Morgunblaðið - 22.12.1983, Blaðsíða 17

MORGUNBLAÐIÐ, FIMMTUDAGUR 22. DESEMBER 1983
17
Skilaboð til Söndru: Júlía Hannam, Bessi Bjarnason og Bryndís Schram í
hlutverkum sínum í afdrifaríkri svallveislu. Morgunblaðið/KEE.
Skilaboð til Söndru
frumsýnd á Isafirði
KVIKMYNDIN Skilaboð til Söndru
verður frumsýnd utan Reykjavíkur á
annan í jólum. I>á verður myndin
sýnd í Ísafjarðarbíói kl. 5 og 9. Síðan
fer myndin vítt og breitt um landið.
Myndin hefur fengið prýðilegar
viðtökur og aðsókn hefur verið
góð. Aðalhlutverk eru í höndum
Bessa Bjarnasonar, Ásdísar
Thoroddsen, Bryndísar Schram og
fleiri. Leikstjóri er Kristín Páls-
dóttir. Framleiðandi er kvik-
myndafélagið Umbi sf. Skilaboð
til Söndru er gerð eftir sam-
nefndri skáldsögu Jökuls heitins
Jakobssonar.
Mestri loðnu land-
að á Raufarhöfn
NÍI, ÞEGAR loðnuveiðum á þessu ári
er lokið, hefur mestu af loðnu verið
landað hjá Síldarverksmiðjum ríkisins
á Kaufarhöfn, næstmestu hefur verið
landað hjá SR í Siglufirði og þriðja
hæsta löndunarstöðin er Neskaupstað-
ur.
Til Raufarhafnar hafa alls borist
24.666 lestir, til Siglufjarðar 23.960
og Neskaupstaðar 15.405.
Alls hefur verð landað um 133.000
lestum af loðnu á 14 stöðum, fjórum
verksmiðjum SR, sem eru með sam-
tals 63.670 lestir og 10 öðrum með
samtals 70.000 lestir.
Loðnuveiðar mega hefjast að nýju
4. janúar.
Barna-Sveinbjörn átti 50
börn er hann gekkst við!
Spjallað við Steinar J. Lúðvíksson
rithöfund um „íslandsmetabókina“
„UPPHAFIÐ aö þessari
bók má rekja til þess er ég
var að vinna aö heimsmet-
abók Guinness ásamt Ör-
nólfi Thorlacius, — ég sá
um íslenska kaflann í bók-
inni en mikið vantaði á að
allt efni kæmist fyrir,“
sagði Steinar J. Lúðvíksson
rithöfundur, er blaðamaöur
Morgunblaðsins ræddi við
hann um nýútkomna bók
hans, „Islands-
metabókina“.
„Þetta þróaðist því þannig að
ég fór fljótlega að viða að mér
efni í þessa bók, hef haft það
sem tómstundagaman undan-
farin fjögur ár eða svo,“ sagði
Steinar ennfremur. „Hugmynd
mín var sú, að í bókinni yrði
bæði að finna margvíslegan
fróðleik fyrir fólk, en einnig
skyldu lesendur hafa af því
nokkra skemmtan að fletta
henni. Þetta bið ég fólk að hafa
í huga þegar það tekur sér bók-
ina í hönd, en eins og raunin var
á um Heimsmetabókina á sín-
um tíma, varð nú mikið efni að
bíða vegna plássleysis, hvort
sem það kemur nú út í öðru
bindi síðar eða ekki.
En það er vandasamt að velja
og hafna efni í bók af þessu
tagi, bæði vegna skorts á rými
og svo vegna þess mats, sem
verður að leggja á hvað þarna
Steinar J. Lúðvíksson
eigi heima og hvað ekki. I þessu
efni hef ég þó að mestu farið
eftir erlendum fyrirmyndum
eða forskriftum við gerð bóka af
þessu tagi. íþróttametum og af-
reksverkum er til dæmis sleppt
hér, en síðan tók valið við. Hér
var til dæmis auðvelt að taka
ýmsar staðreyndir, svo sem
hæsta fja.lt, lengstu á og þess
háttar, en erfiðara getur verið
að meta hvaða íslenskur draug-
ur hefur verið atkvæðamestur í
gegnum aldirnar og fleira í
þeim dúr,“ sagði Steinar.
Við lestur bókarinnar verður
ýmislegt fróðlegt á vegi manns.
Til dæmis er sagt frá þeim
manni, sem talinn er hafa átt
flest börn á íslandi. Er það
Barna-Sveinbjörn, sem uppi var
á 15. öld, og er sagður hafa átt
um 50 börn er hann gekkst við,
og „hálfrefi" að auki. Annar
maður á sömu öld, síra Þorkell
Guðbjartsson, er einnig talinn
hafa verið atkvæðamikill í þess-
um efnum, því hann mun hafa
átt um 30 börn, og nokkrir fleiri
„afreksmenn" á þessu sviði eru
nefndir.
Þá er getið hæsta manns, sem
talið er að hafi lifað meðal ís-
lendinga, en það er Jóhann
Svarfdælingur, sem er 2,34
metrar á hæð. Enn má nefna að
sagt er frá fyrsta manninum,
sem fékk íslenskan ríkisborg-
ararétt, sagt er frá ótrúlega
mörgum húsbrunum á Möðru-
völlum í Hörgárdal, upplýs-
ingar er að finna um mesta
manntjón í húsbruna, hver hef-
ur lifað lengst grafinn í snjó-
flóð, og margt fleira er í bók-
inni, jafnt af tagi „hagnýtra
upplýsinga" sem hreinræktaðs
skemmtiefnis. — Bókin er lík-
lega tuttugasta bók höfundar,
ein þriggja sem komu út nú í ár.
— Anders Hansen.
BókBjöms Th. Bjömssonar
um Þorvald Skúlason:
um
óumdeilanlegan
bi
samtímalistar
Saga Þorvalds Skúlasonar í máli og myndum.
Björn Th. Björnsson rekur söguna á sinn Ijósa
og læsilega hátt. v
Fjöldi teikninga Þorvalds og 85 stórar
litprentanir af málverkum hans auk
Ijósmynda.
Marktækari og glæsilegri listaverkabók hefur
vart verið gefin út hér á landi.
Eigulegur gripur — góð gjöf.
JSjóÖðaga