Morgunblaðið - 25.02.1986, Blaðsíða 2
MORGUNBLAÐIÐ, ÞRIÐJUDAGUR 25. FEBRÚAR1986
Viðræður Arnarflugs og Air Algerie:
Alsírmenn segjast enga
samninga hafa gert
— segir Agnar Friðriksson, forstjóri Arnarflugs
SAMNINGAMENN ArnarHugs
ræddu við fulltrúa Air Algerie í
Alsír á sunnudaginn um píla-
grímaflug og áætlunarflug næsta
sumar, sem Amarflug bauð í
ásamt 25 öðrum flugfélögum.
Flugleiðir eru eitt þessara félaga.
Að sögn Sæmundar Guðvinssonar
blaðafulltrúa Flugleiða hefur fé-
lagið þegar gert rammasamning
við Air Algerie um þetta verkefni.
Mikið um
hettu- og
skarlatssótt
TÖLUVERÐ brögð hafa að und-
anförnu verið að þvi að hettusótt
hrjái borgarbúa. Ennfremur hef-
ur skarlatssóttar orðið vart í
borginni í meiri mæli en vant er.
Skarlatssóttinni fylgir eitlastækk-
un í hálsi og bólgur auk útbrota.
Borgarlæknir, Skúli G. Johnsen,
sagði í samtali við Morgunblaðið,
að allmargra tilfella hettusóttar
hefði orðið vart í borginni að undan-
fomu. Vegna þessa væri fullorðnum
karlmönnum, sem ekki hefðu fengið
veikina, ráðlagt að hafa samband
við heimilislækni og með milligöngu
hans, láta mótefnamæla sig. Bólu-
setning væri svo til reiðu, skorti
menn mótefni.
Um skarlatssóttina sagði Skúli,
að hennar hefði að undanfomu orðið
meira vart en vant væri. Skarlatssótt
væri í raun tegund hálsbólgu. Henni
fylgdu eitlastækkanir í hálsi og bólg-
ur í hálsi og koki fyrst í stað auk
hita. A síðara stigi veikinnar steypt-
ust sjúklingar út í útbrotum um allan
skrokk. Þetta væri bakteríusjúk-
dómur og ynni pensillín vel á honum.
Bólusetning væri ekki möguleg, en
mönnum ráðlegt að leita læknis
þegar við grun um fyrstu einkenni
og fá fyrrgreint meðal við veikinni.
Agnar Friðrikssonar forstjóri
Amarflugs sagði í samtali við Morg-
unblaðið í gær, að Alsírmenn hefðu
lýst því yfir af gefnu tilefni á sunnu-
daginn, að þeir hefðu enga samninga
gert. „Þeir sögðust vera að ræða við
fáein af þeim flugfélögum sem gerðu
tilboð og myndu síðan á grundvelli
þeirra viðræðna taka endanlega
ákvörðun um hver hreppti hnossið,"
sagði Agnar. Hann kvaðst ekki vita
nákvæmlega hversu mörg félög
kæmu til álita, en sagðist halda að
þau væru fímm.
„Alsírmenn boðuðu til fundarins
til að fara yfír tilboð okkar og ræða
drög að samningi, sem þeir leggja
fram. Sá samningur er í flestum
atriðum með svipuðu sniði og sá sem
við gerðum við þá í fyrrasumar. Við
náðum samkomulagi um nokkur
atriði, en önnur ekki eins og gengur
á fyrsta viðræðufundi. Þeir kvöddu
okkar menn með þeim orðum að
næsti fundur yrði um miðjan mars,
með þeim aðila sem þeir kjósa að
semja við,“ sagði Agnar Friðriksson.
Það voru þeir Halldór Sigurðsson
og Goði Sveinsson sem ræddu við
Alsírmenn fyrir hönd Amarflugs.
Sæmundur Guðvinsson sagði að
Flugleiðir héldu áfram að undirbúa
verkefnið, eins og gert var ráð fyrir
í rammasamningnum, sem gerður
var fyrir rúmri viku. „Annar fundur
með fulltrúum Air Algerie hefur
ekki verið boðaður ennþá, en það fer
væntanlega að líða að því,“ sagði
Sæmundur. Hann sagði aðspurður
að rammasamningurinn væri upp-
segjanlegur af báðum aðilum.
Loðnurannsóknir:
Hjálmar Vilhjálmsson, fiskifræðingur, um borð i Bjarna Sæmunds-
syni. Morgunblaðið/Rafn Ólafsson
Næsta vertíð líklega
jafngjöful og þessi
„MÉR finnst að loknum þessum
leiðangri útlit fyrir að næsta
loðnuvertíð geti orðið jafngóð
og yfirstandandi vertíð. Hins
vegar á eftir að fjalla um niður-
stöður okkar bæði hjá Hafrann-
sóknastofnun og Alþjóða haf-
rannsóknaráðinu, þar sem
Ólafsvík:
Kristófer Þorleifsson efstur
í prófkjöri sjálfstæðismanna
Ólafsvík, 24. febrúar.
PRÓFKJÖR Sjálfstæðisflokksins
í Ólafsvík fyrir bæjar- og sveitar-
stjórnarkosningarnar í vor fór
fram i Mettubúð frá kl.
10.00—19.00 á sunnudaginn.
Atkvæði greiddu 58 manns.
Urslit prófkjörsins urðu þannig
að í fyrsta sæti varð Kristófer Þor-
leifsson með 49 atkvæði í fyrsta
sæti. í öðru sæti varð Björn Amalds-
son með 26 atkvæði í fyrsta og
annað sæti og í þriðja sæti varð
Margrét Vigfúsdóttir með 22 at-
kvæði í fyrsta til þriðja sæti. I fjórða
sæti varð Snorri Böðvarsson, ívar
Baldvinsson hafnaði í fimmta sæti
og þau Kolfínna Haraldsdóttir og
Pétur Bogason urðu jöfn að atkvæð-
um í sjötta sætinu.
Forval Alþýðubandalagsins í Ól-
afsvík fór einnig fram á sunnudag-
inn. í fyrsta sæti varð Herbert
Hjelm, í öðru sæti varð Haraldur
Guðmundsson, í þriðja sæti varð
Margrét Jónasdóttir.
- Helgi
ákvörðun um leyfilegan afla
verður tekin. Það veltur líka á
vaxtarskilyrðum í sumar, hve
mikið verður heppilegt að veiða.
Niðurstöður um það liggja ekki
fyrir fyrr en næsta haust,“ sagði
Hjálmar Vilhjálmsson, fiskifræð-
ingur, i samtali við Morgunblað-
ið.
Hlutur íslendinga úr norsk-
íslenzka loðnustofninum á yfir-
standandi vertíð var ein milljón
lesta. Hjálmar Vilhjálmsson var
leiðangursstjóri á rannsóknarskip-
inu Bjama Sæmundssyni. Leiðang-
urinn hófst 28. janúar síðastliðinn
og stóð til 22. febrúar. Markmið
hans var að kanna stofnstærð loðn-
unnar, sem hrygnir næsta vor,
rannsaka ástand sjávar og huga að
straumbauj ulögnum.
Hjálmar sagði, að loðnuleitin
hefði hafízt út af Látrabjargi og
síðan hefði verið haldið umhverfís
landið og hringnum lokað. Talsvert
hefði verið af ungloðnu víða í land-
grunnskantinum og við hann frá
Halanum að Reyðarfjarðardjúpi.
Mest hefði þó verið út af vestan-
verðu Norðurlandi, Vestfjörðum og
út af Austfjörðum. Það mætti segja,
að týndu sauðimir hefðu komið f
leitimar í þessum leiðangri og allt
benti til þess, að góð vertíð væri
framundan. Ennfremur benti flest
til þess, að núverandi hrygningar-
stofn væri sterkur og hefði ekki
verið ofmetinn við ákvörðun heild-
arkvóta í haust.
Beðizt
afsökunar
í Morgunblaðinu sl. laugar-
dag birtist grein eftir dr. Jón
Óttar Ragnarsson í þætti um
Hollustubyltinguna, sem birtur
er reglulega hér í blaðinu. í
grein þessari vom meiðandi
ummæli um Jóhannes Berg-
sveinsson, yfírlækni. Það vom
mistök af hálfu ritstjómar
Morgunblaðsins að birta þessa
grein óbreytta. Morgunblaðið
biður Jóhannes Bergsveinsson
afsökunar á þessum mistökum.
Gjaldþrot Pijónastofunnar Kötlu:
Sjöundi hver íbúi í Vík í
Mýrdal er nú atvinnulaus
Hugmyndir uppi um að prjónastofan verði tekin á leigu
PRJÓNASTOFUNNI Kötlu, næststærsta vinnuveitanda í
Vík í Mýrdal, var lokað síðastliðið föstudagskvöld eftir 15
ára rekstur. Prjónastofan er gjaldþrota. Yfir 30 manns
misstu atvinnuna. Þrettán voru fyrir á atvinnuleysisskrá
í Vík. Um 50 manns eru því á atvinnuleysisskrá og lætur
nærri að það sé sjöundi hver maður. Pijónastofan skuldar
um 23 milljónir króna og er það 6 milljónum umfram
eignir. Hún er að stærstum hluta í eigu kaupfélagsins,
hreppsins og sýslunnar þannig að skellurinn lendir að
langmestu leyti á heimamönnum.
Uppi em hugmyndir um að
einhveijir aðilar taki prjónastof-
una á leigu og reki hana áfram
og mun það skýrast á næstunni.
Ef ekki fínnst lausn á þessum
vanda em atvinnuhorfur því held-
ur dökkar í þessu 360 manna
sveitarfélagi.
Sveitarsjóður tapar
þriðjungi af tekjum
síðasta árs
„Þetta er hrikalegt áfall fyrir
byggðarlagið," sagði Hafsteinn
Jóhannsson sveitarstjóri. „Nú em
um fímmtíu manns atvinnulausir
héma af um 360 íbúum í hreppn-
um. Ef við bemm þetta saman
við Stór-Reykjavíkursvæðið, er
hlutfallið svipað og allir Kópa-
vogsbúar væm atvinnulausir.
Sveitarsjóður hefur ábyrgst há
lán til fyrirtækisins og tapar um
fimm milljónum króna ef lánin
falla. Það er hvorki meira né
minna en 30% af tekjum sjóðsins
í fyrra. Kaupfélagið mun tapa um
þremur milljónum og sýslusjóður
tveimur.
Katla hefur safnað skuldum að
undanfömu, sölusamningar fyrir-
tækisins em flestir í doliumm og
því óhagstæðir þar sem dollarinn
hefur staðið hallt upp á síðkastið.
Þá hefur Katla gert sölusamn-
ing við Árblik og reyndar bauð
það fyrirtæki þokkalegt verð.
Gallinn er hins vegar sá, að Árblik
hefur ekki getað staðið í skilum
við Kötlu og skuldar fyrirtækinu
tvær til þijár milljónir króna.
Vandi Kötlu verður ekki leystur
nema með hjálp stjómvalda en
við höfum ekki fengið neinar
undirtektir á þeim bæ. Ráðamenn
em aðeins til viðræðu um stofnun
nýs fyrirtækis og það getur tekið
langan tíma að byggja upp at-
vinnurekstur. En ég vildi gjaman
beina því til þeirra, sem eiga
peninga, að hér er hægt að fá nóg
af góðum ókeypis lóðum undir
atvinnurekstur," sagði Hafsteinn.
Þingmenn okkar
hafa brugðist
nÉg er mjög óánægður með
hvemig ráðamenn hafa tekið
málaleitan okkar um aðstoð. Ég
tel að alþingismenn okkar hafí
bmgðist," sagði Birgir Hinriksson
stjómarmaður í Kötiu. „Við höf-
um verið leiddir af eins og böm.
Það er talað um nýja starfsemi
og ný fyrirtæki en að mínu mati
er það nánast út í hött. Það hefur
alltaf verið auðveldara að styðja
en reisa. Til dæmis tapast við-
skiptasambönd og það er hægara
sagt en gert að byggja þau upp
aftur.
Þetta mál er allt alvarlegra
vegna þess, að hér var töluvert
atvinnuleysi fyrir og sá samdrátt-
ur sem er að verða í landbúnaði
verkar illa á alla starfsemi í litlu
samfélagi sem byggist fyrst og
fremst á þjónustu," sagði Birgir
Hinriksson.
Varla um annað að
ræða en flytja brott
„Horfumar em vissulega dökk-
ar en ekki em öll kurl komin til
grafar enn,“ sagði Páll Jónsson
formaður verkalýðsfélagsins á
staðnum. Það em uppi hugmyndir
um, að einhveijir taki Kötlu á
leigu en það skýrist ekki fyrr en
skiptaráðandi hefur hafíð störf.
Það er engin atvinna í sjónmáli
fyrir þetta fólk. Og þá er varla
um annað að ræða en flytja á
brott þangað sem atvinnu er að
hafa. Þetta em mest húsmæður
sem misstu vinnuna, en eins og
kjörin em, getur engin fjölskylda
lifað á launum einnar fyrirvinnu.
En þá blasir nýr vandi við þessu
fólki, það getur ekki losnað við
íbúðir sínar. Það fínnst enginn
kaupandi," sagði Páll að lokum.
Hef mestar áhyggjur
af unga fólkinu
— segir Edith Dam
Ragnarsson verkstjóri
„Það steðjar mikili vandi að
mörgu fólki í Vík vegna gjaldþrots
pijónastofunnar. Þijátíu manns
missa þama atvinnu sína á einu
bretti, eða fjórðungur vinnufærra
manna á staðnum. Það var at-
vinnuleysi hér fyrir og ég held að
það sé óhætt að segja að útilokað
sé fyrir þetta fólk að fá vinnu
annars staðar í þorpinu,“ sagði
Edith Dam Ragnarsson, sem var
verkstjóri hálfan daginn í Pijóna-
stofunni Kötlu.
„Það er óhætt að segja að fólk
sé slegið vegna þessa. Að vísu
hefur lengi verið vitað að erfið-
leikar vom í rekstri verksmiðjunn-
ar, en menn vonuðu sífellt að
tækist að leysa þá. Ég hef mestar
áhyggjur af því unga fólki sem
hefur verið að koma sér upp hús-
næði hér í Vík, en neyðist nú til
að leita til annarra byggðarlaga
eftir atvinnu. Þetta fólk getur
varla flutt búferlum, því það
fínnst enginn kaupandi að húsum
þess,“ sagði Edith Dam Ragnars-
son.