Morgunblaðið - 28.01.1984, Page 3

MORGUNBLAÐIÐ, LAUGARDAGUR 28. JANÚAR 1984
3
Stefán Jónsson fyrrum alþingismaður:
Trúi ekki að Treholt
hafi leiðst út í þetta
peninganna vegna
„ÉG HEF ekki minnstu trú á að hann
hafi leiðst út í þetta vegna peninga,
umrædds barns í Tékkóslóvakíu eða
einhverra kvennamála. Mér finnst
líklegast, eða vil að minnsta kosti
trúa því, að hann hafi verið „nappað-
ur“, það er að segja, að hann hafi í
hyrjun gefið vitandi eða óafvitandi
einhverjar kannski veigalitlar upplýs-
ingar, og síðan hafi honum verið hót-
að uppljóstrun, ef hann héldi ekki
starfseminni áfram. I>etta eru aðeins
getgátur, en ég hef enga trú á að
hann hafi leiðst út í þetta af peninga-
ástæðum," sagði Stefán Jónsson
fyrrverandi alþingismaður, en hann
hafði persónuleg kynni af KGB-njósn-
aranum Arne Treholt, og stóð m.a. að
því að honum, ásamt tveimur öðrum
ungum Norðmönnum úr Sambandi
ungra jafnaðarmanna í Noregi, var
boðið til fslands sumarið 1972.
Stefán sagði að hann hefði verið
búinn að steingleyma fyrstu kynn-
um sínum af Arne Treholt á þingi
Sameinuðu þjóðanna, en þau rifj-
uðust upp fyrir honum, þegar hann
las skýrslu sína, Hannesar Páls-
sonar og Braga Jósepssonar í Mbl.
Um kynni sín af Arne þá sagði
hann: „Ég man eftir að þessi ungl-
ingur kom minnst við sögu af Norð-
mönnunum þremur í viðræðum
okkar, en þær gengu allar út á út-
færslu landhelginnar og hugsan-
lega aðstoð pólitísku æskulýðssam-
takanna í Noregi. Ég minnist þess
þó að hann sagði okkur að hann
væri nýkominn frá Washington."
Stefán sagði síðan að raunveru-
leg kynni þeirra hefðu hafist þegar
honum hefði verið boðið af hálfu
norsku stúdentasamtakanna til
Osló sumarið 1972. Arne hefði þá
verið í fararbroddi ungra stúdenta
sem börðust gegn inngöngu Noregs
í Efnahagsbandalagið og hefði það
tengst fyrirhugaðri útfærslu land-
helginnar hérlendis, og hefði hann
gert grein fyrir útfærslunni á fund-
inum.
Stefán sagði síðan: „Það er rétt
að ég átti hugmyndina að því að
Arne kæmi þá um haustið til ís-
lands. Hann kom ásamt góðvini
sínum Einar Förde, og Birni Ture
Godal, og sátu þeir hér líklega tvo
fundi í þá tvo til þrjá daga sem þeir
stoppuðu. Tilefnið var að þeir
kynntu andstöðuna gegn inngöng-
unni í Efnahagsbandalagið og
kynntust um leið hugmyndum
okkar um útfærslu landhelginnar.
Þá hafði ég aftur samband við
hann í tengslum við aðra ferð sem
ég fór, einnig vegna útfærslu land-
helginnar. Það var boð sem kom í
gegnum sjávarútvegsráðuneytið
um setu á ráðstefnu í Lofoten,
sennilega sumarið 1973. Hvort ég
hitti hann þá eða ræddi við hann
símleiðis man ég ekki, en við áttum
viðræður í þeirri ferð minni." Stef-
án sagði að með honum í þessari
för hefðu verið Gunnlaugur Stef-
ánsson þáverandi formaður Æsku-
lýðssambandsins, og Jóhann Ant-
onsson frá Dalvík.
Stefán sagði síðan: „Síðan þá hef
ég aðeins fylgst með honum af af-
spurn, að undanteknu því, að ég
hitti hann og konu hans einu sinni
af tilviljun á Hótel Loftleiðum þar
sem þau voru „stopp-over“ á leið-
inni vestur um haf.“
Stefán sagði að meðal þess sem
hann hefði frétt af Arne væri, að í
sundur hefði skilið milli hans og
föður hans, sem var landbúnaðar-
ráðherra Noregs. Gamli Treholt
hefði verið fylgjandi inngöngunni í
Efnahagsbandalagið, en Arne mik-
ill baráttumaður gegn henni. „Ég
man að talninganóttina eftir þjóð-
aratkvæðagreiðsluna um inngöng-
una sat ég hér spenntur heima og
beið eftir niðurstöðum. Einar
Förde hringdi í mig um nóttina og
ég heyrði að menn voru þar við
skál, eins og gengur á talninga-
nóttum. Ég spurði Einar hvort
Arne væri þar á meðal. Hann sagði
nei, og ég spurði þá hvort hann
vissi hvar hann væri. Nei, sagði
Einar, en ég veit hvar hann er ekki.
Hann er áreiðanlega ekki heima
hjá pabba sínum og mömmu.“ Stef-
án sagði að Einar Förde hefði verið
mikill vinur Arne, en sér væri
kunnugt um að dregið hefði úr
fundum þeirra síðustu árin.
Stefán lýsti kynnum sínum af
Arne einnig svo: „Hann verður
ákaflega fljótt áhugamaður um al-
þjóðamál. Hann er gerður að for-
manni grísku nefndarinnar, sem
barðist gegn Juntunni, það er her-
foringjastjórninni, hann skrifaði
bók um Juntuna, sem ég á. Hann
var sem sagt í forustusveit ungra
jafnaðarmanna sem börðust gegn
fasisma hvar sem var í heiminum.
Að mínu mati var hann eldheitur,
gáfaður hugsjónamaður. Hann var
sér vel meðvitaður um hæfileika
sína og gáfur og barðist persónu-
legri baráttu í pólitíkinni og náði
miklum frama. Það var gaman að
kynnast honum. Hann var allra
geðugasti maður, einlægur og það
er ekki hægt annað en að hrífast af
ungum mönnum eins og honum
sem hafa trú á því að þeir geti gert
gagn í heiminum.
Það er kannski auðvelt fyrir
svona menn eins og hann að verða
offari. Offari í þeim málum sem
þeir taka sér fyrir hendur að ætla
að koma áfram. Persónuleiki Arne
var mildur. Hann talaði lágum
rómi, og ég man að mér fannst
hann ekki afgerandi eða áberandi
ræðumaður, þegar hann var hér-
lendis. Einar Förde og Björn voru
báðir mun ákveðnari í framgöngu.
Ég verð að segja eins og er að mér
brá ónotalega þegar ég heyrði
þetta, því maður sem lent hefur í
slíku sem Arne á sér aldrei við-
reisnar von, þó hann taki út hegn-
ingu,“ sagði Stefán Jónsson að lok-
um.
Sýndiáhuga
þeirra á land-
helgismálinu
— segir Einar Ágústs-
son, sendiherra
„ÉG MAN eftir þessari skýrslu þre-
menninganna, Braga Jósepssonar,
Hannesar Pálssonar og Stefáns
Jónssonar, um viðræður þeirra við
Arne Treholt og tvo aðra Norðmenn.
Ég fékk hana í hendur kringum ára-
mótin 1971 og 1972 enda skilst mér„
að hádegisverðurinn hafi verið 15.
desember. Ég tel að þetta framtak
þremenninganna beri vott um það,
að þeir hafi lagt sig í líma við að
kynna þau mál, sem ríkisstjórnin
var þá með efst á baugi, landhelg-
ismálið. Skýrslan sýnir áhuga þeirra
á landhelgismálinu," sagði Einar Ág-
ústsson, sendiherra fslands í Dan-
mörku, er hann var inntur álits á
skýrslu þremenninganna og hádegis-
verði þeirra með Arne Treholt.
„Ég held að landhelgismálið
hafi verið efst á baugi hjá okkur
öllum þá og ég minnist þess að
hafa fengið fjöldann allan af
svona skýrslum og menn hafi ver-
ið að þessu í þeirri góði trú, að þeir
væru að vinna útfærslunni í 50
mílur fylgi með þessu. í þeim til-
gangi hafa þremenningarnir vafa-
laust boðið Treholt og hinum
Norðmönnunum út að borða. Ég
tel því að hvorki skýrslan né há-
degisverðurinn sé nein frétt.
„Kynni mín af Arne Treholt eru
nú næsta lítil, en hann var þó oft á
fundum á vegum Sameinuðu þjóð-
anna um leið og ég á utanríkis-
ráðherraárum mínum. Sérstak-
lega þegar Jens Evensen var haf-
réttarmálaráðherra, en ég kynnt-
ist Treholt aldrei neitt," sagði
Einar Ágústsson.
TVEIR TRAUSTIR FRÁ FORD
F0RD SIERRA
Ford Sierra er ekki aöeins nýtískulegur bíll í útliti heldur einnig lýsandi dæmi
um framúrskarandi vönduð vinnubrögö vestur-þýskra bílaframleiðenda.
Ford Sierra fæst sem 3ja eða 5 dyra fólksbíll og 5 dyra skutbíll.
Verð frá kr. 368.000.-
FORD FIESTA
Afbragðsgott endursöluverð er besta sönnunin um góða reynslu íslenskra
bílaeigenda af Ford Fiesta.
Nú birtist Fiestan í nýjum búningi sem gerir hana enn sparneytnari og
skemmtilegri í akstri.
Verð frá 239.000.-
NÚ ERU ALLIR FORD BÍLAR MEÐ 6 ÁRA RYÐVARNARÁBYRGÐ.
SÖLUDEILDIN ER 0PIN:
VIRKA DAGA FRÁ 9-18
LAUGARDAGA FRÁ 13-17
Söluumboð:
Bílaverkst. Guðvarðar Elfsass.
Bflaumboð Stefnis hf.
Ragnar Imsland
Bifreiðaverkst. Lykill
Drangahraun2
Austurvegur 56-58
Miðtun 7
220 Hafnarfjörður
800Selfoss
780 Höfn, Hornaf.
740 Reyðarfjörður
Bílaverkst. Jóns Þorgrímss. Garftarsbraut 62-64 640Húsavík
91/52310 Bflasatan hf.
99/1332-1626 Bilaverkst. Kaupf. Skagfirðinga
97/8249-8222 Bílaverkst. Isatjarðar
97/4199-4399 Ðilasala Vesturlands
96/41515 ÓlafurG.ÓIafsson
Aðalgata 21
Seljalandsvegur
Borgarbraut 56
Sufturgata 62
600 Akureyri 96/21666
550 Sauftárkrókur 95/5200
400 ísafjörftur 94/33793837
310 Borgames 93/7577
300 Akranes 93/1135-2000