Morgunblaðið - 30.05.1982, Qupperneq 36
36
MORGUNBLAÐIÐ, SUNNUDAGUR 30. MAÍ1982
Viðskiptavinir skógræktarstöðvarinnar skoða það sem er á boðstólum.
Trjáplöntur 50—60 sm. háar eins og þær eru gjarnan seldar hjá skógrækt-
arstöðinni-
Trjáplöntur, eftir að þær hafa verið teknar úr gróðurhúsinu og settar í
vermireiti. Ljfem. Mbi. Guéjón.
Vilhjálmur Sigtryggsson fram-
kvæmdastjóri Skógræktarfélags
Reykjavikur sýnir 3ja mán. gamlar
trjáplöntur sem sáð hefur verið til í
gróðurhúsi.
ræktarvika
aí — 5. júní
SKÓGRÆKTARFÉLAG íslands, sem er samtök skógræktarfélaga um land
allt, gengst fyrir skógræktarviku dagana 30. maí til 5. júni. Skógræktarfélag
Reykjavíkur hefur ákveðið að nota þessa viku til að kynna skógrækt með
ýmsum hætti og vekja athygli á mikilvægi skógræktarmála. f tilefni af
þessari viku hefur Morgunblaðið ákveðið að kynna ýmsa þá þætti skógrækt-
ar, sem að borgarbúum snúa, með daglegum þáttum þá daga sem vikan
stendur.
Skógræktarfélag Reykjavíkur er
félag áhugamanna um skógrækt í
Reykjavík. Það varð til sem sér-
stakt félag 1947 þegar Skóg-
ræktarfélag íslands, sem hafði ver-
ið stofnað 1930, var lagt niður,
nema sem heildarsamtök héraðs-
bundinna skógræktarfélaga um allt
land. Núverandi stjórn félagsins
skipa Jón Birgir Jónsson, verkfræð-
ingur, formaður, Lárus Blöndal,
bóksali, varaformaður, Þorvaldur S.
Þorvaldsson, arkitekt, ritari, Björn
Ófeigsson, heildsali, gjaldkeri og
Bjarni K. Bjarnason, borgardómari,
meðstjórnandi. Félagar fá sent
ársrit Skógræktarfélags íslands og
félagið sendir út á nokkurra mán-
aða fresti fréttabréf sem nefnist
Skógurinn og hefur komið út und-
anfarin 10 ár. Allir áhugamenn um
skógrækt geta gerst félagar i félag-
inu og eru hvattir til þess.
Félagið fjármagnar starfsemi
sína með rekstri skógræktarstöðvar
í Fossvogsdalnum. Við fengum Vil-
hjálm Sigtryggsson, framkvæmda-
stjóra Skógræktarfélags Reykjavík-
ur, til að fylgja okkur um stöðina og
kynna okkur starfsemi hennar.
Fram kom að skógræktarstöðin
hefur rúmlega 15 hektara lands til
umráða í Fossvogsdalnum. Á tölu-
verðum hluta þess lands stendur
skógur, en annars staðar fer fram
ræktun trjáplantna til sölu. Mikil
starfsemi fer fram á vegum stöðv-
arinnar. Yfir sumarið eru starfs-
menn hennar milli 50 og 60, en fast-
ir starfsmenn árið um kring eru 12.
Stöðin sér Heiðmörk algerlega fyrir
plöntum, um 100.000 fara þangað
árlega og hefur Skógræktarfélagið
umsjón með gróðursetningu þeirra
og mikið er selt árlega til Reykja-
víkurborgar, sem gróðursett er í al-
menningsgörðum og á útivistar-
svæðum. Árleg framleiðsla stöðvar-
innar er um 400.000 plöntur. Þar af
er sáð til um 200.000, en 100.000 eru
græðlingar. Sala stöðvarinnar ár-
lega er 200.000—300.000 plöntur,
því alltaf misferst einhver hluti af
því, sem gróðursett er á hverju ári.
Okkur voru sýndar trjáplöntur á
ýmsum aldursstigum. Venjulegt
ferli trjáplöntu hjá stöðinni er með
þeim hætti, að fyrst er annað hvort
sáð til hennar eða græðlingur tek-
inn og gróðursettur. Þetta er venju-
lega gert á vorin og þegar plantan
hefur verið eitt sumar í gróðurhúsi
hefur hún náð 10—12 sm. hæð. Á
vorin þegar engin hætta er lengur á
næturfrosti, er plantan flutt út
undir bert loft, en er fyrst um sinn
höfð í vermireit. Þegar hún hefur
verið þar í nokkrar vikur, er fyrst
hægt að sleppa af henni hendinni.
Þegar plantan hefur náð 40—50 sm.
hæð er hún seld, en plöntur eru
einnig seldar á öðrum vaxtarstig-
um. Með þessu móti er hægt að
stytta samsvarandi vaxtartíma
trjáplöntunnar um tvö ár.
Um 100 tegundir trjáplantna eru
ræktaðar hjá skógræktarstöðinni.
Helstu trjátegundirnar eru sitka-
greni, stafafura, alaskaösp, alaska-
víðir og viðja, og eru þá ótaldar þær
tegundir runna sem þar eru rækt-
aðar.
Skógræktarstöðin hefur umsjón
með og sér um gróðursetningu á
ýmsum trjáræktarsvæðum, fyrir
hönd Skógræktarfélagsins. Eins og
fram hefur komið sér það algerlega
um Heiðmörkina, en auk þess á það
Rauðavatnsstöðina, hefur umsjón
með Öskjuhlíðarstöðinni og með
opna svæðinu milli borgarhlutanna,
eins og til dæmis Elliðaárdalssvæð-
inu.
Dagskrá skógræktarvikunnar hjá
Skógræktarfélagi Reykjavíkur
verður fyrst og fremst með þeim
hætti, að haldnar verða kynningar
á hinum ólíku þáttum skógræktar í
Skógræktarstöðinni í Fossvoginum
milli 5 og 7 þá virku daga sem
skógræktarvikan stendur, sem er
frá sunnudegi til laugardags. Á
laugardaginn er fyrirhuguð skóg-
ræktarferð i Heiðmörk. Dagskrá
vikunnar verður auglýst jafnóðum.
Herragarðurinn
í stærra og betra
húsnæði á 10
ára afmælinu
Herragarðurinn, verslun Garðars Siggeirssonar við Aðalstræti I
Reykjavík, er tíu ára um þessar mundir. Garðar hélt upp á afmælið með
því meðal annars, að færa sig lítillega til í Aðalstrætinu, og opna að nýju
í mun stærra húsnæði en hann hafði áður til umráða. Um leið hefur
vöruval aukist, og betra rúm er fyrir viðskiptavini að skoða og máta þann
fatnað sem á boðstólum er. Blaðamaður hitti Garðar að máli, og spurði
hann hvaða fatnað hann hefði einkum í verslun sinni.
„Ég er bæði með innlenda
framleiðslu og innflutta,“ sagði
Garðar, „er til dæmis með föt
hér til sölu frá Þýskalandi, Ítalíu
og Frakklandi, og nú þegar ég
flyt verslunina í húsnæði sem er
meira en helmingi stærra en það
sem við vorum í áður, aukum við
enn fjölbreytnina. Bæði eru
þetta öll „venjuleg" föt, og þó
ekki síður aðeins „fínni" vara, og
svo höfum við kappkostað að
hafa alltaf fyrirliggjandi fatnað
fyrir menn með „prófiT. Með
auknu rými nú höfum við þegar
fjölgað stærðum talsvert frá því
sem var.“
— Verðið, er það sambærilegt
við það sem er erlendis?
„Já, það er fyllilega sam-
keppnisfært, í flestum tilvikum
svipað eða lægra en úti. Þá er ég
að sjálfsögðu að tala um vand-
aða vöru, því auðvitað verður að
bera saman sambærilega vöru,
ef verðið á að vera raunhæft. En
hér er lítil álagning og tollamál
ekki lengur hindrun, og þrátt
fyrir vörugjald og háan sölu-
skatt, er verðið hér hagstæðara
Garðar Siggeirsson í hinu nýja og glæsilega húsnæði Herragarðsins við Aðalstræti. Verslunin er 10 ára um
þessar mundir, og flutti af þvi tilefni í stærra húsnæði.
en til dæmis í London, Róm og
París og fleiri erlendum stór-
borgum."
— Og Islendingar, kunna þeir
að meta góðar vörur, erum við
klæddir eins og aðrar þjóðir?
„Já, þetta er að smákoma, við
erum að nálgast heimsmæli-
kvarða," sagði Garðar, og um
leið var hann rokinn til að sinna
viðskiptavinum.
— AH