Morgunblaðið - 01.12.1981, Blaðsíða 37

MORGUNBLAÐIÐ, ÞRIÐJUDAGUR 1. DESEMBER 1981
45
í Vatnaskógi. „Manni gat oft runnid í skap, þegar mikið lá við að ná
sambandi, sem oft tók æði langa stund. Rétt um leið og svarað var, kom
miðstöð inná og sagði: Afsakið, Landssíminn tekur línuna fyrir Vatnaskóg.“
fólk að gjalda? Það er enginn að
biðja um gjafir, aðeins jafnrétti
og bræðralag, að áunninn réttur
fólks sé ekki af því tekinn, það er
réttlætismál. Þetta fólk er nægju-
samt og sést aldrei í kröfugöngum
um höfuðborgarstræti, en það
kaus sér fulltrúa á löggjafarþing,
til þeirra er hugsað þegar beita á
það órétti, þegar svipta á það
hefðbundnum rétti, sem það á, líkt
og aðrir frjálsir menn í okkar
landi."
Akranesi, 21. nóv. 1981,
Valgarður L. Jónsson
fv. bóndi á Eystra-Miðfelli.
Þad skal því einn-
ig gedjast mér
Bestu
söngv-
ararnir?
Söngelskur skrifar:
Nýlega auglýsti diskótekið Óðal að
það myndi kynna nýju sólóplötuna
hans Gunnars Þórðarsonar. I sjálfu
sér er ekkert við það að athuga ef
ekki kæmi annað til. I auglýsingunni
stóð nefnilega að allir bestu söngvar-
ar landsins syngju á þessari plötu.
Hverjir eru bestu söngvararnir?
Eru það Guðmundur Jónsson og
Kristinn Hallsson? Nei, afskaplega
er nú ólíklegt að þeir syngi inn á
diskó-plötu. Þá hlýtur að vera átt við
poppsöngvara. Mikill meirihluti segir
að Bubbi Morthens sé besti popp-
rokksöngvarinn. Persónulega finnst
mér hinsvegar Egill „þurs“ Ólafsson
hafa vinninginn. En allir ættu þó að
geta verið sammála um að þeir tveir
eru bestu íslensku popp-rokksöngv-
ararnir. Sem söngvarar eru þeir það
langt framar öðrum.
Já, það er sannarlega freistandi að
kynnast plötu sem hefur að innhalda
söng þeirra Egils og Bubba á einu
bretti. Allir í Öðal! — En, nei, hvað
kemur þá í Ijós? Hvorki Bubbi né
Egill hafa komið nálægt umræddri
plötu. Þess í stað syngja á plötunni
margir vel kunnir söngvarar sem ég
hef engan áhuga á að hallmæla. En
þeim er ekki gerður neinn greiði með
því að auglýsa þá sem bestu íslensku
söngvarana. Þvert á móti hlýtur
svona auglýsingaskrum að vera þeim
og öðrum afar óheppilegt. Þetta aug-
lýsingaskrum ber tvímælalaust að
fordæma.
Einar Ingvi Magnússon skrifar:
„Heill og sæll Velvakandi og les-
endur blaðsins!
Það drífur margt á daga okkar
mannanna. Lífið er harður skóli
og afkoma manna misjafnlega góð
eða ill. Sumir líta á lífið sem til-
viljunarkennt fyrirbæri og lifa
eftir hinni þekktu reglu: I dag
skulum við eta og drekka og vera
glaðir, því að á morgun munum
vér deyja. Aðrir líta á lífið sem
sköpun Guðs og sjá háleitan til-
gang, gleði og kvöl, orsakir og af-
leiðingar í öllu. Sjálfsagt finnst
þeim mörgum að víða sé mönnum
mismunað í þessum heimi. Sumir
leggja frá sér allar byrðar huga
síns og henda sér út i heimsins
glaum og gleði til að gleyma, aðrir
setjast og bíða spekinnar meðan
hugur leitar í djúpum sálarinnar.
En hvort sem við berumst með
straumi gleði og friðar eða rang-
hvelfumst í köldu andstreymi ætt-
um við að minnast orða mannsins
sem standa í Bók bókanna: „Fyrst
vér höfum þegið hið góða af Guði,
ættum vér þá ekki einnig að taka
við hinu vonda?“ Galileo Galilei
hefur sennilega rekið augun í
þessa ræðu Jobs, því í mótstreymi
sínu varð honum að orði: „Þannig
geðjast það Guði, það skal því
einnig geðjast mér.“
í heimi bítandi norðanbáls og
eyðimerkurvítis, í heimi sumars
og vetrar, gleði og sorgar ætti
hverjum þeim sem leitar visku og
ekki lítur á lífið sem tilviljun eina
saman að verða slíkur boðskapur
tamur í munni og ljúfur í eyra.
Með kærri kveðju."
„Mikill meirihluti segir að Bubbi
Morthens sé besti popp-rokksöngvar-
inn. Persónulega finnst mér hins vegar
Egill „þurs“ Ólafsson hafa vinning-
inn.“
Þessir hringdu . . .
Til fyrirmyndar
íbúi við Brckkusel hringdi og
hafði eftirfarandi að segja: —
Mig iangar til að koma á
framfæri þakklæti mínu til
lögreglunnar fyrir greiðasemi
og snör viðbrögð í ákveðnu
máli. Þannig var að fyrir ofan
húsið hérna er skíðabrekka
sem litlir skíðamenn hafa not-
að óspart, svo og hvers kyns
sleða- og þotufólk. Sá galli var
á gjöf njarðar, að opið var úr
skíðabrekkunni út á götuna
fyrir neðan og var smáfólkið
því í stöðugri hættu vegna
bílaumferðar. Eg tók mig til
og hringdi til lögreglunnar og
benti á að hér þyrfti á ein-
hvern hátt úr að bæta og bað
lögregluþjóninn sem ég talaði
við að leiðbeina mér í málinu.
Hann tók ábendingu minni
ákaflega vel og sagðist skyldu
koma henni áfram til réttra
aðila. Síðdegis næsta dag var
búið að sandbera skák fyrir
neðan brekkuna og fyrir
kvöldið var búið að girða í
kring og ganga frá öllu saman.
Eg veit að íbúarnir hérna í
kring eru mér sammála um
það, að þessi viðbrögð eru til
fyrirmyndar.
Tek undir
með Sigurði
Karlssyni
Jóhanna Eyjólfsdóttir hringdi
og hafði eftirfarandi að segja:
— Eg tek heils hugar undir
skoðanir Sigurðar Karlssonar,
sem kært hefur Video-son
fyrir háttsemi þess í Breið-
holtinu. Ég er sjálf Breið-
holtsbúi og mér hefur blöskr-
að hvernig þetta fyrirtæki
hefur vaðið hér yfir, svo og
það að borgaryfirvöld skuli
hafa lagt blessun sína yfir
starfsemi þess, sem ljóst er að
varðar við lög. Ég bý í blokk
sem er inni í þessu kerfi, en
hef ekki látið tengja heimili
mitt við lögleysuna, og mun
ekki gera það. Ég er fegin að
vita til þess að fleiri en ég
vilja reyna að sporna við þess-
ari starfsemi.
íslenskar
skáldsögur
SUMAR
BLÓM
í PARADÍS
Ný skáldsaga eftir Snjólaugu Bragadóttur frá Skáldalæk. Fyrri
bækur Snjólaugar hafa jafnan fengió mjög góöar viötökur og
hún oft veriö í hópi mest seldu höfundanna. SUMARBLÓM í
PARADÍS er saga ungrar Reykjavíkurstúlku, sem stendur á
timamótum í lifi sínu í upphafi bókar. Örlögin haga því þannig
aö hún veröur þátttakandi í ævintýri sem gerist í Breiöafjarðar-
eyjum, þar sem komið hefur veriö upp sumarhóteli, — sumar-
paradís. Örlaganornirnar spinna hinni ungu stúlku vef sinn, og
margt fer ööru vísi en ætlaö er og á horfist, en spurningu um
hvaö gerist aó hausti er ekki svaraö fyrr en í bókarlok.
JORVA .
GLEÐI
Eftir Guömund Halldórsson frá Bergsstööum. Guömundur er
löngu landsþekktur rithöfundur bæöi fyrir smásögur sínar og
skáldsöguna „Þar sem bændurnir brugga í friöi". i hinni nýju
sögu Guömundar er undirtónninn hiö viökvæma deilumál sem
nú er ofarlega á baugi á islandi, stórvirkjanamálin og allt þaö
umrót sem þeim fylgir. Jafnframt segir Guömundur svo frá
JÖRVAGLEÐI nútímans, þegar fólk slær tjöldum viö félags-
heimiliö peningahelgina miklu, og unir þar um stund viö
gleðskap og glaum. Skýr persónusköpun og trúveröugar lýs-
ingar eru enn sem fyrr meginatriði frásagnarlistar Guömundar
frá Bergsstööum.
SAGAN
UM ÞRÁIN
Eftir Hafliöa Vilhelmsson, höfund bókanna „Leiö 12 Hlemmur-
Fell“ og Helgalok. SAGAN UM ÞRÁIN fjallar um mann sem
mótaður er af umhverfi sínu og föstum venjum. Bak viö skelina
býr persóna búin mörgum eðlisþáttum sem togast á og eiga í
innbyröis styrjöld. Hvaö gerist þegar viöjarnar bresta? Er
niöurlægingin sjálfskaparvíti, eöa eitthvaó sem maöurinn
veröskuldar. Þaö er meira aö segja spurningin hver niðurlægir
hvern. SAGAN UM ÞRÁIN er nútímasaga — átakasaga, og
eins og áöur nálgast Hafliöi viöfangsefni sitt tæpitungulaust og
fær lesandann til aö hrífast meö sér og taka þátt í átökunum
með söguhetjunum.
ÖRN&ÖRLYGUR
Síóumúlail, simi 84866