Morgunblaðið - 11.04.1986, Blaðsíða 27
MORGUNBLAÐIÐ,' FÖSTUDÁ.GUR 11.APRÍLÍ986
27
Benazir Bhutto umkringd stuðningsmönnum á Gatwik-flugvelli í London rétt fyrir brottförina til
Pakistans.
Pakistan:
Tugþúsundir f ögn-
uðu Benazir Bhutto
Lahore, Pakistan. AP.
BENAZIR Bhutto kom í gær til
Pakistans og tóku tugþúsundir
fagnandi stuðningsmanna á
móti henni. Hrópaði mannfjöld-
inn slagorð gegn Mohammad
Zia Ul-Haq forseta og Banda-
ríkjamönnum.
Helstu frammámenn Þjóðar-
flokksins, stærsta stjómarand-
stöðuflokksins í Pakistan, tóku á
móti Bhutto á flugvellinum, en úti
fyrir flugstöðvarbyggingunni biðu
tugþúsundir áhangenda hennar
undir ströngu eftirliti um 2.000
manna vopnaðrar óeirðalögreglu.
Mannfjöldinn fylgdi á eftir er
Bhutto var ekið í stórum pallbíl
um götur Lahore og hrópaði
„Benazir, Benazir" og slagorð eins
og „Velkomin dóttir Pakistans",
„Benazir er komin með bylting-
una“ og „Benazir forseti".
Allt að 300 þúsund manns höfðu
safnast saman meðfram götunum,
sem ekið var um, og slógust í
skrúðfylkinguna.
„Þegar Benazir kemur mun
þjóðin krefjast lýðræðis og hafna
ómanneskjulegri harðræðisstjón
Zias,“ sagði Miraj Khalid, einn af
æðstu leiðtogum Þjóðarflokksins
og fyrrverandi forsætisráðherra í
Punjab-héraði.
Fyrir komu sína kvaðst Benazir
Bhutto þess fullviss í viðtölum við
pakistönsk blöð í London, að þjóð
hennar vildi, að lýðræði yrði endur-
reist í landinu eftir níu ára stjóm
hersins. Hún sagði, að fólk hungr-
aði eftir að njóta stjómmálalegra
réttinda undir vemdarvæng lýð-
ræðislegrar stjómar.
„Eitt veit ég fyrir víst,“ sagði
hún, „að pakistanska þjóðin kærir
sig ekki um manninn, sem sendi
réttkjörinn forsætisráðherra henn-
ar í gálgann."
A blaðamannafundi, sem hald-
inn var áður en Bhutto fór frá
London, kvaðst hún dást að hug-
rekki Corazon Aquino, forseta
Filippseyja, fyrir að koma Ferdin-
and Mareos frá völdum. „Eg vonast
til að geta farið eins að heima í
Pakistan," sagði hún.
Indverjar fjölmennari
er Kínveijar áriö 2100
Washington. AP.
BÚIST er við því að árið 2100 verði Indland orðið fjölmennasta
ríki jarðarinnar, en Kínveijar sem nú eru fjölmennastir verði í
öðru sætinu. Mannfjöldinn í heiminum þá verður rúmlega tvöfald-
ur miðað við sem er í dag, eða 10,4 milljarðar samanborið við
4,9 milljarða. Fátækum þjóðum og vanþróuðum heldur áfram að
fjölga mest, jafnframt því sem íbúum þróuðu ríkjanna fer hlut-
fallslega fækkandi. Nú telja þeir tæpan fjórðung mannfjöldans
í heiminum, en verða tæp 15% um þar næstu aldamót.
Þessar upplýsingar koma fram
í skýrslu óháðrar mannfjölda-
stofnunar í Bandaríkjunum, þar
sem reynt er að spá fyrir um
mannfjöldaþróun í hverju landi
lengra fram í tímann en venjulega
er gert eða til ársins 2100. Þar
kemur fram að þrátt fyrir að
dregið hafi úr mannfjölgun í heild-
ina tekið sé hún enn mjög mikil
í sumum löndum og svo verði
næstu áratugina. Mannfjölgunin
verði mest í fátækustu hlutum
heims, Afríku sunnan Sahara og
í Suður-Asíu.
Thomas J. Merrick, forsvars-
maður hópsins sem stóð að gerð
skýrslunnar, sagði er hún var
kynnt fréttamönnum að þessi þró-
un hljóti að vera fátækum ríkjum
sem auðugum áhyggjuefni. FVrir
vanþróuðu löndin sé þetta spum-
ing um það, hvort það eigi fyrir
þeim að liggja að verða til fram-
búðar annars flokks þegnar þessa
heims, sem hljóti að lepja dauðann
úr skel. „Hinum meira þróuðu
ríkjum, sem hafa náð jafnvægi í
mannfjölgun, gæti reynst það
erfitt að vera áfram sem eyjar
velmegunar í hafsjó fátæktar í
veröld, sem sífellt minnkar vegna
nútímasamgangna og fjarskipta,"
sagði Merrick.
Árið 2025 er gert ráð fyrir að
fjölgað hafi í heiminum um 3,4
milljarða. Afríka, Asía og Suður-
Ameríka eiga 3,1 milljarð þessar-
ar fjölgunar, en Evrópa, Norður-
Ameríka og Ástralía aðeins 0,3
milljarða. 83% fólks í heiminum
verða þá í þeim heimshlutum, sem
fyrr voru nefndir, en 17% í Evr-
ópu, Norður-Ameríku, Sovétríkj-
unum, Japan og ríkjum á sunnan-
verðu Kyrrahafi.
Samkvæmt skýrslunni verða
Indveijar orðnir 1,63 milljarðar
árið 2100, en eru nú 785 milljón-
ir. Mannfjölgunartakmarkanir
Kínveija bera þann árangur að
þeim §ölgar hægar. Þeir eru nú
1,05 milljaður, en verða eftir rúm
100 ár 1,57 milljarður og verða
þá næstfjölmennasta þjóð jarðar.
Nígeríumenn menn verða í þriðja
sæti samkvæmt mannfjölda-
spánni. Þó þeir séu nú aðeins
105,4 milljónir og áttunda mann-
flesta þjóð veraldar, verða þeir
508,9 milljónir 2100. Sovétmönn-
um, sem nú eru þriðja fjölmenn-
asta þjóðin, 280 milljónir, fjölgar
um tæplega 100 milljónir á þessu
tímabili og verða í fjórða sæti.
Bandaríkjamenn sem nú eru
fjórðu, falla niður í sjöunda sæti.
Þeir eru 241 milljón og verða
308,7 milljónir samkvæmt skýrsl-
unni. í 5. og 6. sæti verða Indónes-
ía og Pakistan. Indónesar verða
356 milljónir en eru nú 168 og
Pakistanir, sem nú eru 102 millj-
ónir, enverða316.
Samkvæmt skýrslunni falla
margar Evrópuþjóðir af listanum
yfir 20 mannflestu þjóðir veraldar
á þessu tímabili, enda er gert ráð
fyrir að fólksfækkun verði hjá
þeim sumum. Þannig fækkar
Vestur-Þjóðveijum úr 60,7 millj-
ónum í 53,8 eða um tæpar sjö
milljónir.
jKistan
V» Laugavegi99.
Sumarfatnaður frá
LAURA ASHLEY
Gott verð
ekki satt
Klappstólar Skrifborðsstóll
Svartir-hvítir-rauðir Hvítur og rauður
Kr.
698,- ,2.181.-
Opið í dag kl. 20.00
Opið laugardag frá kl. 10.00-16.00
Athugið:
Gjafavörur-Húsgögn-Heimilistæki og
Barnafatnaður eru í Ármúlanum
Vörumarkaðurinn hf.
Ármúla 1A Sími: 686112