Morgunblaðið - 20.03.1983, Blaðsíða 1

Sunnudagur 20. marz. - Bls. 49-96.
HEIMILIS-
TÖLVUR
Fjölmargar tegundir eru framleiddar af
tölvum og eru möguleikarnir margbreytilegir — Verð fer eftir því
hversu mikið er keypt af aukahlutum
il skamms tíma hefur
tölvutæknin aðeins
verið málefni fárra út-
valdra og í augum
flestra talist til ein-
hvers konar hávísinda,
ofar skilningi hins
venjulega manns og
jafnvel öllum skilningi
ofar. Á síðustu árum hefur ör-
tölvutækninni hins vegar fleygt
svo ört fram hvað varðar fram-
leiðsluhagkvæmni flókinna tölvu-
hluta, að hinn venjulegi launa-
maður getur nú hæglega komist
yfir tölvu fyrir mánaðarkaupið og
kannað leyndardóma hennar að
vild.
En hvað kostar þá góð heimil-
istölva? Þessari spurningu er ekki
auðvelt að svara í eitt skipti fyrir
öll — fjölmargar tegundir eru
framleiddar af tölvum og eru
möguleikarnir sem þær gefa
margbreytilegar. Endanlegt verð
fer líka eftir því hversu mikið er
keypt af aukahlutum með tölvunni
en sumir þeirra s.s. prentarar og
diskettustöðvar eru tiltölulegar
dýrir. Vel er hins vegar hægt að
komast af með tölvuna eins og
segulband, auk sjónvarps. Þá bæt-
ast að sjálfsögðu við þau forrit og
tölvuleikir sem menn ætla sér að
sýsla með — hugbúnaðurinn, sem
svo er nefndur, kostar sitt.
Heimilistölvur á 7—25
þúsund krónur
Reynir Hugason, verkfræðing-
ur, skólastjóri Tölvuskólans í
Skipholti og framkvæmdastjóri
Tölvubúðarinnar, er manna fróð-
astur um tölvur og fór blm. Mbl.
fram á viðtal við hann um heimil-
istölvur. Rétt er að taka fram að í
viðtalinu héldum við okkur ein-
göngu við heimilistölvur á verðbil-
inu 7 til 25 þúsund kr. s.s. Comm-
andore Vic 20, BBC, Dragon 32,
Atari 400 og 800, Apple II, Sinclair
spectrum o.fl. Þess ber að geta að
fáanlegar eru míni-heimilistölvur
sem sumar eru ódýrari en gefa
svipaða möguleika, s.s. Sinclair
ZX81.
Það er ekki vandalaust að velja
sér tölvu af þeim mikla fjölda sem
nú er á markaðinum — hinar
ýmsu tegundir bjóða uppá marga
r
Rætt við Reyni Hugason, skólastjóra Tölvuskólans Viðtal: Bragi Oskarsson
Þcim sem haldinn er tölvuæði má líkja við jóka á fjallstindi — hann lifir í sínum eigin heimi, fjarri skarkala
veraidarinnar.
möguleika og má líkja þessu við að
velja skó, þ.e. þeir verða að passa
og tölvan verður að henta þvi
verkefni sem maður ætlar henni.
Og þar sem tölvukaup eru gjarnan
fyrsta skrefið hjá fólki sem ráðið
er í að kanna myrkviði tölvu-
heimsins, byrja ég á þvi að spyrja
Reyni Hugason hvað helzt beri að
hafa í huga við val á heimilistölvu.
• „Það sem er númer 1, 2 og 3 við
val á tölvu er að það sé til gott
úrval af forritum fyrir hana. Þær
tölvur sem ekki er til nema tak-
markaður hugbúnaður fyrir eru
alveg út úr myndinni — og þá er
sama hversu tölvan sjálf er full-
komin. Þá skiptir minnisrýmið
miklu máli, enda ræður það
hversu stór forrit tölvan tekur.
Segja má að 16 k sé að verða lág-
mark en flestar heimilistölvur eru
stækkanlegar í 32 k eða meira.
Með k er átt við kilobyte 1024
minniseiningar. Fyrir þá sem eru
ekki inni í þessu þá getur tölva
sem hefur minnisrými 1 k geymt
og sýnt á skermi 1024 stafi, tölva
sem er 32 k getur geymt 32.768
sem jafngildir um 16 vélrituðum
blaðsíðum eða 8 dálkum af venju-
legu letri hjá ykkur á Morgunblað-
inu.
Hugbúnaður
Fólk ætti ekki að flýta sér um of
við að velja sér tölvu heldur gefa
sér góðan tíma og skoða helztu
tegundirnar á markaðnum — at-
huga hvernig því fellur útlit tölv-
unnar og lyklaborð, hvort hljóðið
sé gott, hvernig grafík hún býður
uppá o.fl. Og ég endurtek — um-
fram allt að ganga úr skugga um
að nóg úrval sé af forritum fyrir
hana.“
— Þegar þú talar um gott úrval
forrita hvað áttu þá við mörg —
eru 50 mikið eða lítið?
„Það er mjög lítið. Forrit fyrir
þær tölvur sem nú njóta mestra
vinsælda í heiminum skipta
hundruðum eða þúsundum, eftir
því hvað maður vill kalla forrit, og
mörg ný forrit fyrir þær eru sífellt
að bætast við. Það er auðvitað
ekki sama forrit og forrit — það
er mikil munur á gæðum forrita
SJÁ NÆSTU SÍÐU