Morgunblaðið - 01.02.1985, Síða 4

4
MORGUNBLAÐIÐ, FÖSTUDAGUR 1. FEBRÚAR 1985
Samvinnuferöir-Landsýn:
Endurgreiða farþegum
síðasta árs vegna mik-
illar þátttöku í ferðum
FERÐASKRIFSTOFAN SamvinnuferAir-Landsýn hefur ákveðið að
endurgreiða þeim er ferðuðust í hópferðum á vegum skrifstofunnar
síðasta ár upphæð, sem nemur 1000 krónum fyrir hvern fullorðinn
og 500 krónum fyrir hvert barn.
Öllum almennum þátttakendum
í hópferðunum 1984 til Rimini,
sumarhúsa í Danmörku, sæluhúsa
í Hollandi, Grikklands og Dubr-
ovnik í Júgóslavíu hefur nú verið
sent bréf þar sem skýrt er frá því
að vegna góðrar þátttöku í ferðum
síðasta sumars geti ferðaskrifstof-
an nú leiðrétt verðlagningu ferða.
Milli 5—6 þúsund manns fá þessa
endurgreiðslu.
Helgi Jóhannson, framkvæmda-
stjóri Samvinnuferða-Landsýnar,
sagði, að í upphafi síðasta árs
hefði verið gerð áætlun um þátt-
töku í ferðum þeim er skrifstofan
byði upp á. f lok ársins hefði hins
vegar komið í ljós, að afkoma
fyrirtækisins var enn betri en
nokkur hafði þorað að vona. „Ef
við hefðum með nokkru móti getað
séð þetta fyrir hefðu fargjöld get-
að orðið enn lægri en þau voru,“
sagði Helgi. „Við ætlum því að
bæta farþegum þetta upp með því
að gefa þeim kost á að nýta sér
endurgreiðsluna ef þeir fara í
ferðir í sumar, en endurgreiða
þeim ella í beinhörðum peningum
eftir 1. september."
Gunnar Steinn Pálsson, kynn-
ingarfulltrúi ferðaskrifstofunnar,
sagði, að það væri alls ekki verið
að slá ryki í augu fólks með þess-
ari endurgreiðslu og hún væri ekki
gerð í áróðursskyni. „Auglýs-
ingagildið er örugglega ekki 5
milljóna króna virði, en það er sú
upphæð sem varið er til endur-
greiðslna. Það mætti til dæmis
benda á, að fyrir þessa upphæð
mætti sýna auglýsingu í sjónvarpi
í 4 klukkustundir samfleytt."
Helgi tók undir þetta og sagði,
að aðildarfélög ferðaskrifstofunn-
ar, þ.e. ASÍ, BSRB, BHM og fleiri
samtök launafólks, hefðu það
markmið að halda verði á ferðum í
algjöru lágmarki. Það væri því
ekki réttlætanlegt að safna í digra
sjóði þegar komið hefði í ljós að
tekjuafgangur fyrirtækisins var
mikill. „Við viljum að þeir sem
ferðuðust með okkur á síðasta ári
og sköpuðu þennan tekjuafgang
fyrirtækisins njóti góðs af og því
var þessi leið valin í stað þess að
greiða niður verð á ferðum í ár,“
sagði Helgi. „Ég þori þó að full-
yrða, að verð á okkar ferðum í ár
verður með allra lægsta móti líkt
og undanfarin ár.“
Helgi Jóhannsson, framkvæmdastjóri Samvinnuferða-Landsynar, og Gunnar
Steinn Pálsson, framkvæmdastjóri Auglýsingaþjónustunnar, sem annast
auglýsingar fyrir ferðaskrifstofuna á blaðamannafundi í gær.
MorgunblaíiS/FriJþjófur
Húseignir Verzlunarskólans, sem nú hafa verið auglýstar til sölu.
1
Nýbygging Verzlunarskólans í nýja miðbænum.
Húseignir Verzlunar-
skólans til sölu
Skólinn flytur í nýja miðbæinn um næstu áramót
Fasteignasalan Fignamiðlunin
hefur fengið til sölu allar fasteignir
Verslunarskóla íslands við Grund-
arstíg og Þingholtsstræti, en fyrir-
hugað er að skólinn flytji í nýtt
húsnæði í nýja miðbænum við
Kringlumýri um næstu áramót.
Morgunblaðið hafði samband
við Sverri Kristinsson, sölu-
stjóra hjá Eignamiðlun, og
spurðist nánar fyrir um eignirn-
ar og söluhorfur, en eins og
kunnugt er er hér um miklar
fasteignir og lóðir að ræða.
Sverrir sagði að sölumöguleikar
væru góðir enda væru eignirnar
vel staðsettar. „Eignirnar verða
seldar i einu lagi eða hlutum.
Þær henta vel fyrir ýmiss konar
starfsemi svo sem skrifstofur,
verslun, heildverslun, skóla-
starfsemi, íbúðarhúsnæði og
fleira. Þá er einnig þess að gæta,
að eftirspurn eftir fasteignum á
þessu svæði er mikil og hefur
farið vaxandi á síðustu árum,“
sagði Sverrir.
Fasteignir þær sem hér um
ræðir eru m.a. gamla skólahúsið,
sem Thor Jensen byggði á sínum
tíma og synir hans bjuggu í,
virðuleg bygging við Hellusund,
sem áður var íbúðarhús Ágústs
H. Bjarnasonar prófessors og
svo nýbygging Verslunarskólans
við Þingholtsstræti, tvær bygg-
ingarlóðir og fleira.
Idnaðarráðherra um beiöni
hitaveitustjóra Akraness:
Mun ekki
veita niður-
greiðslur
Bætir ekki stöðu Hitaveitu
Akraness og Borgarfjaröar
„NEI. Ég mun vinna að því fullum
fetum að komast út úr niðurgreiðslun-
um, þó það sé útilokað að koma því í
framkvæmd eins og nú stendur,"
sagði Sverrir Hermannsson iðnaðar-
ráðherra er hann var spurður hvort
iðnaðarráðuneytið ætli að verða við
beiðni rafveitustjóra Akraness, Magn-
úsar Oddssonar, um að til niður-
grciðslna á raforku til húshitunar
komi á Akranesi, en iðnaðarráðuneyt-
inu hefur borist bréf þess efnis.
Varðandi stöðu Hitaveitu Akra-
ness og Borgarfjarðar, sem fram
kom í frétt Mbl. í gær að væri mjög
slæm, en gjaldskrá hennar er með
þeim hæstu á landinu, sagði ráð-
herrann: „Ég skipaði nefnd til að
gera tillögur um hvernig ráða megi
fram úr fjármálaöngþveiti Hita-
veitu Akraness og Borgarfjarðar, og
ég á von á niðurstöðum innan tíðar.
Auðvitað þarf að herða á því að
hitaveitan nái markaðnum undir
sig. Það mun enn skorta á um 20%
af þeim markaði, sem reiknað var
með. Þessu verðum við að reyna að
þoka fram og það verður áreiðan-
lega ekki gert með því að taka upp
niðurgreiðslur hjá rafveitunni."
Vinsældalisti rásar 2:
Lítið um
breytingar
KKKEKT lát virdist vera á vinsældum
hljómsveitarinnar Wham!. Tvö lög
hljómsveitarinnar eru enn á listanum
yfir 10 vinsælustu lögin á rás 2 og ann-
að þeirra í fyrsta sæti þriðju vikuna í
röð.
1. (1) Everything She Wants -
Wham!
2. (2) Sex Crime - Eurythmics
3. (4) Búkadú - Stuðmenn
4. (3) Húsið og ég - Grafík
5. (16) I Want to Know What Love Is
- Foreigner
6. (5) „16“ - Grafík
7. (8) Like a Virgin - Madonna
8. (10) Easy Lover - Philip Baily og
Phil Collins
9. (7) Heartbeat - Wham!
10. (6) One Night in Bangkok -
Murray Head
íslensku veiðarfærin komin til Massawa:
Sjá 2.000 manns fyrir lífs-
björginni næstu 5—10 ár
— segir „íslenska eldfjallið“ í Eritreu, Georg Stanley Aðalsteinsson frá Vestmannaeyjum
Manava, Eritreu, 31. janvar. Fré Ómari VakiimarHKjni hlaAamanni Mbl.
„ÞESSI sending mun skapa atvinnu fyrir 3—400 manns. Þegar það er
margfaldað með fjölskyldustærðinni er Ijóst að gangi allt samkvæmt
áætlun mun þetta starf Hjálparstofnunar kirkjunnar og Lúterska heims-
sambandsins sjá um 2.000 manns fyrir lífsbjörginni næstu 5—10 árin,“
sagði Georg Stanley Aðalsteinsson, skipstjóri frá Vestmannaeyjum, er
hann tók á móti íslensku veiðarfærasendingunni hér síðdegis í dag.
Stanley og kona hans, Arndís Pálsdóttir, fisktæknir, hafa verið hér við
Rauðahafsströnd Eþíópíu um mánaðarskeið og munu væntanlega verða
þar til í árslok 1986.
Nú þegar eru um 200 Eritreu-
menn farnir að starfa að ís-
lenska fiskveiðiverkefninu, en
gert er ráð fyrir að eftir tvö ár
muni um eitt þúsund manns
hafa atvinnu af fiskvinnslu og
útgerð hér í þessum stríðsþjáða
bæ. Áður en verkefnið hófst voru
starfandi hér 54 einstaklingar
við sjósókn og útgerð. Á einum
mánuði hafa þegar orðið nokkr-
ar framfarir í vinnslu sjávarafla
fyrir tilstuðlan hjónanna úr Eyj-
um. Þau sýndu hérlendum sjó-
mönnum hvemig íslendingar
flökuðu fisk með þeirri afleið-
ingu að nýtingin hefur vaxið um
25%. Sjómenn hér eru einnig
farnir að salta og sólþurrka
smáhákarl, sem áður var seldur
isaður til Kína. Nú nota starfs-
menn fiskveiðiverkefnisins sól-
þurrkaðan hákarl fyrir jórtur-
gúmmí og líkar vel að sögn.
Með íslensku veiðarfærunum
verður hægt að stunda veiðar
með troll og reknet auk hand-
færaveiða. Til þessa hafa heima-
menn stundað dorg með fimm
trillubátum, en vonir standa til
að hægt verði að hefja trollveið-
ar með tveimur slíkum bátum í
næstu viku. í sjónum hér fyrir
utan er gnótt fisks m.a. makríll,
karfabróðir, rækja og barracuda
auk hákarlsins. Allt úrvals
matfiskur að sögn þeirra hjóna.
Aflinn á síðasta ári var 40 tonn,
en hér gera menn sér vonir um
að betri og stærri bátar með ný-
tískulegum veiðarfærum frá is-
iandi muni afla allt að 10.000
tonna á ári. Það myndi gjör-
breyta öllu atvinnulífi hér, þar
sem allt að 90% ibúanna eru án
atvinnu. Fyrir um 30 árum var
ársafli hér um 8.000 tonn, en
langvinn borgarastyrjöld í Eri-
treu hefur nær lagt þá atvinnu-
grein niður eins og annað. íbúum
í Massawa hefur fækkað úr um
35.000 í 10—15.000 af sömu sök-
um frá upphafi styrjaldarinnar.
Daglaun hér eru nálægt eitt
hundrað krónum íslenskum og
þykir gott.
Útgerðin hér verður fyrst í
stað rekin með þremur trillum,
en fjórði báturinn, gamall tund-
urskeytabátur sem Stanley sveið
út úr eþíópska sjóhernum, bæt-
ist fljótlega við.
Sjómennirnir hér, sem tóku
við íslensku veiðarfærunum {
dag, voru í sjöunda himni með
sendinguna. Ekki vissu þeir
gjörla til hvers allt þetta var.
Þeir bera mikið traust til Stan-
leys, sem fulltrúar Hjálparstofn-
unarinnar hér kalla „íslenska
eldfjallið“. Framgangsmáti hans
þykir þeim að ýmsu leyti óvenju-
legur, eins og t.d. í síðustu viku
þegar skipstjórinn úr Eyjum leit
til lofts síðla dags og spáði að
það myndi rigna með kvöldinu.
Þeir tóku því mátulega alvar-
lega, enda hefur ekki rignt hér
að gagni í fimm ár. Um kvöldið
og nóttina gerði svo úrhellisrign-
ingu og þegar kapteinn Stanley,
eins og hann er kallaður, mætti
til vinnu morguninn eftir spurðu
karlarnir hvenær hann ætlaði að
!áta rigna næst.