Morgunblaðið - 20.11.1984, Síða 36

44
MORGUNBLAÐIÐ, ÞRIÐJUDAGUR 20. NÓVEMBER 1984
Björn Dagbjartsson:
Stuðningur
við kvótakerfið
- meö nokkrum athugasemdum
Fram var haldið í gær fyrstu umræðu um frumvarp sjávarútvegsráðherra
um framlengingu kvóta við veiðstjórn næstu þrjú árin. Björn Dagbjartsson
(S) lýsti yfir stuðningi við meginefni frumvarpsins, en gerði við það nokkrar
athugasemdir.
Björn lýsti stuðningi við afla-
kvóta sem stjórnunaraðferð, eins
og stofnstærð helztu nytjafiska
væri. Val á ýmsum afbrigðum
aflakvóta væri erfítt, en við völd-
um okkar leið á lýðræðislegan
hátt. Engu að síður væri breyttur
sóknarkvóti, þar sem mönnum
gæfíst kostur á að bæta úr því, ef
illa hefði gengiö á viðmiðunarár-
unum, 1981—1983, en þá bjuggu
verstöðvar i Norðlendingafjórð-
ungi við sjávarkulda og tilheyr-
andi aflaleysi.
Björn sagði nokkuð sýnt að
heildarafli 1984 yrði ekki langt frá
265.000 tonnum, en heildarkvótinn
leyfði 257.000 tonn. Hann sagði
meðalþyngd fisks í sjó nú um 15%
meiri en á liðnu ári, miðað við
jafnaldur. Þar sem smáfiskur, sem
kæmi á land, væri nú undanþeg-
inn kvóta, mætti komast nær hlut-
deild hans i heildarafla, en hann
hafí reynzt um 1,5% af lönduðum
afla.
Björn gerði þrjár athugasemdir
við frumvarpið:
1) Hann kvaðst ekki sætta sig
fyllilega við það ákvæði, sem
breytt hafi verið í 1. grein frum-
varpsins, sem fjallar um beitingu
ráðherravalds.
2) Sala á kvóta væri vandmeð-
Björn Dagbjartsson
farið mál. Ekki gengi að einstakir
útgerðarmenn geti fengið ávísun á
sameiginlegan sjóð landsmanna,
eða a.m.k. sjómanna, og selt þessa
ávísun ár eftir ár.
3) { þriðja lagi gerði hann at-
hugasemd við 6. grein, framleng-
ingu til þriggja ára. Svo mikill
ágreiningur væri um kvótann að
ráðherra verði að taka það á sig að
bara framlengingu undir þingið
árlega, meðan þörf knýr á um
þetta efni.
SVIPMYND FRÁ ALÞINGI
Frá þingfundi í Sameinuðu Alþingi. Ráðherrar í bakgrunni. Þingmenn fylgjast með.
STUTTAR ÞINGFRETTIR
Efri deild ræðir álmálið í dag
Kvótinn — álmálið
Þau mál sem vekja hvað mesta
athygli á Alþingi þessa dagana
eru annarsvegar frumvarp sjáv-
arútvegsráðherra um framleng-
ingu kvótakerfis til þriggja ára
og frumvarp iðnaðarráðherra til
staðfestingar á samkomulagi
Alusuisse um verulega hækkað
orkuverð og sátt um eldri deilu-
mál.
Frumvarp sjávarútvegsráð-
herra um veiðar í fískveiðiland-
helginni (kvótafrumvarpið) var
til framhaldsumræðu í efri deild
Alþingis í gær, bæði á venju-
legum fundatíma og á kvöldfundi.
Því verður væntanlega vísað til
nefndar á deildarfundi í dag.
Frumvarp iðnaðarráðherra um
hækkað orkuverð til ÍSAL o.fl.
kemur væntanlega til annarrar
umræðu á þingdeildarfundi í dag,
en iðnaðarnefndir beggja þing-
deilda hafa starfað saman að at-
hugun málsins. Tekjur lands-
virkjunar hækka væntanlega um
400 þúsund krónur á dag, strax og
Alþingi hefur staðfest hinn nýja
samning, svo hver dagur er dýr
sem búið er að eldra orkuverði.
Þá verður fundur í Sameinuðu
þingi f dag þar sem ráðherra
svarar fyrirspurnum þingmanna.
Stefnuræða —
fjárlagaræða
Forsætisráðherra hefur
kunngjört að stefnuræða hans,
fyrir hönd ríkisstjórnar, verði
flutt ekki síðar en 27. þessa mán-
aðar. Fjárlagaræða fjármála-
ráðherra verður flutt fljótlega í
kjölfar hinnar fyrri. Breyttar
fjárlagaforsendur, vegna nýrra
kjarasamninga, og nauðsyn
viðbragða af hálfu stjórnvalda í
efnahagsmálum hafa seinkað
þessum hefðbundnu þingræðum. 4.
Þess er þó enn vænst að takist að
afgreiða fjárlög fyrir komandi
áramót en fjárveitinganefnd
vinnur dag hvern að endurskoðun
fjárlagaliða.
Stighækkandi
eignarskattsauki
Jón Baldvin Hannibalsson (A)
og fleiri þingmenn Alþýðuflokks
hafa lagt fram tillögu til þings-
ályktunar um „stighækkandi
eignarskattsauka til tveggja ára“.
Tillagan gerir ráð fyrir því að
ríkisstjórnin skipi nefnd til að
semja frumvarp um stighækk-
andi eignarskatt. Nefndin hafi
eftirfarandi til hliðsjónar:
Alþingi ályktar að fela ríkis-
stjórninni að skipa nefnd er hafi
það verkefni að semja frumvarp
til laga um stighækkandi eignar-
skatt.
Nefndin hafi eftirfarandi til
hliðsjónar í starfi sínu:
1. Eignarskattsútreikningur skv.
83. gr. laga um tekju- og eign-
arskatt, nr. 75/1981 skal
óbreyttur, þannig að af fyrstu
780.000 kr. af eignarskatts-
stofni greiðist enginn skattur.
Af þeim hluta eignarskatts-
stofns, sem umfram er, skal
greiða frá 0,95%, þó þannig að
skatturinn fari stighækkandi
eftir því sem eignarskattstofn
vex.
2. Við það skal miða að skatt-
byrði eignarskatts fjölskyldu
með meðaltekjur, eigin íbúð og
bifreið, hækki ekki frá því sem
nú er.
3. Við það skal miða að tekjur
ríkissjóðs af eignarskatti ein-
staklinga og lögaðila skv.
frumvarpi til fjárlaga 1985
þrefaldist a.m.k.
Þessi nýi skattstofn geti komið
í stað niðurfellingar tekju-
skatts á launþega, sbr. þings-
ályktun um það sem samþykkt
var á síðasta þingi. Tekjuauka
ríkissjóðs af hækkuðum eign-
arskatti má að nokkru leyti
miða við ákvarðanir Alþingis
um tekjuskattslækkun við af-
greiðslu fjárlaga.
5. Það er ætlun flutningsmanna
að nýjum tekjum ríkissjóðs af
þessum skattstofni verði,
a.m.k. að hluta til, varið til að
stórauka framlög ríkissjóðs til
byggingarsjóða ríkisins og
verkamanna til þess að styrkja
fjárhag sjóðanna og létta
greiðslubyrði húsbyggjenda og
verkamanna til þess að styrkja
fjárhag sjóðanna og létta
greiðslubyrði húsbyggjenda og
íbúðarkaupenda.
6. Gildistími Iaganna verði tvö
ár, en þá falli þau sjálfkrafa úr
gildi, nema því aðeins að Al-
þingi veiti nýjar lagaheimildir.
„Skráning á upp-
lýsingum er varða
einkamálefni“
Fram hefur verið lagt stjórnar-
frumvarp til laga um kerfis-
bundna skráningu á upplýsingum
er varða einkamálefni. Frum-
varpið er samhljóða lögum nr.
63/1981 með breytingum sem
tölvunefnd hefur orðið sammála
um.
Lög um þetta efni vóru sett
1981 með gildistíma til ársloka
1985. í 2. mgr. 30. greinar þeirra
laga er gert ráð fyrir því að
dómsmálaráðherra láti endur-
skoða lögin og leggja fram frum-
varp þar að lútandi í þingbyrjun
1984.
Stjórnarandstaðan:
Stuðningur
við stjórnar-
frumvarp
Það er ekki á hverjum
degi sem þingmenn
stjórnarandstöðu keppast
við að lýsa yfir stuðningi
við stjórnarfrumvarp á Al-
þingi íslendinga. Þetta
skeði þó í efri deild Al-
þingis í gær þegar Albert
Guðmundsson, fjármála-
ráðherra, mælti fyrir
stjórnarfrumvarpi um
skattfrelsi tekna síðustu
tólf mánaða hjá fólki, sem
hættir störfum fyrir aldurs
sakir.
Það kom fram í máli ráð-
herra að lögum hafi verið
breytt fyrir fáum árum, þann
veg, að tekjur síðustu sex
starfsmánaða hjá fullorðnu
fólki, sem sezt hefði í helgan
stein, hafi verið undanþegnar
tekjuskatti. Nú væri lagt til
að stíga skrefið til fulls.
Eiður Guðnason (A), Davíð
Aðalsteinsson (F), Helgi
Seljan (Abl.) og Stefán Bene-
diktsson (BJ) lýstu yfir
stuðningi við frumvarpið.
Enginn mælti því í gegn.
Smábátaveiði stöðvuð:
Kvótinn
meira en
fullnýttur
- sagði sjávarút-
vegsráðherra
Veiði smábáta, 10 tonna og
smærri, hefur verið stöðvuð. Þessum
bátum var úthlutaður sameiginlegur
kvóti, 11.630 tonn, fyrir árið 1984,
byggður á meðalafla smábátaflotans
næstu þrjú ár þar á undan. Sameig-
inlegur afli þeirra nú er talinn kom-
inn í u.þ.b. 14.000 tonn að sögn sjáv-
arútvegsráðherra á Alþingi í gær.
Skúli Benediktsson (Abl.) kva-
ddi sér hljóðs utan dagskrár í efri
deild Alþingis í gær. Gerði hann
að ádeiluefni að sjávarútvegsráð-
herra hefði stöðvað veiðisókn
smábáta. Ekki sízt að þessi stöðv-
un hafi verið kunngerð með aðeins
fjiteurra daga fyrirvara.
Ymsir þingmenn tóku í sama
streng. Árni Johnsen (S) benti á
að sjómenn á smábátum hefðu
enga kauptryggingu. Veiðikvóti
smábáta væri nýttur bæði af sjó-
mönnum, sem hefðu þessar veiðar
að lifibrauði einar saman, og
áhugasjómönnum, er hefðu annað
aðalstarf en réru um helgar eða
skammtíma á ári hverju. Atvinnu-
sjómenn á smærri bátum sætu því
að naumum hlut.
Sjávarútvegsráðherra taldi það
hafa verið einsýnt flestum, hvert
stefndi um stöðvun veiða smábáta.
Stuttur fyrirvari stafaði af því,
hve upplýsingar um aflamagn
hefðu seint borizt, vegna verkfalls
BSRB. Reglum mætti breyta en
meðan þær stæðu yrði eftir þeim
að fara.
fliMnci
„Flóttinn
með gullið“
- ný bók eftir
Asbjörn Öksendal
Hörpuútgáfan á Akranesi
sendir nú frá sér nýja bók eftir
norska rithöfundinn Ásbjörn öks-
endal. Áður eru komnar út eftir
hann bækurnar „Þegar neyðin er
stærst", „Gestapo í Þrándheimi“,
„Föðurlandsvinir á flótta" og
„Fallhlífasveitin".
í fréttatilkynningu frá útgef-
anda segir m.a.:
„9. apríl 1940. Bílalest lagði af
stað frá Osló með fullforða Norð-
manna, samtals 50 smálestir.
Þetta var upphaf ævintýralegs
flótta og hrikalegra atburða, sem
áttu sér enga hliðstæðu.
29. apríl 1940. Molde, brennandi
bær undir stöðugum loftárásum
Þjóðverja. Beitiskipið Glasgow lá
við bryggjuna og beið þess að
flytja norsku konungsfjölskylduna
og 50 smálestir af gullforða Norð-
manna á öruggan stað.
Sprengjurnar féllu allt í kring-
um skipið og á næsta augnabliki
gat allt sprungið i loft upp. En
norsku sjálfboðaliðarnir unnu
baki brotnu og hugsuðu ekki um
eigið líf þegar föðurland þeirra
var í veði. Beitiskipið lagði af stað
út úr brennandi höfninni í
sprengjuregni þýsku flugvélanna.
Hver yrðu endalok hins dýrmæta
farms?
Asbjörn Öksendal skrifar ein-
ungis sannar frásagnir af hildar-
leiknum í Noregi, enda eru bækur
hans skráðar eft.ir viðtölum við
fólk sem upplifði atburðina.
Kvikmynd hefur verið gerð um
þessa atburði."
„FLóttinn með gullið“ er 151 bls.
auk mynda. Skúli Jensson þýddi
bókina. Kápu gerði Kristján Jó-
hannsson.
Kennslubók í
tölvunotkun
Komin er út hjá bókaútgáfunni Ið-
unni ný kennslubók — Gagnavinnsla
og tölvukynni eftir Stefán Briem,
kennara við Menntaskólann við
Hamrahlíð.
Með stóraukinni notkun tölva í sí-
fellt fleiri greinum þjóðlifsins er
orðið nauðsynlegt að allir þekki
þetta öfluga tæki, getu þess og tak-
mörk. Kynni af tölvum og gagna-
vinnslu með tölvu eru því orðin sjálf-
sagður námsþáttur f almenna skóla-
kerfinu. Þessi bók er samin með
þetta í huga. Hún er ætluð nemend-
um sem eru að byrja nám i fram-
haldsskóla og mið'ið við að geta hæft
fólki á ólíkum brautum. Efni bókar-
innar er valið til að kynna lesendum
hvers konar tæki tölva er, til að gera
þeim grein fyrir getu hennar og
takmörkunum, til að koma þeim af
stað við að hagnýta sér tölvu og
ennfremur til að efla hæfni þeirra til
að lifa og starfa i tölvuvæddu sam-
félagi. Bókin er óháð því hvaða teg-
und tölvu er notuð. Lagður er grunn-
ur að skilningi á forritum en ekki er
gert ráð fyrir að lesendur fáist við
forritun sjálfir.
Bókin er 104 bls. Hún er prentuð í
Odda hf.
(Frétutiikynning.)