Morgunblaðið - 30.10.1985, Blaðsíða 36
36
M0RGUNBL4ÐIÐ, MipVIKUDAGUB 30. OKTpBER 1985 - -
Ný þingmál:
Eitt brýnasta verkefnið
í íslensku atvinnulífí
Svipmynd frá Alþingi
Þarna stinga saman nefjum þeir Þorvaldur Garðar Kristjánsson forseti
sameinaðs þings, Ragnar Arnalds fyrrverandi fjármálaráðherra og Sigur-
björn Magnússon framkvsmdastjóri þingflokks sjálfstæðismanna.
Sjóefnavinnslan:
Úttekt of kostnaðarsöm
„EKKERT varð úr úttekt þeirri sem iðnaðarráðherra ákvað að láta gera
og fól Sigmundi Guðbjarnarsyni, rektor, að hafa forystu fyrir, á stöðu og
rekstrarhorfum Sjóefnavinnslunnar vegna þess hversu kostnaðarsöm hún
hefði verið,“ sagði Albert Guðmundsson, á fundi sameinaðs alþingis í gær.
NOKKUR NÝ þingmál voru lögð
fram á Alþingi ■ gær og verður þeirra
belstu getið hér á eftir.
Eitt brýnasta verkefnið í
íslensku atvinnulífí
Alþingismennirnir Gunnar G.
Schram (S), Guðmundur J. Guð-
mundsson (Abl.), Karl Steinar
Guðnason (A), Pétur Sigurðsson
(S) og Stefán Guðmundsson (P)
lögðu fram tillögu til þingsálykt-
unar um átak til að auka fram-
leiðni íslenskra atvinnuvega. Til-
lagan felur í sér að alþingi feli
rikisstjórninni að leita eftir sam-
vinnu við heildarsamtök vinnu-
markaðarins um að hrinda af stað
átaki til að auka framleiðni ís-
lenskra atvinnuvega. í greinar-
gerð með tillögunni segir að við
þær aðstæður, sem nú ríkja í ís-
lensku efnahagslífi, sé brýn nauð-
syn að koma að nýju á hagvexti og
leita verði ýmissa leiða í því efni,
m.a. með áframhaldandi uppbygg-
ingu stóriðju og stuðningi við nýj-
ar atvinnugreinar sem nú eru á
tilraunastigi. Hins vegar sé sá
kostur einna nærtækastur aö auka
framleiðni í starfandi fyrirtækj-
um og stuðla þannig að bættri
samkeppnisstöðu og arðbærari
rekstri fyrirtækjanna. Sé þetta
eitt brýnasta verkefnið í íslensku
atvinnuiífi nú og undirstaða þess
að hægt sé að bæta lífskjör í land-
inu og bæta úr þeim samdrætti
sem orðið hefur á síðustu árúm.
Breytingar á lögum um tekju-
og eignaskatt
Lagt var fram frumvarp til laga
um breytingu á lögum um tekju-
og eignaskatt nr. 75/1981. Flutn-
ingsmenn eru þau Jóhanna Sig-
urðardóttir (A), Guðrún Agnars-
dóttir (Kvl.), Guðrún Helgadóttir
(Abl.), Jón Baldvin Hannibalsson
(A), Kristín Halldórsdóttir (Kvl.)
og Guðmundur J. Guðmundsson
(Abl.). í greinargerð með frum-
varpinu segir að megintilgangur
þess sé að hagkvæm og fljótvirk
leið verði valin til að fá úttekt á
raunverulegri tekjuskiptingu {
þjóðfélaginu. í frumvarpinu er
lagt til að kjararannsóknanefnd
hafi áhrif á hvort og þá með hvaða
hætti óskað yrði ítarlegri upplýs-
inga um launagreiðslur og vinnu-
Löggæsla á
höfuðborgar-
svæðinu
JÓN HELGASON, dómsmála-
ráðherra, svaraði fyrirspurn frá
Salóme Þorkelsdóttur og Ólafi
G. Einarssyni um það hvað liði
úttekt þeirri sem gerð var á veg-
um dómsmálaráðuneytisins, á
löggæslu á höfuðborgarsvæðinu
og hvort niðurstöður þeirrar út-
tektar leiddu til þess að komið
yrði upp lögregluvarðstöðvum í
Mosfellshreppi og Garðabæ.
Ráðherrann sagði að úttekt-
in, sem gerð var af norsku
ráðgjafarfyrirtæki, væri nú
lokið en unnið væri að því að
þýða niðurstöðurnar og þegar
því væri lokið þá yrðu þær
rækilega kynntar sveitar-
stjórnunum á höfuðborgar-
svæðinu. Sagði ráðherrann
ennfremur að I niðurstöðunum
væri gert ráð fyrir því eða það
lagt til að settar'yrðu á fót
lögregluvarðstofur bæði í
Garðabæ og Mosfellshreppi
sem reknar yrðu með svipuðum
hætti og lögregluvarðstofan á
Seltjarnarnesi.
tíma á launaseðlum en nú er gert.
Breytingin á lögunum gerir ráð
fyrir því að ríkisskattstjóri ákveði
í samráði við kjararannsókn-
anefnd hvernig skýrslur atvinnu-
rekenda um launagreiðslur til
starfsmanna skulu úr garði glerðar
og að kjararannsóknanefnd verði
tryggður aðgangur að fyllstu upp-
lýsingum úr skattframtölum.
Frumvarp til umferðarlaga
Lagt hefur verið fram frumvarp
til umferðarlaga. Frumvarpið var
flutt á síðasta Alþingi en hlaut þá
ekki afgreiðslu. Frumvarpið er
efnislega óbreytt. Frumvarpið var
samið af umferðarlaganefnd er
Friðjón Þórðarson, þáverandi
dómsmálaráðherra, skipaði 15.
september 1980. í athugasemdum
við lagafrumvarpið segir: „Til-
gangur endurskoðunar umferðar-
laga er að þessu sinni einkum tvi-
þættur. Annars vegar er ljóst, að
umferðarlögin eru á ýmsum svið-
um orðin ófullkomin og sums stað-
ar beinlinis úrelt. Hins vegar er
nauðsynlegt, m.a. vegna aukinna
samskipta þjóða i milli, að sam-
ræma umferðarlög hér á landi eft-
ir því sem kostur er umferðarlög-
gjöf annarra þjóða og alþjóða-
samningum um umferð."
Breyting á þinglýsingalögum
Lagt hefur verið fram frumvarp
til laga um breytingu á þinglýs-
ingalögum. Frumvarpið fjallar um
breytingu á reglum þeim er gilda
um þinglýsingu skjala er varða
skráðar bifreiðir. I athugasemd-
um við frumvarpið kemur fram að
ástæðan fyrir því að breyta þurfi
þessum reglum sé sú að nauðsyn-
legt sé að aðlaga ákvæði þinglýs-
inga nýjum reglum um skráningu
ökutækja ef lögfestar verða. En nú
liggur fyrir þinginu, eins og áður
sagði, frumvarp til umferðarlaga.
Ráðherrann svaraði þar fyrir-
spurn Kjartans Jóhannssonar,
Alþýðuflokki, um stöðu Sjóefna-
vinnslunnar. í máli ráðherrans
kom fram að slík úttekt hefði
kostað um 4 millj. króna sam-
kvæmt áætlun þeirri er Háskólinn
lagði fram. Áætlunin hefði ekki
gert ráð fyrir að leitað yrði leiða
til þess að finna nýja framleiðslu,
sem samnýtti aðstöðuna með salt-
framleiðslunni á Reykjanesi og
bætti rekstrarstöðu fyrirtækisins.
Ljóst er að fleira þarf að koma til
en framleiðsla salts til að ná end-
um saman.
Ráðherrann sagði að verksmiðj-
an hefði enn ekki skilað hagnaði í
peningum talið en hér væri fyrst
og fremst um tilraunastarfsemi
að ræða og ekki mætti afskrifa
þann árangur sem náðst hefði sé
litið til rannsókna verksmiðjunn-
ar.
Ráðherrann sagði ennfremur, í
framhaldi af umræðunum um Sjó-
efnavinnsluna, að á undanförnum
árum hefði hundruðum milljóna
króna verið eytt í rannsóknir á
háhitasvæðum landsins. Þessar
rannsóknir hefðu hins vegar ekki
orðið landsmönnum til gagns og
yrðu það ekki nema reynt væri að
nýta niðurstöður þeirra til arð-
bærrar framleiðslu.
Annmarkar á að kanna
ökuhæfni reglulega
Svar lögreglustjórans í Reykjavík við fyrirspurn
Huldu Kristínar Jóhannesdóttur, kaupmanns
í Morgunblaðinu þriðjudaginn
29. október 1985, beinir Hulda
Kristin Jóhannesdóttir, kaup-
maður til min þeirri spurningu
hvort það mundi ekki stuðla að
bættri umferðarmenningu að
skylda ökumenn til þess að taka
hæfnispróf reglulega. Hún lýsir
þeirri skoðun sinni að margir þeir,
MorgunblaAid/SigJóns.
Þátttakendur í námskeiðinu ásamt leiðbeinendum, sem voru Anna S. Jón»
dóttir, leiðbeinandi, Hafsteinn Stefánsson, starfsmaður verkalýðsfélagsins.
Jóna Eggertsdóttir, leiðbeinandi, Sigurrós Sigurðardóttir, leiðbeinandi og
Ingibjörg Sigtryggsdóttir, formaður Verkalýðsfélagsins Þórs.
Námskeið um réttindi
ellilífeyrisþega á Selfossi
Selfossi, 27. október.
VERKALÝÐSFÉLAGIÐ Þór á Sel-
fossi gekkst fyrir námskeiði fyrir
eldri félagsmenn sína og aðra eldri
borgara á Selfossi, þar sem fræðsla
var um helstu réttindi og vandamál
sem fylgja ellinni og verkalokum
fólks.
Námskeið þetta var skipulagt
af Menningar- og fræðslusam-
bandi alþýðu. Þrír leiðbeinendur
voru á námskeiðinu og var farið
yfir helstu réttindi ellilífeyrisþega
varðandi bætur. Þátttakendur
störfuðu í hópum og ræddu þau
vandamál sem fylgja ellinni og
verkalokom v!mHo-
mál voru tekin fyrir, sálræn og
líkamleg.
Á námskeiðinu voru fólki gefnar
hugmyndir um möguleg tóm-
stundastörf, sem hægt væri að
taka sér fyrir hendur. í því sam-
bandi komu þátttakendur með
nokkur sýnishorn af tómstunda-
föndri sínu og kenndi þar margra
grasa.
„Ég held að fólk hafi gagn af
þessu sem hér fer fram,“ sagði
Ingibjörg Sigtryggsdóttir, formað-
ur verkalýðsfélagsins Þórs, „það
eru hin og þessi vandamál sem
v .r i.op held að fólk-
ið hafi fengið svör við mörgum
spurningum. Það virðast sérstak-
lega vera lífeyrissjóðsréttindi sem
fólk ekki veit um.“ Hún sagði að
mikilsvert væri að fólk leitaði sér
upplýsinga um réttindi sín. Á
skrifstofu verkalýðsfélagsins er
fólki bent á hvert það á að leita
til að fá upplýsingar, til hvaða
lífeyrissjóðs eða hvaða deildar í
Tryggingastofnun ríkisins. Ingi-
björg sagðist vilja hvetja fólk til
að kanna réttarstöðu sína varð-
andi bætur o.þ.h. eftir að eftir-
launaaldri er náð.
Sig.Jóns.
sem ökuréttindi hafa, ættu ekki
að fá að setjast undir stýri og gerir
tillögu um að allir sem sækja um
endurnýjun ökuskírteinis, taki
skriflegt og verklegt hæfnispróf.
Hér á landi er fullnaðarökuskír-
teini gefið út til 10 ára. ökuskír-
teini fyrir 60 ára og eldri og fyrir
þá sem hafa svonefnt meirapróf
skulu þó gilda i 5 ár og ökuskír-
teini fyrir þá, sem orðnir eru 70
ára, má gefa út til skemmri tima.
Umsókn um endurnýjun þurfa að
fylgja 2 myndir og læknisvottorð.
{ Danmörku og Finnlandi er al-
menna reglan sú að ökuskírteini
gildir án endurnýjunar til 70 ára
aldurs leyfishafa og í Noregi til
lífstíðar. í Svíþjóð ber að end-
urnýja almennt ökuskírteini á 10
ára fresti og leggja fram með
umsókn nýjar myndir en ekki
önnur gögn.
góð hæfni ökumanna er mikil-
vægur þáttur í þeirri viðleitni að
tryggja sem bezt öryggi í umferð-
inni. Þess vegna væri tvímælalaust
til bóta ef unnt væri að koma þvi
við að kanna reglulega ökuhæfni
þeirra, t.d. við endurnýjun öku-
skírteinis. Á framkvæmd þess eru
þó nokkrir annmarkar.
Til dæmis má nefna að fjölga
þyrfti prófdómurum. í Reykjavík
pndurnýjuðu tæplegn 7.000 ðk”-
menn ökuskirteini sín árið 1984.
Verulegur tími færi i að prófa þá
alla, þyrfti liklega til þess 6—7
prófdómendur i fullu starfi. Nú
sjá 2—3 prófdómarar um að prófa
þá 16—17 hundruð ökumenn sem
árlega fá ökuskírteini i fyrsta sinn
og auk þess prófa þeir 2—3 hundr-
uð ökumenn sem þurfa að ganga
undir próf að nýju.
Einnig ber á það að líta að
margir ökumenn eru vel hæfir og
því ástæðulaust að kanna öku-
hæfni þeirra og þekkingu. Þætti
mörgum eflaust súrt i broti að
þaurfa að ganga undir próf eftir
áfallalausan 10 ára ökuferil.
Það er nauðsynlegt að hafa eftir-
lit með ökumönnum, leiðbeina
þeim og veita þeim aðhald. Hér á
landi og í nágrannalöndunum hef-
ur sú leið verið farin að fylgjast
sem bezt með ökuferli manna,
prófa þá sem verður á í umferðinni
og afturkalla ökuréttindi þeirra
sem uppvíst verður að fullnægja
ekki lengur skilyrðum til að hafa
ökuréttindi. Auk þess er beitt við-
urlögum, sektum og ökuleyfis-
sviptinum.
Grein Huldu Kristinar er þörf
áminning fyrir þá ökumenn sem
af einhverjum ástæðum eru ekki
lengur hæfir til að aka, hvatning
til þeirra að hugsa sitt ráð, hætta
að aka eða bæta ökuhæfni sína.
Sipmrjón Si'n!r''"“nn