Morgunblaðið - 30.10.1985, Blaðsíða 41
MORGUNBLAÐIÐ, MIÐVIKUDAGUR 30. OKTÓBER1985
41
Hárgreiðslumeistarafélag Islands:
Sérfræðingur í hár-
litun heldur sýnikennslu
BRESKUR sérfræðingur í hárlitun, Daniel Galvin, er væntanlegur hingað
til landsins fóstudaginn 1. nóvember og mun dvelja hér á landi til 8. nóvem-
ber. Hann mun halda sýnikennslu á nýjustu aðferðum við litun og klippingu
á Hótel Sögu 1. nóvember og síðan heldur hann 4 námskeið fyrir fímmtán
manns hverju sinni.
Frá kvennagöngu á Egilsstöðum 24. október.
Egilsstaðir:
Stöndum ekki í sömu
sporum að 10 árum liðnum
MorpinblaAiA/ÖUriir
Sigríður Halldórsdóttir og Berta Tulinius voru í hópi þeirra kvenna er
undirbjuggu göngu og fundarhöld kvenna á Egilsstöðum 24. október.
Daniel Galvin er þekktur fyrir
ýmsar nýstárlegar aðferðir við
hárlitun, svo sem „crazy color“ og
strípulitun, sem enn eru notaðar.
Margir þeirra sem nú starfa við
að lita hár á hárgreiðslustofum 1
London hafa lært hjá Daniel sem
rekur hárgreiðslustofu í George
Street. Þá hefur hann sýnt víða
um heim og myndir af hárgreiðsl-
um, sem hann hefur unnið, birtast
Landsfundur BJ
í byrjun desember
Ákveðið hefur verið að halda
landsfund Bandalags jafnaðar-
manna laugardag 7. og sunnudag
8. desember næstkomandi á Hótel
Sögu. Dagskrá fundarins hefur
enn ekki verið kynnt.
MIKILL rekaviður er í hafínu fyrir
norðan land um þessar mundir, eins
og oft vill verða þegar sterkir vestan-
vindar blása á norðurslóðum. Á
meðfylgjandi mynd, sem Helgi Hall-
varðsson skipherra tók við Grímsey
fyrir sköramu, má sjá skipverja á
LANDSFUNDUR kvennalistans
verður haldinn dagana 9. og 10.
nóvember nk. í Félagsmiðstöðinni
Gerðubergi í Reykjavík. Þetta er
þriðji landsfundur Kvennalistans
en samtökin voru stofnuð 1981.
Kvennalistinn hefur nú teygt anga
sína um land allt og starfar í öllum
landsfjórðungum. Landsfundurinn
er opinn öllum konum sem áhuga
hafa á starfsemi Kvennalistans,
Slægjufundur
Mývetninga
Mývatnssveit, 28. október.
HINN hefðbundni Slægjufundur Mý-
vetninga var haldinn síðastliðinn laug-
ardag, fyrsta vetrardag, í Skjólbrekku.
Hófst hann með helgistund. Séra
örn Friðriksson flutti ræðu. Sungið
var „Þin náðin Drottinn nóg mér
er“ og „ísland ögrum skorið". Krist-
in Jónasdóttir spilaði. Síðan var
upplestur Steingríms Jóhannesson-
ar. Þá söng viðar Birgisson við
undirleik Kristins Kristinssonar.
Mjög góður rómur var gerður að
skemmtun þeirra félaga. Urðu þeir
að endurtaka og syngja aukalög.
Aðalræðu dagsins flutti Helga Val-
borg Pétursdóttir oddviti Skútu-
staðahrepps. Síðan var myndasýn-
ing og fleira sér til gamans gjört.
Fjölmenni var á þessum Slægju-
fundi. - Krintján
oft í helstu tískublöðum heims, svo
sem Vogue.
Daniel hefur samið bók, sem
heitir „Listin að lita hár“, og aðra
í félagi við bróður sinn, Joshua,
sem nefnist „Allt um hárið“. Henni
er ætlað að kynna almenningi,
hvernig á að fara með ýmis vanda-
mál í sambandi við hirðingu hárs-
ins og hvaða hárgreiðslu skuli
velja eftir tegund hárs og lögun
andlits. Með Daniel í förinni hing-
að til lands verða Gillian-Harte
Smith og Louise Vyse. Þær hafa
báðar tekið þátt í sýningum og
hafa reynslu í klippingu og litun-
um.
Þeir hárgreiðslumeistarar, sem
vilja taka þátt í námskeiðum, hafi
samband við skrifstofu Hár-
greiðslumeistarafélags tslands,
miðvikudaginn 30. október milli
kl. 13:00 Og 17:00. (Úr rrétlatilkrnningti)
varðskipinu Tý veiða rekaviðard-
rumb upp úr sjónum, en talsverður
rekaviður var á fíoti á siglingaleið á
þessum slóðum. Þótti nauðsynlegt
að hreinsa þar til, enda getur reka-
viðurinn veríð varasamur vegna
fískiskipa sem þarna eiga leið um.
en þátttöku þarf að tilkynna til
Kvennahússins, Hótel Vík,
Reykjavík. (Fréttntilkynning)
— segir í ályktun
fundar sem haldinn
var í Valaskjálf á
kvennafrídegi
Egilastöðum, 25. október
KONUR á Héraði fjölmenntu til
fundar í Valaskjálf á kvennafrídegi
að lokinni göngu um götur Egils-
staða. Að sögn munu á fjórða hundr-
að konur hafa setið fundinn þegar
fjölmennast var — en fundurinn stóð
í 7 klukkustundir með aðeins hálfrar
stundar hléi.
1 upphafi fundar flutti Elna
Jónsdóttir kennari, erindi um
kvennarannsóknir, jafnréttisspil
var leikið, Sigríður Halldórsdóttir
kennari og Gyða Vigfúsdóttir,
Verkalýðsfélagi Fljótsdalshéraðs,
fluttu erindi um launakjör kvenna
og Kristjana Bergsdóttir, kennari
flutti erindi um uppeldishlutverk
kvenna — og stelpuna og strákinn
í íslenska skólakerfinu.
Almennar umræður munu hafa
staðið sleitulitið í hartnær fjórar
klukkustundir — þar sem launa-
kjör kvenna og staða þeirra á
vinnumarkaðnum voru í brenni-
depli
Að sögn þeirra Sigríðar Hall-
dórsdóttur og Bertu Tuliniusar
sem voru í hópi þeirra kvenna er
undirbjuggu fundinn var niður-
staða umræðnanna fyrst og fremst
sú að konur væru sjálfum sér
næstar og þyrftu i auknum mæli
að seilast til áhrifa á sem flestum
sviðum þjóðfélagsins, í stjórnun
stéttarfélaga, í sveitarstjórnum og
á Alþingi.
Hugmyndir um sérstakt kvenna-
framboð munu hafa verið reifaðar
á fundinum — en ekki fengið
almennar undirtektir.
„Það eru launakjörin sem fyrst
og fremst brenna á konum í dag —
og orsakir þess að það eru konur
sem fylla láglaunahópana í þjóð-
félaginu og af hverju þær sætta
sig við það. Fyrir 10 árum var
staða konunnar á heimilinu meira
í brennidepli. Þá vildu konur
kannski fyrst og fremst sannfæra
karlana um vinnuframlag sitt í
þjóðfélaginu — innan og utan
veggja heimilisins," sagði Berta
Tulinius sem jafnframt undirbjó
fund á kvennafrídegi fyrir 10
árum.
„Mér finnst konur hafa náð
skammt á þessum 10 árum,“ sagði
Berta — „og það kemur mér satt
að segja á óvart.“
1 lok fundarins í Valaskjálf voru
eftirfarandi ályktanir samþykkt-
ar:
„Nú í lok kvennaáratugar álítum
við það mikilvægast að konur efli
baráttuna fyrir bættum launa-
kjörum og atvinnuöryggi. Stönd-
um ekki í sömu sporum að tíu árum
liðnum. Aukum gildi heimila,
dagvistunarstofnana og skóla í
landinu. Kjörorð nýrrar og virkari
jafnréttisbaráttu verði: Betri kjör,
bætt heimili."
„Fundur kvenna haldinn í Vala-
skjálf 24. október 1985 sendir frá
sér eftirfarandi stuðningsyfirlýs-
ingu: Við styðjum heilshugar
launabaráttu flugfeyja og for-
dæmum harðlega það gerræðis-
vald sem Alþingi lslendinga tók
sér með lagasetningu. Við hörmum
jafnframt að það skyldi verða
hlutskipti forseta Islands á þess-
um degi að undirrita slík lög.“
Fundarstjórar voru Edda
Björnsdóttir og Þórhalla Snæþórs-
dóttir
Morgunblaðið/Helgi Hallvarðsson
Varðskipsmenn fjarlægja rekaviö
Kvennalistinn heldur
landsfund í Gerðubergi
- Ólafur
*
Islenska hljómsveitin:
Áskriftartónleikar á Selfossi
Selfoasi, 24. október.
ÍSLENSKA hljómsveitin hélt sína
fyrstu áskriftartónleika á Selfossi,
í Selfosskirkju að kvöldi miðviku-
dags 22. október sl. Áheyrendur
á þessum fyrstu tónleikum voru
um 50. Fyrirhugaðir eru tíu
áskriftartónleikar á Selfossi í
vetur.
„Við hrepptum mótbyr á leið-
inni á Selfoss," sagði Guðmund-
ur Emilsson þegar hann ávarp-
aði tónleikagesti við upphaf tón-
leikanna, en vegna verðurhæðar
á Hellisheiði þetta kvöld tafðist
listafólkið nokkuð. Guðmundur
fór nokkrum orðum um verkefni
hljómsveitarinnar og sagði að
mikla þolinmæði þyrfti til að
byggja upp áskriftartónleika
eins og hljómsveitin gerði nú.
Bæjarstjórn Selfoss hefur
veitt hljómsveitinni styrk vegna
þessa fyrirhugaða tónleikahalds
Morgunblaðið/Sigurður Jónsson
Stjórnandinn Marck Tardue og söngkonan Sigríður Ella Magnúsdóttir
hyllt í lok tónleikanna.
í vetur og nemur upphæðin 300
þúsundum króna. Þessi styrk-
veiting hefur sætt nokkurri
gagnrýni en á bæjarstjórnar-
fundi var það samdóma álit
bæjarfulltrúa að styrkveiting
þessi væri gerð í þeim tilgangi
að auka fjölbreytni tónlistarlífs
á Selfossi og skyldi hún skoðuð
iljósiþess.
Á efnisskrá íslensku hljóm-
sveitarinnr voru þrjú verk,
Trittico Botticelliano eftir Ott-
oríó Respighi, Now and Then
eftir Frederick Fox, sem hljóm-
sveitin frumflutti, en höfundur
samdi verkið fyrir Guðmund
Emilsson, sem var samstarfs-
maður höfundar við tónlistar-
háskólann í Bloomington. Þetta
er óreglubundið verk þar sem
hljóðfærum ægir saman.
Loks söng Sigríður Ella
Magnúsdóttir 11 þjóðlög á frum-
málinu, „fjölbreytt, skemmtileg
og aðgengileg á að hlýða“, eins
og komist er að orði i efnisskrá
tónleikanna. Stjórnandi hljóm-
sveitarinnar var Marck Tardue.
Hann útskýrði verkið sem frum-
flutt var, sennilega fyrir sakir
frumleika þess.
Sig. Jóns.