Morgunblaðið - 14.05.1985, Blaðsíða 41

MORGUNBLAÐID, ÞRIÐJUDAGUR 14. MAÍ 1985
41
„Tölvu-sumarbúð-
ir“ fyrir unglinga
TÖLVUSKÓLINN Framsýn býður í
sumar upp á tölvu-sumarbúðir fyrir
unglinga á aldrinum 9 til 14 ára, í
grunnskólanum á Varmalandi í
Borgarfirði. í sumarbúðunum er
blandað saman tölvunámi og eigin-
legum sumarbúðum með íþrótta-
iðkun o.fl.
Efnt verður til sjö námskeiða á
tímabilinu 10. júní til 29. júlí.
Hvert námskeið stendur í viku og
er aðeins gert ráð fyrir 30 þátttak-
endum í einu. Vikudvölin kostar
8.700 krónur og er þá allt innifalið.
Innritanir eru þegar hafnar á
skrifstofu skólans, Síðumúla 27,
sem er opin 10—12 og 13—18.
fÚr frétutilkynninpi.)
Fjáröflunartónleikar fyrir
félagsheimili tónlistarmanna
„VORBLÓT ’85“ nefnast fjáröflunartónleikar fyrir félagsheimili tónl
istarmanna sem haldnir verða í Háskólabíói laugardaginn 18. maí nk
og hefjast þeir kl. 14.
Ýmis samtök og félög tónlist-
armanna standa að tónleikun-
um. Þau eru Big Band Svansins,
Félag íslenskra tónlistarmanna,
Félag íslenskra leikara — óperu-
deild, Jazzkvartett Kristjáns
Magnússonar, Kvæðamannafé-
lagið Iðunn, Musica Nova, Nýja
strengjasveitin og kór Ísíensku
óperunnar.
Stefán Edelstein skólastjóri
Tónmenntaskólans, Jóhann G.
Jóhannsson hljómlistarmaður
og Þorkell Sigurbjörnsson tón-
skáld hafa haft veg og vanda af
tónleikunum. Sögðu þeir að efn-
isskrá tónleikanna yrði fjöl-
breytt og af léttara taginu og
mætti með sanni segja að þar
yrði eitthvað fyrir alla.
Um þessar mundir stendur yf-
ir hlutafjársöfnun vegna kaupa
á húsnæði á Vitastíg 3 undir fé-
lagsheimili tónlistarmanna.
Stefán Edelstein kvað söfnunina
u.þ.b. hálfnaða en stefnt væri að
því að safna fjórum milljónum
króna. Fyrst og fremst yrði leit-
að til þeirra félaga og samtaka
sem væru innan Tónlistarbanda-
lagsins en einnig yrði leitað til
fyrirtækja.
Fjáröflunartónleikarnir þann
18. verða sem fyrr segir i Há-
skólabíói og hefjast kl. 14. Miða-
verð er kr. 250 og eru miðar til
sölu hjá ístóni Freyjugötu 1,
Bókaverslun Lárusar Blöndal,
Hljómplötudeildum Karnabæj-
ar, Hljómplötuverslunum Fálk-
ans og Skífunni.
~ Morgunblaðið/Emilía
F.v. Stefán Edelstein, skólastjóri Tónmenntaskólans, Jóhann G. Jó-
hannsson hljómlistarmaður og Þorkell Sigurbjörnsson tónskáld.

Regnboginn:
Tvær spænskar mynd-
ir sýndar í dag
TVÆR spænskar myndir verða
sýndar í Regnboganum í dag, 16.
maí.
Myndirnar eru með spænsku tali
en enskum texta og voru fengnar
hingað til lands fyrir milligöngu
kvikmyndaklúbbsins Hispani.
Fyrri myndin „Akelarre" (Galdra-
þing) er frá 1984 og leikstjóri er
Pedro Olea. Myndin gerist í Na-
varra í lok 17. aldar. Sögusviðið er
lítið þorp þar sem lénsskípulag rík-
ir. Garazi, barnabarn konu er hafði
verið brennd fyrir galdra, er á
góðri leið með að kynnast gjörning-
um fyrir atbeina seiðkonunnar
Amunia. „Akelarre" er saga þorps,
þar sem tveir heimar takast á: Ut-
skúfuð heiðni með fomum trúar-
athöfnum í hellum þar sem „móð-
urnornin" ræður ríkjum og hins
vegar kristnin, hin opinbera trú.
„Epilogo” (Eftirmáli) er mynd
sem einnig var gerð árið 1984 og
leikstjóri hennar er Gonzalo Suár-
ez. Myndin greinir frá átökum milli
tveggja rithöfunda sem eru ást-
fangnir af sömu konunni. Þeir hafa
unnið saman árum saman en svo
skilur leiðir dag nokkurn. Að tiu
árum liðnum hittast þeir félagar til
að spjalla.
Akelarre verður sýnd klukkan
15.00 en Epilogo klukkan 17.00 og
báðar verða þær í E-sal Regnbog-
ans.
Úr myndinni Epilogue (Eftinnáli).
Júlíus Ólafsson, forstjóri Kristjáns Ó. Skagfjörð, afhendir nýja bátinn í Sandgerðishöfn.
Sæbjörg — Nýr og full-
kominn björgunarbátur
Nýi báturinn kemur til SandgerAis.
Morgunblaðiö/ EFI
Kenarík, 12. mai.
SÍÐASTLIÐINN laugardag var
formlega afhentur í Sandgerðishöfn
nýr hraðbjörgunarbátur sem björg-
unarsveitirnar Ægir f Garði og Sig-
urvon í Sandgerði festu nýlega kaup
á. Báturinn, sem er hinn fyrsti af
fjórum sem væntanlegir eru til
landsins, hlaut nafnið Sæbjörg.
Við afhendinguna á laugardag-
inn komu nokkrir félagsmenn sigl-
andi á bátnum frá Reykjavík. Tók
ferðin aðeins um tvo tima og létu
þeir miög vel af sjóhæfni hans.
Júlíus Olafsson forstjóri Kristjáns
ó. Skagfjörð hf. afhenti bátinn
fyrir hönd framleiðendanna og
síðan gaf Kristinn Lárusson heið-
ursfélagi Slysavarnafélagsins og
formaður Sigurvonar um margra
ára skeið bátnum nafnið Sæbjörg.
Báturinn er fyrst og fremst
hugsaður sem öryggistæki fyrir
sjómenn og er hann liður í áætlun
Slysavarnafélags íslands um að
efla öryggi sjómanna. Báturinn
verður ávallt reiðubúinn til notk-
unar og búið er að steypa halla-
plan til sjósetningar. Er hann
geymdur inní húsi og eru hleðslu-
tæki og mótor þar ávallt í sam-
bandi, þannig að báturinn getur
hvenær sem er verið reiðubúinn til
notkunar.
Bátarnir sem koma til landsins
eru af tegundinni Norvik 25 RC og
framleiddir af Nordisk Gummi-
fabrik A/S í Esbjerg. Mesta lengd
er 7,85 metrar, mesta breidd 2,53
og hámarkshraðinn er 28 sjómíl-
ur. Olíutankurinn er 200 lítra, sem
dugir í u.þ.b. 140 mílna siglingu.
Vélin er Volvo Aqad 40 B/DP, 165
hestöfl. Skrokkurinn og öll skil-
rúm eru byggð úr trefjaplasti sem
framleitt er með svokallaðri
„Sandwich“-aðferð og veitir mjög
aukinn efnisstyrk. Slangan sem er
á bátnum er úr Hypalon Neopren-
-gúmmí og eru átta aðskilin hólf í
slöngunni. Báturinn á þvi ekki að
geta sokkið. í honum er sérstakur
búnaður sem á að geta rétt hann
við ef honum hvolfir, með því að
blása út belg er réttir bátinn við á
u.þ.b. 35 sekúndum.
Björgunarsveitirnar Ægir í
Garði og Sigurvon í Sandgerði
standa sameiginlega að kaupun-
um. Fullbúinn til landsins kostar
báturinn um 2,2 milljónir og að
sögn björgunarsveitarmanna gekk
fjársöfnunin mjög vel.
Þess má einnig geta að björgun-
arsveitin Sigurvon var fyrsta deild
Slysavarnafélags íslands, stofnuð
1928. Félagið reisti fyrstu björg-
unarstöðina 1929 og sama ár eign-
aðist það fyrsta björgunarbátinn
sem kom til landsins. Báturinn,
sem skírður var Þorsteinn, var
gefinn af Þorsteini Þorsteinssyni
sem síðar varð forseti SVFÍ.
Þorsteinn stendur nú fyrir ofan
Sandgerði og í haust stendur til að
koma honum i hús og hefjast
handa við að gera hann upp, en
Sigurvon hlaut nýlega styrk frá
Þjóðminjasafninu til starfans.
Sigurður Guðjónsson formaður
Sigurvonar kom með Sæbjörgu frá
Reykjavík. Hvernig fannst honum
báturinn reynast?
„Hann reyndist frábærlega vel á
leiðinni frá Reykjavík og hingað,“
sagði Sigurður. „Við urðum sko
alls ekki fyrir vonbrigðum, síður
en svo. Að vísu höfðum við kynnst
þessum bátum nokkuð, bæði í
Skotlandi og svo í Danmörku þeg-
ar við skoðuðum þá. En þá var
ekki hægt að reyna þá við íslensk-
ar aðstæður, en núna þegar við
komum hingað, þá var þó nokkur
sjór og við gátum kynnst sjóhæfn-
inni, sem er mjög mikil."
„Þessi bátur er miklu fullkomn-
ari en þessir slöngubátar sem
flestir eru með í dag. Þeir eru
meira til strandnotkunar og
þessháttar en þessi er meiri út-
hafsbátur. Nú er hægt að skjótast
út ef til dæmis kæmi leki að skipi
eða eldur kæmi upp. í slíkum til-
fellum er það hraðinn sem gildir.“
Sigurður sagi ennfremur að
þriggja manna áhöfn sé á bátnum.
Þjálfaðar verða fjórar til fimm
áhafnir svo að alltaf verða menn
til taks, bæði í Sandgerði og
Garði.
Að lokum sagði Sigurður: „Við
viljum koma á framfæri sérstöku
þakklæti til þeirra sem hafa lagt
fram fé og sýnt þessu málefni
stuðning. Þar sem maður kemur í
nafni Slysavarnafélagsins er mað-
ur alltaf velkominn og vel tekið og
það sýnir best hve vel fólk kann að
meta félagið og starfsemi þess.“
EFl