Morgunblaðið - 02.06.1985, Síða 21

S B)i21
MORGUNBLADiPi SUNNUDAPUR 2, JtJNÍ 1985
DEBUT
Tónlist
Jón Ásgeirsson
Ungur gítarleikari Þórarinn
Sigurbergsson „debúteraði" sl.
föstudag með tónleikum í
Langholtskirkju. Á efnis-
skránni voru verk eftir Weiss,
Scarlatti, J.S. Bach, Tansmann,
Brouwer og Albenis.
Fyrsta verkið var eftir Sylvi-
us Leopold Weiss (1686—1750),
jafnaldra J.S. Bach, en Weiss
var þýskt tónskáld og lútuleik-
ari. Hann mun hafa starfað
með Scarlatti feðgum, frá 1708
til 1714 og síðar fengið stöðu
sem hirðtónlistarmaður í
Dresden og þá tekið þátt í tón-
leikum með Quants og Pisend-
el. Eftir hann liggja eingöngu
verk fyrir lútu, m.a. sónötur,
partítur og konsertar. Eftir
Weiss lék Þórarinn tvö lög og
þar eftir tvær umritanir á són-
ötum eftir Scarlatti, sem fóru
vel í umritun (ekki útsetningu)
eftir K. Akasaka. Eftir J.S.
Bach lék Þórarinn þriðju selló-
svítuna. Þá komu þrjú lög eftir
Alexandre Tansmann (1897— )
franskt tónskáld (fæddur í Pól-
landi), píanisti og hljóm-
sveitarstjóri. 1 tónlist hans
safnast saman áhrif af aiþýðu-
tónlist, tólftóna raðtækni,
ótónstæðum vinnubrögðum og
samsetningu margra sam-
hljómandi tóntegunda (Poly-
tonality). í þeim þremur verk-
um er Þórarinn lék eftir
Tansmann mátti heyra mjög
sterk pólsk áhrif.
Þórarinn Sigurbergsson
Eftir Leo Brouwer, sem er
kúbanskur tónhöfundur, nem-
andi Persichetti og Wolpe og
undir áhrifum af Nono og
Henze, flutti Þórarinn tvö
samstæð lög er höfundurinn
nefnir Elogio de la Danza,
mjög áheyriieg verk og vel
unnin.
Tónleikunum lauk svo með
þremur lögum eftir Albeniz.
Þórarinn hefur töluvert mikla
tækni, mótar tónverkin mjög
vel og það er mikil „músikk" í
þvi sem hann leikur. Það kom
greinilega fram í sellósvitunni
eftir Bach, þó hann ætti þar
nokkur erftið augnablik, sem
ekki er tiltökumál svona á
fyrstu tónleikunum, enda lék
hann svítuna á köflum óþarf-
lega hratt. Bestu verkin hjá
Þórarni voru þau eftir Tans-
mann og Brouwer.
Lögin eftir Aibeniz voru á
köflum vel leikin. Verður fróð-
legt að fylgjast með Þórarni i
framtíðinni. Eins og fyrr segir
hefur hann góða tækni en ætl-
aði sér ef til vill of mikið, með
erfiðri efnisskrá. Það vitnar
um stórhug, sem er góður eig-
inleiki og eftir þessa tónleika
er óhætt að gera mikla kröfur
tii Þórarins.
Ný smásaga
eftir Guðberg
íTMM
ÚT ER komið nýtt hefti Tímarits
Máls og menningar (2. hefti 1985).
Meðal efnis er ný smásaga eftir
GuAberg Bergsson, Ijód eftir sjö ís-
lenska höfunda, greinar og ritdóm-
ar.
Gunnar Harðarson skrifar
grein um bókagerð íslenskra
myndlistarmanna og veltir fyrir
sér áhrifum Dieters Roth og
Magnúsar Pálssonar á þessa
sérkennilegu listgrein. Eyjólfur
Kjalar Emilsson skrifar um
heimspeki Vilhjálms af Basker-
ville, söguhetju hinnar rómuðu
skáldsögu Umbertos Eco Nafn
rósarinnar og Helga Kress birtir
síðari hluta ritgerðar sinnar um
þýðingu Ivars Eskeland á Leigj-
andanum eftir Svövu Jakobsdótt-
ur.
Nýtt vikublað
í Vestmanna-
eyjum
Vewtmannaeyjum, 23. maí.
NÝTT VIKUBLAÐ hóf í dag göngu
sína hér í bæ er ber það sérkenni-
lega nafn Karató. Aðstandendur
blaðsins eru allmargir aðilar úr
kaupmannastétt en ritstjóri þess er
Snorri Jónsson. Ritstjórinn segir
að nafngift blaðsins sé sótt í gam-
alt ömefni sem var að þvf komið að
falla í gleymsku, en Karató heitir
þar sem gamli vatnsbrunnurinn er
undir Löngu, gegnt Nausthamars-
bryggju. Blaðið er 8 síður, prentað í
Eyrúnu hf. i vandaðan pappfr og
mun eiga að koma út framvegis á
fimmtudögum.
Blaðaútgáfa er hér með mikl-
um blóma og varla meiri gróska í
útgáfumálum annars staðar á
landinu utan höfuðborgarinnar.
Karató er þriðja vikublaðið sem
boðið er bæjarbúum og auk þess
koma út nokkuð reglulega fjögur
blöð sem eru málgögn stjórn-
málaflokka. öll eiga þessi blöð
það sameiginlegt að þeim er
dreift til bæjarbúa þeim að
kostnaðarlausu, liggja frammi i
öllum verslunum og sjoppum
bæjarins. Dagskrá er elsta viku-
blaðið, nú á 14. ári og kemur út
alla föstudaga, venjulega fjórar
síður. Útgefandi og ritstjóri er
Hermann Einarsson. Fréttir
koma út alla fimmtudaga og eru
nú á 12. ári. Fréttir eru yfirleitt
átta síður og er Eyjaprent hf. út-
gefandi, ritstjóri Gísli Valtýsson.
Málgögn stjórnmálaflokkanna
koma venjulegast út hálfsmán-
aðarlega en taka sér langt
sumarfrí. Útgáfutíðni þeirra
eykst síðan þegar fjör færist í
pólitíkina s.s. í kringum kosn-
ingar. Alþýðuflokkurinn gefur út
Brautina, Alþýðubandalagið
Eyjablaðið, Framsóknarflokkur-
inn Framsóknarblaðið og Sjálf-
stæðisflokkurinn gefur út Fylki.
Auk þessara blaða sem hér
hafa verið upp talin koma að
jafnaði út fjölmörg önnur blöð
árlega. Má þar nefna árlegt Sjó-
mannadagsblað og Þjóðhátíðar-
blað og íþróttafélögin hafa sent
frá sér blöð. Þegar dagblöð og
tímarit af íslandi bætast við má
glögglega sjá að mikið er lesið í
Eyjum að öllu jöfnu.
- hkj
Höfðar til
.fólksíöllum
starfsgreinum!

Iní ættir að kaupa
kjarabréf
• Þú færð hámarksávöxtun en tekur lágmarks áhættu
• Þú getur innleyst kjarabréfin hjá Verðbréfasjóðnum með nokkurra daga fyrirvara.
• Þú lætur sérfræðinga í verðbréfaviðskiptum vinna fyrir þig
• Þú sparar tíma og fyrirhöfn.
• Þú veist alltaf hvert verðgildi kjarabréfanna er, vegna daglegrar gengisskráningar
þeirra
• Nafnverð kjarabréfanna er kr 5 000 og 50 000 Þannig geta allir verið með
• Kjarabréfin eru handhafabréf.
ÞÚ FÆRÐ KJARABRÉFIN í PÓSTHÚSUM
Á Akureyri, Akranesi, Borgarnesi, Egilsstöðum, Garðabæ, Hafnarfirði, Húsavík,
Hvolsvelli, ísafirði, Keflavík, Kópavogi, Selfossi, Mosfellssveit, Vestmannaeyjum og í
pósthúsum í Reykjavík.
VERDBRÉFA
SJÓÐURINN HF
Hafnarstræti 7
101 Reykjavik