Morgunblaðið - 01.02.1985, Page 24

MORGUNBLADIÐ, FQSTUDAGUR 1. FEBRÚAR 1985
Vaxandi atvinnu-
leysi í Bretlandi
London, 31. janúar. AP.
FJÖLDI atvinnulausra í Bretlandi
var meiri í janúarmánuði en nokkru
sinni fyrr, eða 3.340.958 manns, sem
eru 13,9% vinnufærra í landinu, að
því er talsmaður stjórnarinnar sagði
í dag, fimmtudag.
f janúar hafði atvinnulausum
fjölgað um 121.552 frá því í des-
ember, og var það mesta fjölgun í
fjóra mánuði. í desember voru
13,4% vinnufærra atvinnulaus.
Viðskiptaráðuneytið, sem tók
saman þessar upplýsingar, kvað
aukninguna að hluta stafa af ár-
iegum samdrætti í viðskiptalífinu
eftir jól og áramót.
Atvinnumálaráðherrann, Tom
King, kenndi einnig um 10 mánaða
löngu verkfalli námamanna, sem
spillt hefði atvinnuhorfum í Bret-
landi.
1 atvinnuleysistölunum eru ekki
meðtalin 475.000 manns, sem eru í
starfsþjálfunarnámi á vegum hins
opinbera, né heldur 162.000 manns
sem komin eru yfir sextugt og
þurfa ekki að skrá sig atvinnu-
lausa til þess að fá bætur.
John Prescott, talsmaður
Verkamannaflokksins í atvinnu-
málum, sagði að tölur þessar
sönnuðu „enn frekar en áður
gikkslegt sinnuleysi stjórnarinnar
um hag hinna atvinnulausu".
Atvinnuleysi hefur meira en
tvöfaldast í stjórnartíð Margaret-
ar Thatcher frá því í maí 1979.
Verðbólga hefur lækkað úr
22%-hámarki 1981 í 4,9% í des-
ember sl. (miðað við heilt ár).
Atvinnuleysi í Bretlandi, sem
nú er 13,9%, sem fyrr sagði, er þó
nokkuð yfir meðaltalinu innan
Evrópubandalagsins, sem er
10,7%. í iðnríkjum heims er þetta
meðaltal 8,1%, að sögn viðskipta-
ráðuneytisins.
Sendiherra Bandaríkjanna hjá SÞ:
Verður Vernon Walters
eftirmaður Kirkpatrick?
Wanhington, 31. janúnr. AP.
VERNON Walters, áður annar æðsti yfirmaður CIA og maður, sem þykir
hafa ráð undir rifi hverju, verður líklega skipaður eftirmaður Jean J. Kirk-
patrick sem sendiherra Bandaríkjanna hjá Sameinuðu þjóðunum. Eru þær
fréttir hafðar eftir bandarískum embættismanni, sem ekki vildi láta nafns
getið.
Vernon Walters er mörgum góð-
um gáfum gæddur og tungumála-
garpur með afbrigðum. Hann er
nú farandsendiherra Reagans og
hefur oft tekist ferð á hendur, sem
öðrum hefur sýnst hin mesta for-
sending. Snemma á ríkisstjórnar-
árum Reagans fór hann með leynd
til Havana þar sem hann ræddi
um sambúð Kúbana og Banda-
ríkjamanna og í fyrra brá hann
sér til San Salvador og sýndi Ro-
berto D’Aubuisson, leiðtoga
hægrimanna í EI Salvador, í tvo
heimana. Var D’Aubuisson þá
grunaður um að vilja feigan sendi-
herra Bandaríkjanna í borginni.
Kirkpatrick hefur átt mjög lit-
ríkan feril sem sendiherra þjóðar
sinnar hjá SÞ og stundum nokkuð
stormasaman. Hún segir jafnan
hug sinn allan og kveður fast að
orði. Þegar Alexander M. Haig var
utanríkisráðherra sátu þau
Kirkpatrick sjaldan á sátts höfði
og Shultz og henni hefur einnig
borið margt á milli.
Larry Speakes, blaðafulltrúi
Hvíta hússins, vildi ekkert um
þessi mál segja annað en það, að
Reagan, forseti, teldi Kirkpatrick
hafa staðið sig „frábærlega vel í
starfi og væri meðal bestu sendi-
herra þjóðarinnar". Reagan sagði
í fyrri viku, að hann hefði í huga
annað starf handa Kirkpatrick en
nú hefur hún sjálf ákveðið að
hverfa aftur til kennslustarfa við
Georgetown-háskólann.
Leiðtogarnir, sem sátu fundinn í Nýju Delhi fyrr í vikunni, þar sem frumkvæði smáríkja ■ kjarnorkuvopnamálum var
til umræðu: f.v. Ramaswami Venkataraman, varaforseti Indlands; Raoul Alfonsin, forseti Argentínu; Olof Palme,
forsætisráðherra Svíþjóðar; Zail Singh, forseti Indlands; Julius K. Nyerere, forseti Tanzaníu; Miguel de la Madrid,
forseti Mexíkó; Andreas Papandreou, forsætisráðherra Grikklands, og Rajiv Gandhi, forsætisráðherra Indlands.
Friðarráðstefna í Aþenu:
Leita raunhæfrar leiðar
til að stöðva vígbúnað
Aþenu, 31. janúar. AP.
ANDREAS Papandreou, forsætisráðherra Grikklands, sagði í ræðu á ráð-
stefnu um afvopnunarmál í Aþenu í dag, að nauðsynlegt væri að skipuleggja
alþjóðlega baráttu til að sannfæra leiðtoga kjarnorkuveldanna: „að hlusta á
rödd skynseminnar og stöðva vígbúnaðarkapphlaup á jörðu og úti í geimn-
um .
Ráðstefnuna í Aþenu sækja auk
Papandreou þrír aðrir stjórnar-
leiðtogar, sem sátu leiðtogafund-
inn í Nýju Delhí fyrr í vikunni,
þar sem afvopnunarmál voru til
umræðu. Það eru þeir Alfonsin,
forseti Argentínu, Palme, forsæt-
isráðherra Svíþjóðar og Nyerere,
forseti Tanzaníu. Auk þeirra sitja
ráðstefnuna í Aþenu 50 stjórn-
málamenn, sérfræðingar um her-
mál, prestar og rithöfundar. Er
markmið ráðstefnunnar að reyna
að finna raunhæfa leið til að fá
kjarnorkuveldin til að stöðva víg-
búnaðarkapphlaupið og hætta við
fyrirætlanir um geimvopn.
„Kjarnorkuvopnamálin eru of
mikilvæg til þess að hægt sé láta
stórveldin ein fjalla um þau.
Sérhver þjóð og sérhver einstakl-
ingur á rétt á því að láta sig þau
varða," er haft eftir ólafi Ragnari
Grímssyni, sem í fréttaskeyti AP
er sagður þingmaður á Islandi og
einn af skipuleggjendum ráðstefn-
unnar á vegum Þingmannasam-
taka fyrir heimsskipulagi, sem
hugmyndina áttu að leiðtogafund-
inum í Nýju Delhí.
Búddhamunkar frá Japan voru
fyrir utan Zappeion-bygginguna í
miðborg Aþenu, þar sem ráðstefn-
an er haldin, og fögnuðu þeir að-
vífandi fundarmönnum með frið-
arsöng og bænagjörð.
WKm Wm *
Símamynd/AP.
KRAKKAR í KLAKAHÖLL
Systurnar Lisa og Amy voru ekkert stúrnar yfir kuldakastinu, sem gerði
á Flórída í fyrri viku. Pabbi þeirra bjó Ifka til handa þeim klakahöll og
fór þannig að því, að hann sprautaði vatni á myndarlegt tré í garðinum.
Vatnið fraus strax á liminu, sem drúpti allt að jörðu, og síðan lokuðu
grýlukertin hringnum.
Ný sókn Iraka
Itagdad, 31. janúar. AP.
TALSMADUR herafla írak greindi
frá því í dag, að fjölmennar hersveit-
ir íraka hefðu gert áhlaup á stöðvar
íranska hersins um miðbik víglín-
unnar og „hreiðrað um sig á nýjum
stöðvum,” eins og komist var að
GENGI
GJALDMIÐLA
Dollar
lækkar
Lundúnum, 31. janúir. AP.
Bandaríkjadollar féll í verði
gagnvart öllum helztu gjaldmiðl-
um heims er út spurðist að helzta
vog Bandaríkjastjórnar á efna-
hagslíf næstu missera hefði sigið
niður á við í desember. Guliverð
snarhækkaði að sama skapi.
Vegna þessa þverra vonir
manna um að hagvöxtur haldi
áfram af sama krafti og verið
hefur í Bandaríkjunum. Búist
er og við vaxtalækkunum í
kjölfarið, sem myndu leiða til
minni eftirspurnar eftir dollar.
Brezka pundið náði sér á
strik þar sem OPEC-ríkin
komu sér aðeins saman um
óverulega verðlækkun á olíu, og
hefur gengi þess ekki verið
hærra í þrjár vikur. Fengust
1,1300 dollarar fyrir pundið í
kvöld miðað við 1,1260 dollara í
gær.
Staða dollarsins gagnvart
öðrum helztu gjaldmiðlum
heims var sem hér segir og er
miðað við einn dollar: 3,1625
vestur-þýzk mörk (3,1695),
2,67175 svissneskir frankar
(2,6770), 9,6605 franskir frank-
ar (9,6925), 3,5720 hollenzk
gyllini (3,5840), 1.948,25 ítalsk-
ar lirur (1.955,35) og 1.3273
kanadískir dollarar (1,3277).
Gullúnsan hækkaði um fjóra
dollara í London og kostaði
306,50 dollara. í Zurich kostaði
únsan 306,25 dollara.
orði. Þetta er önnur stórsókn íraka í
einni og sömu vikunni, en það eru
næstum þrjú ár síðan Irakar voru í
hlutverki árásaraðila í Persafióa-
stríðinu.
Það kom fram í frásögn íraka,
að „fjöldi íranskra hermanna"
hefði fallið, nokkrir verið teknir
höndum, en hinir hefðu „flúið eins
og hérar". Þess var ekki getið
hvort írakar sóttu inn í íran í
hinni nýju árás, en víða með víg-
línunni eru stöðvar írana á íraskri
grund. íranir segja árásir íraka
ekki jafn umfangsmiklar og
mannmargar og þeir vilji vera
láta og þær hafi „misheppnast
hrapallega". írakar segja á hinn
bóginn, að árásirnar hafi verið
gerðar til þess að „refsa árásarað-
ilanum og hefðu þær þjónað til-
gangi sínum“.
Annar helsti
foringi ETA
handtekinn
lUjonne, Frnkklnndi, 31. jnnúnr. AP.
FRANSKA lögreglan hefur handtek-
ið tvo af leiðtogum basknesku
hryðjuverkasamtakanna ETA.
Annar mannanna er Juan Lor-
enza Lasa Michelena, sem talinn
er annar valdamesti leiðtogi ETA.
Hinn maðurinn er Jose Martinez
de la Fuente, sem er foringi ETA í
Navarra-héraði.
Handtökur þessar voru gerðar í
húsi nokkru í Anglet, skammt
fyrir utan borgina Bayonne, sem
er ekki langt frá landamærum
Spánar. Auk mannanna tveggja,
sem voru vopnaðir, voru tvær kon-
ur, sem voru með þeim í húsinu,
teknar höndum.
De la Fuente var handtekinn í
Baskahéruðum Frakklands fyrir
þremur árum og var þá dæmdur í
skamma fangelsisvist fyrir að
bera á sér fölsuð persónuskilríki.