Morgunblaðið - 29.05.1985, Side 68

MIÐVIKUDAGUR 29. MAÍ 1985
VERÐ í LAUSASÖLU 25 KR.
Tillögur vegna húsnæðislánakerfisins:
<r
370 milljóna kr.
aflað með auk-
inni skattheimtu
Verða kynntar stjórnarandstöðunni í dag
Á RÍKISSTJÓRNARFUNDI í gærmorgun voru tillögur kvnntar um hvaða
leiðir skuli farnar til þess að afla aukins fjár til húsnæðislánakerfisins.
Tillögurnar gera ráð fyrir því að söluskattur verði hækkaður um eitt
prósentustig úr 24% í 259^ sérstakur skyldusparnaður á hærri tekjur verði
ákveðinn og svonefndur eignaskattsviðauki 0,25% á sérstakar eignir ein-
staklinga og félaga. Alls er áætlað að þessar tillögur muni afla húsnæðis-
kerfinu 370 milljóna króna. Þingflokkur Framsóknarflokksins samþykkti
síðdegis í gær, að þessi leið verði farin, og Steingrímur Hermannsson,
forsætisráðherra, sagði í samtali við Morgunblaðið í gærkveldi að þessar
tillögur væru nú í sinni endanlegu
stjórnarandstöðunnar árdegis í dag.
" „í síðustu viku fékk ég umboð
þingflokks Sjálfstæðisflokksins til
þess að semja við stjórnarand-
stöðuflokkana á ákveðnum grund-
velli, sem ég gerði þingflokknum
grein fyrir,“ sagði Þorsteinn
Pálsson, formaður Sjálfstæðis-
flokksins, í samtali við Morgun-
blaðið í gær. Þorsteinn sagði að
samkomulag hefði orðið um það á
fundi með fulltrúum stjórnar-
andstöðunnar í síðustu viku, að
ræða ekki efniSatriði viðræðnanna
Jt fyrr en tillögur væru komnar fram
frá báðum aðilum. „Ég mun
standa við það samkomulag fyrir
mitt leyti,“ sagði Þorsteinn, „en
aðrir verða að eiga það við sig
hversu vandir þeir eru að virðingu
sinni.“
„Við ráðgerum að færa að
minnsta kosti 370 milljónir króna
til húsnæðiskerfisins á þessu ári,
með þessum tillögum,“ sagði
Steingrímur Hermannsson, for-
sætisráðherra. „Það gerir okkur
kleift að standa að þeirri greiðslu-
mynd, og yrðu kynntar fulltrúum
jöfnun sem við höfum stefnt að, og
viðbótarlánum með tilkomu ráð-
gjafarþjónustunnar, án þess að
skerða lán til þeirra sem eru að
byggja eða kaupa í fyrsta sinn.
Sömuleiðis gerir það okkur kleift
að auka G-lánin.“
Aðspurður um hvort tillögurnar
myndu hugsanlega taka breyting-
um í dag, er þær verða kynntar
fulltrúum stjórnarandstöðunnar,
sagði forsætisráðherra: „Nei, það
tel ég ekki.“
Svavar Gestsson, formaður Al-
þýðubandalagsins, sagði aðspurð-
ur um álit á tillögum ríkisstjóm-
arinnar í húsnæðismálum: „Við
höfum ekki séð þessar tillögur,
eins og þær líta út núna. Auk þess
lögðu fulltrúar ríkisstjórnarinnar
á það áherslu að það yrði ekki
rætt um þessa hluti opinberlega,
fyrr en séð væri hvort flokkarnir
gætu náð samkomulagi.“
Sjá vidtal við Þorstein Páls-
son á bls. 4.
Morgun blaðið/Bj arn i
Áhorfendur fylgjast með er fallhlífastökkvarar svífa til jarðar með knöttinn, sem leikið var með.
Mikil stemmning — naumt tap
íslenzka landsliðið í knattspyrnu var
dyggilega stutt af þúsundum áhorfenda á
Laugardalsvelli í gærkvöldi í landsleikn-
um gegn Skotum. Fánum var flaggað,
lúðrar þeyttir og inni á vellinum börðust
íslensku leikmennirnir hetjulega frá
fyrstu mínútu til hinnar síðustu. Islenska
liðið mátti þó þola tap, 0:1, og skoraði
James Bett sigurmarkið er þrjár mínútur
voru til leiksloka. Bett lék fyrir nokkrum
árum með Val og er kvæntur íslenzkri
konu. Það voru því skozku áhorfendurnir,
sem fóru með sigurbros á vör af leiknum,
en hátt í eitt þúsund Skotar komu gagn-
gert hingað til lands til að horfa á leikinn.
Tveir ungir menn og kona
drukkna í Þingvallavatni
TVEIR ungir menn og kona,
drukknuðu í Þingvallavatni að
morgni sunnudagsins. Hin látnu
voru Sigurður Örn Aðalsteinsson,
29 ára, Sigrún Bjarnadóttir, 21
árs, og Stefán Þór Hafsteinsson,
25 ára. Þau lögðu frá landi á smá-
bát, knúnum utanborðsmótor,
klukkan rúmlega fjögur að morgni
sunnudagsins. Veður var stillt og
vatnið lygnt þegar þau lögðu frá
landi, en síðar gerði stinnings-
kalda af norðaustri og vindbáru.
^flin látnu höfðu haft á orði að
sigla út í Sandey. Þeirra var sakn-
að um níuleytið aö morgni sunnu-
dagsins og hófst leit á eliefta tím-
anum.
Bátur þeirra fannst á hvolfi
úti á vatninu og lík Sigrúnar og
Sigurðar Arnar fundust í hádeg-
inu. Lík Stefáns hefur ekki
fundist þrátt fyrir víðtæka leit.
Fjörur hafa verið gengnar og
leitað úr lofti úr þyrlu Land-
helgisgæzlunnar. Fjölmennt lið
flugbjörgunarsveita, slysa-
varnadeilda og Hjálparsveitar
skáta hefur tekið þátt í leitinni.
Sigurður Örn var fæddur 8.
október 1955, til heimilis á Borg-
arholtsbraut 25 í Kópavogi.
Hann lætur eftir sig eiginkonu
og tvö börn. Sigrún Bjarnadótt-
ur var fædd 16. september 1963,
til heimilis á Bergþórugötu 31 í
Reykjavík. Stefán Þór Haf-
steinsson var fæddur 2. maí
1960, til heimilis á Álfaskeiði 86,
Hafnarfirði. Hann lætur eftir
sig eiginkonu og fósturson.
Sjá frétt á blaðsíðu 2.
Bæjarstjórn Hafnarfjarðar:
Gengið til samn-
inga við Samherja
um sölu á BÚH
MEIRIHLUTI bæjarstjórnar Hafnarfjarðar ákvað i gærkveldi að ganga til
samninga við eigendur Samherja á Akureyri og Jón Friðjónsson og fleiri, á
grundvelli tilboðs sem bæjarstjórninni hefur borist í eigur Bæjarútgerðar
Hafnarfjarðar. Það voru fulltrúar Sjálfstæðisflokks, óháðra og Framsóknar-
flokks sem að þessari ákvörðun stóðu, samkvæmt því sem Árni Grétar
Finnsson, forseti bæjarstjórnar Hafnarfjarðar, sagði í samtali við Morgun-
blaðið í gærkveldi.
Tilboðið er þess efnis að Sam-
herji, Jón Friðjónsson og fleiri
kaupi fiskiðjuver BÚH, togarana
Apríl og Maí og greiði fyrir 270
milljónir og 400 þús. krónur. Þeg-
ar unnið var að undirbúningi
stofnunar almenningshlutafélags
BÚH voru eignir fyrirtækisins
metnar á 300 milljónir, en þar inní
var gert ráð fyrir að bærinn
myndi kosta viðgerð á togurunum.
Gæti það numið allt að 20 milljón-
um króna. Einnig voru þar inní
tæki vegna saltfisks- og skreiðar-
verkunar, þannig að samkvæmt
þessu segir Árni Grétar að tilboð
þetta sé ekki fjarri því mati sem
gert var ráð fyrir.
Tilboðið gerir ráð fyrir að yfir-
teknar verði skuldir að fjárhæð
um 200 milljónir, og að eftirstöðv-
arnar verði fengnar að láni til 10
ára. Ráðgert er að breyta Apríl í
frystiskip, sem myndi kosta um 50
milljónir, auk þess sem gert er ráð
fyrir að skipta um vél í Maí og
gera endurbætur á frystihúsinu. I
heild er því áformað að leggja í
endurbætur á skipunum og frysti-
húsinu fyrir um 110 til 115 millj-
ónir króna. Gera þeir sem að til-
boðinu standa ráð fyrir að í frysti-
húsinu starfi um 110 manns og
hátt í 40 manns á skipunum.
Árni Grétar sagði að sjálfstæð-
ismenn i bæjarstjórn, óháðir borg-
arar og fulltrúi Framsóknar-
flokksins hefðu samþykkt tillögu
bæjarráðsmanna þess efnis að
veita bæjarstjóra umboð til þess
að ganga til viðræðna og samn-
inga við þá sem gerðu tilboðið, en
samningarnir yrðu síðan lagðir
fyrir bæjarstjórn til ákvörðunar.
Tillaga fulltrúa Alþýðubandalags-
ins og tveggja fulltrúa Alþýðu-
flokksins um að fresta málinu
hefði hins vegar verið felld.