Morgunblaðið - 23.01.1985, Blaðsíða 1
56 SIÐUR
STOFNAÐ 1913
18. tbl. 72. árg.
MIÐVIKUDAGUR 23. JANÚAR 1985
Frentsmiðja Morgunblaðsins
Samvinna
gegn hækk-
un dollars
London, 22. janúar. AP.
GENGI Bandaríkjadollars var nokk-
uð á reiki í dag eftir að nokkrir
seðlabankar Evrópuríkjanna gripu í
taumana til að stemma stigu við
hækkun hans.
Seðlabankar í Vestur-Þýska-
landi, Austurríki og líklega í fleiri
ríkjum seldu í dag 250-300 millj-
ónir dollara til að vinna gegn
hækkun á gengi dollarans og er
það fyrsta sameiginlega aðgerð
þeirra eftir fund fjármálaráð-
herra fimm ríkja í Washington í
fyrri viku. Þegar gengisskráningu
lauk í kvöld fengust fyrir dollar-
ann 3,1680 vestur-þýsk mörk;
2,6682 svissneskir frankar; 9,6945
franskir frankar; 3,5800 hollensk
gyllini; 1.946,25 ítalskar lírur og
1.3240 kanadískir dollarar. Fyrir
pundið fengust þá 1,1242 dollarar.
Verkföll í
Grikklandi
Aþenu, 22. janúar. AP.
BAKARAR, bankastarfsmenn og
byggingaverkamenn voru í farar-
broddi 40.000 manna, sem f dag
gengu fylktu liði um Aþenuborg til
að mótmæla stefnu grísku stjórnar-
innar í launamálum, en félagsmenn í
rúmlega 150 verkalýðsfélögum lögðu
í sama skyni niður vinnu í einn sól-
arhring.
Meginkröfur grísku verkalýðs-
félaganna eru, að lágmarksdag-
laun verði 1.600 drökmur (um 500
ísl. kr.), lágmarksmánaðarlaun
36.000 drökmur (rúmar 13.000 ísl.)
og lágmarkseftirlaun 32.000
drökmur (um 10.000 ísl.). Stjórnin
og leiðtogar gríska alþýðusam-
bandsins hafa hins vegar komist
að samkomulagi um nokkru lægri
upphæðir.
Verðbólga í Grikklandi er um
18%, sú mesta í EB-löndunum, og
atvinnuleysið um 10%. Á fundi nú
um helgina í miðstjórn sósíalista-
flokksins sagði Papandreou, for-
sætisráðherra, að óheppilegar
launahækkanir hefðu í för með sér
meiri verðbólgu og meira atvinnu-
leysi og að það endaði aðeins með
því að Grikkir yrðu að leita á náð-
ir Alþjóðagjaldeyrissjóðsins.
Kosningar eiga að verða i Grikk-
landi í október á þessu ári.
AP.
Sáttargerðarkirkjan sprengd
— til að auðveldara verði að skjóta flóttafólk
Sáttargerðarkirkjan í Austur-Berlín, kunn kirkja mótmælenda sem stendur rétt við múrinn milli borgarhlut-
anna, var að mestu sprengd f loft upp í gær. Hefur kirkjan lengi verið mikill þyrnir f augum austur-þýskra
stjórnvalda, þar sem í skjóli hennar hefur fólki tekist að flýja vestur yfir. Á myndinni sést þegar kirkjuskipið var
sprengt upp, en kirkjuturninn verður sprengdur 12. febrúar nk. Þegar öll kirkjan verður horfin munu austur-
þýskir landamæraverðir betur geta fylgst með múrnum, mesta mannvirki austur-þýskra stjórnvalda, og átt
hægara með að koma skoti á þá, sem reyna að flýja.
Líbanon:
Greinir á
um brott-
flutning
Tel Aviv, Naqoura, 22. janúar. AP.
SHIMON Peres, forsætisráðherra
ísraels, sagði í dag, að ákvörðunin
um brottflutning ísraelsks herliðs
frá Líbanon í þremur áföngum væri
skynsamleg og nyti stuðnings alls
hersins. Fulltrúar Líbana og Israela
ræddust við um brottflutninginn í
dag en greindi á um flest.
Peres, forsætisráðherra, sagði í
dag á fundi í utanríkis- og örygg-
ismálanefnd ísraelska þingsins, að
áætlunin um brottflutninginn
væri i þágu landsmanna sjálfra,
yki öryggi þeirra og auðveldaði
endurskipulagningu og þjálfun
hersins. Sagði hann, að ákvörðun-
in hefði komið flatt upp á Líbani
og Sýrlendinga og með henni
hefðu ísraelar tekið frumkvæðið í
sínar hendur.
Samningamenn Líbana og ísra-
ela ræddust við í dag um fyrirhug-
aðan brottflutning Israela en voru
mjög ósammála um hverjir skyldu
taka að sér öryggisgæslu á þeim
svæðum, sem Israelar fara frá. Is-
raelar ætla að ljúka við fyrsta
hluta brottflutningsáætlunarinn-
ar 18. febrúar en Líbanir krefjast
refjalausra upplýsinga um hvenær
þeir ætli að vera alfarnir úr land-
inu.
Afganir auka baráttu
gegn innrásarliðinu
NýjuDelhi, 22.j»nú»r. AP.
MIKLIR bardagar hafa verið í Afgan-
istan og er haft eftir heimildum, að
um 10.000 sovéskir hermenn hafi ver-
ið sendir í skyndingu til austurhluta
landsins til að berjast við skæruliða.
Erlendir sendimenn í landinu segja,
að skæruliðar hafi greitt sovéska inn-
rásarliðinu og stjórnarhernum mikil
og þung högg að undanförnu.
Um 10.000 sovéskir hermenn
voru 15. janúar sl. sendir til
Paktia-héraðs, sem er við pakist-
önsku landamærin, en þar hafa
skæruliðar gert harða hríð að
stöðvum stjórnarhersins og Sovét-
manna. Virðast skæruliðarnir nú
vera miklu djarfari en áður í árás-
um sínum og er það talið stafa af
því, að þeir séu betur vopnum bún-
ir. Sem dæmi um það má nefna, að
17. janúar sl. réðust þeir um miðj-
an dag, í mikilli snjókomu að vísu,
á Bagram-herflugvöllinn fyrir
norðvestan Kabúl og eyðilögðu þar
12 þyrlur. Nokkrum dögum áður
réðust þeir á flugvöll í Khanda-
har-héraði og eyðilögðu þar marg-
ar flugvélar.
Fréttir eru enn um að 55. stór-
deild afganska hersins sé umkringd
af skæruliðum í Paktia-héraði og
að tilraunir Sovétmanna til að
koma til hennar vopnutn og vistum
hafi allar mistekist.
Síðustu mánuði hafa Sovétmenn
fiutt mikið lið að landamærunum
við Pakistan og Iran til að reyna að
hindra ferðir skæruliða inn í Afg-
anistan en að flestra dómi er það
ógjörningur enda landamærin gíf-
urlega löng og liggja um ógreiðfært
fjalllendi.
AP.
Rúmlega 40.000 grískir launþegar fóru f gær í göngu um Aþenuborg og
mótmæltu stefnu stjórnarinnar í launamilum. Kröfðust þeir hærri launa og
eftirlauna og i borðunum voru slagorð þar sem mótmælt var hörðum efna-
hagsriðstöfunum og atvinnuleysinu f landinu.
Ríkisleyndarmál
fyrir viskíflösku
Nýju Delhf, 22. janúar. AP.
INDVERSKA fréttastofan skýrði frá því í dag, að tveir Frakkar, sem
grunaðir væru um njósnir, hefðu flúið frá Indlandi áður en franski sendi-
ráðsmaðurinn var kallaður heim en hann er sakaður um að vera aðalmað-
urinn í njósnamálinu.
UNI, Indverska fréttastofan,
flutti þá frétt í dag, að tveir
franskir kaupsýslumenn hefðu
flúið úr landinu áður en sendi-
ráðsmaðurinn var kallaður heim,
sem indverskir fjölmiðlar segja,
að hafi staðið að baki njósna-
hringnum.
Dagblaðið Hindustani Times
sagði í dag, að meira en 60 hátt-
settir embætti8menn stjórnar-
innar, í hernum og í leyniþjónust-
unni hefðu verið handteknir eða
væru til yfirheyrslu vegna
njósnamálsins, sem er mesta
hneyksli, sem uppvfst hefur orðið
um í landinu. Þykir mörgum
Indverjum málið hið skammar-
legasta fyrir þjóðina og sýna
ótrúlega mikinn siðferðisskort.
Ljóst sé, að ríkisleyndarmálin
hafi verið sem á útsölu og emb-
ættismenn í æðstu trúnaðarstöð-
um jafnvel selt þau fyrir eina
viskíflösku.
1 indverskum fjölmiðlum er
talað um að fleiri þjóðir en
Frakkar séu riðnar við njósnirn-
ar, t.d. Vestur-Þjóðverjar, Banda-
ríkjamenn og Sovétmenn.