Morgunblaðið - 19.07.1984, Blaðsíða 32
32
MORGUNBLAÐIÐ, FIMMTUDAGUR 19. JÚLl 1984
17. júní-
hátíðahöld
í Portúgal
Tvær íslenzkar blómarósir tiibúnar í skrúðgönguna.
,Öxar við ána.“ Skrúðgangan var fjölmenn með fánabera og „trommuleikunim" í fararbroddi.
Morgunblaðið/Friða Proppé.
Þjóðhátíðardagurinn var haldinn
hátíðlegur víðar en á Arnarhóli. Á
Algarve-strönd Portúgals þar sem
hátt á annað hundrað íslendingar
eyddu sumarleyfi sínu 17. júní sl. á
vegum Útsýnar, voru hátíðahöld með
hefðbundnum hætti, skrúðganga,
leikir o.fl. Líklega var eini munurinn
á hátíðahöldum þar og á einhverjum
smábæ hérlendis, að engir stórir
dropar duttu úr lofti yfir hátíðargesti
í Portúgal.
Árdegis var lagt upp í skrúð-
göngu. öll börn fengu fána og
blöðru. Trommuleikarar voru í
hópnum, en þar sem ekki tókst að
útvega trommur, var notast við
áhöld úr eldhúsum ibúða á Hótel
Villa Magna. Fánaberi gerði víð-
tæka leit að íslenzka fánanum á
staðnum og fann hann i fána-
geymslu Hótel Montchero. Reynd-
ar var hann þar merktur norsku
þjóðinni, sem leiðrétt var í þakk-
lætisskyni fyrir lánið.
Eftir vel heppnaða skrúðgöngu
og söng var farið i leiki við sund-
laugina á Villa Magna. Skorað var
á „Tjallann“, þ.e. Bretana á hótel-
inu í reiptog og sundkeppni. ísland
vann reiptogið, bæði í flokkum
fullorðinna og barna, en Bretinn
fékk uppreisn æru í sundkeppni
yngstu kynslóðarinnar. Síðan var
brugðið á leik við sundlaugina og
öllum sem í náðist hent út i laug-
ina. Hótelstjórinn á Villa Magna
fór ekki varhluta af þeim leik, en
tók því með jafnaðargeði eins og
öðru.
Um kvöldið var síðan þjóðhátíð-
-arveizia í Albufeira, þar sem verð-
launahafar og þátttakendur i
reiptogi og sundkeppni fengu
verðlaunapeninga FRI-klúbbsins.
Síðan var dansað fram á nóttu
eins og vera ber.
Hemlar og hemlakerfi er mikilvægasti öryggisþátturinn í öllum
akstri og meðferð ökutækja og vinnuvéla. Þetta vita allir.
í því sambandi skiftir mestu, sé fyllsta öryggis gætt; að vel sé séð
fyrir viðhaldi og umhirðu allri. Þetta vita líka allir.
Við erum sérfræðingar í allskyns hemlum og hemlakerfum.
Orginal hemlahlutir í allartegundir bifreiða
ÓTRÚLEGA HAGSTÆTT VERÐ.
NOTK) ÞJÓNUSTU FAGMANNA, ÞAÐ TRYGGIR ÖRYGGIÐ.
í ÍQ .
0 H C)
LLINGf
Sérverslun með hemlahluti.
Skeifunni 11 Sími: 31340,82740,
Fáskrúðsfjörður:
Kanna grundvöll á
rekstri þurrkvíar
Að undanfornu hafa verið gerðar
athuganir á því á Fáskrúðsfirði hvort
ekki sé möguleiki á því að reisa
þurrkví við botn fjarðarins. Að baki
þessum athugunum stendur Guð-
iaugur Einarsson, skipasmiður og
eigandi Skipasmíðastöðvar Guð-
laugs Einarssonar.
Hefur hann látið gera rannsókn
á jarðveginum þar sem hann
fyrirhugar að láta reisa þurrkvína
og hafa þær rannsóknir verið
jákvæðar og gefið vonir um að
þarna sé hægt að reisa slíkt
mannvirki.
„Það hefur verið áhugamál mitt
lengi að láta athuga það hversu
góðir möguleikar eru á því að láta
reisa þurrkví þarna og nú eru at-
huganir á þessu komnar í gang,“
sagði Guðlaugur Einarsson í sam-
tali við Morgunblaðið. „Áhugi
minn á þessu vaknaði þegar ég
vann við skipasmíðar úti í Svíþjóð
fyrir nokkrum árum, en þar var
mikið notast við þurrkvíar hjá
skipasmíðastöðvum. Nú er að
koma á daginn að það virðist
liggja vel við að reisa þurrkví við
botn fjarðarins. Þær rannsóknir
sem þegar hafa verið gerðar á
jarðveginum þarna og á dýpinu
fyrir utan benda til þess að þarna
séu aðstæður ákjósanlegar fyrir
fyrirtæki sem þetta."
Guðlaugur sagði að fyrir hálfum
mánuði hefði verið hafist handa
við að rannsaka jarðveginn þarna
og hefði þá komið í ljós að hann
væri úr finum leirbornum sandi
sem héldi mjög vel vatni. Þá hefði
dýpið einnig verið kannað og væri
siglingin þarna það góð að stór
! skip ættu auðveldlega að komast
I þar inn.
„Það ætti að liggja vel við að
gera við stór skip og togara því
allar aðstæður bjóða upp á það.
i Hins vegar á eftir að koma í ljós
i hvort fé fáist til að hrinda þessu í
framkvæmd. Það er eftir að kanna
I það betur. Það verður reynt að
kanna áhuga ríkisins á aðild að
þessu en það verður að segjast
eins og er að reynsla okkar hér á
Fáskrúðsfirði af ríkisvaldinu í
svona málum er ekki mjög góð.
Fyrir nokkrum árum var hafist
handa við að reisa hér dráttar-
braut en því verki lauk aldrei þó
svo að búið hefði verið að ganga
frá öllum samningum við Vita- og
hafnamálastjórn. En vissulega
verður áhugi rfkisins kannaður á
þátttöku en ef fara þarf sömu leið-
ir og fram að þessu, er ég hræddur
um að það gefi manni ekki miklar
vonir og þá verður að snúa sér
annað.“
Aðspurður um hver kostnaður
við að reisa þurrkvína væri sagði
Guðlaugur að hann væri ekki
mjög mikill. „Dráttarbraut fyrir
150—200 tonna skip kostar líklega
um 8 til 10 milljónir króna en
kostnaður við þurrkví að sömu
stærð yrði sennilega ekki nema
um 2'A til 3 milljónir. Auðvitað
eru kostir og ókostir þurrkvíar-
innar aðrir en dráttarbrautarinn-
ar en í ljósi þess að í þurrkvínni
yrði aðallega unnið að minni hátt-
ar viðgerðum og málningarvinnu
þá er hún hentugri."
Guðlaugur sagði að ef haldið
væri áfram af fullum krafti við að
kanna alla möguleika á að reisa
þurrkví í Fáskrúðsfirði og að ráð-
ist yrði í framkvæmdir í beinu
framhaldi þá mætti búast við að
taka mætti hana i notkun um mitt
næsta ár. Hann sagðist ekki kvfða
verkefnaskorti fyrir svona fyrir-
tæki og benti á að í Færeyjum
væri þurrkví sem hefði haft alveg
óþrjótandi verkefni. „Færey-
ingarnir hafa tekið að sér verkefni
fyrir sovésk skip, sem vérið hafa