Morgunblaðið - 29.05.1985, Blaðsíða 51
MQRGlJNgLADIÐ, MIÐVIKUDAGUR %). MAÍ 1985
51
Mikill áhugi á samstarfi
við Háskóla íslands
- segir dr. James O. Freedman rektor
háskólans í Iowa en hann er staddur
hér á landi í boði Háskóla íslands
Lýðháskólinn í Skálholti
Skólaslit í Skálholti
Tvær námsbrautir kenndar við skólann
HÁSKÓLI íslands gerði á síðast-
liðnu ári samning við háskólann í
lowa í Bandaríkjunum um skipti á
kennurum og nemendum og sameig-
inleg rannsóknarverkefni.
Á þessu eina ári hefur þegar
verið nokkuð um samskipti milli
háskólanna. Tryggvi Ásmundsson
læknir hefur nýlega dvalið í Iowa
þar sem hann hefur unnið að
rannsókn sinni á heymæði. Pró-
fessor Þórólfur Þórlindsson fer
fljótlega til lowa til rannsókna, en
hann lauk Ph.D prófi frá skólan-
um. Prófessor Paul Durrenberger
hefur dvalið við Háskóla íslands í
vetur á vegum Fullbright-stofnun-
arinnar og á þessu ári er von á
prófessor Stephen Wieting hingað
til rannsókna í félagsfræði. Auk
hans koma þrír kennarar frá Iowa
til lengri eða skemmri dvalar.
Iowa háskóli veitir 3.500$ styrk
til íslenskra námsmanna árlega og
verða 13 íslenskir námsmenn við
skólann á þessu ári.
Dr. James 0. Freedman rektor
háskolans í Iowa er staddur hér á
landi í boði Háskóla íslands ásamt
aðstoðarmanni sínum, dr. Stephen
Arum. Dr. Freedman sagði á fundi
með blaðamönnum að það væri
mikill áhugi í háskólanum í Iowa
fyrir samstarfi við góða háskóla,
svo sem Háskóla Islands. Hann
sagði að samvinna sem þessi, t.d. á
sviði rannsókna, væri mjög já-
kvæð fyrir báða skólanna.
Dr. Stephen Arum sagði að
venjulega tæki 2—3 ár að koma af
stað svona samvinnu. En það væri
táknrænt að sólin hefði skinið frá
því að þeir stigu fæti sínum á ís-
lenska grund og sama mætti segja
um samstarf háskólanna á þessu
eina ári. Ótrúlega miklu hefði ver-
ið komið í verk.
Prófessor Paul Durrenberger og
Gísli Pálsson mannfræðingur eru
nú að undirbúa ráðstefnu sem
verður í Iowa árið 1987 um
mannfræðirannsóknir á Islandi.
Lýðháskólanum í Skálholti var
slitið í þrettánda sinn 1. maí sl. f
skólanum í vetur stunduðu tuttugu
ungmenni nám á aldrinum 17 til 24
ára. Skálholtsskólinn er rekinn í
anda norrænu lýðháskólanna og
miðast námið við einn vetur.
„Nemendur geta valið um tvær
námsbrautir við skólann, mynd-
listarbraut og félagsmálabraut —
leiðtogamenntun. Auk þess sem
kenndar eru nokkrar kjarnagrein-
ar eins og íslenska, erlend tungu-
mál, saga og söngur," sagði sr.
Gylfi Jónsson, rektor Lýðháskól-
ans í Skálholti. „Á myndlistar-
braut er kennd almenn myndlist,
teiknun, litameðferð, undirstaða í
grafík og farið er í heimsókn til
listamanna, í listasöfn og á list-
sýningar. Á félagsmálabraut er
boðið upp á uppeldisfræði, sál-
fræði, heimspeki, ræðuflutningur
og kennsluæfingar.
Einu sinni i viku eru fluttir
fyrirlestrar og þar fjallað um hin
óskildustu efni. Sem dæmi má
nefna kynningu á starfsemi Amn-
esty International, starfi fanga-
prests, sálfræði, fjölskylduráðgjöf,
útilíf og fleira. Oft eru það nem-
endur sem óska sérstaklega eftir
að kynnast einhverjum ákveðnum
málaflokki og þá er reynt að upp-
fylla þær óskir. Náminu lýkur
ekki með prófum að vori, heldur er
sest niður og reynt að meta hvern-
ig námsefni vetrarins var og
hvaða árangri það skilaði. Fjöl-
brautaskólarnir hafa síðan metið
t.d. félagsfræðina að einhverju
marki.
„Það sem mér hefur fundist
skipta mestu máli fyrir nemendur
skólans er að nám við hann gefur
þeim tækifæri til að fá svar við
spurningunum hver er ég og hvert
stefni ég. Þessar spurningar virð-
ast mér vera áleitnar hjá ungu
fólki, sem ef til vill einhverra
hluta vegna hefur misst áhuga á
námi eftir grunnskóla og skortir
kjark eða jafnvel hugmyndir um
hvað það vill gera í framtíðinni.
Finnst vinnan ekki gefa því neitt
lengur en gætu hugsað sér að bæta
við sig frekari námi. Þau standa á
krossgötum eins og sagt er. I skól-
ann koma einnig nemendur sem
stundað hafa nám í fjölbrauta-
skólum í eitt eða fleiri ár en eru að
hugsa um að skipta um náms-
braut.
Ég hef óskaplega gaman af að
vinna með ungu fólki og mér
finnst það fá aðra lífssýn hér I
skólanum, öðlast sjálfsmynd, auk-
ið öryggi og losa sig við feimni,
sem hrjáir marga."
Fjórir fastráðnir kennarar eru
við skólann. Til að fá inngöngu í
skólann þurfa nemendur að hafa
lokið grunnskólaprófi og vera 18
ára. Námskostnaður er svipaður
og í öðrum skólum og nemendur fá
dreifbýlisstyrk. Skólinn er sjálfs-
eignarstofnun en kirkjan stendur
að baki hans og styrkir hann.
Við skólaslitin var skólanum af-
hent gjöf, brjóstmynd af Þórarni
Þórarinssyni, en hann var fyrsti
formaður Skálholtsskólafélagsins
og mikill frumkvöðull þess að
skólinn yrði stofnaður. Tíu ára
nemendur skólans voru einnig
viðstaddir skólaslitin og færðu
skólanum áritaða orðabók. Biskup
tslands, hr. Pétur Sigurgeirsson,
ávarpaði samkomuna. Færði hann
fram kveðju Þórarins Þórarins-
sonar og óskaði síðan nemendum
heilla á brottfarardegi.
í sumar stendur Lýðháskólinn
fyrir tveimur námsstefnum fyrir
Norðurlandabúa. Sú fyrri er um
mánaðamóti mai— júní og fjallar
um kristniboðun í nútímasamfé-
lagi og sú síðari hefst 10. júlí og
fjallar um ísland og íslendinga í
dag.
Morgunblaðið/RAX
Frá vinstri prófessor Paul Durrenberger, dr. James O. Freedman rektor
háskólans í Iowa, Guðmundur Magnússon rektor Háskóla íslands og dr.
Stephen Arum.
Daihatsu Charade hefur létt mörg þúsund Islendingum lífið sökum ótrúlegrar sparneytni og
alhliða lægsta reksturskostnaðar ásamt hæsta endursöluverði.
Á tímum þrenginga og erfiðleika hjá heimilum er Charade öflugt vopn gegn lífskjaraskerð-
ingu.
Landsþekkt gæði og þjónusta tryggja endursöluna.
Daihatsu-umboðið
Ármúla 23, sími 685870 #81733
■HH
wmmmmmmtmmmmammasEamBmmmmmm
'mmsm