Morgunblaðið - 04.12.1982, Blaðsíða 26

MORGUNBLAÐIÐ, LAUGARDAGUR 4. DESEMBER 1982
26
Erfíðasta ákvörðun ...
formanns, af ástæðum sem ég mun ekki
fjalla um hér, í stað þess að snúa skeyt-
um sínum að andstæðingunum og bar-
áttunni við þá. Auðvitað hefur afleiðing-
in orðið sú, að erfiðara hefur verið fyrir
formanninn að sinna höfuðviðfangsefni
sínu, að veita flokknum forystu, efla
fylgi hans og takast á við andstæðinga í
öðrum flokkum.
Flokkslega má og telja sér trú um að
með því að standa nú upp af framboðs-
lista Sjáifstæðisflokksins í Reykjavík og
stuðla að kjöri nýrrar forystu á lands-
fundi í vetur, skapi ég Sjálfstæðisflokkn-
um tækifæri til að snúa baki við því sem
liðið er, og hefja nýjan kapítula í sögu
flokksins.
Rökin á móti því að velja þennan kost,
að standa upp af framboðslistanum í
Reykjavík og segja formennsku lausri
eru m.a. þau: Annars vegar veit ég eftir
þau fjölmörgu samtöl, sem ég hef átt við
trúnaðarmenn flokksins og almenna
flokksmenn á undanförnum dögum, að
staða listans mundi veikjast í kosningun-
um.
Og hins vegar er formaður Sjálfstæð-
isflokksins kosinn á landsfundi og hefur
sem slíkur umboð sitt frá sjálfstæðis-
mönnum hvarvetna að af landinu. Túlk-
un prófkjörs, þótt í kjördæmi formanns
sé, breytir því ekki. Næsti landsfundur er
einn um það fær og hann verður boðaður,
þegar miðstjórn ákveður. Ekki verður
séð að landsfundur sem haldinn yrði í
vetur meðan núverandi ríkisstjórn situr
hefði sjálfstætt gildi. Slíkur fundur
mundi enn ræða átök og deilur milli
stjórnarsinna og stjórnarandstæðinga
sem síðasti landsfundur og þessi fundur
hefur og mun ganga frá og það er flokkn-
um ástæðulaust rétt fyrir kosningar.
Þá er það ljóst að nýrri forystu yrði
mikill vandi á höndum að leiða flokkinn í
gegnum kosningar með litlum undirbún-
ingi og skömmum fyrirvara og vafasamt
að það yrði flokknum til velfarnaðar að
skipa honum nýja forystu í því and-
rúmslofti, sem ríkja mundi við þessar
aðstæður. Og þar sem ljóst er að naumur
tími er til stefnu til kosninga er árang-
ursríkara að hefja útrás gegn andstæð-
ingum en vera upptekinn af sjálfum sér.
Rökin fyrir því að velja síðari kostinn
eru þau, að ég hljóti að taka úrslitum
prófkjörsins í Reykjavík sem formaður
flokksins eins og hver annar frambjóð-
andi í því prófkjöri og berjast til sigurs í
því sæti, sem mér hefur verið úthlutað.
Og jafnframt, að farsælla sé fyrir
Sjálfstæöisflokkinn að ganga til kosn-
inga undir óbreyttri forystu og forysta
verði valin á ný í rólegra andrúmslofti en
nú ríkir í flokknum og ríkja mundi að
óbreyttu á næstu mánuðum, þegar fram-
boðsmál og kosningabaráttan eru í al-
gleymingi.
Ákvöröun
Mér er engin launung á því, að ég hef
ekki talið það eftirsóknarvert fyrir mig
persónulega, að gegna formennsku í
Sjálfstæðisflokknum hin síðari ár. Hins
vegar hafa aðstæður í flokknum verið
með þeim hætti, að ég hef talið það
skyldu mína, flokksins vegna, að gefa
kost á mér til endurkjörs og hef hlotið til
þess traust flokksmanna, nú síðast fyrir
einu ári. Það er mér metnaðarmál að
skilja við Sjálfstæðisflokkinn sterkan og
samhentan flokk, og á þann hátt, að eft-
irmenn mínir í forystu flokksins geti
starfað við önnur og betri skilyrði en
þau, sem ég hef orðið að búa við um
skeið. Ég vil ekki skilja við Sjálfstæðis-
flokkinn á þann veg, að ágreiningur og
persónuleg togstreita ríki áfram í
flokknum.
Ég tel það skyldu mína að stuðla að
því, að flokkurinn geti tekið ákvörðun
um framtíð sína og forystu í rólegu and-
rúmslofti, að kosningum afstöðnum, þeg-
ar ágreiningur stjórnarsinna og stjórn-
arandstöðu er úr sögunni.
Þess vegna hef ég tekið þá ákvörðun,
sem ég skýri ykkur nú frá, ágætu
flokksráðsfulltrúar og formenn. Ég lýsi
mig sem formaður reiðubúinn til að sitja
i sjöunda sæti á framboðslista Sjálfstæð-
isflokksins í Reykjavík við næstu alþing-
iskosningar ef það er vilji kjörnefndar og
fulltrúaráðsins í Reykjavík. Ég mun
berjast hart fyrir því að ná kjöri til Al-
þingis úr því sæti. Ég mun ásamt með-
frambjóðendum Sjálfstæðisflokksins hér
í Reykjavík og annars staðar á landinu
leiða flokkinn í kosningabaráttunni úr
því sæti til sigurs. Ég mun einbeita mér
að því, að Sjálfstæðisflokkurinn geti
gengið óklofinn og samhentur til þessara
kosninga og ég mun telja það skyldu
mína við Sjálfstæðisflokkinn og það fólk,
sem sýnt hefur mér mikinn trúnað á 30
ára stjórnmálaferli, að stuðla að því að
Sjálfstæðisflokkurinn geti ráðið þeim
málum, sem framtíðina varða með þeim
hætti, sem hæfir virðingu og reisn þess-
arar merku stjórnmálahreyfingar og
sem þjóðarnauðsyn krefur.
Ég vænti þess, að þið gerið ykkur grein
fyrir því, að þessi ákvörðun er ekki tekin
út frá eigingjörnum sjónarmiðum, held-
ur með flokkshagsmuni í huga. Ég
treysti því, að ég njóti öflugs stuðnings
ykkar til þess að mér verði gert kleift að
heyja þá baráttu, sem fyrir höndum er
og ég trúi því, að við sjálfstæðismenn
getum endurheimt stöðu okkar í stjórn-
málunum og orðið á ný það leiðandi afl í
íslenskum stjórnmálum, sem Sjálfstæð-
isflokkurinn hefur jafnan verið.
Eflum einingu
í flokknum
Góðir flokksráðsfulltrúar. Við skulum
hér á þessum fundi ræða málefni flokks-
ins og ágreiningsefni okkar af sömu
hreinskilni og hreinskiptni og einkenndi
landsfund okkar fyrir ári, landsfund,
sem sýndi þjóðinni þann gífurlega styrk
og kraft, sem í Sjálfstæðisflokknum býr.
Að loknum slíkum umræðum skulum við
halda héðan hver til sinnar heimabyggð-
ar og hefja nú þegar undirbúning að
þeirri kosningabaráttu, sm fram undan
er.
Við skulum taka höndum saman, við
skulum efla einingu í flokki okkar, við
skulum sækja fram, við skulum berjast
til sigurs og við skulum hittast á lands-
fundi að ári eftir að hafa valdið umskipt-
um og þáttaskilum í íslensku þjóðlífi og
þá skulum við setjast niður og skipa mál-
um flokks okkar til næstu framtíðar.
Boeing 720-þota Arnarflugs við brottför á Keflavíkurflugvelli.
Boeing 720 þota Arnarflugs
seld til niðurrifs á írlandi
BOEING 720 farþegaþota Arnar-
flugs, sem lagt var i sumar vegna
tæringar, hefur nú verið seld til
niðurrifs, en henni var flogið frá fs-
landi til Shannon á írlandi í gærdag,
að sögn Stefáns Ilalldórssonar hjá
Arnarflugi.
„Eftir að hafa skoðað alla
möguleika komumst við að þeirri
niðurstöðu, að heppilegast væri að
selja vélina í hlutum og reyndar
fáum við svipað verð fyrir hana
þannig eins og ef við hefðum selt
hana í heilu lagi.
Vélin verður rifin á Shannon á
írlandi og hreyflar, fjarskiptatæki
og ýmis tæki hafa þegar verið
seld,“ sagði Stefán ennfremur.
Stefán sagði að Arnarflug hefði
fengið vélina vorið 1977 og henni
var síðan lagt í sumar. „Það má
segja, að hún hafi reynzt mjög vel
þennan tíma, ef tæringin sjálf er
undanskilin, en tæringarvanda-
mál er hlutur sem alltaf er fyrir
hendi á Islandi," sagði Stefán
Halldórsson ennfremur.
Lyfjafræðingafélag
Islands 50 ára í dag
Dr. Jens Gunnar Hald gerður að heiðursfélaga
UM ÞESSAR mundir er Lyfjafræð-
ingafélag íslands 50 ára, en það var
stofnaó 5. desember 1932. Aðeins
einn af fyrstu stjórnarmönnum fé-
lagsins er enn á lífi. Það er dr. Jens
Gunnar Hald, sem býr i Danmörku
og hefur hann getið sér heimsfrægð-
ar fyrir visindastörf, segir í frétta-
tilkynningu frá félaginu.
í tilefni 50 ára afmælis félags-
ins hefur Lyfjafræðingafélag Is-
lands boðið dr. Hald ásamt Hildi
Grímsdóttur, konu hans, til lands-
ins og ákveðið að útnefna hann
heiðursfélaga í afmælishófi, sem
haldið verður í kvöld. Að öðru
leyti mun félagið halda upp á 50
ára afmælið með sérstakri dag-
skrá, sem verður í Háskóla Islands
í dag, laugardag, og nefnd hefur
verið: „Dagur lyfjafræðinnar."
Dagskráin verður tileinkuð efn-
inu: „Lyfjafræðiþjónusta við al-
menning.“ Þar verða haldin eftir-
farandi sex erindi, sem snerta
þetta efni:
1. Frá lyfseðli til lyfjatöku, Jak-
ob Kristinsson. 2. Lyfjaeitranir
meðal barna — öryggisráðstafan-
ir, Kristján Linnet. 3. Upplýs-
ingagjöf — vanrækt starfssvið
lyfjafræðinga, Þorsteinn Loftsson.
4. Leiðbeiningar um lyfjameðferð
— hlutverk apóteksins, Helga
Vilhjálmsdóttir. 5. Lyfjameðferð
án læknisráðs, Hildur Stein-
grímsdóttir. 6. Staða lyfjafræð-
ings í heilbrigðiskerfinu, Almar
Grímsson.
Síðan verða pallboðsumræður
með fyrirlesurum og Eyjólfi Þ.
Haraldssyni, yfirlækni heilsu-
gæslustöðvarinnar í Kópavogi.
Þá má geta þess að í tilefni 50
ára afmælisins, mun koma út á
vegum félagsins afmælisútgáfa
„Tímarits um lyfjafræði" og
Lyfjafræðingatal, sem unnið hef-
ur verið að undanfarin ár.
Núverandi stjórn Lyfjafræð-
ingafélags Islands skipa: Einar
Magnússon, formaður, Hildur
Steingrímsdóttir, varaformaður,
Jóhannes H. Pálsson, gjaldkeri,
Guðný M. Ólafsdóttir, ritari, Mím-
ir Arnórsson, meðstjórnandi og
Ólafur Siemsen, meðstjórnandi.
Aðsetur félagsins er að Öldugötu
4, Reykjavík.
Fyrirspurn til Jóns
Magnússonar ítrekuð
JÓN Magnússon, frambjóðandi, sendir í dag (3. des.) svar við fyrirspum
undirritaðs í Morgunblaðinu 2. des.
Jón telur mig hafa misskilið ummæli hans í umræddu viðtali við blaða-
mann Morgunblaðsins 1. desember. Orð Jóns voru nákvæmlega þessi:
„Það er mjög ánægjulegt að
Ellert B. Schram skuli hafa
fengið svona góða kosningu, en
það er alvarlegt fyrir Sjálfstæð-
isflokkinn að formaður hans
skuli hafa fengið þessa útreið
(takið eftir orðavalinu) og er
það slæmur hlutur. Mér sýnist
ekki hægt að túlka þessi úrslit á
annan hátt, en þau séu sigur
fyrir þau viðhorf að Sjálfstæðis-
flokkurinn eigi að vera breiður,
víðsýnn og frjálslyndur flokk-
ur.“
Hvað hefi ég misskilið? Er
rangt að leggja þann skilning i
ummælin að „útreið" formanns-
ins og upphefð annarra fram-
bjóðenda séu sigur fyrir hin
breiðu, víðsýnu og frjálslyndu
öfl o.s.frv. Mér þætti fróðlegt að
heyra álit annarra sjálfstæð-
ismanna á því hvort ég sé sá eini
sem „misskilið" hafi ummælin.
I svarinu ítrekar Jón ummæli
sín um sigur hinna breiðu, víð-
sýnu og frjálslyndu afla í
Sjálfstæðisflokknum og tilnefn-
ir þar Albert Guðmundsson og
Ellert B. Schram ásamt sjálfum
sér. Albert Guðmundsson hefur
alla tíð verið í einhverju af efstu
sætum framboðslistans og Ell-
ert B. Schram verið í a.m.k. ör-
uggu sæti í öllum prófkjörum í
langan tíma og þeir því notið
mikilla vinsælda.
Er þá Jón Magnússon sigur-
vegari hinna „breiðu o.s.frv."
afla? Ég tel mig ekki enn hafa
fengið viðunandi svör frá Jóni
Magnússyni. Það er ekkert svar
að benda manni á að kynna sér
margra ára skrif um eitthvert
efni. Jón talar títt um hin
breiðu, víðsýnu og frjálslyndu
öfl og hlýtur því að geta skýrt í
örfáum orðum hvað hann á við.
Þetta er nauðsynlegt fyrir
okkur, almenna kjósendur
Sjálfstæðisflokksins í Reykja-
vík, áður en til kosninga verður
gengið.
3. desember 1982,
Helgi Olafsson.
Athugasemd frá
Jóni Magnússyni
Morgunblaðinu hefur borizt
eftirfarandi athugasemd:
Hr. ritstjóri.
í blaði yðar í gær var birt
fyrirspurn til mín undirritaðs
frá Helga Ólafssyni, hagfræð-
ingi, sem mér skilst að sé
starfsmaður Framkvæmda-
stofnunar. Andstætt venju
með slíkar fyrirspurnir er hún
birt á opnu blaðs yðar. Virtist
því ljóst að ritstjórn Morgun-
blaðsins teldi ástæðu til að
hún væri lesin og taldi ég ekki
vafa á, að svar mitt fengi sömu
meðhöndlun. í Morgunblaðinu
í dag birtist svar mitt við
fyrirspurninni en á þeim stað í
blaðinu, að líklegast er að það
fari fram hjá flestum lesend-
um.
Mér finnst þessi vinnubrögð
óeðlileg og geri þá kröfu að
svar mitt verði birt aftur í
blaði yðar á morgun á sama
stað í blaðinu og fyrirspurnin
upphaflega ásamt bréfi þessu.
Aths. ritstj.: „Kröfu“ Jóns
Magnússonar er hafnað. Svari
hans var sýndur fyllsti sómi
með birtingu á bls. 5 í Mbl. í
gær.