Morgunblaðið - 28.02.1985, Blaðsíða 58

58
MORGUNBLAÐIÐ, FIMMTUDAGUR 28. FEBRÚAR 1985
ffCBAAfm

© 1984 Universal Press Syndicate A/fl
t
Eg gleymdI gleraupunum heima.
5tencJur 'pa.tna, oi> pá Waflr ueriá ná&o&urf>n
Ast er...
I
... að stela kossi
TM Rn. U.S. Pat. Ott.-all rlohta r»Mrv«d
• 1984 Lm Ang«l«s Tlmes Syndlcate
Ég kom á undan?
I «0
Þú áttir að vera laus mánuði fyrr,
svo þú skuldar bér mánaöar fæði?
HÖGNI HREKKVÍSI
Heilaspuni
manneldis-
fræðingsins
Borgari er lítiö hrifínn af öllum þeim bjórkrám sem risiö hafa hér á landi
hver á fætur annarri.
Bjórinn af
hinu illa
Halldór Kristjánsson skrifar:
Það er frjálshyggja um of að
hirða ekki um staðreyndir í mál-
flutningi. Slíkt hendir dr. Jón
óttar Ragnarsson í bjórgrein
sinni í Morgunblaðinu 20. febrúar.
Þar segir að sterkasta röksemd-
in „með áfengum bjór er sú að
hann getur orðið veigamikið vopn
í baráttunni gegn henni“, áfengis-
sýkinni.
Þetta ætlar dr. Jón svo að sanna
með annarri fullyrðingu. Hann
segir:
„Helsta orsök drykkjusýki er tíð
ofurölvun."
Þessi fullyrðing er úr lausu lofti
gripin og hefur ekkert við að
styðjast. Hún er fjarstæða.
Dr. Tómas Helgason gerir
glögga grein fyrir því í hinu sama
Morgunblaði að menn verða háðir
áfengi vegna bjórdrykkju engu
síður en neyslu annarra áfengis-
tegunda. Þar fer læknirinn með
réttara mál en manneldisfræðing-
urinn.
Menn geta fengið drykkjusýki,
orðið alkóhólistar, þó þeir hafi
bara verið þjórarar og aldrei
drukkið sig ofurölvi.
Ekki er ofsögum sagt af slæm-
um áhrifum annarra tegunda
áfengis í grein Jóns óttars. En
þegar hann segir að „helsta orsök
drykkjusýki er tíð ofurölvun" er
það heilaspuni hans sjálfs, full-
komin markleysa.
H.Kr.
Ult er til þess að vita að nú skuli
ráðamenn þjóðarinnar ekki sjá
annan kost betri til fjáröflunar, en
að gefa því fólki lausan taum, sem
vill að bjórinn flæði yfir landið
með tilheyrandi krám, svo geðs-
legar sem þær eru. Það er hrika-
legt til þess að vita að frekja skuli
hafa þokað þessari ógæfu upp á
okkur. Ég á þar við frekju kaup-
sýslumanna (athafnamanna)!!,
sem komið hafa upp allskyns
sjoppum með tilheyrandi búnaði
og selja bjór með brennivini útí og
kalla áfengt öl!! Þetta er að vísu
áfengi en alls ekki áfengt öl í þess-
ara orða rétta skilningi. Þarna er
verið að hræða áhrifamenn til
þess að láta undan þrýstingi,
þrýstingi þeirra, sem vilja græða
fé á þeim sem síst skyldi og vísvit-
andi fara á bak við lög og allt
mannlegt velsæmi, þegnskap og
tillitssemi.
Þetta hitamál er alltaf vakið
upp aftur og aftur af frjálshyggju-
postulum og gróðafíkni athafna-
mannanna, sem að mínu mati
skirrast einskis við að smeygja sér
milli lagabókstafanna, jafnvel
þótt þeir viti að þeir séu um leið að
„rneiða" samborgarana. Borgari.
Þessir hringdu ...
Vel lesið
í útvarpi
Saumaklúbbur skrifar:
Við erum mjög ánægðar með
rás 1 í útvarpinu en gaman væri
nú ef hann Jón Múli væri dálítið
hressari á morgnana, blessaður.
Svo vorum við að horfa á
myndina Midnight Express á
myndbandi um daginn, afburða
góða mynd. Samnefnd saga var
eitt sinn lesin í útvarpinu og vor-
um við svo ánægðar með lestur-
inn hjá manninum sem las, hann
hét Kristján. Væri nú óskandi að
hann læsi oftar í útvarpið.
Kópavogsstrætó
alltaf of seinn
Stelpa í Kópavogi kom að máli
við Velvakanda:
Ég bý í Kópavogi en geng í
skóla í Breiðholti af vissum
ástæðum. Vandamálið er það að
Kópavogsátrætó er alltaf of
seinn sem hefur það í för með
sér að ég missi af þeim strætó
sem ég þarf að taka þegar ég
skipti. T.d. tek ég leið 23 úr
Kópavogi og upp í Mjóddina. Þar
þarf ég að taka annan strætó
upp í Efra-Breiðholt en það
bregst aldrei að ég hef misst af
honum og kem því iðulega of
seint í skólann. Væri nú ekki
hægt að laga timann á Kópa-
vogsstrætó?
Passíusálma í
sjónvarpið
Ó skrifar:
Væri ekki möguleiki á því að
lesa Passíusálmana i sjónvarpi
svo að þeir komist betur til skila
til allra landsmanna?
Þetta er til ábendingar og
gaman væri að fá svar við þessu.
Takk fyrir
sönginn
Halldóra Jóhannsdóttir hringdi:
Ég vil færa kór Langholts-
kirkju og Jóni Stefánssyni mínar
bestu þakkir fyrir söng þeirra í
sjónvarpi og vona ég að þættirn-
ir verði fleiri. Þetta er með því
besta sem er í sjónvarpinu.
Af ísfólkinu
Útgefandi fsfólksins hringdi:
Að gefnu tilefni vegna fyrir-
spurnar í Morgunblaðinu laug-
ardaginn 23. febrúar vil ég í
fyrsta lagi taka það fram að
bækurnar um ísfólkið eru ekki
barnabækur.
f öðru lagi eru bækurnar með
minni blaðsíðutölu en erlendu
bækurnar en þó aldrei 120 bls.
styttri eins og skýrt var frá í
téðri grein. Ástæðan er sú að við
komum þriðjungi meira lesmáli
á síðu en í erlendu bókunum en
það gerum við til þess að halda
niðri verði bókanna en sem
kunnugt er er pappír afar dýr.
Af þessu leiðir að það er ná-
kvæmlega sama lesmálsmagn á
frummálinu og í íslensku þýð-
ingunni, þó að íslensku bækurn-
ar séu „þynnri". Því eru íslenskir
lesendur ekki hlunnfarnir að
neinu leyti hvað þetta áhrærir.
Klúbburinn
aðeins fyrir
borgarbúa?
Fríklúbbsmeölimur hringdi:
Mig langar að spyrja yfirmenn
Fríklúbbsins hvort klúbburinn
sé eingöngu fyrir fólk á Stór-
Reykjavíkursvæðinu og hvort
klúbbfélagar úti á landi þurfi að
fara suður ef þá langar til að
taka þátt í námskeiðum klúbbs-
ins, s.s. ljósmynda- og tungu-
málanámskeiðum?
Ég hef áhuga á þessu og bý úti
á landi. Af hverju er ekkert gert
fyrir landsbyggðina? Yrði það of
kostnaðarsamt eða hvað?
Má fá lög
að „láni“?
Kæri Velvakandi.
Ég skrifa út af hljómsveita-
keppninni. Hljómsveitin sem
kom fram í Stundinni okkar
þann 17. febrúar 1985 spilaði tvö
lög (eins og aðrar hljómsveitir)
en annað lagið (það seinna) var
„I Just Called to Say I Love You“
og þess vegna langar mig að
spyrja: Fá þeir stig fyrir lag sem
er samið af öðrum tónlistarsnill-
ingi á borð við Stevie Wonder?
Ég held að það sé óréttlátt fyrir
aðrar hljómsveitir sem semja
lög sín sjálfar.
Hilmar Þór 12 ára.