Morgunblaðið - 04.11.1983, Side 18

18 MORGUNBLAÐIÐ, FÖSTUDAGUR 4. NÓVEMBER 1983
Gott framtak á skógrækt-
arsviði verðskuldar öflug-
an stuðning ríkisstjórnar
í sumar var haldinn hér á landi
fundur fulltrúa frá Nordi.sk Skogs-
arbejdsstudiets rád (á ensku nefn-
ist það Nordic Research Counsel
on Forest Operations) og er það í
fyrsta skipti sem slíkur fundur er
haldinn hér á landi, enda gerðust
íslendingar ekki aðilar að þeirri
stofnun fyrr en á síðasta ári, en þá
ákvað ráðherranefnd Norður-
landaráðs að ísland skyldi fá sinn
fulltrúa í ráðið og gerast virkur að-
ili.
„Þessi rannsókna- og vísinda-
stofnun er samnorræn eins og
fram kemur í heitinu," sagði
formaður ráðsins, Norðmaður-
inn Ivar Samseth, í stuttu
spjalli. „Að vísu höfðu verið
starfræktar slíkar stofnanir á
Norðurlöndunum öllum hverju
fyrir sig allt frá fyrstu árum eft-
ir síðari heimsstyrjöldina. Eftir
stríðið fóru menn strax að velta
fyrir sér atvinnutækifærum
meðal skógræktarfólks með til-
liti til mannfjölgunar á vinnu-
markaðinum. En fljótlega kom í
ljós að frekar yrði skortur á fólki
til starfa innan skógræktarinnar
í Noregi en of mikið framboð af
fólki.
Sama var uppi á teningnum í
Finnlandi og Danmörku. Þess
vegna varð það sameiginleg
niðurstaða í þessum löndum öll-
um að frekar bæri að leggja
áherslu á hagkvæmni og vélvæð-
ingu í skógræktarstarfi og skóg-
arhöggi. Sömuleiðis á þá þætti
er varðaði kynbætur og örari
vöxt trjánna.
í ljósi þessa var efnt til sam-
starfs milli Norðurlandanna árið
1954, haldnir voru sameiginlegir
fundir, verkefnum skipt á milli
landanna og síðan skipst á upp-
lýsingum.
Árið 1968 samþykkti ráð-
herranefnd Norðurlandaráðs að
styrkja þetta samstarf með fjár-
veitingu, sem nú er 2,9 millj.
norskra króna á ári, en það er
um það bil 5% af því fjármagni
sem eytt er í rannsóknastörf á
skógræktarverkefnum á Norður-
löndum.
Vinna við skógrækt og skóg-
arhögg hefur um aldir byggt
mest á mannafli einu saman, en
síðustu 30 ár hefur orðið alger
bylting á þessu sviði, reyndar
meiri en síðustsu 3 aldir þar á
undan.
Þetta samstarf Norðurland-
anna hefur gefist mjög vel og
sparar okkur bæði tíma, fé og
fyrirhöfn. Samstarfið nær tií
áhalda- og vélakaupa, gengist er
fyrir vikulöngum námskeiðum
árlega fyrir skógræktarbændur
Ivar Samseth
og upplýsingamiðlun til allra er
málið varðar.
Rannsóknamiðstöðvar á veg-
um samtakanna voru 14 talsins
staðsettar víðsvegar um Norður-
lönd, en eru nú orðnar 15 síðan
ísland bættist við. Fulltrúi ís-
lands er Jón Loftsson, skógar-
vörður á Hallormsstað.
Við þessar miðstöðvar starfa
um 200 sérfræðingar um skóg-
rækt á Norðurlöndunum, en
starfsfólk á vegum þeirra er
rúmlega þúsund manns. Við
höldum árlega stjórnarfundi og
ræðum þá verkefnin framundan
og svo var einnig nú.
Hér á íslandi fer fram merki-
legt brautryðjendastarf í skóg-
rækt sem er mjög áhugavert
fyrir okkur á hinum Norðuriönd-
unum að fylgjast með, og sömu-
leiðis geta íslendingar sótt
margt til okkar.
Hópurinn sem til Islands kom
í þetta sinn, um 30 manns, fór
akandi austur að Hallormsstað
og kynntist skógræktarstarfinu
bæði þar og á leiðinni austur. Eg
hef oft komið til íslands og þekki
því aðstæður, en ferðafélögum
mínum kom hér margt á óvart.
Allir urðu mjög hrifnir af landi
og þjóð og sjá mikla möguleika
til skógræktar hér. Ekki hvað
síst tel ég að skjólbeltaræktun sé
mikilvæg á íslandi. Þegar hún er
komin á veg og farin að mynda
skjól getur meðalhitinn á svæð-
inu hækkað um 1° og það munar
geysilega miklu. En fyrst verður
auðvitað að vernda skógrækt-
arsvæðin fyrir beit — síðar verð-
ur sama land betra beitiland.
Við fylgdumst með starfi
skógarhöggsmanna á Hall-
ormsstað og sáum hve vel þeir
standa að verki. Þeir voru í engu
eftirbátar þess besta sem sést á
Norðurlöndunum.
Við leggjum áherslu á að
kynnast skógræktarstarfi, þar
sem eru öðruvísi aðstæður en
víðast hvar á Norðurlöndum á
svokölluðum jaðarsvæðum.
Næsta ár verður fundurinn hald-
inn í nyrstu héruðum Finnlands
og þar næsta ár e.t.v. í Finnmörk
í Noregi."
Spurningunni um hvort hon-
um finnst nytjaskógrækt vonlít-
ið fyrirtæki á íslandi, svaraði
hann því til að öðru væri nær,
hér væru einmitte ágæt skilyrði
víða, en ónotuð ennþá.
„Áður en ég fór þessa ferð
kynnti ég mér stjórnarsam-
þykktir tveggja síðustu ríkis-
stjórna sem sest hafa við stjórn-
völinn hér. Þar sá ég jákvætt
viðhorf gagnvart því að takm-
arka sauðfjárbeit, en hins vegar
furðaði ég mig á því að sjá engar
áætlanir um skógrækt. Mér
finnst hins vegar að gott fram-
tak á því sviði eigi skilið góðan
og öflugan stuðning ríkisstjórn-
ar. Slík aðstoð er grundvallar-
atriði. Þegar frá líður bætir slíkt
starf veðurfar og hefur jákvæð
áhrif á beitarþol. Ég hef kynnst
skógum og skógrækt um allan
heim og veit að þetta er satt.
Innan skógræktarstarfsins í
okkar heimshluta er ofarlega á
baugi að haga skógrækt þannig,
að hún stingi ekki um of í stúf
við náttúrulegt umhverfi, mörg-
um tegundum trjáa sé blandað á
sama svæði. Tækin og aðferðir
sem notuð eru við skógarhögg
taka mið af umhverfisvernd.
Sömuleiðis vilja menn gera
skógana aðgengilega fyrir fólk
að ganga um og njóta þeirrar
fegurðar sem skógar bjóða upp
á. Um það atriði er full samstaða
meðal þeirra sem aðild eiga að
þessu samstarfi," sagði Ivar
Samseth að lokum. H.V.
Listamennirnir við tvö verkanna á sýningunni. Frá v.: Vignir, Jón Axel og
Gunnar Örn.
Málverk á sýningu
SÝNING á verkum listmálaranna
Gunnars Arnar Gunnarssonar, Jóns
Axels Björnssonar og Vignis Jó-
hannssonar var opnuð í Listasafni
Alþýðu um síðustu helgi.
A sýningunni eru alls 24 mál-
verk, akrýl á striga í hinum ýmsu
stærðum. Sýningin er opin dag-
lega fram til 13. nóvember frá
klukkan 14.00 til 19.00 virka daga
og kl. 14.00 til 22.00 um helgar.
Listamennirnir hafa valið sér
manninn að viðfangsefni á sýn-
ingu þessari og hver um sig fer
eigin leiðir í sköpun sinni.
(FrétUtilkynning)
Heimsmeistarar í dansi ^
sýna á afmælishátíð DSÍ
DANSKENNARASAMBAND
íslands verður 20 ára á þessu
ári. í fréttatilkynningu frá
sambandinu segir meðal ann-
ars, að þrjár konur hafi á síð-
astliðnu ári lokið danskenn-
araprófi.
Þær eru Hulda Guðrún Halls-
dóttir, Inga Þuríður Þorláksdóttir
og Þorbjörg Þórisdóttir. í sömu
fréttatilkynningu segir ennfrem-
ur: „Á afmælisárinu er það sam-
bandinu mikið gleðiefni að gerast
meðlimur í samtökunum ICBD,
þar sem öll helstu danskenn-
arasambönd veraldar starfa.
Hápunktur afmælisársins verð-
ur er heimsmeistarar í tíu dansa-
keppni koma til landsins. Það eru
David Sycamore og Denise Weav-
ers og koma þau til íslands um
miðjan nóvember. Þau munu sýna
dansa á afmælishátíð DSI í
Broadway dagana 18. til 20.
nóvember."
HeimsmeisUrarnir David Syca-
more og Denise Weavers, sem
koma til landsins og sýna listir sín-
ar auk þess sem þau munu þjálfa
félagsmenn DSÍ.
Rekum SMIÐSHOGGIÐ á byggingu
sjúkrastöðvar SÁÁ