Morgunblaðið - 09.09.1984, Qupperneq 64

68
MORGUNBLAÐIÐ, SUNNUDAGUR 9. SEPTEMBER 1984
Minning:
Ólöf Steinþórsdóttir
frá Siglufirði
Fædd 22. maí 1905
Dáin 28. júlí 1984
Ólöf var fædd að Þverá í ólafs-
firði og voru foreldrar hennar
hjónin Kristjana Jónsdóttir frá
Stórholti í Fljótum og Steinþór
Þorsteinsson ættaður frá ólafs-
firði.
Systkini ólafar voru 5: Guðrún
og Anna sem eru látnar, Kristjana
og Sigurpáll búsett t Reykjavík,
Jónína búsett á Akureyri. Einn
uppeldisbróður átti ólöf, Jón Sig-
urðsson, búsettur í Reykjavík.
Kristjana og Steinþór brugðu
búi þegar ólöf var tveggja ára og
settust að í Vík í Héðinsfirði.
Þar ólst ólöf upp til sex ára ald-
urs, er hún missti móður sína, og
var þá tekin í fóstur af hjónunum
Salbjörgu Jónsdóttur, móðursyst-
ur Ólafar og manni hennar, Sig-
urði Árnasyni, sem þá bjuggu og
lengi síðan í Leyningi, sem var
býli innarlega í Siglufirði.
Hjá þeim hjónum dvaldi Ólöf í
góðu atlæti til fermingaraldurs
við hin almennu störf, sem til-
heyrðu þeirra tíma búskaparhátt-
um og venjum, innan húss og
utan, en eftir fermingu fór hún,
sem fleiri jafnaldrar þar um slóð-
ir, að vinna fyrir sér á hinum al-
menna vinnumarkaði.
Á þessum árum var mikil bjart-
sýni ríkjandi á Siglufirði. Nýfeng-
in kaupstaðarréttindi, vorhugur
og ýmsar framfarir undir forystu
séra Bjarna Þorsteinssonar, hins
víðsýna og mikilhæfa foringja
Siglfirðinga um áratuga skeið.
Atvinnulífið, síldarútvegur og
síldarverkun jukust að mun á
þessum árum og íbúafjöldi Siglu-
fjarðar óx jafnt og þétt.
Útgerð var stunduð vor og haust
og fiskverkun stuðlaði að sam-
felldri atvinnu allt árið þó reyndar
margur fjölskyldufaðirinn sækti
vetrarvertíð til Suðurlands.
Allt þetta setti sinn svip á kaup-
staðinn, mannlífið þar og íbúa
hans, hafði ómæld áhrif á íbúana
og umhverfið og tryggði á margan
hátt framtíð staðarins.
Á sumrin kom fjöldi fólks til
síldarverkunar og sildveiði fór
vaxandi. Sumir staðfestust þar, en
aðrir voru aðeins vertíðargestir.
Ekki skal þetta rakið frekar hér
enda þáttur, sem tilheyrir liðnum
tíma, sögunni.
Sildin og síldveiðarnar með sin-
um fjölbreytileika í mannlifi átti
sinn drjúga þátt í að styrkja fram-
færslumöguleika siglfirskra fjöl-
skyldna og bjó í haginn fyrir ungt
fólk og bjartsýni þess óx að sama
skapi.
Þetta setti sinn svip á umhverf-
ið og efldi þrá yngri kynslóðarinn-
ar að afla sér frekari menntunar,
en tækifæri voru til heima í hér-
aði.
Því ákvað Ólöf að fara í hús-
mæðraskólann á ísafirði og lauk
námi þaðan 1930, og var sú
fræðsla, sem þar fékkst, góð und-
irstaða undir húsmóðurstörfin,
sem bíða allra kvenna auk hinnar
almennu fræðslu, sem þessu námi
var samfara.
Ólöf giftist hinn 1. júlí 1933
Gunnsteini Jónssyni, hinum mæt-
asta manni, ættuðum frá Borgar-
firði eystra og bjuggu þau hjón
allan sinn búskap á Siglufirði.
Þau eignuðust tvær dætur, þær
Áslaugu Elísabetu, sem gift er
Ólafi Jens Péturssyni, deildar-
stjóra í Tækniskóla Íslands. Þau
búa í Kópavogi og eiga tvo syni,
Gunnstein og Pétur Má. Hin dótt-
irin, Steinunn Kristbjörg, er gift
Palle Grönvaldt, fulltrúa hjá
Oscar Rolff og eru þau búsett í
Kaupmannahöfn. Þau eiga einn
son, Olaf.
Gunnsteinn stundaði alla al-
menna vinnu, sem til féll. Fékkst
um skeið við útgerð, en gerðist
verkstjóri og síldar- og fiskimats-
maður, enda eftirsóttur og dyggur
starfsmaður.
Gunnsteinn andaðist hinn 16.
nóvember 1964 og varð harmdauði
öllum, sem þekktu.
Ólöf tók mikinn þátt í félags-
störfum kvenna á Siglufirði. Hún
var m.a. ein af stofnendum
kvennadeildar Slysavarnafélags-
ins Varnar. Starfaði ólöf i þeim
samtökum árum saman eftir því,
sem tími og aðstæður leyfðu frá
heimilisstörfum og öðrum skyld-
um. Þá var Ólöf mjög virkur félagi
í kvenfélaginu Von í fjölda ára og
starfaði mikið fyrir og við dag-
heimilið Leikskála, sem kvenfé-
lagið rak í mörg sumur og auð-
veldaði siglfirskum mæðrum þátt-
töku í meginþætti í atvinnulífi
Siglfirðinga, síldarsöltuninni, en
við hana vann ólöf, eins og allar
siglfirskar húsmæður, í meira en
hálfa öld og lengst af hjá tsafold,
sem þeir feðgar Sigurður Krist-
jánsson og Þráinn Sigurðsson
ráku. Það er enn óskráður þáttur
kvenna, bæði siglfirskra og ann-
arra í síldarsögu Siglufjarðar, en
hann mundi verða bæði fróðlegur
og eftirminnilegur.
ólöf bjó áfram á Siglufirði eftir
að hún varð ekkja eða til ársins
1982 að hún fór til dvalar á dval-
arheimilinu Ási í Hveragerði. Þar
dvaldist Ólöf frænka mín ásamt
vinkonu sinni frá Siglufirði, Guð-
finnu Jóhannesdóttur, sem bjó að
Seljalandi, en svo nefndi hún hús
sitt á Siglufirði.
Þarna undu þær sér, vinkonurn-
ar, við að rifja upp kærar minn-
ingar fyrri ára. Liðnar stundir
voru kallaðar fram í hugann. Unn-
in handavinna ýmiskonar og
blómarækt sinnt, því báðar voru
þær ræktunarmanneskjur. Sitt-
hvað fleira var sýslað til þess að
stytta stundir því aldrei var setið
auðum höndum. Þeim var vinna
og iðja eðlislæg.
Ólöf dvaldi í Ási í góðu yfirlæti
og við ágætan aðbúnað, þar til hún
í desember sl. fór á sjúkrahús i
Reykjavík. Að lokinni sjúkrahús-
vist dvaldi hún á hjúkrunarheim-
ilinu Sunnuhlíð í Kópavogi og var
þá komin í nálægð dóttur sinnar
og fjölskyldu hennar. ólöf andað-
ist á hjúkrunarheimilinu þann 28.
júlí sl., 79 ára að aldri, eftir allerf-
ið veikindi.
Nú þegar Ólöf frænka mín er
horfin sjónum frændfólks, vina og
samferðafólks, er margs að minn-
ast frá liðinni tíð. Allt eru það
hugljúfar og kærar minningar,
sem varpa birtu yfir vináttu og
frændsemina allt frá æskuárum
mínum til hinsta dags hennar.
Ég sendi hlýjar kveðjur og
þakklæti fyrir allt, sem hún.var
mér og minni fjölskyldu.
Dætrum hennar og fjölskyldum
þeirra sendi ég hugheilar kveðjur
samúðar og hluttekningar vegna
fráfalls ástríkrar og kærrar móð-
ur og ömmu.
Blessuð sé minning hennar og á
nýjum vegum fái hún meira að
starfa Guðs um geim.
Brynja Jónsdóttir
Rit um málefni
aldraðra
UT ER KOMIÐ rit á vegum MFA,
Menningar- og fræðslusambands al-
þýðu, um málefni aldraðra og nefn-
ist það „Til móLs við ellina". Höf-
undur ritsins er Ásdís Skúladóttir
félagsfræðingur en hún hefur haft
margvísleg afskipti af málefnum
aldraðra og unnið fyrir ýmsa aðila í
því sambandi, að þvi er segir í frétta-
tilkynningu MFA.
Tilgangurinn með útgáfu ritsins
er sá að gefa þeim, sem komnir
eru á efri ár og öðrum, kost á
hentugu riti með margvíslegum
upplýsingum er varða réttindi
fólks. Meðal efnis i ritinu má
nefna formála eftir Ásmund Stef-
ánsson, forseta Álþýðusambands
íslands, og eftirmála höfundar. Á
bókarkápu eru að finna umsagnir
nokkurra aðila en ritið er í 11 að-
alköflum sem skiptast i minni
greinar. Teikningar sem skreyta
ritið eru eftir Lísu K. Guðjóns-
dóttur.
HmstferÖ til Vínarbcrgar
Ferðaskrifstofan Farandi efnir til 10 daga hópferðar
til Vínarborgar 15.—24. okt.
í þessari haustferð til Vínarborgar fœrðu einstakt
tœkifæri til að njóta stórkostlegra listviðburða.
Vínarborg er ein fegursta borg heims. Þar rœður
lífsgleðin ríkjum.
Skoðunarferðir
Þótt margt verði að gerast í Vín þessa daga, vill
Farandi gera þér ferðina enn skemmtilegri og
fjölbreyttari. Munu þér standa til boðá dagsferðir
og heimsóknir á merka og fallega staði.
Dagsferð til Wachau og sigling á Dóná.
Dagsferð til Burgenland, þar
sem hús tónskáldsins £ _[ i < *
Lizst verður skoðað.
Þá verður I boði 2ja daga
ferð til Prag.
Einstakt tækifœri.
Ifaiandi
Vesturc/ötu 4, sími 17445
Sérfrœdmqar
í spennándi
surnarleyfisferöum

\ *
r
’ N. »