Morgunblaðið - 05.02.1984, Blaðsíða 23

MORGUNBLAÐIÐ, SUNNUDAGUR 5. FEBRÚAR 1984
23
■■
Franz Klammer heldur á sér hita
fyrir keppnina.
Vedrið var alveg vitlaust og keppn-
inni var frestað.
Bill Johnson: „Ætlar hann að vinna
mig?“
Johnson andar léttar.
mjög slæm áhrif. Það kemur þeim
mjög illa að þurfa að aflýsa
keppni vegna vonskuveðurs eða of
lítils snjós.
í fyrra þurfti að aflýsa Laub-
erhorn-keppninni í Sviss af því að
snjóinn vantaði. Það kostaði bæj-
arfélagið um hálfa milljón ísl. kr.
Brun- og svigkeppni hefur verið
haldin þar síðan 1930 og aðeins
þurft að aflýsa henni nokkrum
sinnum. Brunbrautin frá Lauber-
horninu niður í bæinn Wengen er
hin lengsta í heimsbikarkeppn-
inni, 4281 m löng og hæðarmunur-
inn 1028 m. Keppnin er vel kunn
og yfirleitt borin saman við
keppnina í Kitzbiihel í Austurríki,
en brautin þar þykir hin erfiðasta
í heimsbikarkeppninni. Einna
mest þykir koma til sigurvegara
þessara tveggja keppna.
Lauberhorn-brunið var haldið
um miðjan janúar að þessu sinni.
Síöasta æfingin var haldin föstu-
daginn 13. en þá höfðu skíðakapp-
arnir verið í Wengen í nokkra
daga. Skíðaliðin eru á sífelldum
þeytingi milli staða og hótela allt
keppnistímabilið. Allt frá einum
upp í 12 menn eru í hverju lands-
liði. Æfingin fór fram alveg eins
og um alvöru keppni væri að ræða.
Veðrið var sæmilegt og keppend-
urnir hituðu upp í brekku skammt
frá brautinni. Svona 20 mínútum
áður en æfingin hófst fóru þeir
inn á start-svæðið og héldu sér
heitum með hnébeygjum, hoppi og
handaslætti. Þjónustuliðið frá
skíðafyrirtækjunum gróf holur í
snjóinn, stóð þar ofan í og lag-
færði skóna á köppunum og festi á
þá skíðin.
Andrúmsloftið á staðnum var
gott. Austurríkismaðurinn Franz
Klammer, sem vann Lauberhornið
þrisvar í röð, 1975, ’76 og ’77, var
brosmildur og spjallaði við Urs
Raber, sem Svisslendingar binda
miklar vonir við. Brautin var af-
mörkuð með litlum grenigreinum
og greni var dreift um hana. Ráb-
er fór fyrstur niður á slaginu 11 og
kom í mark 2 mínútum 47,55 sek-
úndum seinna. Hinir 95 eltu með
90 sekúndna millibili til að byrja
með og síðan 60 sekúndna. Allt
gekk vel. Brautin var sögð heldur
hæg og Bandaríkjamaðurinn Bill
Johnson kom í mark með besta
tímann, 2:43,56.
Stóra stundin átti að renna upp
klukkan 12 næsta dag. Veðrið var
hroðalegt. Skýjað, rok og stundum
rigning en veðurstofan sagði að
það myndi stilla og stytta upp um
hádegið i eina tvo tíma. Skíða-
kapparnir voru komnir upp í
brekku snemma um morguninn og
hituðu sig upp en oft þýddi lítið að
reyna að hreyfa sig, vindurinn var
svo sterkur.
Keppnin stóð enn til um hálftólf
og áhorfendur söfnuðust saman á
stöðum þar sem útsýni yfir braut-
ina var gott. Veðrið var þó ómögu-
legt og loks var ákveðið að fresta
keppninni fram á næsta dag.
Kapparnir brunuðu þá niður hlíð-
arnar og marga, sem ekki vissu að
keppninni var aflýst, rak í roga-
stans þegar þeir mættu keppend-
unum sjálfum á alfaraleið og þeir
þustu framhjá með hjálmana á
höfði sér.
Keppendurnir kipptu sér ekki
upp við að keppninni var frestað.
Bandaríkjamennirnir horfðu á
vídeó-bíómyndir allan eftirmið-
daginn, Kanadamennirnir hvíldu
sig og nokkrir Svisslendinganna
komust heim. Það sást til Peters
Múllers, Svisslendingsins sem
vann Lauberhorn-brunið 1980, á
lestarstað. Farþegar á brautar-
pallinum báðu óðum um eigin-
handaráritanir og farþegar í lest-
unum þustu út í glugga. „Þetta er
augsýnilega einhver þjóðarhetja,"
varð Breta að orði og þótti lítið til
koma. Það lyftist þó á honum
brúnin þegar aðdáendur Urs Ráb-
er fóru hjá með 9 heljarstórar
kúabjöllur sem þeir sveifluðu í há-
værum takti.
Tveir Danir tóku þátt í Laub-
erhorn-bruninu. Mads Bödker,
annar þeirra, fékk sér góðan mat í
hádeginu á laugardag og sagðist
vera heldur feginn að keppninni
hefði verið frestað. Hann hafði
verið með hálsbólgu og feginn að
geta hvílt sig einn dag í viðbót.
Hann játti því að Danmörk væri
ekki beint ákjósanleg til skíða-
ferða en sagðist hafa farið til Nor-
egs á skíði sem krakki og fengið
bakteríuna þar. Þeir eru fjórir í
skíðalandsliði Dana og æfa aðal-
lega í Austurríki og Suður-
Frakklandi. Hann sagðist ekki
kvíða fyrir Lauberhorn-keppninni,
Kitzbúhel væri erfiðari en hún.
Brautin stytt og
brunað í mark
Andrúmsloftið á start-svæðinu
á sunnudag var all ólíkt því sem
það hafði verið á föstudeginum.
Klammer brosti þó enn. Þetta var
hans 100. brunkeppni og hann
hafði unnið 24 af þeim og aöeins
16 sinnum lent í sæti neðar en
fyrstu 15. Svisslendingarnir virt-
ust heldur stressaðir og fátt var
talað.
Veðrið var litlu skárra en dag-
inn áður. Skyggnið var þó aðeins
betra og ekki eins hvasst. Kepp-
endur bjuggust alveg eins við að
keppninni yrði aflýst en stjórn-
endur ákváðu að færa start-pall-
inn um 800 metrum neðar í hlíðina
og stytta brautina sem því næmi
til að komast hjá versta veðrinu.
Það var nýfallinn snjór á braut-
inni og nokkrir af öftustu mönn-
unum voru látnir fara fyrstir til
að ryðja brautina. Þeir áttu hvort
eð er afar litla möguleika á að
geta eitthvað. Síðan fóru fyrstu
mennirnir og hinn fimmti, Aust-
urríkismaðurinn Erwin Resch,
náði mjög góðum tíma, 2:11,17.
Hann var í miðju „sigurvegaravið-
tali“ þegar maður númer 21, Bill
Johnson, sló millitíma hans. Resch
þagnaði og fylgdist með Johnson.
Honum urðu allt í einu á mistök í
síðustu beygjunni og var næstum
dottinn. Þulnum svelgdist á í lýs-
ingunni þegar Johnson fór út af
brautinni og hoppaði inn á hana
aftur og kom í mark með besta
tímann, 2:10,89.
Johnson er 23ja ára, ljóshærður
og frjálslegur. Hann vann í þrem-
ur Evrópubikarmótum í fyrra en
var settur út úr bandaríska liðinu
um tíma af því að hann neitaði að
skokka 5 mílur daginn sem hann
stóð upp úr flensu. „Ég get vel
hlaupið 5 mílur, en ég þarf ekki að
sanna það núna,“ sagði hann og
hló. Hann býr í Los Angeles og
helstu áhugamál hans fyrir utan
vetrarskíðaíþróttina eru vatna-
skíði, „sörf“ og stelpur. Hann ólst
upp í Oregon og ætlar að flytjast
þangað aftur svo að hann geti æft
brun allan ársins hring. Bræður
hans æfðu einnig á skíðum til
skamms tíma en pabbi þeirra
hafði að lokum ekki efni á að
hjálpa þeim öllum og hinn besti
hélt áfram.
Johnson lék á als oddi í markinu
og sagðist varla geta beðið eftir að
fara að græða á íþróttinni. En
hann þagnaði allt í einu þegar
Austurríkismaðurinn Anton
Steiner með númer 59 kom brun-
andi niður hlíðina. í hálfa mínútu
leit út fyrir að hann gæti unnið
Johnson en svo varð ekki. Steiner
varð annar í keppninni með tím-
ann 2:11,00 og Johnson andaði
léttar.
Úrslit keppninnar komu á óvart.
Bandaríkjamaður hafði aldrei
fyrr sigrað í brunkeppni. Margir
kenndu veðrinu um og sögðu
brautina hafa verið óhagstæða.
En það breytir ekki niðurstöðunni.
— Menn voru þreyttir eftir keppn-
ina en margir þurftu að ferðast
sama dag. Sumir fóru í svigkeppn-
ina sem var haldin í Parpan í
Sviss daginn eftir, aðrir fóru á
slóðir Evrópubikarkeppninnar og
enn aðrir hvíldu sig fram á næsta
dag og héldu þá til Kitzbúhel.
Vonir flestra voru bundnar við
Sarajevó. Johnson tryggði sér
miða þangað með sigrinum í
Lauberhorn-bruninu. Keppnin
milli hinna stóð enn og svo er að
sjá hvernig þeir standa sig sem
komast á Ólympíuleikana.
ab
Hydrovane —
Loft-
pressur
Eigum fyrirliggjandi
loftpressur
t. MRSTEim 8 JOHNSON R.F.
Ármúla 1 Sími 85533
Ávöxtun ávaxtar fé þitt betur
/ ____ i i
AVOXTUNSf^
LAUGAVEGUR 97 - SÍMI 28815 OPIÐ FRÁ10 - 17
Verðtryggð spariskírteini ríkissjóðs
Gengi 06.02/84
Ár R. Sg./100 kr. Ár Fl. Sg./100 kr.
1971 1 15.072 1977 2 1.693
1972 1 13.642 1978 1 1.376
1972 2 11.138 1978 2 1.082
1973 1 8.413 1979 1 934
1973 2 8.019 1979 2 702
1974 1 5.247 1980 1 608
1975 1 4.114 1980 2 459
1975 2 3.057 1981 1 392
1976 1 2.792 1981 2 289
1976 2 2.300 1982 1 275
1977 1 2.030 1982 2 203
■Óverðtryggð ~
veðskuldabréf
Ár
1
2
3
4
5
6
20%
81.3
74,0
67,8
62,7
58.3
54,6
21%
81.9
74.9
68.9
63.8
59,5
55.9
■Verðtryggð —
veðskuldabréf
Ár
1
2
3
4
5
Söhig. 2 afb/ári.
95,2 6 81,6
91,9 7 78,8
89,4 8 76,1
86,4 9 73,4
84,5 1 10 70,8
sölu. Verðtryggð veðskuldabréf óskast í sölu.
Óverðtryggð veðskuldabréf óskast í sölu.
ÁvömiM#
VERÐBRÉFAMARKAÐUR
Ungur nemur
gamall temur
Látiö Ávöxtun sf.
annast fjármál ykkar