Morgunblaðið - 30.10.1985, Blaðsíða 49
MORGUNBLAÐIÐ, MIÐVIKUDAGUR 30. OKTÓBER1985
49
Minning:
Hellert Jóhannesson
rannsóknarlögreglumaður
Fæddur 18. raaí 1933 biðjum honum og fjölskyldu hans
Dáinn 22. október 1985 guðs blessunar.
Hallvarður Einvarðsson
Þriðjudaginn 22. þ.m. bárust
okkur hjá Rannsóknarlögreglu
ríkisins þau tíðindi, að starfsbróðir
okkar, Hellert Jóhannesson, rann-
sóknarlögreglumaður, væri látinn,
en Hellert hafði átt við mikla
vanheilsu að striða um alllangt
skeið.
Hellert Jóhannesson var fæddur
18. maí 1933 á Hólmavík og var
því aðeins 52 ára er hann lést.
Hellert stundaði nám við Reykja-
skóla í Hrútafirði og við Héraðs-
skólann að Laugarvatni, en hinn
1. nóvember 1955 réðst hann til
starfa hjá lögreglunni í Reykjavík.
Seint á árinu 1966 hóf hann störf
hjá rannsóknarlögreglunni i
Reykjavík, en er Rannsóknarlög-
regla ríkisins tók til starfa 1. júlí
1977 var Hellert skipaður rann-
sóknarlögreglumaður við þá stofn-
un, og starfaði hann þar síðan
óslitið meðan heilsa og kraftar
leyfðu.
Við þau störf kom vel í ljós
hvaða mannkostum Hellert var
búinn. Starf rannsóknarlögreglu-
mannsins gerir miklar kröfur til
þess, sem því gegnir. Þær kröfur
beinast ekki aðeins að nauðsyn
staðgóðrar þekkingar og reynslu á
þvi sviði lögreglufræða, heldur lika
— og ekki síður — að mannkostum
mannsins, að þar fari drengur góð-
ur, sem búi yfir ýmsum þeim kost-
um, sem einkenna góðan dreng og
koma sér vel við öll störf, svo sem
góðvild, réttlætiskennd, þolin-
mæði og umburðarlyndi. Þessum
kostum var Hellert vel búinn og
var þvi vel til þess fallinn að takast
á við hin vandasömu, erfiðu — og
oft á tiðum þungbæru — störf, sem
falla í hlut rannsóknarlögreglu-
mannsins. Einkenndust störf Hell-
erts alla tíð af þessum góðu eigin-
leikum hans. Á starfsferli Hellerts
féllu mörg vandasöm og erfið úr-
lausnarefni i hlut hans, og leysti
hann þau öll af hendi á þann veg,
að eigi varð á betra kosið. Þá kom
það ekki sist f Ijós hin siðustu
misseri hvern mann Hellert hafði
að geyma er hann gekk til skyldu-
starfa sinna, óbugaður, þrátt fyrir
alvarlegan heilsubrest, og rækti
störf sin með slikum hætti, að
aðdáun vakti.
Sannarlega minnumst við
starfsfélagar hans nú með virð-
ingu og þökk í huga, sem hins
glaðværa, trausta og góða starfs-
bróður, sem gott var að vera með.
Við heiðrum minningu hans og
Hellert Jóhannesson var fæddur
18. maí 1933 á Hólmavík, sonur
Kristínar Jónsdóttur frá Tungu-
gröf i Tungusveit og Jóhannesar
Bergsveinssonar síldarmatsmanns
og verkstjóra frá Aratungu í Stað-
ardal við Steingrimsfjörð. Hellert
var því Strandamaður í báðar
ættir.
Hann ólst upp hjá foreldrum
sínum og systkinum á Hólmavík,
uns hann fluttist til Reykjavikur
árið 1955 og hóf störf hjá Lögregl-
unni, siðar i Rannsóknarlögreglu
Reykjavíkur en frá árinu 1966 í
Rannsóknarlögreglu rikisins og
vann þar, þar til hann lést 22. þ.m.
Ekki man ég hvenær við Hellert
hittumst fyrst, liklega hefur það
verið þegar báðir vóru í vöggu,
aðeins vóru um 2 mánuðir á milli
okkar og um 200 metrar á milli
heimila okkar. Við vorum bekkjar-
bræður i barna- og unglingaskól-
um. Veturinn 1947—1948 fór hann
í Reykjaskóla en veturinn 1949—
1950 vórum við saman á Héraðs-
skólanum að Laugarvatni. Það er
þvi ljóst þegar litið er til baka að
margar eru minningarnar og allar
eru þær mjög ánægjulegar. Eddi,
eins og við gömlu félagarnir köll-
uðum hann, var hár og myndarleg-
ur maður og bar sig vel. Hann var
sérstaklega prúður og þægilegur f
framkomu og mikill vinur vina
sinna. Það var alltaf gott og þægi-
legt að hitta Edda, hann var alltaf
léttur og spaugsamur en þó alvöru-
gefinn. Eddi var mikill Stranda-
maður í sér, talaði oft um átt-
hagana og þótti gaman að hitta
menn þaðan. Á seinni árum grúsk-
aði hann töluvert í ættfræði og þá
sérstaklega ættfeðra sinna úr
Strandasýslu og ýmsum sögnum
þaðan að norðan.
15. september árið 1966 kvæntist
Hellert eftirlifandi konu sinni,
Magneu Edilonsdóttur, sérstakri
myndar- og ágætiskonu, sem fædd
er og uppalin í ólafsvík.
Börn þeirra eru Lilja Björk
Einarsdóttir, fædd 9. janúar 1963,
sem hann gekk í föðurstað, Jó-
hannes, fæddur 15. september
1%7, og Edilon Þór, fæddur 11.
júni 1975. Lilja Björk er gift Haf-
steini Péturssyni kennara og eiga
þau einn son, Orra, fæddan 19.
mars 1984. Þau eru nú bæði kenn-
arar á Þórshöfn.
Læknavisindin standa ráðþrota
gagnvart þeim sjúkdómi, sem nú
hefur lagt Edda að velli, langt um
t
Okkar bestu þakkir til þeirra sem sýndu okkur vináttu og hlýhug
viö andlát og útför
GE8TS ELÍASAR JÓNSSONAR
Odda á Seltjarnarnesi,
Kristín Jónsdóttir,
Lovísa Ágústsdóttir, Valgeir Gestsson,
Sigrún Valgeirsdóttir, Elfsa Ágústsdóttir,
Kristfn Valgeirsdóttir,
Sólveig Valgeirsdóttir,
iris Valgeirsdóttir.
t
Þökkum innilega samúö og vinarhug viö andlát og útför eiginmanns
míns, fööur okkar, tengdafööur og afa,
MAGNÚSAR KR. MAGNÚSSONAR,
Blönduhlfð 25,
Reykjavfk.
Guórún Lovfsa Guómundsdóttir,
Halldóra Kr. Magnúsdóttir, Hákon Már Guömundsson,
Óli J. K. Magnússon, Guóný Hrönn Þóróardóttir,
Friórik Gunnar Magnússon, Sigrfóur J. Aradóttir,
og barnabörn.
aldur fram. Góður vinur er kvadd-
ur með söknuði og hugurinn
hvarflar til fjölskyldunnar, eigin-
konunnar, barnanna, foreldra og
systkina. Þau hafa misst mikið.
Við hjónin sendum þeim okkar
innilegustu samúðarkveðjur og
biðjum þann sem öllu ræður að
hugga þau og styrkja.
Magnús Hjálmarsson
í dag kveðjum við Hellert Jó-
hannesson, rannsóknarlögreglu-
mann. Hann var fæddur á Hólma-
vik 18. maí 1933, sonur hjónanna
Jóhannesar Bergsveinssonar og
konu hans, Kristínar Jónsdóttur.
Hellert var elstur fjögurra barna
þeirra.
Hellert dvaldist á Hólmavík
ásamt fjölskyldu sinni fram að
tvítugu en þá fluttust þau til
Reykjavíkur. Fram að þeim tíma
vann hann ýmis störf sem til féllu
og var einn vetur við nám að
Reykjum í Hrútafirði og seinna
einn vetur á Laugarvatni.
Kynni mín af Hellert hófust
þegar við hófum störf í lögregluliði
Reykjavíkur í október 1955 og
settumst í Lögregluskóla ríkisins.
Strax á fyrstu dögum skólans
urðum við miklir vinir og félagar
og stóð sú vinátta til æviloka.
Hellert var vel í meðallagi að
vexti og samsvaraði sér vel í alla
staði, var léttur á sér enda góður
leikfimimaður og sundmaður
ágætur.
í starfi var Hellert afar farsæll
og traustur. Það var enginn einn
sem hafði hann sér við hlið. Hon-
um var einkar lagið að tala við fólk
og koma á sáttum þegar lögreglan
var til kölluð og er mér sérstaklega
minnisstætt hvað hann var góður
þeim mönnum sem minna máttu
sín. Ekki man ég eftir að Hellert
hafi skipt skapi, hvorki í leik né í
starfi, enda var hann alla tíð vel
liðinn af samstarfsmönnum sín-
um.
Sem fyrr sagði hóf hann störf í
lögreglunni i Reykjavík 1955. Síð-
an fór hann i Rannsóknarlögreglu
Reykjavíkur. Þegar Rannsóknar-
lögregla ríkisins var stofnuð réðst
hann þangað og starfaði þar til
dauðadags.
Hellert var mikill gæfumaður
og mesta gæfa hans mun hafa
verið 1966 þegar hann kvæntist
eftirlifandi konu sinni, Magneu
Edilonsdóttur. Þau eignuðust tvo
syni auk dóttur Magneu sem hann
ól upp sem sína dóttur.
Þegar að leiðarlokum er komið
er margs að minnast frá fyrri
samverustundum okkar. Alltaf var
gaman að hitta Hellert. Það var
birta og gleði sem einkenndi alla
hans framkomu og á gleðistundum
var hann hrókur alls fagnaðar.
Á myrku haustkvöldi verður
manni hugsað, hvernig á því standi
að maður á besta aldri er burt
kallaður. Hann sem átti svo margt
eftir ógert.
Síðast þegar fundum okkar bar
saman var greinilegt að hverju
stefndi, samt var hann hress, þó
hann ætti erfitt með að tjá sig
vegna sjúkleika.
Genginn er góður drengur, horf-
inn til ókunnra staða ógleymanleg-
ur þeim sem til þekktu.
Eg og kona mín sendum eigin-
konu hans, börnum, foreldrum og
öðrum ættingjum dýpstu samúð-
arkveðjur.
Hafi kær vinur þökk fyrir allar
ánægjustundirnar. Guð blessi
hann.
Rögnvaldur H. Haraldsson
MÁNAÐARLEG
VAXTAÁKVÖRÐUN
ÞÉRÍHAG
Eigirþú fé á Innlánsreikningi meöÁbót.
vókum við yfir þínum hag.
Ábót á vextina er ákvórðuð fyrir hvem
mánuð og um leið hvort þú eigir
að njóta verðtryggðra kjara eða
óverðtryggðra þann mánuðinn.
- eftir því hvor kjörin tœra þér
hœrri ávöxtun.
Á Innlánsreikningi með Ábót er úttekt
frjáls hvenœr sem er - þannig hefur
það alltaf verið - og þú ncerð hœstu
ávöxtun reikningsins strax frá nœstu
mánaðamótum.
Ft ÞfTT A£> LOSNA
ÚR RfKISSKULDABRÍFUM,
þá hafðu samband við
Ráðgjafann í Utvegsbankanum.
Á VAXTATINDINN MEÐ OKKUR
ÚTVEGSBANKINN
RÁÐGJAFINN VÍSAR VEGTNN