Morgunblaðið - 31.12.1986, Blaðsíða 9

MORGUNBLAÐIÐ, MIÐVIKUDAGUR 31. DESEMBER 1986
9
HUGVEKJA
tl'
Það er innanfrá
sem opnað er
- eftir ÓSKAR JÓNSSON
Texti: Ob.Jóh. 3,18—19.
„Alla þá, sem ég elska, tyfta ég og
aga. Ver því heilhuga oggjör iðrun.
Sjá, égstend við dyrnar og kný á. Ef
einhver heyrir raust mína og lýkur upp
dyrunum, þá mun égfara inn til hans
og neyta kvöldverðar með honum og
hann með mér. "
Nú árið er liðið í aldanna skaut,
og aldrei það kemur til baka.
Nú gengin er sérhver þess gleði og þraut,
það gjörvallt er runnið á eilífðar braut,
en minning þess víst skal þó vaka.
En hvers er að minnast? spyr
sálmaskáldið í næsta versi.
Þótt flest sé gleymt megum
við ekki gleyma miskunnsemd
Guðs.
Lofa þú Drottin, sála mín, og
allt sem í mér er, hans heilaga
nafn .. . og gleym eigi neinum
velgjörðum harts. Hann fyrirgef-
ur allar misgjörðir þínar, læknar
öll þín mein. Sálmur 103,1—3.
Um áramótin lítum við um
öxl og undrumst hvort við höfum
náð því takmarki sem við settum
okkur um áramótin í fyrra? Því
miður hefur ekki allt tekist eins
vel og við ætluðumst til.
Hvernig er andlegt heilsufar
okkar við þessi áramót? Við
þurfum að fá úr því skorið.
Þegar við verðum líkamlega
veik að næturlagi og hringjum
á læknavaktina er spurt: Er hit-
inn hár, hvað er hitastigið?
Ég leitaði sjaldan til lækna
hér á árum áður. Hélt að heilsu-
farið væri í besta lagi. Svo fékk
ég nýrnasteinakast og í seinna
sinnið sem ég fékk það sagði
læknirinn að ég hefði verið hepp-
inn að hafa fengið kastið, því
blóðþrýstingurinn var mældur í
sjúkrahúsinu og reyndist allt of
hár. Svo ég hefði fengið slag
það árið eða næsta, ef ekkert
hefði verið gert til að fá þrýst-
inginn niður. Ég hef oft þakkað
Drottni fyrir nýrnasteinakastið,
því það varð mér til bjargar.
Söfnuðurinn í Laódíkeu hélt
að allt væri í lagi hjá sér, en svo
var ekki. Boðskapurinn til safn-
aðarins var mjög harður. Hinir
kristnu höfðu aðeins að nokkru
leyti komist í snertingu við himn-
eska eldinn. Þeir mikluðu sjálfa
sig og sögðust vera lánsamir,
auðugir og einskis þarfnast.
Tímanleg velferð þeirra hafði
gert þá andlega sljóa. Þeir voru
hvorki heitir né kaldir heldur
hálfvolgir og það var það versta
ástand sem þeir gátu verið í
samkvæmt orðum Jesú. Ob. Jóh.
3,16.
Er það ekki hálfvelgjan sem
er aðalmeinið meðal kristinna
manna á Islandi í dag?
Jesús býður söfnuðinum í
Laódíkeu, og okkur einnig, það
sem gott er: gull, skírt í eldi,
hvít klæði og smyrsl sem lækna
blinduna. Að lokum segir hann:
„Sjá, ég stend við dyrnar og kný
á.“
Hver er það sem drepur á dyr
hjarta míns?
Það rætist fyrirheitið sem Guð
gaf Abraham um frelsarann; „Af
þínu afkvæmi skulu allar þjóðir
á jörðinni blessun hljóta.“ 1.
Mós. 22,18. Það er Jesús sjálfur
sem drepur á dyrnar. Hann vill
frelsa þig, lækna og blessa.
Hann vill neyta kvöldverðar með
þér, já, það verður sannkölluð
veisla, gleði og fögnuður.
„Hann skaltu láta heita Jesú,
því hann mun frelsa lýð sinn frá
syndum þeirra." Matt. 1,21.
Hann var látinn heita Jesús,
eins og engillinn nefndi hann.
Jesú nafn skal hærra, hærra,
hljóma yfir vorri Jörð.
Jesú nafn og ekkert annað
eflir Drottins litlu hjörð.
Hrekur burtu hatrið blinda
hrelldum sálum veitir frið,
gefur þrek og þrótt að striða
þeim, sem elska réttlætið.
Nafn þitt, Jesús, ég vil elska,
Jesú nafn er huggun mín.
í Hans nafni fann ég frelsi,
frið, sem aldrei, aldrei dvín.
David Welander.
Miðaldra maður kom með
hraði inn í eldhús til konu minnar
og sagði glaður og fagnandi:
„Imma, fyrsta sinn sem ég held
jól! Fyrsta sinn sem ég í raun
og veru held jól.“ Hann hafði
nýlega opnað hjartadyr sínar
fyrir Jesú og það var orsök þess
að hann nú var svo glaður og
hamingjusamur.
Þessi maður hafði áður verið
svo dapur og langt niðri í von-
leysisdalnum. Afengisbölið hafði
eyðilagt og lagt í rúst alla fram-
tíðardrauma og nú voru sjálfs-
morðshugsanir farnar að gera
vart við sig. Hann var vistmaður
í Víðinesi og þangað kom smá-
hópur til að halda kristilega
samkomu. Þessi maður vildi ekki
koma á samkomuna, en af því
að samkoman var haldin á gang-
inum heyrði hann sönginn og
vitnisburðina inn á herbergið til
sín. Kristur fór að knýja á
hjartadymar og það leið ekki
langur tími, þar til opnað var
og lífshamingjan var ftindin.
Jesús þráir að komast inn til
.okkar. Hann þekkir þarfimar og
kemur okkur til hjálpar. Hann
þrengir sér ekki inn og það er
innanfrá sem opnað er.
Láttu hann ekki þurfa að
hverfa frá þínum dymm. Nýja
árið verður farsælt og blessun-
arríkt ef hann fær að komast
að. Guð gefi þér gleðilegt ár.
Jesús drepur dymar á.
Leið þú Hann inn.
Leið Hann inn, þá um Hann fer.
Hann fögnuð býr í hjarta þér,
Jesús Kristur kominn er.
Leið þú Hann inn.
Hýstu þennan himna gest.
læið þú Hann inn.
Iðrun drag þú ei á frest.
Leið þú Hann inn.
Állar syndir kvitta kann,
svo komist þú í himnarann.
Ó, hvað Herrann heitt þér ann.
Leið þú Hann inn.
Þýð.: Steingr. Thorsteinsson
Gamlársdagur: Lokað.
Nýársdagur: Lokað.
Eigendur og starfsfólk óska öllum
landsmönnum gleöilegs nýs árs.
Þökkum samskiptin á árinu.
r'
Aramótaspilakvöld Yarðar
Landsmálafélagið Vörður heldur áramótaspilakvöld sitt
sunnudaginn 4. janúar nk. í Súlnasal Hótels Sögu. Húsið
opnað kl. 20.00. Glæsilegir vinningar. Kristinn Sigmundsson
söngvari skemmtir. Sjálfstæðismenn fjölmennum.
Landsmálafélagið Vörður.
Álfa-
brenna
verður á félagssvæði Fáks á Víðivöllum
laugardaginn 3. janúar og hefst kl. 16.30.
Álfakóngur og drottning koma á hestum.
Veitingasala í félagsheimilinu.
Nýársfagnaður
verður í félagsheimili Fáks laugardaginn 3.
janúar og hefst kl. 22. Miðasala við inngang-
inn.
Jólagleði
sjálfstæðisfélaganna
í Reykjavík
Sjálfstæðisfélögin í Reykjavík boða til jólafagnaðar í sjálfstæð-
ishúsinu Valhöll laugardaginn 3. janúar nk. kl. 15.00.
Brúðubíllinn með Gústa, ömmu og Lilla mætir á staðinn,
jólasveinar koma í heimsókn, píanóleikur og söngur, einnig
mætir Davíð Oddsson borgarstjóri og rifjar upp eitthvað
jólalegt. Kaffi, gos og kökur. Kynnir verður María E. Ingva-
dóttir formaður Hvatar.
Sjálfstæðismenn eru hvattir til þess að fjölmenna á þessa
fjölskylduskemmtun.
Sjálfstæðisfélögin í Reykjavík.