Morgunblaðið - 12.12.1986, Blaðsíða 61

MORGUNBLAÐIÐ, FÖSTUDAGUR 12. DESEMBER 1986
61
Anthony Michael Hall og Jenny
Wright i hlutverkum sínum i
mynd Stjörnubíós, Á ystu nöf.
Oheppni
sveita-
mannsins
Kvikmyndir
Arnaldur Indriðason
Á ystu nöf. (Out of Bounds). Sýnd
í Stjörnubíói. Stjörnugjöf: ☆ ☆
Bandarísk. Leikstjóri: Richard
Tuggle. Framleidandi: John
Tarnoff. Tónlist: „Siouxie and
the Banshees" o.fl. Helstu hlut-
verk: Anthony Michael Hall, -
Jenny Wright, Jeff Kober og
Glynn Turman.
Daryl (Anthony Michael Hall) í
myndinni Á ystu nöf (Out of Bonds),
sem sýnd er í Stjömubíói, hefur
sannarlega ástæðu til að vera þung-
ur á brún. Honum er strítt fyrir að
vinna á akrinum heima í Iowa, bú-
skapurinn er að hruni kominn og
mamma hans og pabbi eru að skilja.
Sjálfur er hann að flytja til bróður
síns í Los Angeles en á flugvellinum
þar tekur hann tösku í misgripum,
sem inniheldur 10 kíló af heróíni,
og réttmætur eigandi þess drepur
bróður hans og eiginkonu í tilraun
til að endurheimta dópið. Daryl seg-
ir heldur aldrei meira en uhu og
hu lengi framan af.
Það á líka vel við þessa svölu
einfaratýpu sem hann er. Anthony
Hall, unglingastjaman úr 16 kerti
og Morgunverðarklúbburinn, fer
hér með hlutverk Daryls og er
ágætur á meðan hann heldur sig
við uhu og hu. En þegar reynir á
koma brestir í svölu einfaratýpuna.
Hann hættir að leika hinn bjarta,
einfalda og geðþekka bóndason,
sem veit ekki hvaðan á sig stendur
veðrið í ofbeldisfullri stórborginni,
og fer að leika einhvem sem gæti
verið „Herra svalur 1986“.
Annar unglingaleikari, Jenny
Wright (Eldar St. Elmos), leikur
Dizz og hún er þessi veraldarvana
stórborgarstúlka, sem Daryl rekst
á fyrir tilviljun og hjálpar honum
að þræða Öngstræti undirheimanna
í leit að eiganda heróínsins og morð-
ingja bróðurins. En málið er aðeins
flóknara en svo því löggan heldur
að Daryl hafí drepið bróður sinn
og þá er eltingaleikurinn orðinn
þrefaldur því eigandi dópsins er
auðvitað líka á höttunum eftir
Daryl. Og enn fleiri taka þátt í elt-
ingaleikjunum því tveir dularfullir
og skuggalegir menn fylgjast með
öllu saman úr fjarlægð.
Eftir að þetta hefur allt verið
sett af stað með nokkuð líflegum
hætti fær Daryl svolítið næði til að
kynnast Dizz og enn ein unglinga-
myndin er komin í höfn. En hún
er meira en unglingamynd því
glæpurinn er alltaf nærri og spenn-
an líka þótt engin brjóti sætisbökin
vegna hennar.
í MATVÖRUDEILDINNI höfum við allan jólamat. Við leggj
um sérstaka áherslu á úrvalshátíðarmat og minnum á hangi-
kjötið okkar víðfræga.
Jólafötin á alla fjölskylduna fást i VEFNAÐARVÖRU-
DEILDINNI. Meðal annars vörur frá Melka. Úrval metra-
vöru fyrir þá sem sauma sjálfir.
RAFTÆKJA- 0G SP0RTV0RU
DEILDIN býður heimilistæki fyrir fjöl-
skylduna, hljómflutningstæki fyrir ung-
lingana. Veglegar gjafir handa góðu
fólki.
Vöruhús Vesturlands
Borgarnesi
sími 93-7200
Auglýsingar22480
Afgreiðsla 83033