
um hagsmunasjónarmiðum,
hvort sem þau eru til vinstri eða
hægri.
Guðmundur H. Garðarsson:
Við virðum Sjálfstæðisflokkinn
Aðalstjórn Verzlunarráðs Islands:
Lífshagsmunum þjóðarinnar
stefnt í hættu með óraun-
hæfri gengisskráningu
- sem styðst við nýtt uppbóta- og millifærslukerfi
AÐALSTJÓRN Verzlunarráðs
íslands samþykkti á fundi sin-
um í gær svofellda ályktun:
.Stjórn Verzlunarráðs ís-
iands ítrekar áðurgerða álykt-
un um efnahagsáætlun ríkis-
stjórnarinnar.
Verzlunarráðið leggur sér-
staka áherzlu á, að það telur
núverandi ríkisstjórn stefna lífs-
hagsmunum þjóðarinnar í hættu
með því að stuðla að óraunhæfri
gengisskráningu, sem styðst við
nýtt uppbóta- og millifærslu-
kerfi.
Verzlunarráð Islands styður
aðgerðir, sem treysta gengi
krónunnar, svo sem lækkaða
skatta af atvinnurekstri og var-
anlegar aðgerðir, sem draga úr
þeirri 50—60% verðbólgu, sem
hér er orðin landlæg. Verzlun-
arráðið mótmælir hins vegar
harðlega, hugmyndum um, að
stefnt skuli að óraunhæfri geng-
isskráningu með uppbóta- og
millifærslukerfi, en fjármögnun
þess með öðru en beinum skött-
um á almenning eykur verðbólg-
una og kerfið sjálft stefnir
efnahagslífi þjóðarinnar í hættu.
í þessu sambandi ítrekar
stjórn Verzlunarráðsins sér-
staklega:
1. Millifærslukerfi eyðileggur
gjörsamlega lánstraust og
lánamöguleika íslands er-
lendis og útilokar okkur frá
alþjóðasamvinnu í gjaldeyr-
ismálum.
2. Millifærslukerfi brýtur í bága
við aðildina að EFTA og
fríverzlunarsamninginn við
Efnahagsbandalagið og geng-
ur þannig þvert á þá gífurlegu
hagsmuni, sem við höfum af
útflutningi til þessara landa.
Nýtt millifærslukerfi stefnir
að einangrun og stöðnun ís-
lenzks atvinnulífs."
Prests- og kristniboðs-
vígsla í Dómkirkjunni
BISKUP tslands. herra Sigur-
björn Einarsson, vígði tvo
presta og kristniboða í Dóm-
kirkjunni á sunnudaginn.
Prestarnir, sem vígðir voru,
eru séra Kjartan Jónsson, sem
vígður var til kristniboðsstarfa í
Kenya, og Guðmundur Karl Ág-
ústsson, sem vígður var til Ólafs-
víkurprestakalls. Séra Kjartan er
annar guðfræðingurinn, sem
vígður er til kristniboðsstarfs; sá
fyrri var prófessor Jóhann Hann-
esson. Eiginkona Kjartans, Val-
dís Magnúsdóttir, var einnig vígð
til kristniboðsstarfs í Kenya og
fyrsta prestsverk Guðmundar
Karls var að skira dóttur þeirra
hjóna.
Vígsluvottar voru séra Árni
Bergur Sigurbjörnsson, séra Guð-
mundur Óskar Ólafsson, séra
Hjalti Guðmundsson og séra Jón
Dalbú Hróbjartsson. Gísli Arn-
kelsson, formaður Sambands ís-
lenzkra kristniboðsfélaga lýsti
vígslunni.
Grímuball
í Eyjum
Á 13. dag jóla hélt Eyverji í
Vestmannaeyjum velheppnað og
fjölsótt grímuball í Samkomu-
húsinu og hafa búningar aldrei
verið jafn fjölbreyttir og vand-
aðir. Mikið fjör var á ballinu og
fjölmargir hlutu verðlaun fyrir
búninga sína.
Nýja og gamla krónan hlutu
einnig verðlaun.
Allur þessi friði hópur fékk verðlaun og eins og sjá má eru
búningarnir bæði skrautlegir og fjölbreyttir.
Formaður Eyverja afhendir þessum glæsilega lunda 1. verðlaunin.
I.josmyndir Sigurgeir.