Morgunblaðið - 10.03.1984, Blaðsíða 48

LAUGARDAGUR 10. MARZ 1984
VERÐ í LAUSASÖLU 20 KR.
Vestmannaeyjar:
Yfirvinnubann
boðað 16. marz
Verkalýðsfélag Vestmannaeyja og
Verkakvennafélagið Snót hafa boðað
yfirvinnubann frá og með lostudeg-
inum 16. marz, en upp úr samninga-
viðræðum við atvinnurekendur slitn-
aði í gærmorgun. Verkalýðsfélögin í
Vestmannaeyjum felldu samkomu-
lag ASÍ og VSÍ á sínum tíma og hafa
verið í viðræðum við atvinnurekend-
ur síðan.
Jón Kjartansson, formaður
Verkalýðsfélags Vestmannaeyja,
sagði að mjög mikið bæri á milli
deiluaðila og því ekki um annað að
gera en grípa til aðgerða. „Það er
mikill baráttuhugur í fólki, mikið
meiri en maður átti von á. Skýr-
ingin er sú að fiskvinnslufólk hér
er orðið þreytt á að vera alltaf
skilið eftir í samningum sem ASÍ-
forystan gerir og vill ekki una
þessu ástandi lengur. Samningur-
inn heldur launum bónusvinnu-
fólks niðri og kemur því ekki til
góða,“ sagði Jón.
Jón sagði að verkalýðsfélögin
hygðust prófa þessar aðgerðir
fyrst og sjá til hvaða áhrif þær
hefðu, það mætti herða á aðgerð-
um síðar ef á þyrfti að halda.
Hann sagði að atvinnurekendur
hefðu viljað vísa deilunni til
ríkissáttasemjara en verkalýðsfé-
lögin hafnað því.
Vertíðin er nú í fullum gangi og
mikið um að vera í Eyjum. Er unn-
ið á vöktum í bræðslum og við
loðnuhrognavinnsiu. Þá hefur mik-
il vinna verið í fiskvinnslustöðvum
undanfarnar vikur enda góður afli.
Að sögn Arnars Sigurmundsson-
ar hjá Samfrosti Vestmannaeyja
eru helstu kröfur verkalýðsfélag-
anna umfram samning ASÍ og VSÍ
þessar: Flokkahækkanir sem nema
6—7% kauphækkun, eftirvinna
verði felld niður en í staðinn komi
yfirvinna, aukin réttindi í veikind-
um, aukin þátttaka fiskverkenda í
vinnufatnaði, hádegismatartími á
helgidögum verði greiddur þegar
unnið er, breytingar á kauptrygg-
ingarsamningum og styttri samn-
ingstími en í samningi ASÍ og VSÍ.
Þá hafa verkalýðsfélögin sett fram
kröfur um að lágmarkslaun fyrir
18 ára og eldri gildi einnig fyrir 16
og 17 ára.
Að sögn Arnars höfðu viðræður
borið nokkurn árangur þegar upp
úr slitnaði, einkum hafði verið
fjallað um aukna þáttöku fisk-
vinnslustöðva í vinnufatnaði og
leiðir til þess að lækka kostnað
starfsfólks á hlífðarfatnaði, „en
útilokað er fyrir vinnuveitendur í
Vestmannaeyjum að verða við
hærri kaupkröfum en annars stað-
ar hefur verið samið um. Af þeim
ástæðum slitnaði upp úr samning-
um,“ sagði Arnar Sigurmundsson.
Komi til yfirvinnubanns í Vest-
mannaeyjum má fastlega reikna
með að fiskiskipafloti þeirra stöðv-
ist að mestu um miðja næstu viku.
Eyjatogarar sem landa eiga um
miðja næstu viku verður komið í
löndun annars staðar, komi til yf-
irvinnubanns verkalýðsfélaganna,
skv. upplýsingum Mbl.
13 erlend rœkjuskip á Dornbanka
NÚ ERU TVEIR belgískir togarar að veiðum innan íslenzku landhelg-
innar samkvæmt gildandi fiskveiðisamningi þjóðanna. Eru þeir á veið-
unum vestur af Eldey. Þá eru nú 13 rækjuveiðiskip á veiðum á Dorn-
banka rétt utan 200 mílna markanna. 6 þeirra eru norsk, 4 grænlenzk
og 3 færeysk. Meðfylgjandi mynd af einu skipanna, sem eru að athafna
sig í íshraflinu, tók Tómas Helgason, er starfsmenn Landhelgisgæzl-
unnar flugu yfir veiðisvæðið í vikunni.
Afrakstur loðnuveiða og vinnslu í Neskaupstað frá febrúarbyrjun:
Mánaðarlaun í fiskimjöls-
verksmiðjunni um 52.000 kr.
Meðaltalsaflahlutur skipanna um 190.000 kr.
Tekjur hafnarsjóðs 600.000 kr.
FYRIRSJÁANLEGAR tekjur Hafnarsjóðs Neskaupstaðar vegna
loðnulöndunar og útflutnings loðnuafurða frá því loðnan tók að
veiðast í febrúarbyrjun nema um 600.000 krónum. Lágmarksvinnu-
laun starfsmanna í fiskimjölsverksmiðju Síldarvinnslunnar, en þar
er unnið á tvískiptum vöktum, nema um 13.000 krónum á viku,
52.000 krónum á mánuði. Ætla má að meðaltalsaflahlutur sjómanna
á loðnuskipunum þremur, sem gerð eru út frá Neskaupstað, verði
um 190.000 krónur frá febrúarbyrjun til loka vertíðar miðað við að
þau fylli kvóta sinn.
Frá því í febrúarbyrjun til 5.
marz hefur verið landað um
22.000 lestum af loðnu í Neskaup-
stað. Hefur Síldarvinnslan keypt
það hráefni á samtals 28.751.000
krónur. Úr því hafa verið unnar
3.415 lestir af mjöli og 1.550 lestir
af lýsi. Áætlað útflutningsverð-
mæti þessara afurða eru
49.000.000 króna miðað við
heimsmarkaðsverð. Þá hafa verið
frystar um 100 lestir af loðnu-
hrognum að útflutningsverðmæti
um 5.000.000 króna. Heildarút-
flutningsverðmæti þessara 22.000
lesta er því um 54.000.000 króna.
Tekjur Hafnarsjóðs af þessu
nema samtals um 600.000 króna,
en Hafnarsjóður fær 0,85% að
verðmæti landaðs hráefnis og
56,40 krónur fyrir hverja lest af
útfluttum afurðum. I fiskimjöls-
verksmiðjunni starfa um 30
manns á tvískiptum vöktum og
nema lágmarkslaun þeirra sam-
kvæmt taxta um 13.000 krónum á
viku eða 52.000 krónum á mánuði.
Auk þess vinnur nokkur fjöldi
fólks við hrognafrystinguna og
kemur sú vinna að mestu sem
aukavinna ofan á aðra vinnu í
frystihúsinu.
Frá Neskaupstað eru gerð út
þrjú loðnuskip, Beitir, Börkur og
Magnús, sem veita um 45 manns
vinnu. Útlit er fyrir að þau muni
taka mestan hlut kvóta síns á
tímanum frá febrúarbyrjun til
loka vertíðar eða um 30.000 lestir
samtals. Áætla má að meðal-
skiptaverð sé um 90 aurar á kíló
og miðað við það er meðaltals-
aflahlutur háseta á þessum skip-
um um 190.000 krónur á um-
ræddu tímabili.
Þannig vinna beint um 75
manns í Neskaupstað við veiðar
og vinnslu loðnunnar og er þá
ótalin öll þjónusta og verzlun,
sem þessu tengist. Tekjur bæjar-
ins eru því ekki aðeins tekjur
Hafnarsjóðs heldur einnig aukn-
ar útsvarstekjur og tekjur af
þjónustu og verzlun. Af þessu má
glöggt sjá hve mikil búbót loðnan
er þeim stöðum og skipum, sem
hana hreppa.
Starfsmenn
borgarinn-
ar undirrita
samninga
Reykjavikurborg og starfsmann
afélag Reykjavíkurborgar undirrit-
uðu aóalkjarasamning um miðjan
dag í gær, sem er samhljóða þeim
samningi er BSRB gerði við ríkisvald-
ið í fyrri viku.
„Þetta er niðurstaða endurmats
okkar á stöðunni. Við gáfum okkur
góðan tíma til að skoða hlutina og
sáum ekki fram á að það væri um
annað að ræða í stöðunni," sagði
Haraldur Hannesson, formaður
Starfsmannafélags Reykjavíkur-
borgar, í samtali við Morgunblaðið.
„Það má kannski breyta máltæk-
inu og segja að við setjum fólkið
okkar á Albert og gaddinn. Við
vonum að stjórnarstefnan sé rétt
og hún komi til með að skila
árangri. Við teljum að launþegar í
landinu séu búnir að borga sinn
skerf og ef eitthvað vantar enn upp
á, þá mótmælum við því algerlega
að það sé tekið af okkur,“ sagði
Haraldur ennfremur.
Ljósmynd: Kristján G. Arngrímsson.
A heröablöðunum á Lœkjartorgi
VORIÐ, sem fyllt hefur loftið undanfarna daga, gæti orðið skammvinnt
að þessu sinni. Það hefur ekki komið í veg fyrir að ungt fólk — og eldra
fólk ungt í hjarta — hafi brugðið á leik og hunsað dagatalið. Það gerðu
nokkrir ungir menn á Lækjartorgi í gær. Þeir voru þar frjálslega
klæddir og skemmtu vegfarendum með mögnuðum dansi, svokölluðum
„break“-dansi er ku vera nýjasta nýtt á sviði fótamenntar. Þeir létu sér
þó ekki nægja að nota fæturna í dansinum — á stundum voru þeir á
herðablöðunum í bókstaflegri merkingu!
Veruleg fækkun
atvinnulausra
SKRÁÐIR atvinnulcysisdagar í
febrúar sl. voru 56.500 á landinu öllu,
sem svarar til þess að um 2.600
manns hafi verið á atvinnuleysisskrá
allan mánuðinn, eða 2,3% af áætluð-
um mannafla á vinnumarkaði. At-
vinnuleysisdögum hefur samkvæmt
þessu fækkað frá mánuðinum á und-
an um 27.500 daga, atvinnulausum
um 1.300 og hlutfallslegt atvinnuleysi
lækkað um 1,1 prósentustig. Hlut-
deild kvenna í skráðu atvinnuleysi
var 46%. Eigi að síður var tala at-
vinnulausra 56% hærri í febrúar sl.
en í febrúar á síðasta ári.
Frá áramótum hafa rúmlega 60
milljónir króna verið greiddar í at-
vinnuleysisbætur, að sögn Eyjólfs
Jónssonar hjá Atvinnuleysistrygg-
ingasjóði, þar af 31 milljón í janú-
ar. Fullar bætur eru 525,12 krónur
á dag eftir hækkunina 21. febrúar,
en fullar bætur fást ef viðkomandi
hefur unnið yfir 1.700 vinnustundir
á síðasta ári. Lágmarksbætur eru
131,28 krónur á dag, en til þess að
njóta þeirra þarf að hafa skilað yf-
ir 425 vinnustundum á liðnu ári.
Auk þess greiðist 21 króna fyrir
hvert barn yngra en 17 ára, sem
viðkomandi kann að hafa á fram-
færi sínu.
(Sjá nánar frétt á miðopnu.)
Má hafa hund
að læknisráði
FYRIR nokkru var felld niður
sekt í Sakadómi Reykjavíkur í
máli konu, sem heldur hund í
borginni. Embætti lögreglustjóra
sendi málið til Sakadóms eins og
venjulega í slíkum málum, en eft-
ir að lögmaður konunnar hafði
sent borgarstjóra beiðni um und-
anþágu, barst bréf frá Davíð
Oddssyni, borgarstjóra, til emb-
ættis lögreglustjóra þess efnis, að
„eigi verði amast við hundi þess-
um“. Konan mun hafa fengið
hundinn að læknisráði. Að fengnu
áliti borgarstjóra var ekki dæmd
sekt í málinu.