Morgunblaðið - 25.06.1986, Blaðsíða 28
28
MORGUNBLAÐIÐ, MIÐVIKUDAGUR 25. JÚNl 1986
Þjóðleikhúsið;
„Með vífið í lúkunum“ um
Vesturland og Vestfirði
Frá 27. júní til 7. júlí mun leikhópur frá Þjóðleikhúsinu
sýna breska gamanleikinn „Með vífið í lúkunum“ á 11
stöðum á Vesturlandi og Vestfjörðum. I fyrrasumar fór
Þjóðleikhúsið með þetta verk í leikför um Norður- og
Austurland.
Fyrsta sýning verður að Loga-
landi í Reykholtsdal 27. júní, önnur
í Félagsheimilinu í Stykkishólmi 28.
júní, þriðja í Félagsheimilinu Röst,
Hellissandi 29. júní, þá í Dalabúð,
Búðardal 30. júní, í Baldurshaga,
Bíldudal 1. júlí, Félagsheimilinu
Patreksfirði 2.júlí, Félagsheimilinu
á Þingeyri 3 júlí, Félagsheimilinu á
Suðureyri 4. júlí, Félagsheimilinu
Hnífsdal 5. og 6. júlí og síðasta
sýning verður svo í Félagsheimilinu
í Bolungarvík 7. júlí. Allar sýning-
Á Hótel Esju
en ekkiSögu
í Morgunblaðinu á sunnudaginn
var sagt frá fýrirhuguðum félags-
fundi Nemenda- og kennarasam-
bands Hússtjómarskóla Suður-
lands. Þessi fundur verður á
fimmtudagskvöld á Hótel Esju, en
ekki Sögu, eins og stóð í fréttinni.
Morgunblaðið biðst velvirðingar á
þessum mistökum.
amar hefjast klukkan 9 og kostar
aðgöngumiðinn 450 krónur.
„Með vífið í lúkunum" er ærsla-
leikur. Það var fmmsýnt í London
fyrir þremur ámm og gengur þar
enn. Það vom yfír 50 sýningar á
því í vetur í Þjóðleikhúsinu, og er
það komið í röð vinsælustu verka
þess.
Þótt ekki sé við hæfi að spilla
ánægju væntanlegra áhorfenda
með því að segja of mikið um sögu-
þráðinn, má geta þess að í verkinu
segir frá allóvenjulegri uppákomu
í Smith-fjölskyldunni, sem við
fyrstu sýn virðist ósköp venjuleg
fjölskylda. Aðeins heimilisfaðirinn
gerir sér grein fyrir að um er að
ræða óvenjulega fjölskyldu, og
þegar lögreglan kemst á snoðir um
það verður hann að grípa til ör-
þrifaráða.
Höfundur verksins er Bretinn
Ray Cooney en Ami Ibsen þýddi
það. Guðrún Sigríður Haraldsdóttir
gerði leikmynd og búninga, lýsingu
sér Kristinn Daníelsson um og
Benedikt Amason er leikstjóri.
Leikhópurinn sem fer með vífið í lúkunum um Vesturland og Vest-
firði. Frá vinstri: Örn Árnason, Pálmi Gestsson, Anna Kristín Am-
grímsdottir, Randver Þorláksson, Þórunn Magnea Magnúsdóttir,
Gísli Árnason, yfir-sviðsmaður, Sigurður Skúlason, Þorgrímur Ein-
arsson og Sigurður Siguijónsson.
Alþjóðleg
ráðstefna
um hjarta-
rannsóknir
DAGANA 22.-25. júní verður
haldin að Hótel Loftleiðum al-
þjóðleg ráðstefna um hjarta-
rannsóknir. Þetta er 7. Evrópu-
þing Alþjóða hjartarannsóknafé-
lagsins (International Society of
Heart Research).
Margir heimskunnir vísindamenn
munu taka þátt í ráðstefnunni og
verða flutt alls rúmlega 100 erindi.
í yfírlitserindum verður m.a.
fjallað um nýjungar í rannsóknum
á hjai-i adrepi og meðhöndlun þess,
hjarta\ öðvasjúkdómi og innri bygg-
ingu og starfsemi æða og hjarta-
vöðvafmma.
Undirbúning ráðstefnunnar hafa
annast: Jónas Hallgrímsson, Magn-
ús Jóhannsson, Guðmundur Þor-
geirsson, Þórður Harðarson og
Sigmundur Guðbjamarson, sem er
: forsæti.
INNLENT
Hótel Nes-rallkeppni BÍKON;
„Fékk í magann þegar vélin
hikstaði á síðustu leiðinni“
— sagði Rúnar Jónsson annar
sigurvegaranna
Það voru ekki nema tólf sekúndur sem skildu fyrstu tvo keppn-
isbilana að í Hótel Nes-rallinu á Ólafsvík um sl. helgi. Feðgamir
Jón Ragnarsson og Rúnar Jónsson sigruðu á Ford Escort RS,
eftir mikla keppni við Hjörleif Hilmarsson og Ara Arnórsson á
Toyota Corolla. Þeir síðamefndu stálu senunni í keppninni, náðu
forystu en urðu að lúta í lægra haldi á lokasprettinum eftir frá-
bæra frammistöðu. Þriðji varð íslandsmeistarinn Þórhallur Krist-
jánsson á Talbot Lotus, sem ók með Úlfari Eysteinssyni.
Morgunblaðið/Gunnlaugur Rognvaidsson
Feðgamir Jón Ragnarsson og Rúnar Jónsson sigmðu spennandi
keppni á Ford Escort RS, óku grimmt og unnu sína fyrstu keppni
saman eftir að hafa verið í öðra sæti í þremur siðustu keppnum.
Keppnin hófst á föstudagskvöld
og voru eknar þrjár sérleiðir. í
sinni annarri keppni sem ökumað-
ur náði Hjörleifur Hilmarsson
forystu, og kom flestum í opna
skjöldu með hröðum akstri.
Nokkrum sekúndum á eftir hon-
um komu Jón og Rúnar, en Haf-
steinn Aðalsteinsson og Sigurður
Jensson á Ford Escort voru í
þriðja sæti á undan Þórhalli og
Úlfari. Aðeins nokkrar sekúndur
skildu þessa kappa að, síðan voru
Qórir bílar aðrir í mikilli keppni
um Qórða sætið. Á laugardag
varð sérleið meðfram Snæfells-
jökli mörgum til óláns. Hafsteinn
og Sigurður urðu að hætta keppni
þegar vélin stöðvaðist og fór ekki
í gang aftur. Á svipuðum slóðum
lenti Þórhallur í vandræðum með
Talbot-bílinn, þegar olíukælir fór
að leka og hann tapaði dýrmætum
tíma. þetta skildi Hjörleif og Jón
eina eftir í baráttunni um sigurinn
og þvílík barátta. Aðeins sekúndur
skildu þá að á milli einstakra
leiða.“
„Þetta var mjög spennandi og
þó Hjörleifur væri aðeins í sinni
annarri keppni hafði ég reiknað
með honum í toppbaráttunni",
sagði annar sigurvegaranna Jón
Ragnarsson í samtali við Morgun-
blaðið.
„Mér hafði tekist að ná ágætri
keyrslu daginn áður, var þó reynd-
ar heppinn að fara ekki illilega
útaf. Kom á of mikilli ferð í krappa
beygju, fór þversum á veginum
og sló afturendanum í stein. En
þetta reddaðist, þó það munaði
bara hársbreidd að illa færi. Á
fyrstu leið laugardags náði ég
forystu, Hjörleifur átti í vandræð-
um með bílinn. Á næstu leið
fannst mér ég fara greitt en
Hjörleifur gerði betur, kom mér
á óvart. Eftir þetta vorum við að
slást um sekúndur á hverri leið,
síðan náði ég fimmtán sekúndum
betri tíma í Kerlingaskarði, sá í
Hjörleif eftir að honurh mistókst
beygja. Þetta var eins og vítamín-
sprauta fýrir mig, ég ók hraðar
og hélt bilinu milli okkar gegnum
gegnum Berserkjahraun."
„Á síðustu leið keppninnar átti
ég í vandræðum vegna gangtrufl-
ana í vélinni, tapaði 16 sekúndum
til Hjörleifs, en það skildu tólf
sekúndur okkur að þegar yfir
lauk. Síðan átti ég í erfiðleikum
með að komast í mark, rétt slapp
við aukarefsingu þegar drapst á
bílnum og hann fór ekki í gang
strax,“ sagði Jón. „Það var gaman
að vinna, ég hef lent í öðru sæti
í þremur keppnum í röð. Það er
þó svo skrítið að ég hef oft fengið
betri tilfínningu eftir að hafa
sigrað með Ómari, sem aðstoðar-
ökumaður," sagði Jón. Sonur
hans, Rúnar er í aðstoðaröku-
mannssætinu, aðeins sextán ára
gamall og leiðir Íslandsmeistara-
keppnina ásamt föður sínum. „Við
ætlum að verða íslandsmeistar-
ar“, sagði Rúnar. „Pabbi er farinn
að keyra hraðar, orðinn mikið
öruggari í akstrinum. Keppnin var
rosalega spennandi og ég fékk í
magann á síðustu leiðinni þegar
vélin fór að hiksta, beið eftir að
sjá lokakaflann," sagði Rúnar.
„Mig vantaði hörkuna til að
beijast grimmar um fyrsta sætið,"
sagði Hjörleifur eftir keppni. „Ég
var ákveðinn í að vinna bikar og
gat því alveg sætt mig við annað
sætið, enda nýbyijaður að keyra.
Það kom sjálfum mér á óvart að
ég skildi vera í forystu eftir fyrri
daginn, en ég ætlaði að standa
mig eða fara aftur í aðstoðaröku-
mannssætið. Hjálp Halldórs Úlf-
arssonar fyrir keppni gerði gæfu-
muninn og þetta gekk vel. Á
næstsíðustu leiðinni klúðraði ég
rosalega einni vinkilbeygju, sem
kostaði mikinn tíma. Fraus á
bremsunum, sem kemur ekki fyrir
aftur! Dekkin gripu ekki eins vel
í og ég hélt, hafa líklega verið
orðin of heit. Þó vel hafi gengið
núna má maður passa sig að verða
ekki of öruggur í næstu keppni á
Húsavík. Eg held líka að sumir
ökumannanna núna hafi ekki ekið
á fullu allan tímann," sagði Hjör-
leifur.
Á eftir þeim Jóni og Hjörleifi
gekk á ýmsu. Þórhallur og Úlfar
héldu auðveldlega þriðja sætinu á
Talbot-bílnum, en keppnin um
sæti á eftir hafði verið jöfn.
Guðmundur og Sæmundur Jóns-
synir á Renault höfðu verið
fímmtu á laugardagsmorgun, en
mættu á einni leiðinni kindum á
miðjum vegi á blindhæð og fóru
útaf. Töpuðu þeir miklum tíma
og síðar festust þeir í á, eftir að
hafa sprengt dekk. Allir stjömu-
draumar voru þar með úti hjá
þeim bræðrum, en næstu menn á
eftir högnuðust á þessum óförum.
Þorvaldur Jensson og Pétur Sig-
urðsson á Opel Kadett voru lengi
vel í fjórða sæti, óku vel að venju,
en Steingrímur Ingason og Július
Vífill Ingvarsson á Nissan tóku
þá á í lokasprettinum. Þorsteinn
Ingason og Sighvatur Sigurðsson
hefðu getað veríð ofarlega ef
brotinn öxull í Toyota þeirra hefði
ekki heft frekari framför.
Þeir stálu senunni, félagamir Hjörleifur Hilmarsson og Ari
Arnórsson, á Toyota. Var skammt frá sigri í sinni annarri keppni
á nýsmíðuðum bílnum.
Af 22 bílum sem voru skráðir í keppni luku 13 keppni síðdegis á
laugardag. Nokkuð vantaði á að skipulag keppninnar væri Bifreiða-
íþróttaklúbb Ólafsvíkur til sóma, en rallið lífgaði upp á bæjarlífíð.
Lokastaðan: Refsing mínútur
1. Jón Ragnarsson/Rúnar Jónsson, Ford Escort 1.31.36 klst.
2. Hjörleifur Hilmarsson/Ari Amórsson, Toyota Corolla 1.31.48 klst.
3. Þórhallur Kristjánsson/Úlfar Eysteinsson, Talbot Lotusl.33.13 klst.
4. Steingrímur Ingason/Júlíus V. Ingvarsson, Nissan 1.39.50 klst.
5. Þorvaldur Jensson/Pétur Sigurðsson, Opel Kadett 1.39.59 klst.
6. Halldór Gíslason/Karl ísleifsson, Vauxhall 1.43.32 klst.
G.R.