Morgunblaðið - 08.11.1986, Blaðsíða 23
MORGUNBLAÐIÐ, LAUGARDAGUR 8. NÓVEMBER 1986
23
nýtingar sjúkrarúma. Við höfum
ekki orðið varir við að læknar eða
sjúklingar hafí kvartað yfír þessu
kerfí. Hins vegar er því ekki að
leyna, að vegna stöðugs sjúkra-
rúmaskorts á legudeildum verður
oft að útskrifa sjúklinga fyrr en
æskilegt hefði verið vegna þrengsla.
Á þau þrengsli er hins vegar ekki
minnst í skýrslu þessari.
Svipað innlagningarkerfí er not-
að víðst hvar á sjúkrahúsum erlend-
is og þykir sjálfsagt. Það er því í
hæsta máta einkennilegt, að „hag-
ræðingarráðunautar" skuli agnúast
út í slíka hagræðingu. Ég get ekki
túlkað þetta öðru vísi en svo að um
misskilning höfunda sé að ræða,
enda virðist ýmislegt í niðurstöðum
skýrslunnar (ssem annars inniheld-
ur ýmsan fróðleik) vera byggt á
órökstuddum fullyrðingum, en það
eru einkum þessar fullyrðingar sem
blásnar hafa verið út í fjölmiðlum
og skaðað hafa góðan starfsanda á
Borgarspítala. Eða hvaðan kemur
höfundum viskan til að fullyrða:
„kröfur starfsfólks um bætt kjör
og aðstöðu skyggir á þarfír þeirra
sjúklinga sem ekki þarftiast bráðrar
aðhlynningar"?
Höfundur er Gunnar Sigurðsson
yfirlæknir iyfiækningadeildar
Borgarspítalans.
Ytri-Njarðvík:
Kanínukjöt til Reykjavíkur
Ytri-Njarðvík.
KANÍNUKJÖT frá Kanínumið-
stöðinni í Njarðvík hefur verið
á boðstólum í Reykjavík að und-
anförnu. Ekki í miklu magni enn
sem komið er, en á því gæti
orðið breyting. Kjötið hefur ver-
ið til sölu hjá Kjötmiðstöðinni
og líkað vel, á því væri enginn
vafi að sögn starfsmanns í versl-
uninni.
„Hjá okkur er búið að slátra um
300 dýrum, eru það umfram karl-
dýr og þau sem ekki standa sig
nægilega í ullarframleiðslunni,"
sagði Stefán Ólafsson bústjóri
Kanínumiðstöðvarinnar í samtali
við Morgunblaðið. „Ég hef leitt
hugann að þvi að vera með kjöt
af svokölluðum kjötkanínum, en
þessi markaður er óþekkt dæmi
og ég vil sjá viðbrögð fólksins áð-
ur. Kanínukjöt er það kostnaðar-
samt í framleiðslu, að það getur
ekki keppt við kjúklingakjöt. Það
er t.d. dýrara en nautakjöt í V-
Þýskalandi."
Elfa Björk Valdimarsdóttir
með rafmagnsrakvélina að
störfum í Kanínumiðstöðinni.
Hún sagði að þessi væri orðin
vön rakstrinum og léti sér fátt
um finnast.
I húsakynnum Kanínumiðstöðv-
arinnar er löggilt sláturhús og fer
slátrun fram undir stjóm dýra-
læknis. Kjötið er látið hanga í 24
tíma áður en það er fiyst.
Kanínumiðstöðin hóf starfsemi
sína í júní 1984 með 126 dýrum
sem voru flutt hingað frá V-
Þýskalandi, nú eru þau orðin
2.300, allt hvítar ullarkanínur. Til
Kína hafa nýlega verið seld 400
dýr og um 200 dýr hafa verið seld
innanlands. Stefán sagði að kven-
dýrin væru sædd með tæknifrjóvg-
un frá völdum karldýrum,
viðkoman hjá kvendýrunum væri
að meðaltali 7 ungar á tveggja
mánaða fresti. En þetta væri
breytilegt, þær gætu átt frá einum
unga og allt uppí 15 unga. „Hver
kanína er rökuð 4 sinnum á ári
og gefur um 1 kg að meðaltali og
kostar kílóið í dag um 2.300 kr.
Núna erum við að gera tilraunir
til sútunar á skinnum sláturdý-
ranna, en of snemmt er að segja
hvort hægt er að nota þau á ein-
hvem hátt.“
Stefán sagði ennfremur að
Morgunblaðið/Bjöm Blöndal
Stefán Ólafsson bústjóri
Kanínumiðstöðvarinnar með
karldýr sem notað er til undan-
eldis, en aðeins úrvalsdýr
komast í þann hóp.
stofnkostnaðurinn væri orðinn
talsverður en hann væri ákaflega
bjartsýnn um áframhaldið. „Eins
og staðan er í dag og engin óvænt
áföll verða ætti búið að geta skilað
hagnaði eftir 1—2 ár.“
- BB
Peugeot 505.
Flaggskipið frá Peugeot
Peugeot 505 hefur sannað ágœti sitt með margra ára
reynslu við íslenskar aðstœður.
Peugeot 505 er rúmgóður, þœgilegur, traustur og
sparneytinn bíll.
Peugeot 505 er fáanlegur bœði sem fjögurra dyra
fólksbíll og skutbíll með sœtum fyrir alit að átta.
Peugeot 505 er kraftmikill bíll með flöðrun í sérflokki og
splittað drif að aftan o.fl. o.fl.
Verð frá 564.900,-
Peugeot 205 GTI
Bíllinn sem sigraði Evrópu nú loks fáanlegur á fslandi.
Peugeot 205 GTI, fremstur á meðal jafningja, hefur
vegna frábœrra aksturseiginleika verið valinn
„Sportlegi bíll ársins" af flestum virtustu bílablöðum
Evrópu.
Peugeot 205 GTI er fáanlegur með 115 hestafla vél
með viðbragð 8,6 sek. í 100 km hraða og 130 hestafla
vél með viðbragð 8,1 sek. í 100 km hraða.
Pegar sest er undir stýri er orðið „sljómklefi" efst í huga
ökumannsins. Sœtið gefur réttan stuðning og öllum
mœlum og stjórntœkjum komið svo fyrir að ökumaður
hafi góða yfirsýn og greiðan aðgang.
Innifalið í verði: Álfelgur, litað gler, þokuljós að framan,
snúningshraðamœlir, olíuþrýstimœlir, digitalklukka o.fl.
Verð frá 576.600,-
Opið í dag, laugardag 8/11, kl. 13-17
Opið á morgun, sunnudag 9/11, kl. 13-17 1 JÖFI
Nýbýlavegi 2 • Sími 42600
V
ÞÓRHILDUR/SiA