Morgunblaðið - 04.12.1982, Blaðsíða 2

MORGUNBLAÐIÐ, LAUGARDAGUR 4. DESEMBER 1982
2
Hans G. Andersen
undirritar haf-
réttarsáttmálann
HANS G. Andersen sendiherra
undirritar Hafréttarsátt-
málann fyrir íslands hönd á
Jamaica, næstkomandi föstu-
dag. Auk Hans heldur Guð-
mundur Eiríksson, þjóðréttar-
fræðingur utanríkisráðuneyt-
isins, til Jamaica á fundinn.
Ekki er ljóst hversu mörg ríki
munu skrifa undir sáttmálann,
en ljóst er að Bretar, Banda-
ríkjamenn og V-Þjóðverjar
munu ekki skrifa undir.
Utanríkisráð-
herra Svíþjóð-
ar í heimsókn
Utanríkisráðherra Svíþjóð-
ar, Lennart Bodström, kemur
hingað til lands í óformlega
heimsókn síðdegis í dag. Bod-
ström mun m.a. eiga viðræður
við Ólaf Jóhannesson utanrík-
isráðherra á mánudag og einn-
ig hitta forsætisráðherra og
forseta íslands að máli. Bod-
ström hefur nýlega heimsótt
Noreg og Finnland, og hyggst
einnig heimsækja Danmörku.
Ýr sökk í
gærmorgun
Vélbáturinn Ýr SU 15, gerð-
ur út frá Þórshöfn, sökk á Þist-
ilfirði snemma á áttunda tím-
anum í gærmorgun. Ýr var 9
tonna trébátur. Eigandinn og
útgerðarmaðurinn Björgvin
Sveinsson var einn um borð og
bjargaðist hann um borð í Val,
en skipstjóri Vals er Marinó
Jónsson.
Stal 900
dollurum
FERÐATÉKKUM að andvirði
900 dollurum var stolið frá
bandarískum ferðamanni á
Hótel Esju í fyrrakvöld. Mað-
urinn skrapp úr herbergi sínu
og skildi eftir ólæst. Á meðan
var fénu stolið. Þjófnaðurinn
var kærður til Rannsóknarlög-
reglu ríkisins. Maður var
skömmu síðar handtekinn og
hefur hann viðurkennt að hafa
stolið fénu og var því komið í
hendur hins rétta eiganda.
Um 40 árekstr-
ar í Reykjavík
í gær
MIKIÐ var um umferðaróhöpp í
umferðinni í Reykjavík í gær —
frá því klukkan 10 í gærmorgun
fram til klukkan 18 urðu um 40
árekstrar. Harðasti áreksturinn
varð á gatnamótum Eiríksgötu
og Barónsstígs. Þar skullu sam-
an Toyota-bifreið með Y-númeri
og Fiat-bifreið með G-númeri.
Y-bifreiðinni var ekið vestur
Eiríksgötu og G-bifreiðinni
suður Barónsstíg og skullu bif-
reiðirnar saman á gatnamót-
unum. Toyotan kastaðist á
kyrrstæða Peugot-bifreið.
Tvennt var flutt í slysadeild en
meiðsli munu ekki talin alvar-
leg. Toyotan og Fiatinn eru
mikið skemmdir.
Jóiakaffi
Hringsins
frestað
Jólakaffi Hringsins verður
ekki á Hótel Borg sunnudaginn
5. desember eins og ráðgert
var, heldur sunnudaginn 12.
desember á Hótel Sögu.
Morgunblaðift/Ól.K. Mag.
Geir Hallgrímsson, formaður Sjálfstæðisflokksins, heilsar Gunnari Thoroddsen, forsætisráðherra, á flokksráðs-
fundi Sjálfstæðisflokksins í gærdag.
Sjálfstæðisflokkurinn:
Flokksráðs- og formanna-
fundinum lýkur í dag
FJÖLMENNUR nokksráðs- og
formannafundur Sjálfstæðisflokks-
ins var settur að Hótel Sögu með
Heimsmetið a þessu sviði er í eigu
v-þýskra hljómlistarmanna og er frá
árinu 1968. Léku þeir samfellt í 321
klukkustund. Ætlunin er að bæta
þetta met.
Leikið verður dag og nótt í Tóna-
bæ, en húsið þó lokað að nóttunni.
Fylgst verður gaumgæfilega með að
öllum reglum verði framfylgt og
verður m.a. fulltrúi frá heimsmeta-
bók Guinness til staðar.
Gera má ráð fyrir að 40—60
hljómsveitir taki þátt í tónleikum
ræðu Geirs Hallgrímssonar for-
manns flokksins kl. 15 í gær, en
ræðu Geirs eru gerð skil annars
þessum. Hljómsveitunum er ætlað
að leika í a.m.k. sex klukkutíma
hverri, en allt upp í hálfan sólar-
hring ef þeim endist þrek til slíks.
Allar hljómsveitirnar leika endur-
gjaldslaust.
Sem fyrr segir hefjast tónleikarn-
ir kl. 14 í dag. Það verður hljóm-
sveitin Þeyr, sem ríður á vaðið. Te
fvrir tvo og Trúbad fylgja svo á eftir.
Á morgun er gert ráð fyrir, að
Mezzoforte leiki frá 14—20.
staðar í blaðinu. Fundi var frestað
síðdegis og verður framhaldið i dag.
Að lokinni setningarræðu Geirs
Hallgrímssonar fór fram kjör
stjórnmálanefndar. Þá gerði Frið-
rik Sophusson varaformaður
Sjálfstæðisflokksins grein fyrir
drögum að stjórnmálaályktun,
sem stjórnmálanefnd tók síðar til
meðferðar. Að því loknu voru al-
mennar stjórnmálaumræður á
dagskrá.
Fundinum verður framhaldið í
dag. Kl. 9 kemur flokksráðið sam-
an, en frá kl. 10 til 12.30 verða
almennar umræður um flokks-
starf og kosningaundirbúning. Þá
verður sameiginlegur hádegis-
verður, en kl. 14 verður stjórn-
málaályktun lögð fram en síðan
fara fram almennar umræður.
Stjórnmálaályktun verður af-
greidd í lok fundarins, en reiknað
er með fundarslitum um kl. 17.30.
Norðurlandskjördæmi
vestra:
Heimsmetstil-
raun í Tónabæ
ALLSÉRSTÆÐIR tónleikar hefjast í Tónabæ kl. 14 í dag. Er hér um aó ræda
maraþontónleika, sem SA1T og Tónabær standa að í sameiningu. /Etlunin með
þessum maraþontónleikum er að leika tónlist samfellt í 14 sólarhringa og slá
þannig heimsmet.
„Þarf góðan mann
í þriðja sætið“
„Ánægjulegt að þeir skuli allt í einu treysta
mér til þess“ segir Páll Pétursson alþingismaður
„ÉG ER auðvitað mjög stoltur af því hve þessir menn treysta mér vel. Því er
náttúrlega ekki að leyna, að það þarf að hafa góðan mann í þriðja sætinu, ef það
á að verjast. Við unnum þetta sæti seinast og það þarf auðvitað að vanda mjög
val frambjóðanda í það,“ sagði Páll Pétursson, alþingismaður, er Morgunblaðið
innti hann álits á alyktun fundar framsóknarmanna í Austur-Húnavatnssýslu
þess efnis að hann skipi þriðja sæti framboðslista flokksins við næstu alþingis-
kosningar.
Páll sagðist að svo komnu máli
ekki vilja gefa neinar yfirlýsingar
um það, hvort hann yrði við þessari
ályktun flokksbræðra sinna og
sýslunga. Framboðsmálin væru á
undirbúningsstigi nú og stjórn
kjördæmisráðsins tæki endanlega
ákvörðun um skipan framboðslist-
ans í Ijósi ályktana og óska fram-
sóknarfélaganna í kjördæminu.
„Ég geri ráð fyrir því, að það, sem
fyrir þessum mönnum vakir, sé að
þriðja sætið sé ótryggt og þeir
treysti mér bezt til að tryggja, að
það haldist. Ég er mjög ánægður
með það hvað þeir eru allt í einu
farnir að treysta mér vel, þeir hafa
nú stundum ekki verið mjög ánægð-
ir með það, sem ég hef verið að gera.
Atkvæðagreiðsla fundarins fór
reyndar á þá leið, að 21 voru með, 10
á móti og 3 sátu hjá og því ekki
einróma samþykkt.
Við erum staðráðnir í að verja
þriðja sætið og látum það ekkert á
okkur fá, þó að mikil þátttaka hafi
orðið í prófkjöri sjálfstæðismanna
hér í kjördæminu. Þar gekk mikill
fjöldi manns eða að minnsta kosti
250 til liðs við Sjálfstæðisflokkinn,
sem ekki kusu hann seinast, jafnvel
þó allir sem kusu hann síðast hafi
kosið nú. Ég vil ekkert fullyrða
hvernig stöðu þeirra manna sé há-
ttað, þeir virðast hafa lýst því yfir
með þátttöku sinni í prófkjörinu, að
þeir séu sjálfstæðismenn. Ég veit
ekki hvort þeir skila sér aftur til
fyrri flokka sinna, en við erum stað-
ráðnir í að verja þetta sæti," sagði
Páll.
Gögn úr próf-
kjöri í vörzlu
kjörnefndar
KJÖRGÖGN vegna prófkjörs
sjálfstæðismanna í Norðurlandi
vestra eru nú í vörzlu séra Gunn-
ars Gíslasonar, kjörnefndarfor-
manns að Glaumbæ í Skagafirði.
Inn á kjörnefndarfund á miðviku-
dag barst bréf frá Jóni Ásbergs-
syni, þar sem hann fór fram á við
kjörnefnd, að öll kjörgögn yrðu
varðveitt sem flokksskjöl og gætu
frambjóðendur síðar fengið að
skoða þau. Samkvæmt upplýsing-
um Morgunblaðsins munu ýmsir
þeir er þátt tóku í prófkjörinu í
Austur-Húnavatnssýslu vera lítt
ánaegðir með þessa ákvörðun.
Telja þeir sig hafa loforð fyrir því,
að kjörgögnin yrðu brennd eða
eyðilögð á annan hátt strax eða
fljótlega að prófkjöri loknu.
INNLENT
Þorlákshöfn:
Fullorðinn maður
fyrir bifreið
MAÐUR um sjötugt varð fyrir
bifreið á Óseyrarbraut í Þor-
lákshöfn á fimmtudagskvöldið.
Maðurinn missti meðvitund og
hlaut opið beinbrot, en komst
fljótlega aftur til meðvitundar.
Hann var fluttur í sjúkrahúsi í
Reykjavík. Maðurinn var að
ganga yfir Óseyrarbraut þegar
hann varð fyrir bifreið á leið út
úr bænum. Vegurinn þarna er
óupplýstur.
Snorri Sturluson:
Fékk 16,20
krónur fyrir
karfakílóið
í Cuxhaven
SKUTTOGARINN Snorri Sturlu-
son frá Reykjavík fékk eitt
hæsta meðalverð fyrir karfa í
Þýzkalandi á þessu ári í Cux-
haven á fimmtudag. Seldi hann
samtals 212,3 lestir af mjög góð-
um karfa. Heildarverð var
3.400.000 og meðalverð 16,20
krónur. Skiptaverð fyrir stærri
flokk af karfa lönduðum á fs-
landi er nú nálægt 5,40 krónum,
með öllum uppbótum.
Þann fyrsta desember seldi
Hákon ÞH 80 lestir í Grimsby.
Heildarverð var 1.224.470
krónur, meðalverð 15,30. Ann-
an desember seldi Helga Guð-
mundsdóttir BA 75,3 lestir í
Hull. Heildarverð var 1.184.500
krónur, meðalverð 15,71. Þá
seldi Apríl HF 143 lestir í
Grimsby. Heildarverð 1.650.000
krónur, meðalverð 11,50.
Þorskur er nær undantekn-
ingarlaust uppistaðan í afla
þeirra skipa, sem selja afla
sinn í Engíandi. Meðalverð
þessa vikuna fyrir þorsk er
með lægsta móti, en hefur í
haust náð því að komast yfir 20
krónur.
Laus úr
gæzluvarðhaldi
GÆZLUVARÐHALD yfir eig-
anda Allabúðar á Stokkseyri
rann út á fimmtudag og hefur
honum verið sleppt. Hann sat í
gæzluvarðhaldi vegna rann-
sóknar á eldsvoða í verzluninni
í lok október. Rannsókn máls-
ins er haldið áfram.
Bókauppboö
Klausturhóla
ídag .
Klausturhólar gangast fyrir
uppboði á bókum í dag, laugar-
dag kl. 14, og fer uppboðið
fram í hinum nýju húsakynn-
um verslunarinnar í Breiðfirð-
ingabúð, Skólavörðustíg 6B.
Svo sem venja hefur verið á
uppboðum Klausturhóla verða
boðin upp 200 númer, og er þar
að finna margt fágætra bóka.
Verzlanir
opnar til
klukkan 16.00
VERZLANIR verða almennt
opnar í dag til klukkan 16.00, en
síðan verður opið til klukkan
18.00 laugardaginn 11. desember
nk., til klukkan 22.00 laugardag-
inn 18. desember nk. og síðan til
klukkan 23.00 á Þorláksmessu,
fimmtudaginn 23. desember nk.
Þá má geta þess, að væntanlega
verða margar verzlanir lokaðar
mánudaginn 3. janúar nk., vegna
viirutalningar.