Morgunblaðið - 24.10.1984, Síða 28

28
MORGUNBLAÐIÐ, MIÐVIKUDAGUR 24. OKTÓBER 1984
AP/Sím&mynd.
Hluti hermanna, sem umkringdu hverfi svartra í Sebokeng í S-Afríku í gær, í einum umfangsmestu aögerðum hers og lögreglu þar í landi um skeið.
Sjö þúsund manna lið hermanna og lögreglu myndaði vörð um hverfin meöan leitað var forsprakka óeirðarseggja.
Hverfi
þeldökkra umkringd
Sebokeng, 23. október. AP.
Sjö þúsund manna lið lögreglu
og hermanna girti af þrjú borgar-
hverfi þeldökkra íbúa S-Afríku
suður af Jóhannesarborg í dag og
handtók hátt á fjórða hundrað
manna í leit að forsprökkum upp-
þota, er átt hafa sér stað síðustu
tvo mánuði og beinst hafa gegn
aðskilnaðarstefnu stjórnvalda.
Aðgerðirnar hófust í Sebokeng
fyrir dögun, og síðan var látið til
skarar skríða í Sharpeville og
Boipatong. Ekki kom til neinna
sviptinga í þessum aðgerðum,
sem eiga að sýna þann ásetning
minnihlutastjórnar hvítra að
koma á röð og reglu að nýju.
Hinir handteknu áttu yfir
höfði sér málssókn þar sem í fór-
um þeirra fundust lyf, áfengi,
klámbókmenntir, þýfi ýmiss
konar og vopn, sem ólöglegt er.
Samtök þeldökkra og hvítra,
sem andúð hafa á aðskilnaðar-
stefnu stjórnvalda, fordæmdu
aðgerðirnar og forseti kirkju-
ráðs landsins lýsti undrun sinni
á umfangi þeirra. Þingmenn
stjórnarandstöðuflokks hvítra
lýstu andstöðu sinni við því að
hermenn tækju þátt í aðgerðum
af þessu tagi.
Prentar-
ar stöðva
London
Times
Lundúnum, 23. október. AP.
NESTORINN í breska blaðaheimin-
um, The London Times kom ekki út
í dag, annann daginn í röð, og stafar
það af verkfalli prentara og tækni-
manna. Deilan stafar af launadeilu
milli útgefanda og starfsmanna
varðandi greiðslu fyrir vinnu við
nýja pressu, sem blaðið hefur tekið í
notkun.
Blaðið er 199 ára gamalt og selst
í 320.000 eintökum daglega. Eigi
að síður er reksturinn sagður
standa höllum fæti og útgefendur
hafa varað prentara og tækni-
menn við því að stöðva blaðið of
lengi, því þá stefni þeir atvinnu
sinni í hættu. Hluti prentara
blaðsins náði samkomulagi um
greiðslu vegna hinnar nýju pressu,
en nokkur hópur lagði fram kaup-
kröfur sem útgefendur gátu ekki
fellt sig við.
Verkfallsdeila er einnig í gangi
við sjónvarpsstöðina Thames Tel-
evision, þar sem tæknimenn hafa
krafist sérgreiðslu fyrir framköll-
un á nýrri tegund myndbanda. Yf-
irmenn og aðstoðarfólk hefur
hlaupið í störf tæknimanna þann-
ig að útsendingar hafa ekki stöðv-
ast. Því er búist við harðnandi
deilu hjá Thames Television á
næstunni.
DÓMNUM yfir franska sjónvarpsfréttamanninum Jacques Abouchar í Afganist-
an hefur verið mótmælt víða um heim og í Frakklandi er órofa samstaða allra
stjórnmálaafla um að fordæma dóminn. Myndin var tekin er þúsundir París-
arbúa kröfðust frelsis Abouchar til handa fyrir utan ræðismannaskrifstofu
Afgana í borginni. Einnig var gengið að sovéska sendiráðinu.
Alþjóðablaðastofnunin:
Mótmælir dómn-
um yfir Abouchar
London, 23. október. AP.
Æ FLEIKI fordæma nú dóm afganskra stjórnvalda yfir franska sjónvarpsfrétta-
mannínum Jacques Abouchar. 1 dag sendi Alþjóðablaðastofnunin — Internat-
ional Press Institute — í London skeyti til Babrak Karmal, leiðtoga herstjórn-
arinnar í Kabúl, þar sem hinum þunga dómi yfir Frakkanum er harðlega
mótmælt og þess krafist að hann verði látinn laus og vestrænir fréttamenn fái
að fylgjast með því sem er að gerast í Afganistan, en þeim hefur verið neitað að
koma þangað frá 1979 er Sovétmenn fóru með herlið sitt inn í landið.
f skeyti Alþjóðablaðastofnunar-
innar, sem berst fyrir frelsi fjöl-
miðla og nýtur mikillar virðingar,
er þeirri ásökun, að Abouchar hafi
stundað njósnir, vísað á bug og afg-
anska stjórnin lýst ábyrg fyrir því
að hann fór inn í landið með ólög-
mætum hætti. „Ef stjórn yðar,“
segir í skeytinu til Karmal, „hefði
að hætti siðaðra stjórnvalda gert
ráðstafanir til að leyfa erlendum
fréttamönnum að fylgjast með og
greina frá atburöum i landinu, þá
hefði handtakan og ákæran á hend-
ur Abojchar aldrei komið til.“
Alþjóðablaðastofnunin í London
er sjálfstæð samtök um 200 helstu
útgefendA og ritstjóra í 62 löndum.
Haft er eftir vestrænum stjórn-
arerindrekum, sem ekki vilja láta
nafns síns getið, að líklega verði
Abouchar, sem dæmdur var í 18 ára
fangelsi, látinn laus eftir nokkra
mánuði. Benda heimildarmennirnir
á að slíkt eigi sér nokkur fordæmi í
Afganistan.
Amin Gemayel í skyndi-
heimsókn til Ítalíu
Róm. 23. oktAber. AP.
AMIN Gemayel, forseti Líbanons
kom til skyndifundar í Rómaborg í
dag eftir næturlanga dvöl í Trfpólí í
Líbýu, þar sem hann ræddi við Mo-
ammar Khadafy, leiðtoga landsins.
Haft var eftir ítölskum embætt-
ismönnum, að Gemayel myndi
eiga sérstaka fundi með Sandro
Pertini, forseta ítalfu, Bettino
Craxi forsætisráðherra og Giulio
Andreotti utanríkisráðherra
hverjum um sig. Þá hugðist hann
einnig ganga á fund Jóhannesar
Páls páfa II í Páfagarði, áður en
hann sneri aftur heim til Beirút
seint í kvöld.
Jana, hin opinbera fréttastofa
Líbýu, hafði eftir Gemayel í dag,
að heimsókn hans þangaö hefði
haft þann tilgang „að leggja
áherzlu á þau tengsl, sem fyrir
Amin Gemayel
hendi eru milli Libanons og Líb-
ýu“. Þetta var í annað sinn, sem
Gemayel kemur til Líbýu, síðan
hann tók við forsetaembætti 1982.
í síðustu viku kom hópur líb-
ýskra stjórnarandstæðinga undir
forystu Walid Jumblatts til Líbýu,
en Líbýustjórn hefur veitt her
stjórnarandstæðinga í Líbanon
mikinn stuðning að undanförnu.
Enda þótt ekki væri skýrt frá
einstökum atriðum varðandi
heimsókn Gemayels til Líbýu nú,
er talið víst, að hann hafi verið að
leita eftir stuðningi Líbýustjórnar
og að heimsókn hans þangað
marki upphaf nýrrar viðleitni til
þess að fá arabaríkin til þess að
láta Líbanon í té 400 millj. dollara
árlega i fjárhagsaðstoð. Arabarík-
in hétu því árið 1979 að láta Líb-
anon slíka fjárhagsaðstoð í té.
Framleiðslusamdráttur
samþykktur á OPEC-fundi
Ge*r, 23. oklóber. AP.
RÁÐHERRAR OPEC-landanna luku skyndifundi í Genf í dag með þeim
orðum að samkomulag væri um að draga heldur úr framleiðslu á olíu en
að lækka verðið og bjóða þannig upp á verðstríð.
Til fundarins var boðað er Níg-
eríumenn lækkuðu olíuverð sitt
um tvo dollara á hverja tunnu, úr
ERLENT
29 dollurum í 27 dollara, eftir að
Bretar og Norðmenn höfðu riðið
á vaðið, en tvær síðastnefndu
þjóðirnar eru ekki í OPEC, en
það er Nígería hins vegar. Ráð-
herrarnir sögðu að niðurskurðar-
tölur yrðu ákveðnar á fundi sem
haldinn verður í næstu viku.
Talsverð ólga er innan OPEC
vegna verðsins og umrædds sam-
dráttar. Nígeríumenn vilja fram-
leiða meira og lækka verð til að
eiga fyrir skuldum, sum OPEC-
lönd hafa þegar framleitt svo
mikið að þau þurfa að fara að
hætta fram til áramóta, Iran og
frak vilja framleiða og selja sem
mest til að fjármagna Persaflóa-
stríðið og þannig mætti áfram
telja.
Þó að ekki væri gefið upp
hversu niðurskurðurinn verður
mikill, er Ijóst að spjótin beinast
einkum að Saudi-Arabíu, Líbýu
og Kuwait. Er talið að þrýstingur
verði settur á þau að draga úr
framleiðslu sinni um allt að 20
prósent. Er búist við hörðum
deilum á fyrrgreindum fundi sem
fram fer í næstu viku.