Morgunblaðið - 09.07.1985, Qupperneq 19

MORGUNBLAÐIÐ, ÞRIÐJUDAGUR 9. JÚLÍ 1985
19
Opið bréf til Páls
Magnússonar fréttamanns
— eftirJóhönnu
Álfheiði
Steingrímsdóttur
Komdu nú sæll Páll!
Mig langar að stinga niður
penna og spyrja þig nokkurra
spurninga að gefnu tilefni.
Þú manst að ég hringdi til þín
um daginn, nánar til tekið 29. júní
sl. Erindi mitt var að óska eftir
því að fréttaritari sjónvarpsins á
Húsavík fengi leyfi til að taka
nokkrar myndir og senda frétt til
sjónvarpsins um héraðssamkomu
sem Kvenfélagasamband Suður-
Þingeyinga stóð fyrir.
Tilefni samkomunnar var, eins
og þú sjálfsagt manst að ég sagði
þér, að sambandið var að halda
upp á 80 ár i afmæli sitt og bauð
héraðsbúur.i til hátíðar að Ýdölum
í Aðaldal.
Kv.S.Þ. er elsta kvenfélagasam-
band landsins og félögin innan
þess eru nú 14 að tölu. Stóðu þau
öll að samkomunni og héldu uppi
nær fjögurra tíma dagskrá. Þar
var ekkert efni aðkeypt, félags-
konur skemmtu með leikþáttum,
ræðuhöldum og söng. Stofnaður
var kór innan sambandsins sem í
eru 70 konur, þær æfðu söng og
komu saman til æfinga allt frá
Svalbarðsströnd til Mývatnssveit-
ar og Húsavíkur. Það eru miklar
vegalengdir, Páll minn, en það
getur þú nú auðvitað séð í vasa-
handbókum ef þú skyldir vilja
kynna þér það. Þessi kór var
stofnaður i öllu annríkinu i vor en,
eins og þú veist, er mikið annríki á
landsbyggðinni á vorin, Páll minn.
Kórinn flutti sína fyrstu dagskrá
á þessari samkomu, hann var
skírður Lissý, en það er nú auðvit-
að aukaatriði fyrir þig, svona smá-
munir eins og nafn á einum
kvennakór.
Nei, kannski er það nú ekki rétt,
ég er líklega ósanngjörn, því auð-
vitað hlýtur þú að hafa áhuga al-
mennt og hlutlaust maður i þessu
starfi.
Sjálfsagt hefur þú ekki verið
einn i ráðum með að neita að taka
þessa afmælisfrétt, ég man þú
sagðist mundir leggja þetta mik-
ilvæga mál fyrir fréttamannafund
að morgni þess 30. júní og hringja
í fréttamann á Húsavík ef málið
fengi jákvæða afgreiðslu, sem þú
sagðist telja mjög ólíklegt.
Eg bið afsökunar ef þér finnst
ég láta varlega í það skína að þið
sýnið okkur lítilsvirðingu því ég
hefi margoft séð að þið gleymið
ekki smælingjunum. Að minnsta
kosti sé ég að þið munið oft eftir
blessuðum öndunum á Reykjavík-
urtjörn.
Kv.S.Þ. er félagi í Kvenfélaga-
sambandi íslands og eins og ég
sagði þér áðan, Páll minn, er það
einn af stærstu félögunum, og í KÍ
eru 22 héraðssambönd, svo þú sérð
að það mun vera nokkuð stór hóp-
ur kvenna um land allt sem gjarna
hefði viljað sjá eitthvað frá af-
mælishátíð félagssystra sinna.
Þetta hérna hjá okkur var nú
talin menningarsamkoma og
kannski ekki síður fréttnæm en
þegar, ja ég tek nú bara sem
dæmi, já, þegar myndavélinni er
beint að andahópnum fyrir fram-
an Iðnó og gamla Búnaðarfélags-
húsið svo að maður geti séð hvort
bæjarbúar bita gróft brauð eða
fransbrauð niður í vatnið.
Oft einbeitir maður sér að því af
fremsta megni fyrir framan sjón-
varpsskjáinn að reyna að telja
hvað margir Reykvíkingar hafa
farið á skíði, og hestamannafélag-
ið Fákur þeysir kvöld eftir kvöld á
sameignarskjá landsmanna.
Þú sagðir í símtalinu okkar að
þú teldir ólíklegt að 80 ára afmæl-
isfrétt yrði tekin sem fréttaefni og
þegar ég spurði af hverju sagðir
þú að bak við slíkt þyrfti að vera
frétt.
Og nú spyr ég: Eftir hverju er
fréttaefnið metið? Fer það eftir
einhverjum föstum reglum? Og ef
svo er, þá hverjum?
Og ég spyr: Hversvegna verða
fréttamenn úti á iandi að fá fyrir-
skipanir frá Reykjavík um hvað
talist geti fréttaefni? Geta ekki
ábyrgir fréttamenn starfað úti á
landi? Hvers vegna ekki fréttir af
landsbyggðinni þegar heimamenn
telja þar fréttaefni? Hversvegna
ekki fréttir af 80 ára afmæli elsta
kvenfélagasambands landsins? Já
hversvegna???
Ég tel mig eiga rétt á svari því
þú ert nú starfsmaður hjá mér
eins og öðrum landsmönnum, Páll
minn, og ég vænti þess að fá nú
fljótt bréf frá þér þar sem þú
svarar skýrt og skorinort og sund-
urliðar auðvitað svörin og segir í
nokkrum liðum:
VEGNA ÞESS AÐ: ...
Svo kveð ég þig með bestu
óskum um að þú eigir ætið glöggt
og næmt auga fyrir öllu því sem
fréttnæmt er.
Höfundur er formaður Kvenfélaga-
sambands Suður-Þingeyinga.
Gler og marmarasófaborð.
Glervagnar.
Glerhillur.
Ný sending.
Bláskógar
Ármúla 8. S: 686080
//////////
STEINVARI 2000 erterpentínuþynnanleg akiýlmálning. Hún er
gaedd peim einstöku eiginleikum að vera þétt gegn vatni og
slagregni, en hleypajafnframt loftkenndum raka auðveldlega í
gegnum sig, rúmlega tvöfalt betur er^
plastmálning. Þessir eiginleikar
gera STEIIWARA 2000 að
óviðjafnanlegri málningu utan
á steinsteypt mannvirki við
íslenskar aðstæður.
STEINVARI2000 hefurgengist
undir umfangsmikla nýnæmis-
rannsókn á erlendri tæknistofn-
un. Niðurstaða hennarersú að
STEIIMVARI 2000 er nýjung
sem Málning hf. getur fengið
einkarétt til framleiðslu á. Þetta
eru góðar fréttir fyrir starfsfólk
Málningar hf., fslenskan iðnað
og alla sem purfa að mála
steinsteypt hús að utan.
■H imm F |r-B BvK
:■ IP
V “ < g " 1
K- ** • . </) 2 "> 15 t Q.
Fyrir veðrun Eftir veðrun
n,
málninglf