Morgunblaðið - 30.05.1982, Blaðsíða 15
MORGUNBLAÐIÐ, SUNNUDAGUR 30. MAÍ 1982
15
Biskup vígir
fjóra presta á morgun
Prestsefnin eru hér samankomin i biskupsstofu ásamt hr. Pétri Sigurgeirssyni. Frá vinstri: Rúnar Þór Egilsson, Þorbjörn Hlynur Árnason, hr. Pétur
Sigurgeirsson, Ólafur Jóhannsson og Jón Ragnarsson. Ljósm. Cuðjón.
Jón
Ragnarsson:
Þyrftum
að geta
starfað fyrst
sem aðstoðar-
prestar
— Þetta ár frá því ég útskrifað-
ist hef ég unnið ýmsa vinnu, en í
vor ákvað ég að sækja um embætti
farprests þjóðkirkjunnar, þar sem
mér fannst það betur henta mér
en að binda mig í föstu starfi fyrir
einhvern ákveðinn söfnuð, sagði
Jón Ragnarsson er Mbl. ræddi við
hann. Jón varð stúdent frá
Menntaskólanum við Tjörnina
1973 og útskrifaðist úr guðfræði-
deild fyrir ári síðan.
— Mér fannst rétt að reyna mig
í prestsstarfinu. Prestur sem kjör-
inn er til starfa í ákveðinni sókn
tekur á sig skyldur sem ég vildi
síður ráðast í án þess að hafa afl-
að mér reynslu með öðrum hætti
og tel ég það ákjósanlegt með
þessu, að gerast farprestur.
Og hvers konar störf koma í
hlut farprestsins?
— Hann á að vera tiltækur til
afleysinga ef prestar þurfa að fara
í orlof vegna veikinda eða sækja
um sérstakt frí. Biskup ráðstafar
því hvar farprestur á að starfa, en
mikið er um að prestar leiti til
hans með þá ósk að farprestur
leysi þá af um tíma.
Fyrsta verkefni mitt verður að
leysa sr. Ólaf Skúiason dómpróf-
ast af í Bústaðasókn í Reykjavík,
en hann verður í fríi í sumar. Tek
ég við því starfi 1. júlí og gegni því
í tvo mánuði. Ekki er ráðið hvað
þá tekur við. Enginn vafi er á að
þörf er á fleiri prestum til afleys-
inga, bæði úti á landi og í Reykja-
vík þar sem prestaköllin eru fjöl-
mennust.
En eru alltaf næg verkefni fyrir
nýja presta?
— Um þessar mundir útskrif-
ast nokkru fleiri en störfin eru
sem losna. En kirkjan er í dag
undirmönnuð miðað við stærð
safnaða. í Reykjavík er t.d. knýj-
andi þörf á fleiri prestum, en guð-
fræðinámið veitir svo til eingöngu
rétt til prestsstarfa. Annað sem ég
tel að gera þurfi er að auka þjálf-
un í náminu. Menn þyrftu að geta
reynt sig í starfi og í nágranna-
löndum tíðkast það að guðfræði-
nemar starfi um hríð í söfnuði.
Hér þyrfti því að gera fleirum
kleift að starfa sem aðstoðarprest-
ar um tíma, rétt eins og iæknar og
lögfræðingar verða að sýna hæfni
sína í starfi áður en þeir fá leyfi
til framtíðarstarfa sinna. En hér
þarf fjárveitingu til.
Ólafur
Jóhannsson:
Spennandi
að taka við
starfi sem
skólaprestur
— Ég fór í guðfræðideildina
með mjög opnum huga fyrir því
hvað tæki við að náminu loknu, en
lengi hafði ég hugsað mér að fara
í guðfræðina. Það gat verið
prestsstarf, kennsla eða kristni-
boð, en nú hef ég tekið að mér
starf skólaprests, sem ráðinn er af
Kristilegu skólahreyfingunni. Inn-
an hennar eru Kristileg skóla-
samtök og Kristilegt stúdentafé-
lag, sagði Ólafur Jóhannsson.
Hver er ástæða þess að þú ræðst
til starfa sem skólaprestur?
— Stjórn Kristilegu skóla-
hreyfingarinnar kallar mig til
þessa starfs og get ég kannski lítið
fjallað um ástæður, stjórnin hafði
allt frumkvæði að því. Hins vegar
má segja að ég hafi verið viðloð-
andi kristilegt starf frá barnæsku.
Ég tók þátt í starfi KFUM, síðar
KSS og KSF, sat m.a. í stjórn
þeirra og þekki orðið starfið af
eigin raun nokkuð vel. Mér finnst
mjög spennandi að fá að taka við
þessu starfi og þarna verður glímt
við mörg áhugaverð verkefni
Hvenær hófst starf skólaprests?
— Skólaprestur var fyrst ráð-
inn árið 1974 og kostnað við starf
hans báru KSS og KSF. Síðar var
stofnuð landshreyfing, Kristilega
skólahreyfingin, KSH, og verði
stofnuð fleiri félög víðar á landinu
á sama grundvelli og KSS og KSF
geta þau sótt um aðild að KSH.
Öll ábyrgð og fjármögnun starfs-
ins er af hálfu KSH. Starf skóla-
prests er algjörlega sjálfstætt, en
er innan þjóðkirkjunnar eins og
þau félög, er að því standa. Sr. Jón
Dalbú Hróbjartsson gegndi starf-
inu fyrstur, síðan sr. Gísli Jónas-
son og er ég sá þriðji.
Hvert er verksvið skólaprests?
— Ég er ráðinn af þessum
fyrrgreindu félögum og kemur í
minn hlut að annast fram-
kvæmdastjórn þeirra. Felur það í
sér yfirumsjón með starfi þeirra
og ábyrgð í samvinnu við stjórnir
þeirra. Meðal verkefna má nefna
stjórn biblíuleshópa eða samfé-
lagshópa, sem starfa á vegum fé-
laganna í flestum framhaldsskól-
um borgarinnar og meðal stúd-
enta, þátttaka í fundum félaganna
og öðru því sem nauðsyn krefur.
Ytra starf verður m.a. fólgið í því
að heimsækja hópa og æskulýðsfé-
lög úti á landi, sem verið hafa í
sambandi við KSH, einnig skóla í
Reykjavík og nágrenni. Skóla-
prestur hefur jafnan messað ým-
ist í tengslum við skólaheimsóknir
sínar eða haft fastan aðgang t.d.
að einhverri kirkju í Reykjavík.
Ekki hefur þó verið ákveðið hvaða
háttur verður á því hjá mér.
Þá má nefna samband við er-
lendar systurhreyfingar. Félögin
hér hafa í allmörg ár haft mikið
samstarf við hliðstæð félög á
Norðurlöndum og frá 1972 hefur
fólk héðan t.d. sótt norræn kristi-
leg stúdentamót og skólamót, sem
haldin eru árlega til skiptis á
Norðurlöndunum og verður svo
einnig í ár. Stúdentamótið var síð-
ast haldið hérlendis árið 1975 og
skólamótið 1980.
Er ótvíræð þörf fyrir skóla-
prest?
— Já, unglingsárin eru um-
brotatímar og þá vakna margvís-
legar trúarlegar spurningar.
Margir telja kristnina afgreitt
mál með fermingunni og það veitir
ekki af að hrista upp í fólki og efla
kristileg áhrif.
Einhver sérstök verkefni á
óskalistanum til að byrja með?
— Ekki annað en að halda
áfram starfinu sem þessi félög
hafa sinnt í áratugi, en kjörorð
KSS eru Skólaæskan fyrir Krist.
Ég vona því að nemendur verði
varir við eitthvert átak af hálfu
þessara félaga í haust.
En hvað er á dagskrá í sumar?
— í sumar mun KSS halda
vikulega fundi á þriðjudögum og
KSF á miðvikudögum, einnig
ferðalög o.fl., en segja má að á
sumrin sé starf félaganna í lág-
marki. Strax í haust bætast við
leshóparnir, sem ég gat um áðan,
og reynt er að finna ýmsar leiðir
til að vekja athygli á boðskap
kristninnar og koma honum á
framfæri meðal nemenda með
ýmsu móti, en félög þessi hafa t.d.
nokkra blaðaútgáfu á sinni könnu.
Enn má nefna að skólaprestur
hefur jafnan haft viðtalstíma í
viku hverri og geri ég ráð fyrir að
vera til viðtals á skrifstofu félag-
anna þriðjudaga og miðvikudaga
kl. 18—20. Þangað geta menn leit-
að með spurningar um atriði
kristinnar trúar og vandamál trú-
arlegs eðlis eða til að ræða hvað-
eina er viðkemur starfinu.
Þorbjörn Hlynur
Arnason:
Akjósanlegt
prestakall
til að hefja
starfið í
— Ég tók mér nokkurn tíma
eftir stúdentsprófið til að hugsa
málið, vann t.d. við kennslu og
gæslustörf á Kleppi, en eftir
tveggja ára hlé frá námi fór ég í
guðfræðideild og vissi þá að þetta
var það sem átti best við mig, guð-
fræðin var mér áhugaefni og nú er
hún í senn áhugaefni og starf,
sagði Þorbjörn Hlynur Arnason,
sem frá 1. júní tekur við starfi
sóknarprests í Borgarprestakalli á
Mýrum, en til þess var hann kjör-
inn 28. mars sl.
— Guðfræðin er afskaplega
skemmtileg fræðigrein og í nám-
inu hér fá menn innsýn í alla
þætti hennar, en því eru þá
kannski takmörk sett hversu
djúpt menn geta kafað í hina ein-
stöku þætti greinarinnar. Ein
ástæða þess að ég fór í framhalds-
nám var sú að ég vildi vinna meira
á sérsviði mínu, 19. og 20. aldar
guðfræði, sagði Þorbjörn Hlynur
ennfremur, en í tvo vetur eftir
námið hefur hann stundað fram-
haldsnám við Vanderbilt-háskól-
ann í Bandaríkjunum, en hann út-
skrifaðist frá guðfræðideild vorið
1980.
Hvernig telur þú þig undirbúinn
til prestsstarfa eftir námið?
— Það er kannski ekki gott að
segja, en námið er margþætt, en
vissulega er ekki hægt að læra allt
sem viðkemur starfi prestsins
fyrirfram. Það er nám í sjálfu sér
að hefja starfið, læra að ná tökum
á því og segja má að í mér sé bæði
tilhlökkun og kvíði, eins og fylgir
flestum hlutum sem krefjast
nokkurs af mönnum.
Borgarprestakalli tilheyra 5
sóknir: Borgarsókn, Borgarnes-
sókn, Álftártungusókn, Álftanes-
sókn og Akrasókn og eru nálægt
2.000 manns í prestakallinu.
— Þetta prestakall er að mínu
mati ákjósaleg stórt fyrir prest
sem er að hefja starf sitt, hæfilega
fjölmennt til að nóg sé af verkefn-
um, en ekki of stórt til að ekki sé
hægt að kynnast fólkinu. En ég
ólst upp þarna í nagrenninu, faðir
minn var prestur í Söðulsholti og
ég þekki því nokkuð til sveitarinn-
ar og í aðdraganda kosninganna
kynntist ég þarna mörgu safnað-
arfólki, en prestskosningar eru
sérkennilegasta lífsreynsla sem ég
hef komist í.
Þorbjörn Hlynur Árnason er
kvæntur Önnu Guðmundsdóttur.
Rúnar Þór
Egilsson:
Hlakka til
að takast á við
þetta verkefni
— Það er kannski erfitt að
segja hvers vegna, en áhuginn hef-
ur sennilega vaknað við kynni mín
sem barn og unglingur af kristi-
legu starfi. Síðan hefur hvað leitt
af öðru, ég velti ýmsum möguleik-
um fyrir mér og fann að guðfræð-
in átti best við mig, sagði Rúnar
Þór Egilsson sem vígðist til
prestsþjónustu í Mosfellspresta-
kalli þegar hann var spurður um
ástæðu þess að hann hóf guð-
fræðinám.
Rúnar Egilsson varð stúdent frá
Menntaskólanum í Reykjavík 1972
og guðfræðiprófi lauk hann vorið
1981. Siðasta vetur kenndi hann
við lýðháskólann í Skálholti. En
hvernig fannst honum að nema
guðfræði?
— Námið var að sumu leyti
svipað því sem ég átti von á, en
þetta er fjölþætt og yfirgripsmikið
nám og tók einnig til sviða sem ég
átti ekki von á að tilheyrðu því.
Stefndirðu alltaf að prestsskap?
— Já, ég stefndi að því með
þessu námi, ekki síst eftir að ég
fór að finna að þarna átti ég
heima. Guðfræðinemar fá nú orðið
nokkuð góða hagnýta þjálfun í
námi sínu og hefur það komið í
hlut sr. Bjarna Sigurðssonar að
skipuleggja þann þátt. Auðvitað
mætti kannski taka enn fleiri
þætti til þjálfunar, kannski helst
að fá að starfa meira með prestun-
um sjálfum, t.d. sem sumarstarf.
Nokkru fé er veitt til þess núna en
færri guðfræðinemar en vilja
komast í það starf.
Sem sérsvið valdi ég kenni-
mannlega guðfræði og þá sérstak-
lega sálgæslu og hlaut ég því sér-
staka þjálfun í henni. í stuttu máli
fer hún þannig fram að ég sótti
undirbúningstíma og síðan störf-
uðum við skipulega meðal fólks á
Hrafnistu. Höfðum við þar reglu-
legt samband við 10 manns sem
við heimsóttum vikulega í eitt
misseri og ræddum við og síðar
var ég um tíma á geðdeild Land-
spítalans þar sem geðlæknir leið-
beindi.
Hvernig leggst í þig að hefja nú
starf?
— Mér líst mjög vel á það og ég
hlakka til að takast á við þetta
verkefni. Ég er búinn að heim-
sækja flest heimili í prestakallinu,
en helsti gallinn er kannski sá að
fyrst þarf að koma upp nýju hús-
næði á Mosfelli þar sem prestsbú-
staðurinn að Mosfelli er ekki íbúð-
arhæfur lengur. Við höfum íbúð í
Skálholti fyrstu vikurnar, en hvað
tekur þá við er ekki gott að segja.
Í Mosfellsprestakalli eru fimm
sóknir: Mosfell, Miðdalur, Stóra-
Borg, Búrfell og Úlfljótsvatn og
Rúnar er spurður hvort einhver
sérstök ástæða sé fyrir því að
Mosfell varð fyrir valinu:
— Nýútskrifaðir guðfræðingar
hafa e.t.v. ekki um mörg presta-
köll að velja að námi loknu, en
hins vegar er nokkur hreyfing á
prestum um þessar mundir. Ég
þekki nokkuð til í Grafningi og
Tungunum og kann vel við mig
þar. Ef til vill heillaði Mosfell mig
þess vegna. Þarna verður trúlega
nóg að gera, fyrst við að setja sig
inn í aðstæður í prestakallinu og
síðan að starfa og er það tilhlökk-
unarefni, en um leið fylgir því
mikil ábyrgða.
Rúnar Þ. Egilsson er kvæntur
Svanhildi Margréti Bergsdóttur.