Morgunblaðið - 11.04.1986, Blaðsíða 4

4
MORGUNBLAÐIÐ, FÖSTUDAGUR11. APRÍL1986
Þórður Óskarsson yfirflugumsjónarmaður Flugleiða:
Hverfilhreyflar skipta ekki
sköpum í miklu niðursteymi
Litlu skrúfuþoturnar hafa reynst vel,
segir Pétur Einarsson flugmálastjóri
„ÉG BER mjög mikla virðingu fyrir öllum þeim mönnum sem
þarna leggja orð í belg og ég held að í raun beri minna á miUi
mín og þeirra en fram kemur í Morgunblaðinu, þegar grannt er
skoðað," sagði Pétur Einarsson flugmálastjóri um ummæli ýmissa
fulltrúa smærri flugfélaganna í Morgunblaðinu í gær. Pétur
sætir þar gagnrýni fyrir að varpa fram þeirri spurningu hvort
veijandi sé að nota vélar á lengri leiðum í innanlandsflugi, sem
ekki eru búnar hverfilhreyflum og jafnþrýstum farþegaklefa.
„Ég var að velta upp spumingu,
en alls ekki að slá því fram að
aðeins eigi að nota Fokker-fri-
endship-vélar í innanlandsflugi.
Þetta mál er afstætt og það þarf
að taka tillit til fjölmargara sjón-
armiða. En vissulega held ég að
ástæða sé til að nota meira af
smærri skrúfuþotum. Ég get
nefnt þijár slíkar sem hafa reynst
vel hér innanlands, vél flugmála-
stjómar, Beechchraft King E-90,
og tvær 10 sæta Mitsubishi-vélar,
sem Helgi Jónsson og Flugfélag
Norðurlands em með,“ sagði Pét-
ur.
í viðtölum Morgunblaðsins við
ýmsa forsvarsmenn áætlana- og
leiguflugfélaga í blaðinu í gær
kemur fram sú skoðun að Fokk-
er-friendship-vélamar séu alls
ekki ömggari en ýmsar smærri
vélar undir vissum kringumstæð-
um og hverfilhreyfíll sé ekki eins
þýðingarmikill og Pétur Einarson
vilji vera láta. Morgunblaðið leiti
álits Þórðar Óskarssonar yfírflug-
umsjónarmanns Flugleiða á þess-
um ummælum:
„Ég hygg að það sé rétt að
margar minni vélanna séu ágæt-
lega búnar mælitækjum, ekkert
síður en Fokker-vélamar. Eins
held ég að hverfílhreyflar skipti
ekki sköpum ef vél lendir á annað
borð í miklu niðurstreymi. Jafnvel
stórar og kraftmiklar þotur geta
fallið fleiri þúsund fet án þess að
flugmenn fái nokkuð að gert undir
slíkum kringumstæðum."
— Vélar sem búnar eru jafn-
þrýstibúnaði og hverfílhreyflum
hafa þó möguleika á að fljúga
ofar veðri. Skiptir það ekki máli?
„Það getur gert það. En vélar
komast ekki yfír veður fyrr en í
fyrsta lagi í 20 þúsund fetum.
Og þá fer að vera spurning hvort
yfírhöfuð eigi að fljúga ef veður
er það slæmt að nauðsynlegt sé
að fara yfír 20 þúsund fet. Fokk-
er-vélamar fljúga yfírleitt í 13-19
þúsund fetum og ef veðurskilyrði
leyfa ekki slíkt flug er vafasamt
að hleypa þeim í loftið."
— Fylgja Flugleiðir strangari
stöðlum hvað varðar skilyrði til
flugs en smærri félögin?
„Flugmálastjóm setur auðvitað
ákveðnar reglur um lágmarksskil-
yrði, en við höfum fylgt þeirri
stefnu að gera heldur meiri kröf-
ur, en lágmark flugmálastjómar
gerir ráð fyrir. Hvað litlu vélamar
varðar þá er iðulega farið eftir
upplýsingum frá framleiðanda um
hvað vélamar eiga að þola, og
kannski fara þær stundum í loftið
þegar Fokkeramir hreyfa sig
ekki, einkum í meiri vindi,“ sagði
Þórður Óskarsson.
„Þurfum upplýsingar frá flugmönn-
um um afbrigðilegt veður á flugleiðum“
- segir Markús Á. Einarsson veður-
fræðingur vegna ummæla Helga Jónssonar
„ÞAÐ eru nokkur atriði sem mættu fara betur í þessari þjón-
ustu,“ sagði Markús Á. Einarsson í samtali við Morgunblaðið í
gær vegna ummæla Helga Jónssonar um að veðurþjónustan væri
veikur hlekkur í flugmálum okkar. „Miðlun upplýsinga milli
veðurstofu og flugmanna á báða bóga er t.d. dálítið vandamál.
Helgi segir að góðar veðurstofur afli upplýsinga um skýjahæð,
ísingu og fleira, en það verður að koma skýrt fram að við á
veðurstofunni getum ekki aflað þessara upplýsinga nema með
aðstoð flugmannanna sjálfra. Þeim ber skylda til að senda okkur
uppiýsingar um afbrigðilegt veður á flugleiðum, en á þetta skort-
ir talsvert og það er áhyggjuefni.
Það er einnig áhyggjuefni að
örugg leið hefur ekki verið fundin
til þess að flugmenn séu ætið með
nýjustu og gleggstu upplýsingar
um veðurskilyrði yfír landinu.
Meginreglan f samskiptum flug-
manna og veðurstofunnar er sú,
að flugmenn og starfsmenn flug-
félaga koma og fá upplýsingar
um veður, ef þeir eru úti á landi
hringja þeir á stofuna, við erum
með vaktir allan sólarhringinn og
hægt að fá upplýsingur hjá okkur
um veður hvenær sem er. Það er
ekki nema við sérstakar aðstæður,
svo sem þegar við höfum upplýs-
ingar um mikla ísingu, eða mikla
kviku í lofti sem okkur ber að
senda út aðvörunarskeyti. Við
sendum út venjulegar flugvallar-
spár og þessi aðvörunarskeyti ef
á þarf að halda og ég vil taka það
fram þar sem Helgi nefnir aðrar
veðurstofur, að við störfum sam-
kvæmt reglum Alþjóðaflugmála-
stofnunar eins og þær. Stundum
finnst manni skorta á áð nýjustu
upplýsingar um veður séu fyrir
hendi hjá flugmönnum og það
væri ákaflega gott ef hægt væri
að fínna leið til að upplýsingar
frá okkur lægju fyrir niður á
Reykjavíkurflugvelli og jafnvel á
helstu flugvöllum úti á landi. Við
vildum gjarnan að upplýsinga-
miðlunin væri betri.
Ég vil einnig gera athugasemd
við myndatexta myndar sem birt-
ist á bls. 2 í Morgunblaðinu í
gær,“ sagði Markús. „Þar segir
að gífurlegar fjallabylgjur hafí
verið yfír landinu vestanverðu
daginn sem TF-ORM fórst í Ljósu-
ijöllum. Á veðurtunglamyndinni
má sjá fjaliabylgjur, en engin leið
er að segja um hversu sterkar þær
eru og því síður að upplýsingar
myndarinnar einar sér dugi til að
senda út aðvörunarskeyti. Fjalla-
bylgjur eru algengar hér á landi
og kannast flestir íslenskir flug-
menn við þær. Af myndatextanum
má ráða að við hefðum getað
varað við þessum bylgjum, en
engin leið er til að sjá styrkleika
bylgnanna á myndinni."
Morpunblaðið/Ól.K.M.
Ingi Örn Geirsson, hjá tölvudeild Búnaðarbankans, sem annaðist
samtengingu kerfisins, sýnir hvernig Hraðbankinn vinnur.
Samstarf banka og sparisjóða:
Hraðbanki opnaður
og gefin út ábyrgðar-
kort í tékkaviðskiptum
HRAÐBANKINN, nýtt sameiginlegt þjónustukerfi sparisjóðanna og
viðskiptabankanna, að Iðnaðarbankanum undanskildum, verður
opnaður þriðjudaginn 15. apríl næstkomandi. Hraðbankinn verður
opinn allan sólarhringinn og lykillinn, Bankakortið, mun einnig gilda
sem ábyrgðarkort í tékkaviðskiptum.
Á fundi með fréttamönnum, þar
sem Hraðbankinn var kynntur, kom
meðal annars fram, að nú þegar
hefðu verið útbúin kort fyrir alla
tékkareikningshafa aðildarbank-
anna, um 100 þúsund talsins. Allir
korthafar hafa aðgang að hvaða
afgreiðslustað Hraðbankans sem
er, en þeir eru í byijun 10 talsins,
í Borgarspítalanum, Búnaðarbank-
anum aðalbanka, Búnaðarbankan-
um við Hlemm, Búnaðarbankanum
Garðabæ, Landsbankanum Breið-
holti, Landsbankanum Akureyri,
Landspítatanum, Sparisjóði vél-
stjóra, Samvinnubankanum Háa-
leitisbraut, Útvegsbankanum Hafn-
arfírði.
í Hraðbankanum verður unnt að
sinna öllum algengustu bankavið-
skiptum. Hægt er að taka út
reiðufé, allt að 10 þúsund krónum
á dag, leggja inn peninga, millifæra
af sparireikningi á tékkareikning
eða öfugt, fá upplýsingar um stöðu
eigin reikninga í Hraðbankanum
og greiða gíróseðla, til dæmis raf-
magns-, hitaveitu- og símareikn-
inga ásamt greiðsluseðlum víxla og
skuldabréfa. í Hraðbankanum er
boðið upp á tvær gerðir innláns-
reikninga, tékkareikninga og spari-
reikninga. Tékkareikningamir eru
hinir sömu og viðskiptamenn hafa
haft til þessa. Sparireikningamir
eru með sömu vöxtum og almennar
sparisjóðsbækur í viðkomandi
banka eða sparisjóði. Úttektir af
þessum reikningum em aðeins
mögulegur í Hraðbankanum. Fyrir
hveija úttekt af reikningi borgar
viðskiptamaður gjald sem verður í
byijun 10 krónur.
Bankakortunum er ætlað að
tryggja betur öryggi í tékkavið-
skiptum en nú er. Þegar viðskipta-
maður greiðir með tékka fyrir vöm
eða þjónustu og framvísar Banka-
korti ábyrgist viðkomandi banki eða
sparisjóður innistæðu tékkans ef
fjárhæð hans er innan við ákveðna
hámarksupphæð. Þannig er við-
takandanum tryggð innlausn tékk-
ans svo framarlega sem hann hefur
skráð kortnúmer viðkomandi á
tékkann eftir samanburð undir-
skriftar á tékkanum og bankakort-
inu. Hámarksupphæðin hefur verið
ákveðin 3 þúsund krónur og verður
hún endurskoðuð tvisvar á ári í
samræmi við verðlagsbreytigar.
Bankakortin em nýjung sem hafa
það að markmiði að stuðla að
traustari tékkaviðskiptum. Hafa
kortin verið kynnt sérstaklega fyrir
kaupmannasamtökunum, ýmsum
hagsmunaaðilum og rannsóknar-
lögreglu ríkisins.
Formaður stúdentafélagsins Stíganda:
Teljum okkur framfylgja
stefnuskrá umbótasinna
Hissa á þessum vinnubrögðum segir f ormaður umbótasinna
MEÐ því að fara í þetta samstarf
með Vöku — sem er alls ekki
hægra samstarf, heldur alveg
ópólitískt — teljum við okkur
vera að framfylgja stefnuskrá
Félags umbótasinnaðra stúd-
enta,“ sagði Gylfi Ástbjartsson,
formaður hins nýstofnaða stúd-
entafélags Stíganda og fyrrum
formaður Félags umbótasinn-
aðra stúdenta.
„Á fundi f Félagi umbótasinnaðra
stúdenta síðastliðinn mánudag var
ekkert sett út á samstarfssamning
okkar og Vöku, sem var lagður þar
fram. Eg get ekki séð, að menn
hafi sett annað fyrir sig en hags-
muni einhverra pólitískra félaga út
í bæ,“ sagði Gylfí.
Hann bætti því við, að aðal-
baráttumál nýja meirihlutans yrðu
að sjálfsögðu lánamálin og einnig
væri ætlunin að reyna að tengja
betur saman stúdentaráð og deilda-
félögin. „Við ætlum að gera eitt-
hvað fyrir stúdenta í stað þess að
standa í pólitísku karpi í stúdenta-
ráði,“ sagði Gylfí Ástbjartsson.
„Eg er dálítið hissa á að þessir
fjórmenningar skuli kunna við þessi
vinnubrögð," sagði Kristján Sig-
tryggsson, starfandi formaður Fé-
lags umbótasinnaðra stúdenta.
„Þau eru kosin í stúdentaráð fyrir
félagið. Stúdentaráðskosningamar
eru listakosningar eins og Alþingis-
kosningar og það er félagið sem
menn lcjósa. Þau eru í stúdentaráði
á þeim forsendum, en hafa nú sagt
skilið við félagið. Þau stofna nýtt
félag og það félag er allt í einu
með §óra menn í stúdentaráði, sem
eru kosnir á vegum allt annars fé-
lags," sagði Kristján. „Tvö af fjór-
menningunum voru þar að auki
búin að gefa loforð um það á félags-
fundi, og það var bókað, að ef
málefnasamningur þeirra við Vöku
yrði felldur á fundinum gæfu þau
eftir sæti sín í stúdentaráði."
Kristján sagði, að engan bilbug
væri að fínna á umbótasinnum þrátt
fyrir brotthlaup fjórmenninganna,
heldur teldi hann félagið sterkara
eftir. Að öllu óbreyttu byði það fram
við næstu stúdentaráðskosningar.
INNLENT