Morgunblaðið - 24.08.1985, Blaðsíða 4

4
MORGUNBLAÐIÐ, LAUGARDAGUR 24. ÁGOST 1985
„Skilst að enginn hefði
átt að geta lifað þetta af“
— segir Aðalgeir Gíslason, sem fékk í sig 34 þúsund volta straum
„ÞETTA var hryllilegt" sagdi Aðalgeir Gíslason, rúmlega tvítugur Hús-
víkingur, sem varð fyrir því að fá í sig 34 þúsund volta straum þar sem
hann var að störfum við Laxárvirkjun 8. júlí sl. Þykir undrum sæta að
nokkur maður skuli hafa getað lifað það af að fá í sig svo mikinn
rafstraum og má til samanburðar nefna að raflost, sem menn geta fengið
með því að stinga fingri inn í venjulega heimilisinnstungu, nemur 220
voltum og þykir þó ekki þægilegt.
Aðalgeir brenndist mjög illa,
sérstaklega á baki, og var hætt
kominn fyrstu sólarhringana
eftir slysið. Hann lá á Landspít-
alanum í fimm vikur, fyrst á
gjörgæslu- og síðan handlækn-
ingadeild, hluta tímans í ein-
angrun vegna mikillar sýkingar-
hættu og var því nýútskrifaður
er Morgunblaðið hafði tal af
honum á heimili foreldra hans á
bænum Lækjarhvammi í Aðal-
dal í S-Þingeyjarsýslu. Hann var
hress í bragði og bar sig vel
þrátt yfir það sem á undan var
gengið.
Menn tala um kraftaverk
„Ég missti meðvitund um leið
og varð ekki var við neitt þegar
slysið varð, enda stoppaði hjart-
að og þurfti að berja það í gang,“
sagði Aðalgeir, „En svo vaknaði
ég fljótlega og man þá eftir öllu.
Það skilur enginn hér hvernig ég
fór að því að lifa þetta af. Menn
tala um kraftaverk, en sjálfur
hef ég enga skýringu. Það er
helst að straumurinn hafi hlaup-
ið svona mikið utan af mér
þannig að ég hafi ekki fengið
hann allann í mig, annars hefði
ég varla þolað þetta," sagði Að-
algeir. En hann kvaðst hafa ver-
ið í venjulegum vinnuklæðnaði
þegar slysið varð, peysu og
vinnugalla.
Allt verður svart
„Þetta gerist þannig að ég ér
ásamt bróður mínum að mála
vegg á efsta stöðvarhúsinu við
Laxárvirkjun úr bílkörfu í u.þ.b.
þriggja metra hæð,“ sagði Aðal-
geir er hann lýsti tildrögum
slyssins. „Okkur hafði verið sagt
að háspennuvírinn, sem þarna lá
og var, held ég, strengur suður í
Mývatnssveit, væri straumlaus
og við skyldum mála í kringum
hann óhræddir. Síðan gerist það
að bróðir minn kemur við vírinn.
Hann verður ekki var við neitt,
en heldur á álskafti, sem rekst í
bakið á mér þar sem ég stend hjá
honum og gef jarðsamband að
mér er sagt. Straumurinn hleyp-
ur eftir bakinu og maganum, upp
í handarkrika, út hendina og að
lokum í vegginn. Allt verður
svart.
Mér er komið niður á jörðina
og stöðvarstjórinn, Héðinn Stef-
ánsson, blæs og hnoðar þangað
til hjartað fer í gang og eftir
smástund er ég vaknaður. Síðan
er ég borinn inn í stöðvarhúsið
og kældur og hjúkrunarkonurn-
ar tvær á staðnum sprauta mig
með einhverju deyfilyfi. Ég get
eiginlega ekki lýst því hvernig
mér leið þarna fyrst á eftir, en
ég gat ekki hreyft hendina og
flestir héldu að hún væri alveg
búin að vera. En svo kom smá líf
í tvo fingur. Sjúkrabíllinn var
kominn eftir 45 mínútur og ég
var fluttur út á Húsavík, á
sjúkrahúsið. Þar vildu þeir ekk-
ert gera og það var fengin vél frá
Akureyri til að fljúga með mig
Suður. Slysið varð klukkan hálf
átta um kvöldið og á miðnætti
var ég kominn á Landspítalann.
Þar tóku við fimm kvalafullar
vikur.“
Aðalgeir Gíslason
Farinn að geta
sofíð núna
„Ég er farinn að geta sofið,“
sagði Aðalgeir er hann var
spurður hvernig líðan hans væri
núna eftir að hann kom heim af
spítalanum, þar sem læknar
hans voru þeir Knútur Björns-
son og Árni Björnsson. „Síðan ég
kom heim hef ég getað sofið, en
það gat ég ekki fyrstu vikurnar.
Það voru gerðar á mér fjórar að-
gerðir. í þeirri fyrstu var ég
hreinsaður allur upp og skorið
burtu það sem var dautt. Næst
var grætt skinn af lærunum á
bakið og svo á hendina og síðan
þurfti að endurtaka aðgerðina á
bakinu. Eftir fjórðu aðgerðina
var ég látinn liggja á maganum í
hálfan mánuð, sem mér þótti
mjög erfitt. Ég Iá líka í einangr-
un í viku og enginn mátti koma
inn til mín nema viðkomandi
væri í hlífðarfötum frá hvirfli til
ilja.
Ég er ekki viss hvernig bruna-
stigin skiptust en bruninn náði
til sextán prósenta af líkaman-
um og á því svæði sást bara inn í
kjöt. Mér er sagt að fyrstu tvo
sólarhringana hafi ég verið í
lífshættu. Það var ekki hægt að
stöðva vökvatapið og það var
sama hvað ég drakk, vökvinn
rann jafnóðum út um sárin.
Þetta fór líka í nýrun en þau
komu sem betur fer til og öll hin
líffærin sluppu. Bakið er hér-
umbil allt brunnið og þurfti að
græða upp, en höfuðið slapp og
bruninn nær sem betur fer ekki
nema rétt upp á háls.
Fór ekki yfír
í annan heim
Eftir því sem ég hef heyrt þá á
enginn maður að geta lifað
svona lagað,“ sagði Aðalgeir, en
kvaðst sjálfur ekki hafa neina
skýringu á því að hann skyldi
lifa þetta óhugnanlega slys af.
„Ég fór heldur ekki yfir í annan
heim og kom aftur eins og sumir
segjast hafa upplifað, heldur
man ég bara sorta þangað ég
komst til meðvitundar aftur.
Aðalgeir kvaðst þurfa að fara
suður aftur um miðjan septem-
ber til frekari læknisaðgerða og
ekkert vita um það hvenær hann
yrði fær um að hefja vinnu að
nýju. En hann er að verða full-
numa sem bifvélavirki á Húsa-
vík, þar sem hann býr með unn-
ustu sinni, Bryndísi Sigurðar-
dóttur. „Hún sat hjá mér allan
tímann á sjúkrahúsinu og var
minn styrki stafur,“ sagði Aðal-
geir Gíslason að lokum.
H.H.S.
Iðnaðarbankinn:
Opnar táningum aðgang
að tölvubankaþjónustu
Unglingar á aldrinum 14—18 ára geta nú fengið T-kort hjá Iðnaðarbankan-
um sem gerir þeim kleift að njóta þjónustu tölvubankanna.
IÐNAÐARBANKINN er um þess-
ar mundir að taka upp nýjung í
tengslum við tölvubankaþjónustu
sína. Er það svokallað T-kort sem
er Lykilkort ætlað táningum á aldr-
inum 14—18 ára. Allir þeir sem
verða 14 ára á þessu ári og eru með
sparireikning í Iðnaðarbankanum
geta fcngið T-kort, sem opnar þeim
þjónustu tölvubankanna, að því er
Hlutabréfamarkaðurinn hf:
Hyggst efla hlutabréfa-
viðskipti á íslandi
STOl’NAÐ hefur verið í Keykjavík
hlutafélag sem nefnist lllutabréfa-
markaðurinn hf. Tilgangur þess er að
stuðla að eflingu og þróun hlutabréfa-
viðskipta og starfrækja hlutabréfa-
markað.
„Hlutabréfamarkaðurinn hf.
hyggst einbeita sér að viðfangsefn-
um, sem tengjast hlutafélögum og
hlutabréfaviðskiptum og standa
vonir til þess að með þeim hætti
takist fyrr en ella að þróa markað
fyrir hlutabréf,“ segir meðal annars
í frétt frá félaginu.
Þar segir ennfremur að í sam-
ræmi við tilgang sinn muni félagið
kaupa og selja hlutabréf í eigin
nafni, aðstoða við mat á verðmæti
hlutabréfa í hlutafélögum, skrá og
birta markaðsgengi hlutabréfa í
stærri hlutafélögum, annast eða að-
stoða við útboð og sölu nýs hlutafjár
í félögum, annasl milligöngu um
kaup og sölu hlutabréfa, veita ráð-
gjöf og aðstoð við stofnun nýrra
hlutafélaga, standa fyrir fræðslu
um hiutafélagaformið, ársreikninga
hlutafélaga, mat á hlutabréfum,
hlutabréfaviðskipti og hafa for-
göngu um þær breytingar á skatta-
lögum og öðrum lögum, sem æski-
legar og óhjákvæmilegar þykja á
hverjum tíma til að hlutafélags-
formið og hlutabréfakaup njóti
jafnréttis og standist samanburð
við önnur rekstrarform atvinnufyr-
irtækja og aðra ávöxtunar- og fjár-
festingarkosti.
Stjórn félagsins skipa: Baldur
Guðlaugsson hrl. formaður, Ragnar
S. Halldórsson forstjóri og Arni
Vilhjálmsson prófessor. Varamenn í
stjórn eru Víglundur Þorsteinsson
framkvæmdastjóri, Árni Árnason
framkvæmdastjóri og Sigurður B.
Stefánsson hagfræðingur. Endur-
skoðandi er Stefán Svavarsson lög-
giltur endurskoðandi.
fram kemur í fréttatilkynningu frá
bankanum. Þar segir ennfremur:
„Þessi nýja þjónusta er svar
bankans við eindregnum óskum
sem fram hafa komið frá þessum
aldurshópi sem ekki hefur aldur
til að eiga tékkareikning. Hann
geymir þvi sparifé sitt á spari-
reikningi en er oft bundinn í
skóla eða vinnu á venjulegum
opnunartíma banka.
í meginatriðum gilda sömu
reglur um T-kort og venjuleg
Lykilkort. Fyrst um sinn verður
úttektarheimild á sólarhring
með T-korti lægri eða kr. 3.000.
Notkun Lykilkorta Iðnaðar-
bankans fer stöðugt vaxandi.
Korthöfum fjölgar jafnt og þétt
og eru nú um þrjú þúsund.
Færslufjöldi jókst um 50% milli
júní og júlí. Fólk kann því aug-
ljóslega vel að geta sinnt algeng-
ustu bankaviðskiptum á þeim
tíma sem því hentar best.
í tölvubönkunum er nú hægt
að taka út peninga, leggja inn,
skoða stöðu reikninga, millifæra
og greiða reikninga.
Tölvubankar Iðnaðarbankans
eru nú á sjö stöðum: í Lækjar-
götuútibúi, Grensásútibúi,
Garðabæjarútibúi, Hafnarfjarð-
arútibúi, Akureyrarútibúi og í
stórverslunum Hagkaup Skeif-
unni og Vörumarkaðnum Eiðs-
granda.
Gunnlaugur
Stefánsson
fyrrv. kaup-
maður látinn
Gunnlaugur Stefánsson, fyrr-
verandi kaupmaður, lést á Elli- og
hjúkrunarheimilinu Sólvangi
þann 22. ágúst sl., 92ja ára að
aldri.
Gunnlaugur fæddist í Hafn-
arfirði 17. nóvember 1892, og
bjó þar alla sína tíð. Hann hóf
snemma þátttöku i atvinnulíf-
inu, 14 ára gamall hóf hann
störf hjá fyrstu gosdrykkja-
verksmiðjunni á íslandi, Kaldá,
og var orðinn forstjóri þess
fyrirtækis 17 ára.
Eftir það fór hann til náms í
bakaraiðn og starfaði sem
brauðgerðarmaður hjá Einari
Þorgilssyni útgerðarmanni frá
1909—20. Síðustu árin leigði
hann brauðgerðina og rak sjálf-
ur.
Frá 1920—56 vann Gunnlaug-
ur við kaupsýslustörf og rak
m.a. verslunina Gunnlaugsbúð í
Hafnarfirði, sem var þekkt um
allt land.
Árið 1930 hóf Gunnlaugur
rekstur kaffi- og kaffibætis-
verksmiðju í Reykjavík og
framleiddi m.a. svokallaðan
G.S.-kaffibæti.
Gunnlaugur stundaði útgerð
um árabil, frá Hafnarfirði,
Grindavík, Þorlákshöfn og víð-
ar. Hann átti þátt í stofnun ým-
issa útgerðar- og fiskverkunar-
fyrirtækja í Hafnarfirði.
Gunnlaugur var einn af
stofnendum Félags íslenskra
iðnrekenda og um árabil í
stjórn KFUM í Hafnarfirði og
stjórn Kaupmannafélags Hafn-
arfjarðar. Einnig var hann um
skeið í Sjó- og verslunardómi
Hafnarfjarðar.
Gunnlaugur kvæntist Snjó-
laugu Guðrúnu Árnadóttur, en
hún lést árið 1975. Áttu þau
þrjú börn saman, Stefán, Árna
og Sigurlaugu, auk þess sem
þau tóku eina stúlku í fóstur,
Sigurjónu Jóhannesdóttur.
Skipstjóri
Stálvíkur
dæmdur
sekur
SKIPSTJÓRI Stálvíkur SU 1
var dæmdur sekur um ólöglegar
veiðar vestur af Breiðafírði af
Sakadómi Reykjavíkur í gær.
Var hann dæmdur í 400 þúsund
króna sekt og afli og veiðarfæri
gerð upptæk. Dómnum verður
áfrýjað.
TF-SÝN, flugvél Landhelg-
isgæslunnar, stóð togarann að
ólöglegum veiðum skömmu
eftir hádegi á miðvikudag.