Morgunblaðið - 12.12.1986, Blaðsíða 69

Morgunblaðið - 12.12.1986, Blaðsíða 69
MORGUNBLAÐIÐ, FÖSTUDAGUR 12. DESEMBER 1986 69 Þórdís Hólm Sigurð- ardóttir — Minning í dag verður færð til hinstu hvíldar frú Þórdís Hólm Sigurðardóttir er lést þann 4. þ.m. S Landspitalanum eftir þungbæra sjúkdómslegu sem hún átti lengi við að stríða, en umbar með ótrúlegum kjarki og því jafnað- argeði sem einkenndi hana einatt. Dodda, eins og hún var ávallt köll- uð meðal ættingja og vina, fæddist að Urriðaá á Mýrum þann 13. ágúst 1908, en fluttist ung til Reykjavikur þar sem hún bjó til æviloka. Þann 19. október 1935 giftist Dodda Guð- laugi Stefánssyni fyrrverandi yfir- verkstjóra hjá gatnamálastjóra Reykjavíkurborgar. Þau hjón voru því búin að búa í farsælu og hamingju- sömu hjónabandi rúmlega hálfa öld. Á meðan heilsa Doddu entist nutu þau hjónin mjög ferðalaga um landið og eins til Kaupmannahafnar, en þar bjó systir hennar sem lést þar á þessu ári. Mágur Doddu, Börge Jörgensen, kom hingað frá Danmörku þegar séð var hvert stefndi í hennar veikindum og dvaldi hér í 4 daga, en þeir dagar veittu Doddu mikla ánægju því þeim gafst tímí til að minnast Iiðinna ára og síðan kveðjast hinsta sinni. Dodda eignaðist tvö fyrirmyndar- börn, þau Hilmar Leósson flugstjóra hjá Flugleiðum, giftan Sigríði Krist- jánsdóttur, og Sólveigu Guðlaugs- dóttur hjúkrunarkonu, gifta Árna Filippussyni markaðsstjóra hjá Velti hf. Barna- og baraabarnabörnin eru orðin mörg svo það er víða harmur kveðinn eftir góða og mæta konu, sem kvatt hefur jarðvistarskeiðið og flutzt til æðri tilvistar þar sem hún mun hitta látin ættmenni og vini. Ég átti því láni að fagna að kynnast Doddu þegar ég giftist mágkonu hennar og fluttist í sama hús og hún bjó í á Bergþórugötu 6b. Mér eru ógleymanlegar þær mörgu ánægju- stundir sem ég átti með þeim hjónum og tengdafólki okkar á heimili þeirra. Með þessum fáu línum mínum kveð ég Doddu með söknuði og bið Guð að veita eiginmanni hennar, afkom- endum og tengdafólki styrk og gæfu til að bera harm sinn vel. Blessuð sé minning góðrar konu. Haraldur Jensson Syrgja nú látna svanna prýði eiginmaður, börn og ástmenni. Deyi góð kona er sem daggar geisli hverfi úr húsum verður húm eftir. (Stgr. Th.) Þessar ljóðlfnur komu mér í hug, þegar mágkona mín, Þórdís Hólm Sigurðardóttir, kvaddi þennan heim. Hún lést í Landspítalanum 4. desemb- er sl. eftir stranga sjúkdómslegu. Þórdís fæddist 13. ágúst 1908 að Urriðaá í Álftaneshreppi. Hún var dóttir hjónanna Guðríðar Gunnlaugs- dóttur og Sigurðar Þórðarsonar bónda þar og síðar á Hlíðarenda í Ölfusi. Hún kom ung til Reykjavikur og hóf nám í Kvennaskólanum. Þórdís bar það með sér, að hún var vel gefin kona til munns og handa, eins og sagt var hér áður fyrr, og þótti prýði hverrar konu. Hún var vandvirk, hvort sem hún vann við matargerð eða saumaði klæði. Nutum við systur oft góðrar tilsagnar hennar og þótti mér stundum nóg um no- strið. Hún kom inn í líf okkar syst- ranna, er hún giftist bróður mínum, Guðlaugi Stefánssyni, verkstjóra, 19. október 1935. Þau stofnuðu heimili í húsi móður okkar, Ólínar Hróbjarts- dóttur, á Bergþórugötu 6b, sem þá var ekkja með 7 dætur. Þær yngstu voru 5 ára, sjálf var ég aðeins 11 ára gömul, svo að samveran er orðin löng. Bróðir minn hafði verið móður okkar stoð og stytta frá því að faðir okkar dó, enda dáði hún hann mjög. Einhver hefði nú guggnað við að hefja búskap við slíkar aðstæður, en innilegt samband varð fljótt á milli þeirra tengdamæðgna. Það má til sanns vegar f æra, að er móðir okkar lá helsjúk í sjúkrahúsi, þá óskaði hún eftir því að tengdadóttir hennar vekti yfir henni. Vitnar það best um nær- færni og ljúfmennsku Þórdísar, enda höfum við systurnar elskað hana og virt eins og okkar bestu systur. Seinna byggði Guðlaugur hæð ofan á húsið á Bergþórugötu og bjuggu þau þar í ein 27 ár. Þá eignuðust þau fallega hæð í Safamýri og var sama hvort þau bjuggu í lítilli íbúð eða stórri og glæsilegri, alltaf var heimil- ið jafn hlýlegt og fallegt, og þar var alltaf gott að koma og vel tekið á móti öllum, en sjálf var Þórdís mesta heimilisprýðin. Þegar Guðlaugur hætti störfum, minnkuðu þau við sig og hafa siðustu árin búið í Sólheimum 27. Þórdís og Guðlaugur eignuðust eina dóttur, Sólveigu hjúkrunarfræð- ing, sem gift er Arna Filippussyni, markaðsstjóra hjá Velti hf., og eiga þau tvö börn. Þórdís átti einn son áður en hún giftist Guðlaugi, Hilmar Leósson, flugstjóra. Kona hans er Sigríður Kristjánsdóttir og eiga þau 4 börn. Barnabörnin eru orðin 9 og öll sakna þau nú ömmu og „ömmu lang", eins og þau minnstu kölluðu hana. Það líður að jólum og mikinn skugga ber á jólagleðina hjá þessari stóru fjölskyldu. Við söknuðum henn- ar öll, systur, svilar og systrabörnin, en mestur er söknuður Guðlaugs, bróður míns, sem búinn er að hafa hana við hlið sér í meira en fimmtíu ár, en ég trúi því að honum veitist styrkur til að taka því, er honum er ætlað. Megi hún njóta jólabirtunnar, laus við líkamsþjáningar, með þeim vinum, sem á undan eru gengnir. Blessuð sé minning hennar, hafi hún þökk fyrir allt og allt frá okkur systrum og fjölskyldum okkar. Margrét Stefánsdóttir Hún fæddist 13. águst 1908, en lést í Landspítalanum 4. desember siðastliðinn. Það er erfitt til þess að hugsa að hún Dodda okkar sé dáin, hún sem aldrei virtist eldast nema undir það síðasta þegaer hún barðist við erfið veikindi. Ég man eftir henni frá því ég var barn, er hún rétti okkur hjálparhönd þegar þörfin var brýnust og var okk- ur stoð í hinu daglega lífi. Dodda, eins og ég kallaði hana, var mér bæði amma, sem las fyrir mig og hlýjaði köldu hendurnar, og vinur sem huggaði og skildi. Hún var mjög vandvirk og það sem hún tók sér fyrir hendur bar glögglega merki um að þarna hafði Dodda okkar komið nærri. Ég kveð hana með söknuði, en minning hennar mun alltaf vera ljós- lifandi í huga mér. Ég votta aðstandendum hennar samúð mína. Sigurveig Björnsdóttir Kallið er komið, komin er nú stundin, vinarskilnaður, viðkvæm stund. Vimrnir kveðja vininn sinn látna, er sefur hér hinn síðasta blund. (Vald. Briem) Hún amma lang er horfin héðan. Hún hlúir ekki lengur að langömmu- börnunum sínum. Nú þakka ég fyrir þann tíma, sem litla telpan mín fékk að njóta hennar ömmu minnar. Það var ekki ósjaldan, að bíllinn hans afa lang stóð fyrir utan barna- heimilið hennar Sollu litlu, ef eitthvað var að veðri, og þau voru þar bæði til að létta okkur leiðina heim. Við erum nú langt. í burtu og get- um ekki fylgt henni siðasta spölinn, en hugur okkar er hjá henni og hon- um afa. Við vonum að Guð gefi honum styrk til að lifa áfram án hénn- ar. Þórdís og Sólveig f Odense. „JOLATILBOÐ FJOLSKYLDUNNAR FRA PANASONIC Nú, þegar fjölskyldan slær saman í eina veglegajólagjöf, er mikið atriði að vanda valið. Á tímum gylliboða er nauðsynlegt að staldra við og hugsa sig vel um, því nóg er framboðið og ekki vantar hástemmdu lýsingarorðin. Við viljum þess vegna benda ykkur á Panasonic sem vænlegan kost, sérstaklega þegar það er haft í huga, að Panasonic myndbandstækin fara sigurför um heiminn og eru í dag lang-mest keyptu tækin. Einnig má minna á, að sem stærsti myndbands- tækjaframleiðandi heims, eyða þeir margfalt meiri peningum í rannsóknir og tilraunir en nokkur annar framleið- andi. Það þarí því engum að koma á óvart að samkvæmt umfangsmestu gæðakönnun sem framkvæmd hefur verið hjá neytendasamtökum i sjö V-Evrópulöndum varð niðurstaðan sú, að myndbandstækin frá Panasonic biluðu minnst og entust best allra tækja. Þessar staðreyndir segja meira en hástemmt auglýsingaskrum. m Jólatilboð á NV-G7 frá 37.850,- I JAPIS BRAUTARHOIT 2 SÍMI 27133 -;.. €« ií' —BBBBBBMB 8:3d mm •«-««fli-WíSI------------«JIV»*--------------ísWFl**- t*C« OTR - Off •( Panasontc
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.