Morgunblaðið - 22.06.1985, Blaðsíða 25

MORGUNBLAÐIÐ, LAUGARDAGUR 22. JÚNl 1985
Aöstandendur sýningarinnar. Frá vinstri talið, fremri röð: Theodór Júlfusson, Edda Þórarinsdóttir og Guðný Björk Richards. Önnur röð: Þráinn Karisson,
Sigurður Pálsson, Sunna Borg og Guðlaug María Bjarnadóttir. Aftast: Erlingur Vilhjálmsson, Gestur E. Jónasson, Páll Baldvin Baldvinsson, Pétur Eggerz og
Viðar Garðarsson.
Edith Piaf komin suður
„Sú staðreynd blasir við að Edith
Piaf er komin suður vegna fjölda
áskorana og verður sýnd í Gamla
Bíói nokkrum sinnum,“ sagði Sig-
urður Pálsson leikstjóri er blaða-
maður leit við í Gamla Bíói þar sem
var verið að setja leikmynd Leikfé-
lags Akureyrar fyrir leikritið Edith
Piaf upp á sviðinu. Leikritið var svið-
sett upp hjá Leikfélagi Akureyrar í
vetur og hefur verið sýnt þar rúm-
lega fjörutíu sinnum en hefur nú
verið flutt til Reykjavíkur í samráði
við Hitt Leikhúsið.
„Sýningin er ágæt og finnst mér
sjálfsagt að fólk hér í bænum
njóti þeirra góðu krafta sem að
henni standa. Hér í Reykjavík
vantar líka leiklistarsýningar á
sumrin og þá sérstaklega góðar
sýningar," sagði Páll Baldvin
Baldvinsson forstöðumaður Hins
Leikhússins aðspurður um hvers-
vegna ráðist var í að fá sýninguna
á Edith Piaf suður.
bL, yÉfc Émf
í 4 i i lHfla'
Frá undirbúningi sýningarinnar í Gamla Bfói.
Morgunblaöið/Friðþjófur
Þróun
verðbólg-
unnar frá
1983 til
1985
Þetta súlurit er teiknað á
grundvelli talna frá Hag-
stofu íslands sem birtar
voru fyrir gerð kjarasamn-
inganna á laugardaginn.
Þarna sést hvernig verð-
bólgan hefur verið síðustu 3
mánuði og er hækkun
hennar umreiknuð til árs-
hækkunar miðað við hækk-
un vísitölunnar.
SÝNINGIN ÞENST ÚT
— Breytist sýningin við flutn-
ingana?
„Leikmyndin er að' miklu
óbreytt, hér er sviðið að vísu
breiðara og grynnra, en myndin
hentar þessu sviði vel eftir að
breytingar hafa verið gerðar og
hafa verið hér margir menn í
nokkra daga við að koma henni
upp og hefur það verið heljarmikið
puð,“ sagði Sigurður Pálsson.
„Sýningin þenst dálftið út við
þetta í skrefum talið. Nokkur
aukaskref sem bætast við þegar
ganga þarf þvert yfir sviðið. Þá
hafa þessir flutningar ýmsa kosti.
Til dæmis saknaði maður þess
stundum fyrir norðan að hafa ekki
ljóskastara, þeir voru í þaö krapp-
asta, en hér er aftur nóg úrval af
þeim. Við höfum því aðeins meiri
möguleika á að gera á stöku stað
það sem við hefðum viljað gera
fyrir norðan."
Hlutverk Edith Piaf leikur
Edda Þórarinsdóttir. „Ég vona að
það verði bara enn betra að leika
þetta hérna," sagði Edda, þar sem
hún stóð og var að fylgjast með
framkvæmdunum í Gamla Bíói í
gær. „Eg fékk það á tilfinninguna
í gær þegar við renndum leikritinu
hér, að þetta verði allt opnara og
stærra.“
FENGUM ALLTAF
GRAS AF FÓLKI
Margir félagar Leikfélags Akur-
eyrar tíndust nú í salinn. Gestur
Einar Jónsson sem hóf leikferil
sinn 16 ára að aldri og hefur leikið
með félaginu sleitulaust síðan eða
í 19 ár. Sunna Borg, sem er eini
leikarinn í föstu starfi sem hefur
farið í gegnum fullt nám í leiklist-
arskóla og Marínó Þorsteinsson
aldursforseti leikfélagsins, en
hann hefur starfað þar í 24 ár.
„Þetta er í fjórða skipti sem ég
kem hingað í heimsókn með Leik-
félagi Akureyrar," sagði Marínó.
„Fyrst var það með „Bæinn
okkar“, sem við sýndum f Iðnó.
Sunna Borg lék dóttur mina og
held ég að það hafi verið fyrsta
sýningin sem hún tók þátt i. Þá
komum við hingað með „Stundum
bannað og stundum ekki“. Sýnd-
________________ 25
um sex skipti í Austurbæjarbíói
og fengum troðfullt hús hvað eftir
annað. Var hlegið óskaplega að
þessum farsa, en við höfðum húsið
ekki lengur en þetta. Þá sýndum
við Atómstöðina í Þjóðleikhúsinu
fyrir rúmum þremur árum síðan.
Og öll þessi skipti höfum við feng-
ið alveg gras af fólki. Nú, Leikfé-
lagið hefur sýnt hér ótal sinnum
og er kannski eftirminnilegast
þegar „Beðið eftir Godot" var sýnt
á Listahátið.“
EDITH FÆDDIST
ÚTÁGÖTU
Fyrir þá sem ekki hafa fylgst
með skrifum um Edith Piaf í vetur
var Edda Þórarinsdóttir fengin til
að rekja í grófum dráttum efni
leikritsins.
„Leikritið snýst um líf og lista-
feril frönsku söngkonunnar Edith
Piaff,“ sagði Edda. „Líf hennar
var mjög sérkennilegt. Hún fædd-
ist út á götu i orðsins fyllstu
merkingu og var bláfátæk framan
af. Hún var áfengissjúklingur frá
blautu barnsbeini, fékk rauðvín í
pelann sinn og seinustu árin var
hún farin að nota morfín líka.
Sagan hefst þegar hún er uppgötv-
uð þar sem hún er að syngja úti á
götu, þá tvítug að aldri og er henni
„Fengum troðfullt hús og var hiegið
óskaplega...“ Marinó Þorsteinsson
aldursforseti LA rifjar upp gestaleiki
LA í Reykjavík.
síðan fylgt eftir til dauðadags.
Hún ferðast víða, meðal annars til
New York. Þar gengur henni illa í
fyrstu því hún syngur á frönsku off
enginn skilur orð af því sem hún
segir. En þá kemur til skjalanna
vinkona hennar, Marlene Dietrich,
og stappar í hana stálinu. Edith
fer heim, lærir ensku í einum
grænum hvelli, kemur síðan aftur
til Ameríku og slær í gegn. Eftir
því sem gengur betur réttist úr
fjárhagnum en hún fer mjög
frjálslega með peningana. Á ein-
um stað segir hún: „Guð gaf mér
svo mikið af peningum af þvi að
hann veit að ég gef þá hvort sem
er alla aftur." Edith Iifir hátt og
eldist hratt. Hún deyr aðeins 46
ára aldri en syngur svo að segja
fram á seinasta dag. Hún var þá
búin að vera sjúklingur í mörg áf
og skildu Iæknarnir varla í því að
hún héngi saman. Þegar hún svo
missir valdið á röddinni þá deyr
hún bara.“
NÍU LEIKARAR í
36 HLUTVERKUM
Sýningar Leikfélags Akureyrar
standa sem fyrr segir fram að
mánaðamótum, og verða þrjár
sýningar nú um helgina. Höfund-
ur leikritsins er Pam Gems en
Þórarinn Eldjárn er þýðandi leik-
rits og söngva. Guðný Björk RichJ
ards hannaði búninga og leik-
mynd, og iýsingu hannaði Viðar
Garðarsson. Hljómsveitarstjóri er
Roar Kvam og leikstjóri Sigurður
Pálsson. Ástrós Gunnarsdóttir
hefur samið dansa fyrir sýning-
una í Reykjavík og dansar ásamt
Stefáni Olafssyni. En níu leikarar
fara með tæplega fjörutíu hlut-
verk í sýningunni.