Morgunblaðið - 03.12.1981, Blaðsíða 44

44
MORGUNBLAÐIÐ, FIMMTUDAGUR 3. DESEMBER 1981
Ast er...
... að telja borðbænar
orð hans.
TM Reg U.S. Oft -alt riflht* reswved
• 1978 Los Angetes Times Syndicate

* -
KJX IOW
Vissir þú það mamma, ad úr skól-
l'au fara þér bara vel, rangafotin, anum og hingað heim eru ná-
skal ég segja þér! kvæmlega 20 drullupollar?
HÖGNI HREKKVISI
^ 7áWt//^r [//e /a/a/
L//Y/1/11/Á//A/ OH/TAf/ 7 "
» hI f! i . ? s!
I’essi mynd er tekin árið 1929 við heimili Sigríðar Jónu Þorbergsdóttur og Ólafs Hjálmarssonar á Point Roberts,
Wash.: Islenskar konur eru þarna samankomnar til þess að búa til „quilt“-teppi, úr kembdri ull. Sigríður Jóna situr
með teppið (lengst til vinstri).
„Áður fyrr á árunuma
Inga Jónasdóttir skrifar:
„Ágústa Björnsdóttir á þakkir
skilið fyrir sína góðu útvarps-
þætti, „Áður fyrr á árunum", sem
eru á dagskrá á þriðjudagsmorgn-
um, þeir eru hvort tveggja í senn:
fróðiegir og skemmtilegir. Ég
hafði t.d. mikið gaman af þættin-
um 17. nóv. sl., þar sem lesin var
frásögn Sigríðar Jónu Þorbergs-
dóttur frá Efri-Miðvík í Sléttu-
hreppi. Sigríður lýsti þarna æsku-
heimili sínu og sagði frá ýmsum
atvikum og atburðum frá upp-
vaxtarárunum í þessari afskekktu
sveit, en eins og kunnugt er m.a. af
nýlegri sjónvarpsmynd Ómars
- Góður út-
varpsþáttur
Ragnarssonar, lagðist byggð
þarna vestra í eyði fyrir nokkrum
áratugum. Þá sagði og frá því er
Sigríður ferðaðist vestur um haf,
ein með fjögur ung börn sín, til
vesturstrandar Bandaríkjanna, en
bóndi hennar hafði farið á undan
og undirbúið komu fjölskyldunn-
ar. Loks sagði frá dvöl þeirra í
Bandaríkjunum og samskiptum
við íslendinga þar, m.a. þeirri
skemmtilegu hefð, sem ætíð var í
heiðri höfð meðal kvennanna, að
koma saman til teppagerðar þegar
einhver þurfti þess með. Eftir
fjögurra ára dvöl í Bandaríkjun-
um héldu þau hjón með börn sín
aftur heim til íslands, heim í litla
plássið sitt. Lifandi og hlýleg frá-
sögn. Þökk fyrir."
Velvakandi hafði samband við
Ágústu Björnsdóttur og spurðist
fyrir um Sigríði. Ágústa sagði: —
Sigríður Jóna er enn á lífi og býr
hjá dóttur sinni, Ástu, sem skráði
þessar minningar móður sinnar.
Eiginmaður Sigríðar, Ólafur
Hjálmarsson, lést árið 1974.
Dillibossadans á
framsóknartám
Þorkell Hjaltason skrifar 24.
nóv.:
„Hinn heittrúaði kommúnisti,
er talaði í þættinum Um daginn og
veginn í Ríkisútvarpinu mánudag-
inn 16. nóvember sl., vitrist vera
svo innvígður í rússneska gúlagið,
að í huga þessa Grænvetnings
komst ekki annað að en fordæm-
ing á varnarkerfi frjálsra þjóða og
þar á meðal okkar íslendinga.
Hann segir: Herinn burt — ísland
úr Nató. Island skal vera varnar-
laust hlutlaust land. Eitthvað í
þessum dúr var dagskipan komm-
únista til hlustenda Ríkisútvarps-
ins þann daginn.
Allur heimurinn veit að mark-
mið kommúnista er og hefur alltaf
verið að hrifsa til sín völd með
ofbeldi og yfirgangi. í hinni marx-
ísku trúarbók kommúnista er ein
aðalreglan sem allar aðgerðir
þeirra miðast við: Tilgangurinn
helgar meðalið. Öllum ráðum má
beita, leyfilegum og óleyfilegum,
til að ná settu marki: yfirtroðslu
og ofbeldi, undirferli, svikum, lyg-
um, njósnum og mannvígum. Öll
þessi þokkalegu ráð eru að dómi
kommúnista mikilsverð hjálpar-
tæki til að sölsa undir sig yfirráð,
líf og eignir einstaklinga og heilla
þjóða, eins og sýnt hefur sig nú
síðast í Afganistan. Og svo þykj-
ast þessir hræsnisfullu kommún-
istar vera að boða frið.
Já, hvílík viðbjóðsleg hyldýpis
hræsni og undirferli lýsir sér í
þessu atferli Rússa, á sama tíma
og þeir eru með þetta friðartal og
heimta kjarnorkuvopnalaus
svæði, sigla þeir einum kafbáta
sinna með kjarnorkuvopn innan-
borðs í njósnaferð upp á strönd
Svíþjóðar, sem í áratugi hefur lýst
yfir ævarandi hlutleysi í öllum
stríðsátökum þjóða í milli.
En sem sagt: Rússar sluppu með
skrekkinn, þar sem Svíum urðu á
þau mistök að skila kafbátnum til
Rússa aftur, en það áttu þeir ekki
að gera fyrr en kafbáturinn hafði
verið rækilega rannsakaður,
ásamt allri áhöfninni. Og Svíar
áttu að krefjast fullkominnar
skýrslugerðar af kafbátsmönnum
um njósnaferð þessa um hlutlaust
svæði. En á þessu sést hvað Rúss-
ar virða hlutleysið lítils og hvað
mikið er að marka friðartal þeirra
og áróður um kjarnorkuvopnalaus
Norðurlönd. Þetta hræsnisfulla
tal Rússa um frið og kjarnorku-
vopn er eingöngu fram borið til
þess að veiða til fylgis við sjón-
armið þeirra nokkra nytsama sak-
leysingja er öllu virðast trúa er
frá Rússum kemur, hversu
heimskulegt og fáránlegt, sem það
annars er í sjálfu sér.
Og að síðustu langar mig til að
skjóta að nokkrum orðum varð-
andi varnarmá! okkar íslendinga.
Nú er svo komið, að lykillinn að
varnarmálunum er illu heilli kom-
Þorkell Hjaltason
inn í hendur kommúnista eftir öll-
um sólarmerkjum að dæma.
Kommar segjast hafa tryggt sér
neitunarvald í stjórnarsáttmálan-
um að því er varðar varnar- og
öryggismál Islands. En vissulega
mun utanríkisráðherra, sem fer
með úrslitavaldið í þessum mál-
um, ekki láta kommana beygja sig
svo, að varnarkerfið veikist af
þeim sökum. Því er það vonlaust
verk hjá Guðrúnu Helgadóttur að
reyna að beita áhrifum sínum í því
skyni að veikja varnarmátt lands-
ins. Utanríkisráðherra mun ekk-
ert kippa sér upp við það þótt
Guðrún dansi nokkra ræla og
polka á tám framsóknarþing-
manna, í þeim tilgangi að reyna að
fá þá til þess að hætta við eða
fresta öllum framkvæmdum á
vegum varnarliðsins á Keflavíkur-
flugvelli. Þessir draumórar Guð-
rúnar munu aldrei rætast, sem
betur fer.
Ég hygg að öllum fyrirhuguðum
framkvæmdum þar muni verða
haldið áfram og þar með byggingu
flugstöðvar og olíugeyma, sem
lífsnauðsyn er að koma upp sem
allra fyrst. Utanríkisráðherra
mun sjá um að svo verði gert, hvað
sem öllu tipli Guðrúnar líður."