Morgunblaðið - 12.12.1986, Blaðsíða 40

Morgunblaðið - 12.12.1986, Blaðsíða 40
40 MORGUNBLAÐIÐ, FOSTUDAGUR 12. DESEMBER 1986 $ttm&múfiábib Útgefandi Framkvæmdastjóri Ritstjórar Aöstoöarritstjóri Fulltrúar ritstjóra Fréttastjórar Auglýsingastjóri Árvakur, Reykjavík Haraldur Sveinsson. Matthías Johannessen, Styrmir Gunnarsson. Björn Bjarnason. Þorbjörn Guömundsson, Björn Jóhannsson, Árni Jörgensen. Freysteinn Jóhannsson, Magnús Finnsson, Sigtryggur Sigtryggsson, Ágúst Ingi Jónsson. Baldvin Jónsson. Ritstjórn og skrifstofur: Aöalstræti 6, sími 691100. Auglýsingar: Aöalstræti 6, sími 22480. Afgreiösla: Kringlan 1, sími 83033. Áskriftargjald 500 kr. á mánuöi innanlands. í lausasölu 50 kr. eintakiö. Skrif stofa við Evrópubandalagið Isjálfu sér ætti það ekki að sæta neinum sérstökum tíðindum þótt opnuð væri opin- ber skrifstofa til að gæta íslenskra hagsmuna í útlöndum. Umsvif íslenskra fyrirtækja er- Iendís eru orðin það mikil, að tæplega er sagt frá því lengur nema þá í auglýsingaskyni, að þau setji á fót skrifstofur eða útibú í öðrum löndum. Hvað sem þessu líður hefur það vakið verð- skuldaða athygli, að á miðviku- dag var sendiráði íslands í Brussel skipt í tvennt, ef þannig má orða það. Sá hluti starfsemi þess, sem ekki snertir tengslin við Atlantshafsbandalagið, var fluttur úr höfuðstöðvum NATO í Evére, einu úthverfa höfuð- borgar Belgíu, inn í hjarta borgarinnar í nágrenni við höf- uðstöðvar Evrópubandalagsins. Matthías A. Mathiesen, ut- anríkisráðherra, sagði í Brussel á miðvikudaginn, að skrifstofan ætti að skapa okkur betri að- stöðu og tækifæri til samstarfs við Evrópubandalagið. Ráðherr- ann sagði einnig í Morgunblaðs- viðtali af þessu tilefni, að við þyrftum að gera allt sem í okkar valdi stæði til að tryggja hags- muni okkar gagnvart bandalag- inu. Að sjálfsögðu felst engin pólitísk stefnubreyting í því, þótt samstarf við Evrópubandalagið sé treyst með sérstakri skrifstofu í nágrenni höfuðstöðva þess. Þessi skipulagsbreyting á starfs- háttum utanríkisþjónustunnar er hins vegar staðfesting á því, að samskipti íslands og Evrópu- bandalagsins eru sífellt að aukast. Það nægir ekki lengur að huga aðeins að þeim á grund- velli viðskiptasamnings okkar við bandalagið. Fleiri þættir hljóta að koma til álita með hlið- sjón af þeim breytingum, sem orðið hafa á bandalaginu og sambandi okkar við það síðan samningurinn var gerður á árinu 1972. Aform eru til að mynda uppi um að með einum eða öðr- um hætti getum við nýtt okkur samstarf EB-þjóðanna um tækni- og iðnþróun. Evrópubandalagið er mikil stofnun. í höfuðstöðvum þess starfa þúsundir manna frá aðild- arlöndunum 12. Það er af og frá, að fámenn sendiráðsskrif- stofa geti ræktað allt samband, sem við þurfum að hafa við bandalagið til að gæta hags- muna okkar og nýta þau tæki- færi, sem bjóðast. Þess sjást merki meðal þeirra, sem sinna alþjóðlegum viðskiptum hér á landi, að þeir hafa vaxandi áhuga á að ræða stöðu okkar gagnvart EB og það, sem efst er á baugi þar innan dyra. í næstu viku ætlar landsnefnd Alþjóða verslunarráðsins til að mynda að efna til umræðna um ísland og Evrópubandalagið í tengslum við aðalfund sinn. Af hálfu stjórnar landsnefndarinnar er skýrt tekið fram, að hún er ekki að leggja til, að ísland ge- rist aðili að EB. Raunar hafa ekki nein samtök í landinu það að markmiði, svo að vitað sé. Sú spurning vaknar, hve lengi umræður um samband og sam- skipti okkar við Evrópubanda- lagið verða utan við hina pólitísku hringiðu í landinu. Raunar hefur það verið landlægt hér, að stjórnmálamenn hafi meiri áhuga á að rífast um hvað risaveldin eru að gera en ræða það, sem ber hæst í samvinnu nágranna okkar í Evrópu. Innan EFTA, Fríverslunarsamtaka Evrópu, þar sem við eru þátttak- endur vex þeirri skoðun fylgi, að samstarfið við EB eigi að vera eins náið og frekast er kost- ur. Á þeim vettvangi er ekki síður nauðsynlegt en fyrir til- stilli hinnar nýju skrifstofu í Brussel að fylgjast náið með því, sem er að gerast hjá Evrópu- bandalaginu. Sjálfstæði Borgarspít- alans Nokkrir tugir lækna í Reykjavík sendu Þorsteini Pálssyni, formanni Sjálfstæðis- flokksins, áskorun vegna sölu Borgarspítalans, þar sem hann er hvattur til að „beita sér fyrir lausn í anda sjálfstæðisstefnunn- ar á deilunni um eignarhald og rekstrarform Borgarspítalans". Þá vara læknarnir alvarlega við þeirri hugmynd að steypa saman tveimur stærstu sjúkrahúsum heilbrigðisþjónustunnar og mynda þannig eina stóra ríkis- stofnun. Morgunblaðið tekur undir þessi varnaðarorð. Af þeim miklu umræðum, sem orðið hafa vegna Borgarspítalans, má ráða, að helsta áhyggjuefni þeirra, sem hafa horn í síðu breytinga á eignarhaldi spítalans sé óttinn við risavaxið ríkisbákn. Morgun- blaðið varaði við hættunni af þessu hér á j)essum stað fyrir réttri viku. Astæðulaust er að ætla að miðstýring skili betri árangri í spítalarekstri en á öðr- um sviðum. Sjálfstæði og sjálfs- stjórn Borgarspítalans verður að tryggja. Náttúrufræðikynning í anddyri Háskólabíós SKÓGRÆKT ríkisins hefur sett upp sýningu í samvinnu við áhugamannahóp um byggingu náttúrufræðihúss í anddyri Há- skólabíós og er meiningin að slíkar sýningar verði þar þangað til náttúrufræðihús verður að veruleika. Einnig eru þar sýndar litskyggnur og myndband um skógrækt. Undanfarin ár hefur áhuga- mannahópur um byggingu náttúru- fræðihúss verið starfandi. Það sem fyrir honum vakir með sýningunni er að þrýsta á að hafist verði handa við byggingu náttúrufræðihúss og að átak verði gert í náttúmfræðslu- málum. Einnig vill hópurinn afla upplýsinga sem nýst gætu við upp- byggingu starfsemi þess. Anddyri Háskólabíós verður opið almenningi frá kl. 14.00 til 22.00 alla daga. Sýningar og kynningar verða í þrennu lagi í anddyrinu: Aðalsýningar sem standa í u.þ.b. mánuð hver, skiptisýningar sem standa í nokkra daga hver og skyndisýningar sem standa í einn til tvo daga. Safnverðir og aðrir sérfróðir menn verða fengnir til að fræða gesti um helgar á aðal- og skiptisýningum. Nú um helgina verður auk aðalsýningarinnar, „ís- lenskur skógur", skiptisýningin „íslenskar plöntur", sett upp af Herði Kristinssyni grasafræðingi til kynningar á nýútkominni bók hans, Plöntubókinni. Þá verður skyndi- sýning sem stendur um helgina og hefur Haraldur Ágústsson sett hana upp. Á viðarsýningunni eru um hundr- að viðarsýni. Markverðustu sýnin eru þversneiðar af gras- og burkna- trjám frá Nýja-Sjálandi. Þá eru tíu sýni af öllum ættkvíslum rauðviðar- ættarinnar, en í þeirri ætt eru m.a. risafururnar, Kalifomíu-rauðviður, Kína-rauðviður og vatnsgreni. Af tíu ættkvíslum þallarættarinnar eru átta sýni, fágætast þeirra er Ketele- eria, en heimkynni hennar eru í Kína og á Taiwan. Auk þeirra ber- frævinga, sem þegar hafa verið taldir, eru sýni af 18 öðrum ætt- kvíslum berfrævinga. Af dulfræv- ingum eru sýni af tíu ávaxtatrjám. Þrettán tegundir eru af Dalbergia- ættkvíslinni, en þar er kunnust Dalbergia nigra sem er Rio-Pali- sander. Af beykiættinni eru fímm ættkvíslir þar á meðal rauðbeyki sem hefur verið sýkt með litar- sveppum. Þá er og 2000 ára gömul mýrareik frá Noregi. Einnig eru á sýningunni ýmsar ættkvíslir dul- frævinga, pálmatrjáa, kaktusa og papyrus og 10 til 12 milljón ára gamall viðar- og steinbrandur frá Islandi. Morgunblaðið/Einar Falur í anddyri Háskólabíós. Frá vinstri: Kristinn Skæringsson fram- kvæmdastjóri Landgræðslusjóðs, Jón Gunnar Ottósson líffræðingur hjá Skógrækt ríkisins og Einar Egilsson forsvarsmaður áhugamanna- hóps um byggingu nátturufræðihúss. Seinni tónleikar Polýf ónkórsins á laugardag: Messías er alltaf nýr, aldrei gamall Rætt við Jón Þorsteinsson tenór og Peter-Coleman Wright bassa PÓLÝFÓNKÓRINN flytur óratóriuna Messías eftir Ge- org Friedrich Handel í Hallgrímskirkju í annað sinn á laugardag. Þá syngur Jón Þorsteinsson tenórhlutverkið sem Ian Partridge flutti á tónleikunum í gærkvöldi. „Ég hef sungið í Messíasi 40-50 sinnum á liðnum árum," sagði Jón í stuttu spjalli við blaða- mann í gærkvöldi. „Nú síðast tók ég þátt í flutningi verksins í Danmörku fyrir skömmu. En Messías er, eins og öll kristíleg tónlist, alltaf nýr, og aldrei gamall. I hugum margra er þetta verk sem heilagt. Boðskapur þess á er- indi til alls mannkyns." Peter Coleman-Wright, bassa- söngvari, kemur hingað frá Glyndebourne-óperunni í Englandi ásamt sópransöngkonunni Maureen Brathwaite til að taka þátt í flutn- ingi Messíasar. Wright sagði Pólýfónkórinn hafa komið sér mjög á óvart. „Bæði kórinn og hljóm- sveitin standa sig frábærlega, og mér fínnst flutningur þeirra bera vott ögunar og fagmennsku. Sér- staklega hreifst ég af tenórunum, sem eins og allir vita syngja brot- hættustu röddina í hverjum kór. Tenórar Pólýfónkórsins eru bæði vandvirkir og syngja hreint." Að- spurður um hljómburð í Hallgríms- kirkju sagði Wright að sér þætti fullmikið bergmál í kirkjunni sem ylli því að tónar rynnu saman og Jón Þorsteinsson, tenór. „drukknuðu". Hann sagði að menn virtust ekki á einu máli um það hvort þessi áhrif hyrfu þegar áheyr- endur væru í kirkjunni. „Ég verð bara að bíða og vona að allt gangi vel," sagði hann. Wright sagðist njóta dvalarinnar hér og hlakka mikið til tónleikanna. „Verst þykir mér að geta ekki ferð- ast neitt um landið þvf ég þarf að halda heim til Englands á sunnu- dag. Oft á tíðum eru svona tónleika- ferðir erfíðar. Því fylgir gjarnan streita að stökkva inn í ókunnugt samfélag til þess að taka þátt í flutningi tónlistar. Hér á landi hefur mér mætt einstök gestrisni og vin- arþel sem ég hef ekki kynnst annarstaðar." Jón kvaðst einnig vera tímabund- Peter Coleman-Wright, bassi. inn. Honum hefði verið veitt leyfí frá æfíngum á óperunni Boris Guodonov eftir Mussorgsky sem óperan í Amsterdam frumflytur 9. janúar og þyrfti hann að mæta á æfingu þar næsta mánudag. Jón hefur starfað erlendis undanfarin fjórtán ár. „En Pólýfónkórinn er alltaf minn uppáhaldskór," sagði hann. Aðspurður um aðstæður í Hallgrímskirkju sagðist Jón ekki vilja dæma um hljómburðinn þar sem hann hefði ekki hlýtt á tónleika þar fyrir fullu húsi. „Þótt það skipti auðvitað engu máli hvar guðsorð er boðað, er óneitanlega gaman að flytja Messías í svo stórri og fal- legri kirkju. Ég hlakka því til tónleikanna á laugardag," sagði Jón Þorsteinsson.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.