Morgunblaðið - 27.10.1981, Blaðsíða 19

MORGUNBLAÐIÐ, ÞRIÐJUDAGUR 27. OKTÓBER 1981
19
Korchnoi
vill frest
Meranó, 26. október. Al*.
VIKTOR Korchnoi áskorandinn í
einvíginu um heimsmeistaratitil-
inn í skák óskaði í dag eftir frest-
un á tíundu einvígisskákinni, sem
tefla átti í dag. Setjast þeir Karpov
að tafli að nýju á fimmtudag.
Karpov vann níundu einvígis-
skákina á laugardag, en það var
samdóma álit sérfræðinga, að
Korchnoi hefði teflt með ein-
dæmum illa í þeirri skák.
Aðstoðarmenn Korchnois
sögðu að áskorandinn þyrfti á
hvíld að halda, því hann væri út-
keyrður eftir áttundu og níundu
skákina. í þeirri áttundu hefði
hann þrívegis lent í miklu tíma-
hraki og þvi hefði hann verið
dauðþreyttur er hann settist að
tafli á laugardag.
Sjá nánar skákskýringar á
bls. 15.
Áætlun um frelsi
Namibíu kunngerð
VESTRÆNAR þjóðir kynntu í gær stjórnlagatillögur, sem eiga að binda endi
á yfirráð SuðurAfríkumanna í SuðvesturAfríku, Namibíu, og þar er m. a.
ábyrgzt að grundvallarmannréttindi verði höfð í heiðri og heiðarlegar kosn-
Rétt ákvörðun
á réttum tíma
ingar fari fram.
Hvítir menn fordæmdu tillög-
urnar þegar i stað, þar sem þær
væru óljósar og í þeim skorti
tryggingar fyrir minnihlutahópa.
Leiðtogi klofningshóps blökku-
manna hrósaði tillögunum.
í tillögunum, sem voru afhentar
stjórnmálaleiðtogum í Namibíu og
embættismönnum í Höfðaborg, er
gert ráð fyrir kosningu stjórn-
lagaþings, þar sem allir stjórn-
málaflokkar fái fulltrúa. Þingið
skal semja stjórnarskrá, sem
verður að fá tvo þriðju meirihluta.
Það þýðir að samtök blökku-
manna, SWAPO, verða líklega
ekki allsráðandi á þinginu, þar
sem ólíklegt er að þau fái tvo
þriðju meirihluta.
Ekkert er minnzt á pólitískar
tryggingar til handa minnihluta
110,000 hvítra manna í tillögunum
eins og í Rhódesíu á sínum tíma.
Ekki er heldur tekið fram hvenær
landið fær sjálfstæði, hvenær
suður-afríska herliðið skuli flutt
burt eða hvernig skuli stjórna
landinu þar til það fær sjálfstæði.
Talið er að þessi mál beri á góma
þegar fulltrúar hinna fimm vest-
rænu þjóða, sem standa að tillög-
unum, koma til Windhoek í vik-
unni.
Blað hvítra manna, „Die Suid-
wester", segir tillögurnar óljósar
og ekki hafa að geyma tryggingar
handa hvíta minnihlutanum. Leið-
togi Þjóðarflokks hvítra manna,
Kosie Pretorius, kvaðst telja að
stjórnmálaflokkar landsins yrðu
fyrir vonbrigðum með tillögurnar,
þar sem í þeim væri of mikil
áherzla lögð á alþjóðlegar hliðar
málsins. „Það lítur út fyrir að um-
heimurinn vilji segja Suðvestur-
Afríku fyrir verkum," sagði hann.
Andreas Shipanga, einn af
stofnendum SWAPO sem seinna
stofnaði sinn eigin stjórnmála-
flokk, kvaðst „næstum 98%“ sam-
mála tillögunum „Þetta er sú
Namibía, sem við viljum," sagði
hann. Hann kvaðst telja að allir
nema SWAPO og hvítir menn
gætu sætt sig við tillögurnar.
Hann bjóst við að vestrænir full-
trúar kæmu aftur til Namibíu
seint í næsta mánuði eða í des-
emberbyrjun til að ræða vopnahlé
og kosningar. AP
eftir Katrínu
Eymundsdóttur
bæjarfulltrúa
Ragnhildur Helgadóttir, fyrrv.
alþingismaður hefur ákveðið að
gefa kost á sér til kjörs varafor-
manns Sjálfstæðisflokksins. Ég
get ekki látið hjá líða, að stinga
niður penna og lýsa ánægju minni
með þessa ákvörðun.
Ragnhildur Helgadóttir, er góð-
ur stjórnmálamaður, góður
sjálfstæðismaður, skapföst, greind
og vel menntuð kona. Hún er ein
þeirra kvenna, er með störfum
sínum hefur sýnt og sannað, að
konur eiga fullt erindi í æðstu
stöður þjóðfélagsins. Henni er því
vel treýstandi að sinna varafor-
mannsembættinu með prýði.
Með því að kjósa Ragnhildi
varaformann Sjálfstæðisflokks-
ins, sýna sjálfstæðismenn í verki
fordómaleysi sitt gagnvart kon-
um. Sýna að þeir meta einstakl-
inginn eingöngu eftir hæfileikum
hans.
Kosning Ragnhildar staðfestir
þá viljayfirlýsingu sjálfstæð-
ismanna, að þeir eru tilbúnir að
veita konum ekki síður en körlum
brautargengi innan síns flokks.
Þeir viðurkenna nauðsyn þess, að
stærsti stjórnmálaflokkur lands-
ins sé mótaður jafnt af konum
sem körlum.
Með kosningu Ragnhildar lýsa
sjálfstæðisménn því yfir, að konur
eiga að hasla sér völl innan stjórn-
málaflokkanna við Jilið karla, en
ekki einar sér í einhverju
þverpólitísku samkrulli, þar sem
engin veit hvaða stefna verður
ofan á.
Sjálfstæðismenn hafa lýst yfir
þeim vilja sínum, að fá konur í
ríkari mæli til að leggja hönd á
plóginn í flokksstarfinu. Ekki síst
hafa karlmennirnir oft lýst því yf-
ir að þeir leiti með logandi ljósi að
konum til starfa, en þær fáist ekki
til þess. Hér er kona, sem fæst til
starfa. Kona, sem er vel hæf til að
sinna, ekki aðeins málefnum
sjálfstæðiskvenna heldur einnig
málefnum sjálfstæðiskarla, mál-
efnum Sjálfstæðisflokksins. Til
þess hefur hún mennturi og
reynslu.
Það hefur ýmislegt dunið yfir
okkur sjálfstæðisfólk þessi síðustu
Katrín Eymundsdóttir
misseri, og oft virðist mér, að
frjálslega sé farið með stefnuyfir-
lýsingar flokksins, svo ekki sé
meira sagt. En við skulum virða
þá viljayfirlýsingu að efla hlut-
deild kvenna í flokksstarfinu.
Tökum því rétta ákvörðun á
réttum tíma sjálfstæðismenn.
Þjóðfélagsumræðan í dag snýst
mikið um stöðu konunnar og
þátttöku hennar á öllum sviðum
þjóðlífsins. Tökum því höndum
saman og kjósum Ragnhildi
Helgadóttur varaformann Sjálf-
stæðisflokksins á landsfundinum
um næstu helgi.
Húsavík, 25. október 1981.
HM f bridge:
Vid minnum á
vetrar
skodunina
eigendur SKODA og ALFA ROMEO
Auk mælingar á 28 gangstigum vélarinnar með fullkomnum mælingartækjum er
vélarþvottur, vélarstilling, Ijósastilling og athugun á 26 öðrum atriðum bifreiðar-
innar innifalið í skoðuninni, sem er seld á föstu gjaldi, kr.445,00 með söluskatti
og gildir fram til 1. desember n.k.
Línurnar skýrast f
spennandi undankeppni
New York, 26. október. Al*.
Nll ER fjórum umferðum ólokið í karlaflokki á HM í bridge sem fram
fer þessa dagana í New York. Telja fréttaskýrendur líklegt að í undan-
úrslitum verði Brctland, sem hefír nú 115 stig, Argentína sem hefir 114
stig, Pólland sem er með 112 stig og bandaríska sveitin sem hefir 108
stig.
Allar líkur benda til að Pakist-
anar með 94 stig, Ástralía með 93
stig og Indónesía með 84 stig hafi
misst af lestinni að þessu sinni. Þó
má benda á að flestir leikirnir hafa
verið mjög jafnir og má ekki mikið
út af bregða til að röð sveitanna
riðlist. I 10. umferð sem spiluð var
sl. sunnudag vann Argentína Ástr-
alíu 14—6. Pakistan vann Bretland
11—9 og Indónesía vann Banda-
ríkin 11—9. Pólland sat yfir.
í kvennaflokki er bandaríska
sveitin með örugga forystu með
132 stig, brezku konurnar hafa 111
stig og brazilísku konurnar 109
stig.
Átök milli danskra
unglinga og lögreglu
Kaupmannahörn, 26. október. Al'
LÖGKEGLA beitti táragasi og bareflum gegn dönskum unglingum
sem höfðu lagt undir sig gamla verksmiðjubyggingu í Kaupmanna-
höfn á mánudag og handtóku 100. Ekki urðu nein alvarleg meiðsli í
átökunum en þau voru hin mestu sem orðið hafa milli unglinga og
lögreglu í Danmörku.
Unglingarnir fóru í gamla gúm-
míverksmiðju á laugardag og ætl-
uðu að nota hana sem samkomu-
stað. Þeir komu húsgögnum fyrir
um helgina en þegar lögreglan
ætlaði að reka þá út tóku 200 á
móti. Eigandi verksmiðjunnar bað
lögregluna að fjarlægja ungl-
ingana úr byggingunni.
V
Með fullkomnum rafeindamælltæk/um sem
tengd eru við vélina og rafkerfi hennar má
mæla öU gangstig af mikilli nákvæmni.
Auk þess sem „Vetrarskoðunin" ætti að
fyrirbyggja alls kyns hugsanleg óþægindi
sem óneitanlega fylgja vetrarakstri, er
ástæða til að vekja athygli bifreiða-
eigenda á þeim bensínsparnaði sem rétt
stillt vél hefur í för með sér. Vanstillt
vél getur hæglega kostað eigandann
þúsundir króna í óþarfan bensínkostnað
á tiltölulega skömmum tíma.
Markús Olfsson, móttokustjóri þ/ónustu-
deildar, tekur við bókunum og veitir allar
frekari upplýsingar um vetrarskoðunina.
UÖFUR hf.
Nýbýlavegi 2 - Kópavogi - Simi 42600
ita
J