Morgunblaðið - 29.01.1982, Blaðsíða 3

MORGUNBLAÐIÐ, FÖSTUDAGUR 29. JANÚAR 1982
3
Salome Birfíir l*ors(einn Björe
Selfoss — Seltjarnarnes:
Almennir fundir
um atvinnumál
SJÁLFSTÆÐISFLOKKIJRINN hefur gengizt fyrir almennum fundum
um atvinumál undir kjörorðinu: Leiðin til bættra lífskjara. Næstu fundir
verða á Selfossi, laugardaginn 30. janúr nk., og á Seltjarnarnesi, mánu-
daginn I. febrúar nk.
• SELFOSS: Fundur nk. laug-
ardag í Sjálfstæðishúsinu,
Tryggvagötu 7, hefst kl. 14 (tvö)
miðdegis. Frummælendur Sal-
ome Þorkelsdóttir, alþingismað-
ur, og Þorsteinn Pálsson, fram-
kvæmdastjóri.
• SELTJARNARNES: Fund-
ur í félagsheimilinu kl. 20.30
(hálf níu) að kvöldi. Málshefj-
endur verða Birgir Isleifur
Gunnarsson, alþingismaður, og
Björg Einarsdóttir, fyrrv. for-
maður Hvatar.
Fundirnir eru öllum opnir
meðan húsrúm leyfir.
1981:
Um 2% framleiðsluaukning
í iðnaði á 3. ársfjórðungi
FRAMLEIÐSLUMAGN í iðnaði hef-
ur lítillega vaxið á 3. ársfjórðungi
1981, miðað við sama tíma árið 1980,
segir í niðurstöðum Ilagsveifluvogar
iðnaðarins, sem byggir á úrtaks-
könnun, sem náði til 77 fyrirtækja í
22 greinum, en það er Félag ís-
lenzkra iðnrekenda og Landssam-
band iðnaðarmanna, sem standa
fyrir könnuninni.
Vegið hlutfall fyrirtækja í úr-
takinu með framleiðsluminnkun
er 20%, en fyrirtæki með fram-
leiðsluaukningu eru 36%. A 1. og
2. ársfjórðungi síðasta árs sýndi
Hagsveifluvogin hins vegar sam-
drátt í framleiðslu. Magntölur
benda til að aukningin miðað við
sama árstíma árið 1980 sé um 2%.
Það eru einkum fyrirtæki í
sælgætisframleiðslu, matvælaiðn-
Sala minnkaði
hins vegar
lítilsháttar
aði, veiðarfæraiðnaði, fatagerð og
prentiðnaði, sem aukið hafa fram-
leiðslu en einnig virðist nokkur
framleiðsluaukning hafa orðið í
ullariðnaði og skipasmíði. Þá virð-
ist framleiðsla í prjónavörufram-
leiðslu og sútun hafa dregizt hvað
mest saman, en einnig virðist
framleiðsla í pappírsvöruiðnaði og
gleriðnaði hafa dregizt saman.
Þegar 3. ársfjórðungur er bor-
inn saman við 2. ársfjórðung virð-
ist heildarframleiðsla hafa
minnkað, ef áliðnaður er undan-
skilinn. Ef litið er á iðnaðinn í
heild, er ekki gert ráð fyrir telj-
andi breytingum á 4. ársfjórðungi,
en horfur eru þó misgóðar eftir
einstökum greinum.
Framleiðendur telja sölu hafa
minnkað lítilsháttar á 3. ársfjórð-
ungi 1981 miðað við 3. ársfjórðung
1980, þegar litið er á iðnaðinn í
heild. Telja 43% fyrirtækjanna
söluna hafa minnkað, en 34%
þeirra hana hafa aukizt. Sölu-
minnkunin er einkum talin hafa
átt sér stað í prjónavörufram-
leiðslu, fatagerð, pappírsvöruiðn-
aði, sútun og álframleiðslu. Sölu-
horfur fyrir 4. ársfjórðung voru
samkvæmt könnuninni nokkuð
svipaðar og á 3. ársfjórðungi.
Bræður
teknir
LÖGREGLAN í Árbæ handtók laust
fyrir klukkan hálf sex í fyrrinótt tvo
pilta, 14 og 20 ára gamla, á Gufu-
nesvegi. Piltarnir, sem eru bræður,
reyndust hinir sömu og fyrir
skömmu stálu BMW-bifreið og stór
skcmmdu eftir að lögreglan hafði
veitt þeim eftirför. I»eir voru með
smávarning ýmiss konar, sem þeir
höfðu stolið úr húsi íslenzkra aðal-
verktaka að Höfðabakka 9.
Það voru öryggisverðir Öryggis-
þjónustunnar sem gerðu lögregl-
unni viðvart. Þeir höfðu séð tvo
grunsamlega pilta vera að vafstra
í kringum húsnæði Mazda-
umboðsins. Lögreglumenn fóru
þegar á vettvang og handtóku pilt-
ana við Gufunesveg, en þá voru
þeir á leið í Mosfellssveit, þar sem
þeir búa. Andvirði þýfisins sem
þeir höfðu í fórum sínum er ekki
mikið.
í fyrrinótt var brotist inn í hús-
næði Járnsteypunnar í Ananaust-
um og þar brotnar 7 hurðir. Þá var
brotizt inn á barnaheimili og
íþróttahúsið á Seltjarnarnesi.
Sameiginlegt
protkjor a
Akranesi um
helgina
SAMEIGINLEGT prófkjör stjórn-
málaflokkanna verður haldið á
Akranesi um helgina, á morgun,
laugardag, og á sunnudag, vegna
bæjarstjórnarkosninganna í vor.
Kosið verður í Iðnskólahúsinu við
Skólabraut, og er kjörstaður opinn
milli klukkan 10 og 16 báða dagana.
Kosning fer þannig fram, að kjós-
andi merkir kross framan við bók-
staf þess flokks er hann styður, og
siðan raðar hann frambjóðendum
sama flokks niður í númeraröð.
Eftirtalin gefa kost á sér í
prófkjöri Sjálfstæðisflokksins:
Benedikt Jónmundsson útibús-
stjóri, Guðjón Guðmundsson
skrifstofustjóri, Guðjón Þórðar-
son rafvirki, Guðrún L. Víkings-
dóttir hjúkrunarfræðingur, Hörð-
ur Pálsson bakarameistari,
Ragnheiður Ólafsdóttir húsmóðir,
Rún Elva Oddsdóttir skrifstofu-
maður, Valdimar Indriðason
framkvæmdastjóri og Þórður
Björgvinsson vélvirki.
Sjá kynningu á frambjóðendum
á bls. 23 í Morgunblaðinu í dag.
..hatierufvam'eWd
.. tvUstaöryQð'- . gevsi'e9

x
q! 30
IK