Morgunblaðið - 24.08.1983, Blaðsíða 16

16
MORGUNBLAÐIÐ, MIÐVIKUDAGUR 24. ÁGÚST 1983
AFINNLENDUM
VETTVANGI
VALUR INGIMUNDARSON
Breyttar ferðavenjur hér á landi:
Algengara að erlend-
ir ferðamenn ferðist
á eigin vegum en áður
Erlendum feröamönnum, sem hingað komu til lands í júlí, fjölgaði um 10,3 af hundraði miðað við sama mánuð í
fyrra, en hins vegar fækkaði þeim í júní um 4,4 af hundraði. Ferðamannastraumurinn hefur því verið háður sveiflum
og óstöðugleika í sumar, sem hefur sett mark á atvinnulífið. Gott dæmi þess er nýting herbergja á stærstu hótelum
Reykjavíkur í júlí. Þótt mun fleiri erlendir ferðamenn hafi þá lagt leið sína hingað en á síðasta ári fækkaði
hótelgestum töluvert. Ástæðan er ugglaust sú að ferðavenjur útlendinga hér á landi hafa tekið umtalsverðum
breytingum í sumar. M.ö.o. hefur mjög færst í vöxt að erlendir ferðamenn ferðist á eigin vegum til að draga úr
kostnaði, en njóti ekki aðstoðar ferðaskrifstofu við skipulagningu dvalarinnar hér eins og áður.
Aflvaki þessarar þróunar er
vafalaust hið nýja skemmti-
ferðaskip ms. Edda sem og bílferj-
an Norröna; og fullyrða má að
ferðir skipanna tveggja hingað
séu sennilegasta skýringin á fjölg-
un erlendra ferðamanna i júlí.
Samkvæmt upplýsingum Farskips
höfðu í upphafi ágústmánaðar á
bilinu 3.200—3.500 útlendingar
komið hingað til lands með
Eddunni og um 1.000 bifreiðir ver-
ið fluttar með skipinu í sumar. Að
sögn Steins Lárussonar, forstjóra
Úrvals, hefur rekstur Norröna
gengið jafnvel betur nú en á síð-
asta ári. Sagði Steinn að sam-
kvæmt tölum frá 3. ágúst sl. hefðu
2.256 útlendingar komið hinað
með ferjunni í sumar og 736 bílar.
Ljóst er að einkum Þjóðverjar,
Norðurlandabúar, Bretar og
Frakkar koma sjóleiðina til fs-
lands, en ferðir hinna síðast-
nefndu hafa verið mun tíðari en í
fyrra. Var aukning milli ára um
13,3 af hundraði í júní og 17,4 af
hundraði í júlí. Algengt er að
Bretarnir láti flytja bifreiðir sínar
með annarri hvorri ferjunni,
Norröna eða ms. Eddu, eins og
reyndar fjölmargir ferðamenn af
meginlandinu og Norðurlöndum.
Ef tölur um fjölda útlendinga hér
í sumar eru skoðaðar kemur í ljós
11.727 komu hingað í júní, en
12.273 á sama tíma á síðasta ári.
Er fækkunin sem sagt 4,4 af
hundraði. í júlí í ár komu hins
vegar 19.748 útlendingar til lands-
ins, en 17.906 í fyrra. Fjölgunin er
því 10,3 af hundraði. Þess ber þó
að geta að í þessum tölum Útlend-
ingaeftirlitsins eru þeir varnar-
liðsmenn, sem komu hingað um-
rædda mánuði taldir með; en
fjöldi þeirra var um 400—550 í
hverjum mánuði.
Sem fyrr sækja Bandaríkja-
menn mest hingað til lands, en
í júní fjölgaði þeim um 23,3 af
hundraði í samanburði við síðasta
ár, og 24,5 af hundraði í júlí.
Næstir í röðinni koma Vestur-
Þjóðverjar. Þó var aukningin í
ferðum þeirra hingað ekki eins
mikil og Bandaríkjamanna, eða
um 5,3 af hundraði í júní og 7,6 af
hundraði í júlí. Síðan sigla Bretar
og Frakkar í kjölfarið. Ferða-
mönnum frá hinum Norðurlönd-
unum fækkaði hins vegar um 18,6
af hundraði í júní, en fjölgaði um
5,2 af hundraði í júlí, miðað við
sömu mánuði í fyrra. Það er
athyglisvert að af þeim þjóðum
sem mest ferðast hingað fækkaði
einungis Frökkum í júlí. Stafar
þessi fækkun án efa af þeirri
ráðstöfun frönsku ríkisstjórnar-
innar á þessu ári að takmarka
ferðamannagjaldeyri. Loks má
nefna að tala þeirra ítölsku ferða-
manna sem komu hingað i júlí óx
um 91,1 af hundraði, þ.e. úr 206 í
404.
Ef við víkjum að flugfélögunum
tveimur, Flugleiðum og Arn-
arflugi, þá er ljóst að nokkur frá-
vik hafa orðið í farþegaflutning-
um frá því 1982. T.a.m. fjölgaði
þeim Bandaríkjamönnum sem
komu hingað í júní í sumar á veg-
um Flugleiða um 24,1 af hundraði,
miðað við í fyrra. Á hinn bóginn
fækkaði farþegum frá Evrópu í
þessum mánuði um 8,3 af hundr-
aði. Hér er átt við alla þá farþega
sem komu með flugvélum félags-
ins, útlendinga sem Islendinga.
Sveinn Sæmundsson, blaðafulltrúi
Flugleiða, sagði að í upphafi hefði
verið gert ráð fyrir einhverjum
samdrætti í Evrópufluginu í
sumar vegna hins bága efnahags-
ástands, bæði hér á landi og ann-
ars staðar í Evrópu, og sakir ferj-
anna Norröna og ms. Eddu. í inn-
anlandsfluginu fækkað einnig far-
þegum í júnímánuði um 6,5 af
hundraði, miðað við 1982. Ekki var
unnt að fá upplýsingar um fjölda
farþega Flugleiða í júlí vegna þess
að tölur þar að lútandi liggja ekki
enn fyrir. Að sögn Magnúsar
Oddssonar, svæðisstjóra Arnar-
flugs í Evrópu, gekk áætlunarflug-
ið milli meginlandsins og fslands
mun betur í júlí í ár en í fyrra. Nú
hefðu 5.260 farþegar komið frá
Evrópu til landsins, en á sama
tíma fyrir ári 2.070. En félagið hóf
sem kunnugt er áætlunarflug á
þessari leið 1982.
Aftur á móti var um nokkra
fækkun að ræða í farþegaflutning-
um Arnarflugs innanlands í júlí,
eða 10 af hundraði miðað við í
fyrra.
Hvernig gengur heyskapurinn?
Suðurland:
Mikið eftir af
verkum en stutt
í að unglingarnir
fari í skóla
„I>að má segja að ástandið sé svo til óbreytt í heyskaparmál-
um hérna á Suðurlandi. Þetta hefur verið mikil ótíð og tregt
með heyskapinn,“ sagði Hjalti Gestsson, ráðunautur hjá Bún-
aðarsambandi Suðurlands, í samtali við Mbl. er hann var
inntur eftir gangi heyskapar sunnanlands.
„Annars er aðalvandamálið
núna,“ sagði Hjalti, „hvað mik-
ið er eftir af verkum, en stutt í
að unglingarnir fari í skólana.
Nýtast því þurrkstundir verr
þó þær gefist einhverjar eftir
að unglingarnir verða farnir.
Nú er einnig komið fram yfir
20. ágúst og farið að styttast í
fjallferðir. Við þetta bætist að
minna hey hefur fengist af því
sem slegið hefur verið vegna
þess að minni grasspretta var
en venjulega. Það gras sem er
óslegið er þó nokkuð skemmt
og ekki lengur 1. flokks og
áhyggjum veldur hvað nýrækt
hefur sprottið hægt. Það þarf
að þorna mikið um til að hægt
verði að nýta þau tún sem
óslegin eru, þau eru víða það
blaut.
Ég get þó sagt frá einu sem
ánægjulegt er. Það er hvað fé
virðist vera rólegt í högum
ennþá. Engin hreyfing virðist
vera komin á það, þrátt fyrir
höfudagur sé að nálgast og féð
ennþá vel dreift í högum. Ég
óttast þó að dilkar verði rýrir,
því þetta hefur verið grasleys-
isár og úthagar mjög snöggir.
En fénu virðist líða vel og eng-
in áföll hafa orðið inn til af-
rétta," sagði Hjalti. Gestsson á
Selfossi.
Skagafjörður:
Brúnin
- þurrkur var
Bæ, Hófða.strónd, 22. ápíut
BRÍININ hefur heldur en ekki lyfzt
á bændum þessa daga, þar sem
þurrkur var á fbstudag og laugardag,
en fjallaskúrir voni þó sums staðar á
sunnudag og lítur út fyrir þurrk í
dag, mánudag.
er að lyftast á bændum
um helgina og horfur á töluverðum heyfeng
Hey voru mjög mikil úti en hafa
nú náðst inn mjög víða og margir
hafa líklegast náð alveg upp. Sums
staðar var þó heyskapur skammt
kominn fyrir þennan þurrk og
nokkrir eiga óslegið ennþá. Mikið
gras er víðast komið og eru því
vonir til að heyfengur verði tölu-
verður þó hey séu sums staðar
hrakin.
Malbikun á vegum er töluverð í
héraðinu, bæði á Sauðárkróki og
Hofsósi og einnig eitthvað fram
Skagafjarðarbraut, framan Sauð-
árkróks. Berjaspretta er talin
mjög léleg og kartöfluspretta rýr,
en getur þó lagazt nokkuð ef ekki
koma frost og hlýindi verða það
sem eftir er sprettu. Snjóað hefur
fjórum sinnum í fjöll i júll og
ágúst og sumarið verður því alltaf
talið mjög votviðra- og hregg-
viðrasamt.
— Björn