Morgunblaðið - 12.08.1982, Blaðsíða 29
MORGUNBLAÐIÐ, FIMMTUDAGUR 12. ÁGÚST 1982
29
Aer Lingus tapaði 22 milljónum punda á Atlantehafsfuginu 1981:
Irska ríkið fyrir-
skipar áíram flug
þrátt fyrir, að stjórn félagsins vilji hætta
því og segja upp 1.500 starfsmönnum
ÍRSKA ríkisstjórnin hefur fyrir-
skipað Aer Lingus-flugfélaginu
írska, aö halda áfram áætlunarflugi
sinu yfir Norður-Atlantshafið, þrátt
fyrir að félagið hafi tapað um 22
milljónum punda á þessu flugi á
síðasta ári.
Þessi ákvörðun rikisstjórnarinn-
ar kemur aðeins degi eftir að stjórn
fyrirtækisins komst að þeirri niður-
stöðu, að eina færa leiðin út úr
ógöngum þess væri, að hætta Atl-
antshafsfluginu og fækka starfs-
mönnum um 1.500.
Félagið hafði óskað eftir um 20
milljóna punda aukafjárframlagi
ríkisins, en talsmaður ríkis-
stjórnarinnar tilkynnti á dögun-
um, að félagið fengi aðeins 10
milljónir punda. Það er því ljóst,
að Aer Lingus mun eiga í gríðar-
legum rekstrarerfiðleikum á
næstu mánuðum og árum.
Skuldir félagsins nema nú lið-
lega 155 milljónum punda og
hafa aldrei verið meiri. Vegna
þessa ástands hefur það komið
verulega inn í umræðu stjórnar
fyrirtækisins, að selja eignarhlut
þess í hótelstarfsemi ýmiskonar.
Boeing:
10 pantanir bárust á
öðrum ársfjórðungi
en 39 á sama tíma á síðasta ári
VANDRÆÐI flugvélaframleiðenda
eru mikil þessa mánuðina samfara
hinum miklu rekstrarerfiðleikum
sem flugfélög víðs vegar um heiminn
eiga við að stríða. Talsmaður
Boeing-verksmiðjanna bandarísku
tilkynnti á dögunum, að fyrirtækið
hefði aðeins fengið 10 pantanir á far-
þegaþotum á öðrum ársfjórðungi
þessa árs, samanborið við 39 á sama
tíma í fyrra.
Talsmaðurinn sagði ennfremur,
að þrátt fyrir þetta væri gert ráð
fyrir, að sala fyrirtækisins á þessu
ári yrði eitthvað í námunda við 9
milljarða dollara, en til saman-
burðar var sala síðasta árs um
9,79 milljarðar dollara.
Hann sagði Boeing-menn gera
sér miklar vonir um gott gengi
með hinar nýju vélar verksmiðj-
anna, Boeing 757 og Boeing 767.
Reyndar gat hann þess, að Boeing
767 hefði nú fengið flughæfnis-
vottorð frá bandarískum flug-
málayfirvöldum. Fyrstu vélarnar
yrðu því afhentar Únited Airlines
í lok þessa mánaðar, en félagið
hefur þegar pantað 15 vélar.
Boeing hefur fengið 173 pantan-
ir á Boeing 767-vélinni frá 17
flugfélögum víðs vegar um heim-
inn.
Frönsku kartöflurnar frá Svalbarðseyri:
Vinna stöðugt á innflutninginn
segir Magnús Jónsson, framkvæmdastjóri Garra,
sem tekiö hefur að sér söluumboð á Suðvesturlandi
FYRIRTÆKIÐ Garri í Reykjavík
hefur tekið að sér söluumboð fyrir
hinar svokölluðu Svalbarðseyrar-
kartöflur, sem Kaupfélag Sval-
barðseyrar framleiðir á Suðvestur-
landi. Um er að ræða hálfsteiktar
„franskar" kartöflur, sem eru til-
búnar í djúpsteikingarpotta.
Magnús Jónsson, fram-
kvæmdastjóri Garra, sagði í
samtali við Mbl., að salan gengi
vel, enda væri um að ræða fylli-
lega samkeppnishæfa vöru við
innflutninginn, sem ráðið hefur
ríkjum í gegnum árin.
Magnús sagði ennfremur, að
Garri væri með almenna dreif-
Magnús Jónsson, framkvæmdastjóri
Garra. Ljé*my«d Mbl.
ingu á svæðinu, en fyrirtækið
hefur þó í gegnum tíðina sérhæft
sig í þjónustu við hótel, veit-
ingastaði og mötuneyti.
Kartöflunum er dreift í tveim-
ur stærðum í smásölu, annars
vegar 800 gramma pakkningu og
hins vegar í 2ja kílóa pakkningu.
Magnús Jónsson sagði aug-
ljóst, að góð framtíð væri í sölu
þessarar vöru enda hefði það
sýnt sig á þeim stutta tíma, sem
Kaupfélag Svalbarðseyrar hefði
verið með þessar kartöflur í
framleiðslu, að þær væru stöðugt
að vinna á innflutninginn, sem
ráðið hefur ríkjum. — Það er
erfitt að gera sér glögga grein
fyrir ársneyzlunni, en þó held ég
að hún sé eitthvað í námunda við
eitt þúsund tonn. Framleiðslan
hjá Kaupfélagi Svalbarðseyrar
hefur verið í kringum 50 tonn á
mánuði, eða um 600 tonn á ári,
sagði Magnús Jónsson ennfrem-
ur.
VIÐSKIPTI
VIÐSKIPTI - EFNAHAGSMÁL - ATHAFNALÍF
— umsjón Sighvatur Blöndahl
Útsala
Kjólar, dragtir, blússur pils.
Mikil verölækkun.
Dragtin Klapparstíg 37.
Aðalfundur
fyrir Akur hf., Glerárgötu 7, Akureyri, veröur haldinn
fimmtudaginn 26. ágúst 1982, kl. 16 síödegis í húsa-
kynnum félagsins.
Dagskrá: Venjuleg aöalfundarstörf.
Á fundinum veröur lögö fram tillaga um aö fækka
stjórnarmönnum um tvo, þannig aö í aöalstjórn sitji 3
menn og tveir til vara.
Stjórn Akurs hf.
Saab 900 GLS
Til sölu SAAB 900 GLS (sjálfskiptur, 4ra dyra). Uppl.
Bílasmiöurinn sf., Lágmúla 7. Sími 35181.
r Beint flug í sólina
Þriggja vikna ferö til BENIDORM 14. sept. ■
(Beint flug) * ■
5. okt: Tvær vikur á strönd BENIDORM með S ■
viðkomu í LONDON 2 eða 4 daga. s ■
Hringiö og fáið sendan feröabækling og |g ■
veróupplýsingar. ■
III
FERDA I
miðstodiim;
^AÐALSTRÆTI 9 S. 281331